ਬ੍ਰਿਟਿਸ਼ ਵਿਗਿਆਨੀਆਂ ਵੱਲੋਂ ਦਿਮਾਗ਼ ਬਾਰੇ ਵੱਡੀ ਖੋਜ, ਇਲਾਜ ਦਾ ਖੁੱਲ੍ਹਿਆ ਨਵਾਂ ਰਾਹ

ਖੋਜੀਆਂ ਨੇ ਇਹ ਸਾਬਤ ਕੀਤਾ ਕਿ ਸਾਡੇ ਦਿਮਾਗ਼ 'ਚ ਪਾਏ ਜਾਣ ਵਾਲੇ ਰਸਾਇਣ ਨਿਉਰੋਟ੍ਰਾਂਸਮੀਟਰ 'ਚ ਅਣਚਾਹੀ ਸੋਚ ਨੂੰ ਰੋਕਣ ਦੀ ਸਮਰੱਥਾ ਹੁੰਦੀ ਹੈ। ਇਹ ਨਿਊਰੋਟ੍ਰਾਂਸਮੀਟਰ ਸੰਦੇਸ਼ਾਂ ਨੂੰ ਗਾਬਾ ਨਾਂ ਦੇ ਨਰਵ ਸੈੱਲ 'ਚ ਪਾਸ ਕਰਦੇ ਹਨ। ਗਾਬਾ ਦਿਮਾਗ਼ ਦੇ ਮੁੱਖ ਨਿਰੋਧਾਤਮਕ ਨਿਊਰੋਟ੍ਰਾਂਸਮੀਟਰ ਹੁੰਦਾ ਹੈ। ਵਿਗਿਆਨੀਆਂ ਨੇ ਪਾਇਆ ਕਿ ਦਿਮਾਗ਼ ਦੀ ਯਾਦ ਨਾਲ ਜੁੜੇ ਹਿਪੋਕੈਂਪਸ ਹਿੱਸੇ 'ਚ ਗਾਬਾ ਦੀ ਮੌਜੂਦਗੀ ਹੁੰਦੀ ਹੈ। ਇਹ ਖਿਆਲਾਂ ਤੇ ਯਾਦਾਂ ਨੂੰ ਮੁੜ ਆਉਣ ਤੋਂ ਰੋਕਦਾ ਹੈ।

ਖੋਜੀਆਂ ਮੁਤਾਬਕ, ਦਿਮਾਗ਼ ਦੇ ਅਗਲੇ ਹਿੱਸੇ, ਜਿਸ ਨੂੰ ਪ੍ਰੀਫਰੰਟਲ ਕਾਰਟੈਕਸ ਦੇ ਤੌਰ 'ਤੇ ਜਾਣਿਆ ਜਾਂਦਾ ਹੈ, ਦੀ ਸਾਡੀਆਂ ਵੱਖ ਵੱਖ ਕਿਰਿਆਵਾਂ 'ਚ ਅਹਿਮ ਭੂਮਿਕਾ ਹੁੰਦੀ ਹੈ। ਹਾਲ ਹੀ 'ਚ ਪਤਾ ਲੱਗਾ ਕਿ ਖਿਆਲਾਂ ਦੇ ਕੰਟਰੋਲ 'ਚ ਵੀ ਇਸ ਦੀ ਅਹਿਮ ਭੂਮਿਕਾ ਹੁੰਦੀ ਹੈ। ਨਵੀਂ ਖੋਜ 'ਚ ਇਸ ਪ੍ਰਕਿਰਿਆ 'ਤੇ ਨਵੀਂ ਰੋਸ਼ਨੀ ਪਈ। ਇਸ ਨਾਲ ਜਾਹਿਰ ਹੋਇਆ ਕਿ ਪ੍ਰੀਫਰੰਟਲ ਕਾਰਟੈਕਸ ਸਾਡੇ ਵਿਚਾਰਾਂ ਨੂੰ ਰੋਕ ਸਕਦਾ ਹੈ।