ਹੁਣ ਬ੍ਰੈਸਟ ਕੈਂਸਰ ਦੇ ਇਲਾਜ ਲਈ ਜ਼ਰੂਰੀ ਨਹੀਂ ਕੀਮੋਥੈਰੇਪੀ

ਇਹ ਖੋਜ ਉਨ੍ਹਾਂ ਔਰਤਾਂ ਨੂੰ ਪ੍ਰਭਾਵਿਤ ਕਰੇਗੀ ਜੋ ਐਸਟ੍ਰੋਜਨ ਸੈਂਸੇਟਿਵ ਹਨ, ਜਿਨ੍ਹਾਂ ਦਾ ਟੈਸਟ ਨੈਗੇਟਿਵ ਆਇਆ, ਜਿਨ੍ਹਾਂ ਨੂੰ ਪਹਿਲੀ ਸਟੇਜ ਦਾ ਬ੍ਰੈਸਟ ਕੈਂਸਰ ਹੈ ਤੇ ਜਾਂ ਫਿਰ ਜਿਨ੍ਹਾਂ ਦੀਆਂ ਛਾਤੀਆਂ ਵਿੱਚ ਗੰਢਾਂ ਪਾਈਆਂ ਗਈਆਂ ਹਨ।

ਇਹ ਖੋਜ ਨਿਊ ਇੰਗਲੈਂਡ ਜਨਰਲ ਆਫ਼ ਮੈਡੀਸਨ ਵਿੱਚ ਪ੍ਰਕਾਸ਼ਿਤ ਹੋਈ ਸੀ।

ਇਹ ਖੋਜ ਬ੍ਰੈਸਟ ਕੈਂਸਰ ਦੇ ਇਲਾਜ ਦਾ ਸਿਰਫ਼ ਇੱਕ ਅਜ਼ਮਾਇਸ਼ ਹੈ। ਇਸ 'ਤੇ ਹਾਲੇ ਹੋਰ ਵੀ ਖੋਜ ਹੋਣੀ ਬਾਕੀ ਹੈ। ਇਹ ਅਜ਼ਮਾਇਸ਼ ਅਮਰੀਕਾ ਵਿੱਚ 2006 ਵਿੱਚ 10,000 ਔਰਤਾਂ 'ਤੇ ਸ਼ੁਰੂ ਹੋਇਆ ਸੀ।

ਇਸ ਖੋਜ ਤੋਂ ਪਤਾ ਲੱਗਾ ਹੈ ਕਿ ਛਾਤੀ ਦਾ ਕੈਂਸਰ ਵੱਖ-ਵੱਖ ਕਿਸਮ ਦਾ ਹੁੰਦਾ ਹੈ। ਚੰਗੀ ਗੱਲ ਇਹ ਹੈ ਕਿ ਹੁਣ ਇਨ੍ਹਾਂ ਵੱਖ-ਵੱਖ ਕਿਸਮਾਂ ਦੇ ਕੈਂਸਰ ਦਾ ਇਲਾਜ ਵੀ ਵੱਖ-ਵੱਖ ਤਰੀਕੇ ਨਾਲ ਲੱਭ ਲਿਆ ਗਿਆ ਹੈ।

ਅਮਰੀਕੀਤ ਕੈਂਸਰ ਸੋਸਾਇਟੀ ਦੇ ਮੁੱਖ ਮੈਡੀਕਲ ਅਫ਼ਸਰ ਡਾ. ਓਟਿਸ ਬ੍ਰਾਲੀ ਦਾ ਕਹਿਣਾ ਹੈ ਕਿ ਅਸੀਂ ਕਾਫੀ ਸਮੇਂ ਤੋਂ ਬ੍ਰੈਸਟ ਕੈਂਸਰ ਦੇ ਗ਼ੈਰ ਵਾਜਿਬ ਇਲਾਜ ਤੋਂ ਚਿੰਤਾ ਵਿੱਚ ਸੀ। ਪਰ ਹੁਣ ਔਰਤਾਂ ਨੂੰ ਸਹੀ ਇਲਾਜ ਮਿਲ ਸਕਦਾ ਹੈ।

ਸੀਐਨਐਨ ਮੁਤਾਬਕ ਜਿਨ੍ਹਾਂ ਔਰਤਾਂ ਵਿੱਚ ਕੈਂਸਰ ਦੁਬਾਰਾ ਹੋਣ ਜਾਂ ਕੈਂਸਰ ਦੇ ਜੀਨ ਮੁੜ ਪੈਦਾ ਹੋਣ ਦਾ ਡਰ ਰਹਿੰਦਾ ਹੈ, ਉਨ੍ਹਾਂ ਨੂੰ ਕੀਮੋਥੈਰੇਪੀ ਕਰਵਾਉਣ ਦੀ ਲੋੜ ਵਧੇਰੇ ਹੁੰਦੀ ਹੈ। ਸਾਲ ਵਿੱਚ ਤਕਰੀਬਨ 85,000 ਤੋਂ ਵੱਧ ਔਰਤਾਂ ਇਸ ਨਾਲ ਪ੍ਰਭਾਵਿਤ ਹੁੰਦੀਆਂ ਹਨ।

ਸ਼ਿਕਾਗੋ ਦੀ ਅਮਰੀਕਨ ਸੋਸਾਇਟੀ ਆਫ਼ ਕਲ ਨਿਕਲ ਆਂਕਲੌਜੀ ਨੇ ਖੋਜ ਵਿੱਚ ਦੱਸਿਆ ਹੈ ਕਿ ਇਹ ਅਧਿਐਨ 10 ਸਾਲਾਂ ਤਕ ਕੀਤਾ ਗਿਆ ਹੈ।

ਨਵੀਂ ਖੋਜ ਮੁਤਾਬਕ 70 ਫ਼ੀ ਸਦ ਔਰਤਾਂ ਵਿੱਚ ਸਾਧਾਰਨ ਕਿਸਮ ਦੇ ਪਹਿਲੀ ਸਟੇਜ ਦੇ ਬ੍ਰੈਸਟ ਕੈਂਸਰ ਵਿੱਚ ਕੀਮੋਥੈਰੇਪੀ ਦੀ ਜ਼ਰੂਰਤ ਨੂੰ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ।

ਆਮ ਤੌਰ 'ਤੇ ਇਹ ਮੰਨਿਆ ਜਾਂਦਾ ਹੈ ਕਿ ਔਰਤਾਂ ਵਿੱਚ ਛਾਤੀ ਦੇ ਕੈਂਸਰ ਲਈ ਕੀਮੋਥੈਰੇਪੀ ਦੀ ਲੋੜ ਹੁੰਦੀ ਹੈ। ਪਰ ਹਾਲ ਹੀ ਵਿੱਚ ਕੀਤੀ ਗਈ ਇੱਕ ਖੋਜ ਵਿੱਚ ਸਾਹਮਣੇ ਆਇਆ ਹੈ ਕਿ ਬ੍ਰੈਸਟ ਕੈਂਸਰ ਦਾ ਇਲਾਜ ਕਰਵਾਉਣ ਲਈ ਹਰ ਕਿਸੇ ਨੂੰ ਕੀਮੋਥੈਰੇਪੀ ਦੀ ਲੋੜ ਨਹੀਂ ਹੁੰਦੀ।