Food & Flavour : ਇਸ ਸਰਦੀਆਂ ਵਿੱਚ ਬੱਚਿਆਂ ਦੀ ਸਿਹਤ ਦਾ ਵਿਸ਼ੇਸ਼ ਧਿਆਨ ਰੱਖਣ ਦੀ ਲੋੜ ਹੁੰਦੀ ਹੈ। ਇਸ ਦੇ ਲਈ ਅਸੀਂ ਤੁਹਾਨੂੰ ਕੁਝ ਖਾਸ ਟਿਪਸ ਦੱਸ ਰਹੇ ਹਾਂ, ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਆਪਣੇ ਬੱਚਿਆਂ ਦਾ ਖਾਸ ਧਿਆਨ ਰੱਖ ਸਕੋਗੇ। ਡਾਕਟਰਾਂ ਦਾ ਵੀ ਮੰਨਣਾ ਹੈ ਕਿ ਰਾਗੀ ਸਿਹਤ ਲਈ ਬਹੁਤ ਫਾਇਦੇਮੰਦ ਹੈ। ਇਹ ਪ੍ਰੋਟੀਨ ਅਤੇ ਪੋਸ਼ਣ ਨਾਲ ਭਰਪੂਰ ਹੁੰਦੀ ਹੈ। ਨਾਲ ਹੀ ਰਾਗੀ 'ਚ ਪ੍ਰੋਟੀਨ, ਕੈਲਸ਼ੀਅਮ, ਫਾਈਬਰ, ਕਾਰਬੋਹਾਈਡ੍ਰੇਟਸ ਹੁੰਦੇ ਹਨ, ਜੋ ਸਰੀਰ ਨੂੰ ਤੁਰੰਤ ਊਰਜਾ ਦਿੰਦੇ ਹਨ। ਸਰਦੀਆਂ ਦੇ ਮੌਸਮ ਵਿੱਚ ਤੁਸੀਂ ਬੱਚਿਆਂ ਨੂੰ ਨਾਸ਼ਤੇ ਜਾਂ ਰਾਤ ਦੇ ਖਾਣੇ ਵਿੱਚ ਰਾਗੀ ਖਿਚੜੀ ਜਾਂ ਚਿੱਲਾ ਖਿਲਾ ਸਕਦੇ ਹੋ। ਇਸ ਨੂੰ ਬਣਾਉਣਾ ਬਹੁਤ ਆਸਾਨ ਹੈ।
ਰਾਗੀ ਦੀ ਖਿਚੜੀ
ਸਭ ਤੋਂ ਪਹਿਲਾਂ ਇਕ ਪੈਨ ਵਿਚ ਪਾਣੀ ਅਤੇ ਰਾਗੀ ਪਾਊਡਰ ਪਾ ਕੇ ਚੰਗੀ ਤਰ੍ਹਾਂ ਨਾਲ ਮਿਕਸ ਕਰ ਲਓ। ਇਸ ਨੂੰ ਚੰਗੀ ਤਰ੍ਹਾਂ ਪਕਾਓ। ਪਕਾਉਂਦੇ ਸਮੇਂ ਇਸ ਵਿਚ ਘਿਓ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਜਦੋਂ ਇਹ ਥੋੜ੍ਹਾ ਮੋਟਾ ਹੋ ਜਾਵੇ ਤਾਂ ਸਵਾਦ ਲਈ ਇਸ ਵਿਚ ਥੋੜ੍ਹਾ ਜਿਹਾ ਗੁੜ ਮਿਲਾਓ। ਬੱਚੇ ਰਾਗੀ ਖਿਚੜੀ ਨੂੰ ਬਹੁਤ ਪਸੰਦ ਕਰਦੇ ਹਨ। ਤੁਸੀਂ ਘਰ ਵਿੱਚ ਵੀ ਕੋਸ਼ਿਸ਼ ਕਰੋ।
ਰਾਗੀ ਚਿੱਲਾ ਬਣਾਉਣ ਲਈ ਲੋੜੀਂਦੀ ਸਮੱਗਰੀ
ਦੋ ਚੱਮਚ ਰਾਗੀ ਪਾਊਡਰ
ਪਾਣੀ ਦਾ ਇੱਕ ਕੱਪ
ਇੱਕ ਚਮਚ ਘਿਓ
ਅੱਧਾ ਕੱਪ ਦੁੱਧ
ਥੋੜਾ ਜਿਹਾ ਗੁੜ
ਰਾਗੀ ਚਿੱਲਾ ਬਣਾਉਣ ਦਾ ਤਰੀਕਾ
ਰਾਗੀ ਚਿੱਲਾ ਬਣਾਉਣ ਲਈ ਪਹਿਲਾਂ ਰਾਗੀ ਦਾ ਪੇਸਟ ਬਣਾ ਲਓ। ਇਸ ਦੇ ਲਈ ਪਹਿਲਾਂ ਦੋ ਚੱਮਚ ਰਾਗੀ ਪਾਊਡਰ 'ਚ ਇਕ ਕੱਪ ਪਾਣੀ ਮਿਲਾ ਲਓ ਅਤੇ ਫਿਰ ਇਸ ਨੂੰ ਚੰਗੀ ਤਰ੍ਹਾਂ ਨਾਲ ਮਿਲਾ ਲਓ। ਜਦੋਂ ਇਹ ਬਰੀਕ ਪੇਸਟ ਬਣ ਜਾਵੇ ਤਾਂ ਇਸ ਵਿਚ ਸਵਾਦ ਅਨੁਸਾਰ ਨਮਕ ਪਾਓ। ਤੁਸੀਂ ਇਸ 'ਚ ਗੁੜ ਵੀ ਮਿਲਾ ਸਕਦੇ ਹੋ। ਬੱਚੇ ਦੇ ਸਵਾਦ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇਸ ਵਿਚ ਗੁੜ ਜਾਂ ਨਮਕ ਪਾਓ।
ਜਦੋਂ ਰਾਗੀ ਦਾ ਪੇਸਟ ਬਣ ਜਾਵੇ ਤਾਂ ਇੱਕ ਪੈਨ ਨੂੰ ਗਰਮ ਕਰੋ। ਇਸ ਵਿੱਚ ਇੱਕ ਚੱਮਚ ਦੇਸੀ ਘਿਓ ਪਾਓ ਅਤੇ ਤੁਹਾਡੇ ਦੁਆਰਾ ਬਣਾਏ ਗਏ ਰਾਗੀ ਦੀ ਪੇਸਟ ਨੂੰ ਫੈਲਾਓ। ਇਸ ਨੂੰ ਚੰਗੀ ਤਰ੍ਹਾਂ ਪਕਾਓ। ਪਤਲਾ ਚਿਲਾ ਬਣਾ ਲਓ। ਤੁਹਾਡੇ ਬੱਚੇ ਇਸ ਨੂੰ ਬਹੁਤ ਪਸੰਦ ਕਰਨਗੇ। ਤੁਸੀਂ ਇਸ ਚਿੱਲੇ 'ਚ ਬਾਰੀਕ ਕੱਟੀਆਂ ਹੋਈਆਂ ਸਬਜ਼ੀਆਂ ਵੀ ਪਾ ਸਕਦੇ ਹੋ।