Ginger Health Benefit: ਹਰ ਘਰ ਵਿੱਚ ਵਰਤਿਆ ਜਾਣ ਵਾਲਾ ਅਦਰਕ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਔਸ਼ਧੀ ਗੁਣਾਂ ਨਾਲ ਭਰਪੂਰ ਅਦਰਕ ਸਰਦੀਆਂ ਵਿੱਚ ਵਰਤੀ ਜਾਣ ਵਾਲੀ ਇੱਕ ਸਿਹਤਮੰਦ ਜੜੀ ਬੂਟੀ ਹੈ। ਅਦਰਕ ਵਿੱਚ ਐਂਟੀਬੈਕਟੀਰੀਅਲ, ਐਂਟੀ-ਇਨਫਲੇਮੇਟਰੀ ਅਤੇ ਐਂਟੀ-ਵਾਇਰਲ ਗੁਣ ਹੁੰਦੇ ਹਨ, ਜੋ ਜ਼ੁਕਾਮ, ਸਰੀਰ ਦੀ ਸੋਜ ਅਤੇ ਵਾਇਰਲ ਇਨਫੈਕਸ਼ਨ ਤੋਂ ਬਚਾਉਣ ਵਿੱਚ ਮਦਦ ਕਰ ਸਕਦੇ ਹਨ। ਕਈ ਲੋਕ ਇਸ ਦੀ ਵਰਤੋਂ ਚਾਹ ਦੇ ਨਾਲ-ਨਾਲ ਵੱਖ-ਵੱਖ ਸਬਜ਼ੀਆਂ 'ਚ ਵੀ ਕਰਦੇ ਹਨ। ਪਰ ਬਹੁਤ ਸਾਰੇ ਲੋਕਾਂ ਦੇ ਮਨ ਵਿੱਚ ਇਹ ਸਵਾਲ ਆਉਂਦਾ ਹੈ ਕਿ ਅਦਰਕ ਦਾ ਸੇਵਨ ਕਿਸ ਰੂਪ ਵਿੱਚ ਸਿਹਤ ਲਈ ਜ਼ਿਆਦਾ ਫਾਇਦੇਮੰਦ ਸਾਬਤ ਹੁੰਦਾ ਹੈ, ਤਾਜ਼ਾ ਜਾਂ ਸੁੱਕਾ? ਆਓ ਜਾਣਦੇ ਹਾਂ।
ਕਈ ਲੋਕ ਸੁੱਕੇ ਅਦਰਕ ਦਾ ਸੇਵਨ ਕਰਨਾ ਜ਼ਿਆਦਾ ਫਾਇਦੇਮੰਦ ਮੰਨਦੇ ਹਨ, ਜਦਕਿ ਕੁਝ ਲੋਕ ਤਾਜ਼ੇ ਅਦਰਕ ਦੀ ਵਰਤੋਂ ਕਰਨਾ ਸਹੀ ਮੰਨਦੇ ਹਨ। ਦਰਅਸਲ, ਅਦਰਕ ਦਾ ਸੁਆਦ ਦੋਵਾਂ ਰੂਪਾਂ ਵਿੱਚ ਇੱਕੋ ਜਿਹਾ ਰਹਿੰਦਾ ਹੈ। ਆਯੁਰਵੇਦ ਮਾਹਰ ਰੇਖਾ ਰਾਧਮੋਨੀ ਮੁਤਾਬਕ ਸੁੱਕਾ ਅਦਰਕ ਕਈ ਤਰ੍ਹਾਂ ਨਾਲ ਤਾਜ਼ੇ ਅਦਰਕ ਨਾਲੋਂ ਬਿਹਤਰ ਸਾਬਤ ਹੋ ਸਕਦਾ ਹੈ। ਇਕ ਇੰਸਟਾਗ੍ਰਾਮ ਪੋਸਟ ਰਾਹੀਂ ਰਾਧਾਮੋਨੀ ਨੇ ਦੱਸਿਆ ਕਿ ਸੁੱਕਾ ਅਦਰਕ ਜ਼ਿਆਦਾ ਫਾਇਦੇਮੰਦ ਕਿਉਂ ਹੈ?
ਸੁੱਕਾ ਅਦਰਕ ਵਾਤ ਘੱਟ ਕਰਨ 'ਚ ਮਦਦਗਾਰ ਸਾਬਤ ਹੋ ਸਕਦਾ ਹੈ। ਜਦੋਂ ਕਿ ਤਾਜ਼ੇ ਅਦਰਕ ਦਾ ਸੇਵਨ ਵਾਤ ਨਾਲ ਜੁੜੀਆਂ ਸਮੱਸਿਆਵਾਂ ਨੂੰ ਵਧਾ ਸਕਦਾ ਹੈ। ਸੁੱਕਾ ਅਦਰਕ ਵਾਤ ਨੂੰ ਸੰਤੁਲਿਤ ਕਰਨ ਵਿੱਚ ਮਦਦ ਕਰਦਾ ਹੈ। ਜੇਕਰ ਤੁਸੀਂ ਗੈਸ ਜਾਂ ਬਲੋਟਿੰਗ ਤੋਂ ਪਰੇਸ਼ਾਨ ਹੋ ਤਾਂ ਤਾਜ਼ੇ ਅਦਰਕ ਨੂੰ ਚਬਾਉਣਾ ਜਾਂ ਤਾਜ਼ੀ ਅਦਰਕ ਦੀ ਚਾਹ ਪੀਣਾ ਤੁਹਾਡੇ ਲਈ ਫਾਇਦੇਮੰਦ ਸਾਬਤ ਨਹੀਂ ਹੋਵੇਗਾ। ਹਾਲਾਂਕਿ, ਤੁਸੀਂ ਸੁੱਕੇ ਅਦਰਕ ਦਾ ਸੇਵਨ ਕਰਕੇ ਰਾਹਤ ਪਾ ਸਕਦੇ ਹੋ।
ਸੁੱਕੇ ਅਦਰਕ ਵਿੱਚ ਮਿਡ-ਲੈਕਸੇਟਿਵ ਗੁਣ ਹੁੰਦੇ ਹਨ, ਜੋ ਕਬਜ਼ ਦੇ ਇਲਾਜ ਲਈ ਵਧੀਆ ਮੰਨੇ ਜਾਂਦੇ ਹਨ। ਜੇਕਰ ਤੁਹਾਨੂੰ ਸਵੇਰੇ ਮਲ ਤਿਆਗਣ ਵਿੱਚ ਮੁਸ਼ਕਲ ਮਹਿਸੂਸ ਹੁੰਦੀ ਹੈ, ਤਾਂ ਇੱਕ ਗਲਾਸ ਸੁੱਕੇ ਅਦਰਕ ਦਾ ਪਾਣੀ ਜ਼ਰੂਰ ਪੀਓ। ਸੁੱਕੇ ਅਦਰਕ ਦਾ ਪਾਣੀ ਤਿਆਰ ਕਰਨਾ ਬਿਲਕੁਲ ਵੀ ਔਖਾ ਨਹੀਂ ਹੈ। ਇਸ ਨੂੰ ਆਪਣੀ ਖੁਰਾਕ ਦਾ ਹਿੱਸਾ ਬਣਾਉਣਾ ਬਹੁਤ ਫਾਇਦੇਮੰਦ ਹੁੰਦਾ ਹੈ।
ਇਹ ਵੀ ਪੜ੍ਹੋ: ਜੇਕਰ ਤੁਹਾਡੇ ਸਰੀਰ 'ਚ ਵੀ ਹੈ ਰੈਡ ਬਲੱਡ ਸੈਲ ਦੀ ਘਾਟ, ਤਾਂ ਰੋਜ਼ ਪੀਓ ਇਹ ਪਾਣੀ, ਹਰੇਕ ਬਿਮਾਰੀ ਹੋਵੇਗੀ ਦੂਰ
ਸੂਖੇ ਅਦਰਕ ਦਾ ਇਕ ਫਾਇਦਾ ਇਹ ਵੀ ਹੈ ਕਿ ਇਸ ਵਿੱਚ ਸਨਿਗਧਾ ਦਾ ਗੁਣ ਹੁੰਦਾ ਹੈ, ਜੋ ਕਿ ਲੰਬੇ ਸਮੇਂ ਤੱਕ ਵਰਤਣ ਲਈ ਚੰਗਾ ਹੁੰਦਾ ਹੈ। ਉਹੀਂ ਤਾਜੇ ਅਦਰਕ ਵਿਚ ਰੁਖਾ ਗੁਣ ਹੁੰਦਾ ਹੈ, ਜਿਸ ਕਰਕੇ ਇਸ ਨੂੰ ਕਦੇ-ਕਦੇ ਵਰਤਣਾ ਚਾਹੀਦਾ ਹੈ।
ਸੂਖਾ ਅਦਰਕ ਕਫ (cough) ਨੂੰ ਘੱਟ ਕਰਨ ਵਾਲਾ ਹੁੰਦਾ ਹੈ, ਇਹ ਸੀਜ਼ਨਲ ਫਲੂ, ਜੁਕਾਮ, ਖਾਸੀ ਅਤੇ ਅਪਰ-ਰੇਸਪੀਰੇਟਰੀ ਟਰੈਕਟ ਦੀ ਪਰੇਸ਼ਾਨੀ ਤੋਂ ਛੁਟਕਾਰਾ ਪਾਉਣ ਲਈ ਇੱਕ ਚੰਗਾ ਔਪਸ਼ਨ ਹੈ। ਤਾਜਾ ਅਦਰਕ ਇਸ ਉਦੇਸ਼ ਨੂੰ ਪੂਰਾ ਨਹੀਂ ਕਰ ਸਕਦਾ, ਕਿਉਂਕਿ ਇਹ ਕਫ਼ ਵਧਾਉਂਦਾ ਹੈ।