Dream 11 'ਤੇ ਇੱਕ ਮੈਚ 'ਚ ਕਿੰਨੇ ਰੁਪਏ ਦਾ ਲਗਦਾ ਹੈ ਦਾਅ ? ਅੰਕੜੇ ਸੁਣ ਕੇ ਹੋ ਜਾਵੋਗੇ ਹੈਰਾਨ
Dream 11: ਦੇਸ਼ ਵਿੱਚ ਆਈਪੀਐਲ ਦੇ ਮੈਚ ਚੱਲ ਰਹੇ ਹਨ। ਕੁਝ ਕ੍ਰਿਕਟ ਪ੍ਰੇਮੀ ਹਰ ਰੋਜ਼ ਆਪਣੀ ਮਨਪਸੰਦ ਟੀਮ 'ਤੇ ਸੱਟਾ ਲਗਾਉਂਦੇ ਹਨ, ਕੁਝ ਲੋਕ ਉਸ ਸੱਟੇ 'ਤੇ ਜਿੱਤ ਜਾਂਦੇ ਹਨ, ਜਦਕਿ ਕੁਝ ਹਾਰ ਜਾਂਦੇ ਹਨ।
Dream 11: ਦੇਸ਼ ਵਿੱਚ ਆਈਪੀਐਲ ਦੇ ਮੈਚ ਚੱਲ ਰਹੇ ਹਨ। ਕੁਝ ਕ੍ਰਿਕਟ ਪ੍ਰੇਮੀ ਹਰ ਰੋਜ਼ ਆਪਣੀ ਮਨਪਸੰਦ ਟੀਮ 'ਤੇ ਸੱਟਾ ਲਗਾਉਂਦੇ ਹਨ, ਕੁਝ ਲੋਕ ਉਸ ਸੱਟੇ 'ਤੇ ਜਿੱਤ ਜਾਂਦੇ ਹਨ, ਜਦਕਿ ਕੁਝ ਹਾਰ ਜਾਂਦੇ ਹਨ। ਤੁਸੀਂ ਸਾਰਿਆਂ ਨੇ Dream 11 ਦਾ ਨਾਮ ਤਾਂ ਸੁਣਿਆ ਹੀ ਹੋਵੇਗਾ, ਜ਼ਿਆਦਾਤਰ ਲੋਕ Dream 11 'ਤੇ ਮੈਚਾਂ ਵਿੱਚ ਪੈਸਾ ਲਗਾਉਂਦੇ ਹਨ। ਸਰਲ ਭਾਸ਼ਾ ਵਿੱਚ ਤੁਸੀਂ ਇਸਨੂੰ ਸੱਟੇਬਾਜ਼ੀ ਵੀ ਕਹਿ ਸਕਦੇ ਹੋ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇਸ 'ਤੇ ਹਰ ਰੋਜ਼ ਕਿੰਨਾ ਪੈਸਾ ਲਗਦਾ ਹੈ?
Dream 11
ਸਭ ਤੋਂ ਪਹਿਲਾਂ, ਆਓ ਜਾਣਦੇ ਹਾਂ ਕਿ ਇਹ Dream 11 ਕਿਸਦਾ ਹੈ ਅਤੇ ਇਸ ਦੀ ਕਿੰਨੀ ਕਮਾਈ ਹੁੰਦੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ Dream 11 ਦੀ ਸ਼ੁਰੂਆਤ ਹਰਸ਼ ਜੈਨ ਨੇ ਕੀਤੀ ਸੀ। ਹਰਸ਼ ਇੱਕ ਭਾਰਤੀ ਵਪਾਰੀ ਹੈ ਜਿਸਨੇ 2008 ਵਿੱਚ ਆਪਣੇ ਦੋਸਤ ਭਾਵਿਤ ਸੇਠ ਨਾਲ Dream 11 ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਦੀ ਐਪ ਨੇ ਆਈਪੀਐਲ ਅਤੇ ਹੋਰ ਕ੍ਰਿਕੇਟ ਟੂਰਨਾਮੈਂਟਾਂ ਦੀ ਸਫਲਤਾ ਦੇ ਨਾਲ ਵੱਡੀ ਕਮਾਈ ਕੀਤੀ ਹੈ। ਅੱਜ Dream11 ਇੱਕ 8 ਬਿਲੀਅਨ ਡਾਲਰ (65,000 ਕਰੋੜ ਰੁਪਏ) ਦੀ ਕੰਪਨੀ ਹੈ। Dream 11 ਪਲੇਟਫਾਰਮ 'ਤੇ ਲਗਭਗ 150 ਮਿਲੀਅਨ ਸਰਗਰਮ ਉਪਭੋਗਤਾ ਹਨ।
Dream 11 ਤੋਂ ਕਮਾਈ
ਕ੍ਰਿਕਟ ਪ੍ਰੇਮੀ Dream 11 'ਤੇ ਟੀਮਾਂ ਬਣਾ ਕੇ ਪੈਸਾ ਕਮਾਉਂਦੇ ਹਨ। ਫਿਲਹਾਲ IPL ਚੱਲ ਰਿਹਾ ਹੈ, ਇਸ ਲਈ ਜ਼ਿਆਦਾਤਰ ਲੋਕ IPL 'ਚ ਪੈਸਾ ਲਗਾ ਰਹੇ ਹਨ। ਦਰਸ਼ਕ ਨਾ ਸਿਰਫ ਪੈਸਾ ਲਗਾ ਰਹੇ ਹਨ, ਬਲਕਿ ਉਹ ਬਹੁਤ ਸਾਰਾ ਪੈਸਾ ਵੀ ਕਮਾ ਰਹੇ ਹਨ। ਦਰਅਸਲ, ਮੈਚ ਦੇ ਦੌਰਾਨ, ਲੋਕਾਂ ਨੇ Dream 11 ਸਮੇਤ ਕਈ ਹੋਰ ਐਪਸ 'ਤੇ ਪੈਸਾ ਲਗਾ ਕੇ ਭਾਰੀ ਸੱਟੇਬਾਜ਼ੀ ਕੀਤੀ। ਇਸ ਦੌਰਾਨ ਕਈ ਲੋਕ ਕਰੋੜਾਂ ਰੁਪਏ ਵੀ ਜਿੱਤ ਲੈਂਦੇ ਹਨ।
ਡਾਟਾ ਕੀ ਕਹਿੰਦਾ ਹੈ
ਜਾਣਕਾਰੀ ਮੁਤਾਬਕ ਸਾਲ 2016 'ਚ Dream 11 ਐਪ 'ਤੇ ਖੇਡਣ ਵਾਲੇ ਖਿਡਾਰੀਆਂ ਨੇ 350 ਕਰੋੜ ਰੁਪਏ ਕਮਾਏ ਸਨ। 17 ਅਕਤੂਬਰ, 2023 ਤੱਕ, Dream 11 ਨੇ ਭਾਰਤ ਵਿੱਚ 100 ਤੋਂ ਵੱਧ ਲੋਕਾਂ ਨੂੰ ਕਰੋੜਪਤੀ ਬਣਾ ਦਿੱਤਾ ਸੀ। ਜ਼ਿਆਦਾਤਰ ਲੋਕ ਆਪਣੀ ਟੀਮ ਬਣਾ ਕੇ Dream 11 'ਤੇ ਜਿੱਤਦੇ ਹਨ।
ਕੰਪਨੀ ਪੈਸੇ ਕਿਵੇਂ ਕਮਾਉਂਦੀ ਹੈ?
ਸਾਲ 2021 ਵਿੱਚ Dream 11 ਦੀ ਕਮਾਈ 2,554 ਕਰੋੜ ਰੁਪਏ ਸੀ। ਸਾਲ 2022 'ਚ ਇਹ ਕਮਾਈ ਵਧ ਕੇ 3,841 ਕਰੋੜ ਰੁਪਏ ਹੋ ਗਈ ਸੀ। ਜਦੋਂ ਕਿ Dream 11 ਨੂੰ ਬੈਂਕ ਖਾਤੇ 'ਚ ਪਏ ਪੈਸਿਆਂ 'ਤੇ ਵਿਆਜ ਤੋਂ ਲਗਭਗ 224 ਕਰੋੜ ਰੁਪਏ ਮਿਲੇ ਹਨ। ਜਾਣਕਾਰੀ ਮੁਤਾਬਕ Dream 11 ਨਾਲ ਹਰ ਰੋਜ਼ 16 ਕਰੋੜ ਤੋਂ ਜ਼ਿਆਦਾ ਲੋਕ ਖੇਡਦੇ ਹਨ।
ਕੱਟਿਆ ਜਾਂਦਾ ਹੈ TDS
Dream 11 ਵਿੱਚ ਤੁਹਾਡੇ ਵੱਲੋਂ ਜਿੱਤੀ ਗਈ ਰਕਮ 'ਤੇ TDS ਕੱਟਿਆ ਜਾਂਦਾ ਹੈ। ਜਦਕਿ Dream 11 'ਤੇ ਕੋਈ ਵੀ 50 ਤੋਂ 1 ਕਰੋੜ ਰੁਪਏ ਤੱਕ ਦਾ ਨਿਵੇਸ਼ ਕਰ ਸਕਦਾ ਹੈ। ਕੋਈ ਵੀ ਵਿਅਕਤੀ ਦਿਨ ਵਿੱਚ ਇੱਕ ਮੈਚ ਵਿੱਚ 3 ਕਰੋੜ ਰੁਪਏ ਤੱਕ ਦਾ ਨਿਵੇਸ਼ ਕਰ ਸਕਦਾ ਹੈ। ਹਾਲਾਂਕਿ, ਜਿੱਤਣ ਵਾਲੀ ਰਕਮ 'ਤੇ 30 ਫੀਸਦ ਦਾ ਟੀਡੀਐਸ ਕੱਟਿਆ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
