ਕਰੀਬੀਆਂ ਦਾ ਖਰਾਬ ਮੂਡ ਕਰ ਸਕਦਾ ਤੁਹਾਨੂੰ ਬਿਮਾਰ!

ਲੰਡਨ: ਬਿਟ੍ਰਿਸ਼ ਖੋਜੀਆਂ ਨੇ ਮੂਡ ਜਾਂ ਮਨੋਦਸ਼ਾ ਦੇ ਪ੍ਰਭਾਵਿਤ ਹੋਣ ਦੀ ਨਵੀਂ ਜਗ੍ਹਾ ਦਾ ਪਤਾ ਲਾਇਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਡਿਪਰੈਸ਼ਨ ਤੋਂ ਵੀ ਜ਼ਿਆਦਾ ਦੋਸਤਾਂ ਜਾਂ ਨਜ਼ਦੀਕੀਆਂ ਦਾ ਮੂਡ ਕਿਸੇ ਵੀ ਵਿਅਕਤੀ ਨੂੰ ਪ੍ਰਭਾਵਿਤ ਕਰਦਾ ਹੈ।

ਹੁਣ ਇਸ ਦੀ ਮਦਦ ਨਾਲ ਅੱਲ੍ਹੜਾਂ ਨੂੰ ਸਹੀ ਸਮੇਂ 'ਤੇ ਮਦਦ ਮੁਹੱਈਆ ਕਰਵਾਈ ਜਾ ਸਕੇਗੀ।

ਮਾਹਿਰਾਂ ਨੇ ਡਿਪਰੈਸ਼ਨ ਦੇ ਕੁਝ ਖ਼ਾਸ ਲੱਛਣਾਂ ਦਾ ਵੀ ਜ਼ਿਕਰ ਕੀਤਾ ਹੈ। ਇਨ੍ਹਾਂ 'ਚ ਖ਼ੁਦ ਨੂੰ ਬੇਵੱਸ ਮਹਿਸੂਸ ਕਰਨਾ ਜਾਂ ਰੁਚੀ ਦੀ ਕਮੀ ਪ੍ਰਮੁੱਖ ਹਨ।

ਅਧਿਐਨ 'ਚ ਪਤਾ ਲੱਗਾ ਕਿ ਜ਼ਿਆਦਾਤਰ ਦੋਸਤਾਂ ਦਾ ਮੂਡ ਖ਼ਰਾਬ ਹੋਣ ਕਾਰਨ ਉਸ ਮੰਡਲੀ ਦਾ ਹਿੱਸਾ ਰਹੇ ਵਿਅਕਤੀ ਦੀ ਮਨੋਦਸ਼ਾ ਵੀ ਠੀਕ ਨਹੀਂ ਰਹਿੰਦੀ ਹੈ। ਉਸ ਦਾ ਮਨ ਵੀ ਉੱਤਰਿਆ-ਉੱਤਰਿਆ ਰਹਿੰਦਾ ਹੈ। ਇਸ 'ਚ ਛੇਤੀ ਸੁਧਾਰ ਵੀ ਨਹੀਂ ਹੁੰਦਾ।

ਯੂਨੀਵਰਸਿਟੀ ਆਫ਼ ਵਾਰਵਿਕ ਦੇ ਮਾਹਿਰਾਂ ਨੇ ਦੱਸਿਆ ਕਿ ਕਈ ਵਾਰ ਦੋਸਤਾਂ ਦੇ ਦਾਇਰੇ 'ਚ ਮੂਡ 'ਚ ਉਤਾਰ-ਚੜ੍ਹਾਅ ਆਉਂਦਾ ਹੈ, ਜਿਸ ਨੂੰ ਆਮ ਤੌਰ 'ਤੇ ਡਿਪਰੈਸ਼ਨ ਮੰਨ ਕੇ ਇਸ ਦਾ ਇਲਾਜ ਸ਼ੁਰੂ ਕਰ ਦਿੱਤਾ ਜਾਂਦਾ ਹੈ।