Right Age for Phone : ਅੱਜਕਲ੍ਹ ਛੋਟੀ ਉਮਰ ਵਿੱਚ ਹੀ ਬੱਚਿਆਂ ਨੂੰ ਮੋਬਾਈਲ ਨਾਲ ਲਗਾਅ ਹੁੰਦਾ ਜਾ ਰਿਹਾ ਹੈ। ਇਸ ਦੀ ਵਜ੍ਹਾ ਮਾਪਿਆਂ ਦਾ ਲਾਡ-ਪਿਆਰ। ਦਰਅਸਲ, ਜਦੋਂ ਬੱਚੇ ਛੋਟੇ ਹੁੰਦੇ ਹਨ, ਉਦੋਂ ਉਨ੍ਹਾਂ ਦੇ ਮਨੋਰੰਜਨ ਲਈ ਮਾਤਾ-ਪਿਤਾ ਉਨ੍ਹਾਂ ਨੂੰ ਫੋਨ ਫੜਾ ਦਿੰਦੇ ਹਨ, ਜੋ ਕਿ ਬਿਲਕੁਲ ਸਹੀ ਨਹੀਂ ਹੈ। ਕੋਮਨ ਸੈਂਸ ਮੀਡੀਆ ਦੀ ਇੱਕ ਰਿਪੋਰਟ ਮੁਤਾਬਕ ਅੱਜ 10 ਸਾਲ ਦੀ ਉਮਰ ਵਿੱਚ 42 ਫੀਸਦੀ ਬੱਚਿਆਂ ਕੋਲ ਫੋਨ ਹਨ। 12 ਸਾਲ ਦੀ ਉਮਰ ਤੱਕ ਇਹ 71 ਫੀਸਦੀ ਤੱਕ ਪਹੁੰਚ ਜਾਂਦਾ ਹੈ ਅਤੇ 14 ਦੀ ਉਮਰ ਤੱਕ 91 ਫੀਸਦੀ ਬੱਚਿਆਂ ਦੇ ਹੱਥ ਵਿੱਚ ਫੋਨ ਹੁੰਦਾ ਹੈ। ਜੇਕਰ ਤੁਸੀਂ ਆਪਣੇ ਬੱਚੇ ਦੀ ਕੇਅਰ ਕਰਦੇ ਹੋ ਤਾਂ ਤੁਹਾਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਉਸ ਨੂੰ ਸਮਾਰਟਫੋਨ ਭਾਵ ਕਿ ਮੋਬਾਈਲ ਦੇਣ ਦੀ ਸਹੀ ਉਮਰ ਕੀ ਹੈ।
ਬੱਚਿਆਂ ਲਈ ਸਮਾਰਟਫੋਨ ਕਦੋਂ ਜ਼ਰੂਰੀ
ਬਹੁਤ ਸਾਰੇ ਮਾਪੇ ਬੱਚਿਆਂ ਦੀ ਸੇਫਟੀ ਲਈ ਮੋਬਾਈਲ ਫੜਾ ਦਿੰਦੇ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਜਦੋਂ ਬੱਚਾ ਮੁਸੀਬਤ ਵਿੱਚ ਹੋਵੇਗਾ ਤਾਂ ਉਹ ਆਪਣੇ ਮਾਪਿਆਂ ਨਾਲ ਸੰਪਰਕ ਕਰ ਸਕਦਾ ਹੈ। ਜੌਬ ਕਰਨ ਵਾਲੇ ਮਾਪੇ ਅਕਸਰ ਅਜਿਹਾ ਕਰਦੇ ਹਨ। ਕਿਉਂਕਿ ਉਨ੍ਹਾਂ ਦਾ ਬੱਚਾ ਸਕੂਲ ਤੋਂ ਬਾਅਦ ਘਰ ਵਿੱਚ ਇਕੱਲਾ ਰਹਿੰਦਾ ਹੈ। ਕੁਝ ਮਾਰੇ ਤਾਂ ਬੱਚੇ ਨੂੰ ਉਲਝਾਉਣ ਲਈ ਫੋਨ ਫੜਾ ਦਿੰਦੇ ਹਨ। ਜੋ ਕਿ ਬਿਲਕੁਲ ਵੀ ਸਹੀ ਨਹੀਂ ਹੈ।
ਬੱਚਿਆਂ ਨੂੰ ਕਿਉਂ ਨਹੀਂ ਦੇਣਾ ਚਾਹੀਦਾ ਫੋਨ
ਅੱਜ-ਕੱਲ੍ਹ ਇੰਟਰਨੈੱਟ ਕਾਰਨ ਬੱਚੇ ਫ਼ੋਨ 'ਤੇ ਕੁਝ ਵੀ ਐਕਸੈਸ ਕਰ ਸਕਦੇ ਹਨ। ਜੋ ਉਨ੍ਹਾਂ ਦੀ ਉਮਰ ਦੇ ਹਿਸਾਬ ਨਾਲ ਖਤਰਨਾਕ ਵੀ ਹੋ ਸਕਦਾ ਹੈ। ਕਤਲ, ਹਿੰਸਾ, ਪੋਰਨ ਅਤੇ ਅਜਿਹੀਆਂ ਅਣਗਿਣਤ ਵੀਡੀਓਜ਼ ਬੱਚਿਆਂ ਦੇ ਮਨ 'ਤੇ ਮਾੜਾ ਪ੍ਰਭਾਵ ਪਾ ਸਕਦੀਆਂ ਹਨ। ਬੱਚਿਆਂ ਦਾ ਮਨ ਨਾਸਮਝ ਹੁੰਦਾ ਹੈ, ਇਸ ਲਈ ਸ਼ੁਰੂਆਤ ਵਿਚ ਜੇਕਰ ਉਨ੍ਹਾਂ ਨੂੰ ਕੁਝ ਵੀ ਨਵਾਂ ਦੇਖਣ ਨੂੰ ਮਿਲਦਾ ਹੈ ਤਾਂ ਉਨ੍ਹਾਂ ਦਾ ਉਸ ਕੰਮ ਵਿੱਚ ਰੁਝਾਨ ਵੱਧ ਜਾਂਦਾ ਹੈ। ਇਸ ਲਈ ਅਜਿਹੇ ਖ਼ਤਰਿਆਂ ਤੋਂ ਦੂਰ ਰਹਿਣ ਲਈ ਬੱਚਿਆਂ ਨੂੰ ਸਮਾਰਟਫ਼ੋਨ ਤੋਂ ਦੂਰ ਰੱਖਣਾ ਚਾਹੀਦਾ ਹੈ। ਮੋਬਾਈਲ ਕਾਰਨ ਨੀਂਦ ਦੀ ਸਮੱਸਿਆ ਵੀ ਹੋ ਸਕਦੀ ਹੈ। ਬੱਚੇ ਸਾਈਬਰ ਕ੍ਰਾਈਮ, ਬਲੂਈਂਗ ਅਤੇ ਬਲੈਕਮੇਲਿੰਗ ਦੇ ਜਾਲ ਵਿੱਚ ਵੀ ਫਸ ਸਕਦੇ ਹਨ।
ਇਹ ਵੀ ਪੜ੍ਹੋ: Health Care: ਐਸੀਡਿਟੀ ਤੋਂ ਹੋ ਪਰੇਸ਼ਾਨ ਤਾਂ ਰਸੋਈ ਦੀਆਂ ਇਹ ਚੀਜ਼ਾਂ ਕਰਨਗੀਆਂ ਦਵਾਈ ਦਾ ਕੰਮ, ਅਜ਼ਮਾ ਕੇ ਦੇਖੋ
ਬੱਚਿਆਂ ਨੂੰ ਕਦੋਂ ਦੇਣਾ ਚਾਹੀਦਾ ਹੈ ਸਮਾਰਟਫੋਨ
ਕੁਝ ਰਿਪੋਰਟਾਂ ਮੁਤਾਬਕ ਜੇਕਰ ਬੱਚਾ ਤੁਹਾਡੀ ਦੱਸੀ ਹੋਈ ਗੱਲ ਨੂੰ ਸਮਝ ਸਕਦਾ ਹੈ ਕਿ ਸਮਾਰਟਫੋਨ ਦੇ ਕੀ ਨੁਕਸਾਨ ਅਤੇ ਕੀ ਫਾਇਦੇ ਹਨ, ਤਾਂ ਸਮਝ ਲੈਣਾ ਚਾਹੀਦਾ ਹੈ ਕਿ ਉਹ ਸਮਾਰਟਫੋਨ ਰੱਖਣ ਲਈ ਤਿਆਰ ਹੈ, ਪਰ ਜੇਕਰ ਉਹ ਤੁਹਾਡੀਆਂ ਗੱਲਾਂ ਨੂੰ ਟਾਲਦਾ ਹੈ ਅਤੇ ਉਸ ਦੀ ਗੱਲ ਸੁਣਨ ਤੋਂ ਆਨਾਕਾਨੀ ਕਰਦਾ ਹੈ, ਤਾਂ ਸਮਝ ਲੈਣਾ ਚਾਹੀਦਾ ਹੈ ਕਿ ਉਹ ਅਜੇ ਇਸ ਲਈ ਪੂਰੀ ਤਰ੍ਹਾਂ ਤਿਆਰ ਨਹੀਂ ਹੈ। ਅੱਜ ਕੱਲ੍ਹ 12 ਤੋਂ 15 ਸਾਲ ਦੀ ਉਮਰ ਵਿੱਚ ਬੱਚਿਆਂ ਦੇ ਹੱਥਾਂ ਵਿੱਚ ਮੋਬਾਈਲ ਹੁੰਦਾ ਹੈ। ਜੇਕਰ ਤੁਸੀਂ ਵੀ ਇਸ ਉਮਰ 'ਚ ਆਪਣੇ ਬੱਚੇ ਨੂੰ ਫ਼ੋਨ ਦੇ ਰਹੇ ਹੋ, ਤਾਂ ਉਨ੍ਹਾਂ ਸਾਰੀਆਂ ਐਪਾਂ ਅਤੇ ਵੈੱਬ ਸਰਚ ਨੂੰ ਲੌਕ ਕਰ ਦਿਓ, ਜਿਨ੍ਹਾਂ ਦੀ ਉਸ ਨੂੰ ਲੋੜ ਨਹੀਂ ਹੈ।
ਬੱਚਿਆਂ ਨੂੰ ਮੋਬਾਈਲ ਦਿਓ ਤਾਂ ਸੇਫਟੀ ਅਪਣਾਓ
ਜੇਕਰ ਤੁਸੀਂ ਬੱਚਿਆਂ ਨੂੰ ਫ਼ੋਨ ਦਿੰਦੇ ਹੋ, ਤਾਂ ਫ਼ੋਨ 'ਤੇ ਕੰਟਰੋਲ ਦੀ ਵਰਤੋਂ ਵੀ ਕਰੋ, ਤਾਂ ਜੋ ਤੁਹਾਨੂੰ ਜਾਣਕਾਰੀ ਮਿਲ ਸਕੇ ਕਿ ਬੱਚੇ ਕੀ ਕਰ ਰਹੇ ਹਨ।
ਸ਼ੁਰੂਆਤ ਵਿੱਚ ਬੱਚਿਆਂ ਨੂੰ ਬੇਸਿਕ ਫੋਨ ਦਿਓ, ਜਿਸ ਤੋਂ ਉਹ ਸਿਰਫ ਕੌਲ ਕਰ ਸਕੇ।
ਤੁਸੀਂ ਆਪਣੇ ਬੱਚੇ ਲਈ ਸਕ੍ਰੀਨ ਟਾਈਮ ਵੀ ਸੈੱਟ ਕਰ ਸਕਦੇ ਹੋ।
ਬੱਚਿਆਂ ਨੂੰ ਇਹ ਵੀ ਦੱਸੋ ਕਿ ਤੁਹਾਡਾ ਧਿਆਨ ਇਸ ਗੱਲ 'ਤੇ ਹੈ ਕਿ ਉਹ ਫ਼ੋਨ 'ਤੇ ਕੀ ਕਰ ਰਹੇ ਹਨ।
ਬੱਚਿਆਂ ਦੇ ਫੋਨਾਂ ਦੇ ਪਾਸਵਰਡ ਜਾਣਨ ਦੀ ਕੋਸ਼ਿਸ਼ ਕਰੋ ਅਤੇ ਉਨ੍ਹਾਂ ਨੂੰ ਦੱਸੋ, ਇਹ ਉਨ੍ਹਾਂ ਦੇ ਆਪਣੇ ਭਲੇ ਲਈ ਹੈ।
ਜਦੋਂ ਬੱਚਾ ਸੌਂ ਜਾਵੇ ਤਾਂ ਉਸ ਤੋਂ ਇਕ ਘੰਟਾ ਪਹਿਲਾਂ ਉਸ ਨੂੰ ਫ਼ੋਨ ਤੋਂ ਦੂਰ ਰੱਖੋ ਅਤੇ ਇਸ ਦੇ ਫ਼ਾਇਦੇ ਸਮਝਾਓ।
ਜਦੋਂ ਬੱਚਾ ਜਵਾਨੀ ਦੀ ਉਮਰ ਵਿੱਚ ਪਹੁੰਚ ਜਾਵੇ ਤਾਂ ਉਸ ਨਾਲ ਖੁੱਲ੍ਹ ਕੇ ਗੱਲ ਕਰੋ ਅਤੇ ਉਸ ਦੀ ਸਮੱਸਿਆ ਨੂੰ ਹੱਲ ਕਰਨ ਦੀ ਕੋਸ਼ਿਸ਼ ਕਰੋ।
ਇਹ ਵੀ ਪੜ੍ਹੋ: ਭੋਜਨ ਨਾਲ ਕੋਲਡ ਡਰਿੰਕਸ ਪੀਣ ਦੇ ਵੱਡੇ ਨੁਕਸਾਨ! ਹੋ ਜਾਓ ਸਾਵਧਾਨ, ਨਹੀਂ ਤਾਂ ਪਏਗਾ ਪਛਤਾਉਣਾ