Fourth Stage Cancer: ਸਰੀਰ ਵਿੱਚ ਲੱਗਣ ਵਾਲੀਆਂ ਖਤਰਨਾਕ ਤੇ ਜਾਨਲੇਵਾ ਬਿਮਾਰੀਆਂ ਵਿੱਚ ਕੈਂਸਰ ਵੀ ਸ਼ਾਮਲ ਹੈ। ਕੈਂਸਰ ਇੱਕ ਅਜਿਹੀ ਬਿਮਾਰੀ ਹੈ, ਜਿਸਦਾ ਨਾਮ ਸੁਣਦਿਆਂ ਹੀ ਲੋਕਾਂ ਦੀ ਰੂਹ ਕੰਬਣ ਲੱਗ ਜਾਂਦੀ ਹੈ। ਅੱਜ ਦੇ ਯੁੱਗ ਵਿੱਚ ਇਹ ਬਿਮਾਰੀ ਤੇਜ਼ੀ ਨਾਲ ਫੈਲੀ ਹੈ। ਦਿਨੋ-ਦਿਨ ਕੈਂਸਰ ਦੇ ਮਰੀਜ਼ਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਕੁੱਝ ਲੋਕ ਬਿਹਤਰ ਇਲਾਜ ਨਾਲ ਇਸ ਬੀਮਾਰੀ ਤੋਂ ਛੁਟਕਾਰਾ ਪਾ ਲੈਂਦੇ ਹਨ, ਜਦ ਕਿ ਕੁੱਝ ਲੋਕਾਂ ਨੂੰ ਸਿਹਤ ਸੰਬੰਧੀ ਪੇਚੀਦਗੀਆਂ ਕਾਰਨ ਆਪਣੀ ਜਾਨ ਤੋਂ ਹੱਥ ਧੋਣੇ ਪੈਂਦੇ ਹਨ।
ਜੇ ਕੈਂਸਰ ਪਹਿਲੀ ਜਾਂ ਦੂਜੀ ਸਟੇਜ ਦਾ ਹੈ ਤਾਂ ਲੋਕਾਂ ਵਿੱਚ ਠੀਕ ਹੋਣ ਦੀ ਉਮੀਦ ਵਧ ਜਾਂਦੀ ਹੈ। ਜਦ ਕਿ ਜੇ ਇਹ ਤੀਜੀ ਤੇ ਚੌਥੀ ਸਟੇਜ ਦਾ ਹੋਵੇ ਤਾਂ ਲੋਕਾਂ ਦੀਆਂ ਸਮੱਸਿਆਵਾਂ ਵੱਧ ਜਾਂਦੀਆਂ ਹਨ। ਉਹ ਮਹਿਸੂਸ ਕਰਨ ਲੱਗੇ ਕਿ ਹੁਣ ਸ਼ਾਇਦ ਉਹ ਬਚ ਨਹੀਂ ਸਕਣਗੇ। ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਕੀ ਚੌਥੀ ਸਟੇਜ ਦਾ ਕੈਂਸਰ ਸੱਚਮੁੱਚ ਘਾਤਕ ਹੈ? ਕੀ ਚੌਥੀ ਸਟੇਜ ਵਾਲੇ ਕੈਂਸਰ ਦੇ ਮਰੀਜ਼ਾਂ ਲਈ ਬਚਣਾ ਅਸਲ ਵਿੱਚ ਮੁਸ਼ਕਲ ਹੈ? ਆਓ ਜਾਣਦੇ ਹਾਂ ਇਨ੍ਹਾਂ ਸਵਾਲਾਂ ਦੇ ਜਵਾਬ...
ਫੋਰਥ ਸਟੇਜ ਦਾ ਕੈਂਸਰ ਕਿੰਨਾ ਹੈ ਜਾਨਲੇਵਾ?
ਚੌਥੀ ਸਟੇਜ ਦਾ ਕੈਂਸਰ ਖਤਰਨਾਕ ਤੇ ਘਾਤਕ ਮੰਨਿਆ ਜਾਂਦਾ ਹੈ। ਅਜਿਹਾ ਇਸ ਲਈ ਹੈ ਕਿਉਂਕਿ ਜਦੋਂ ਤੱਕ ਇਹ ਪੜਾਅ ਆਉਂਦਾ ਹੈ, ਕੈਂਸਰ ਪਹਿਲਾਂ ਹੀ ਸਰੀਰ ਵਿੱਚ ਫੈਲ ਚੁੱਕਾ ਹੁੰਦਾ ਹੈ। ਕੈਂਸਰ ਸੈੱਲ ਸਰੀਰ ਦੇ ਦੂਜੇ ਹਿੱਸਿਆਂ ਨੂੰ ਪ੍ਰਭਾਵਿਤ ਕਰਨਾ ਸ਼ੁਰੂ ਕਰ ਦਿੰਦੇ ਹਨ। ਇਹੀ ਕਾਰਨ ਹੈ ਕਿ ਸਥਿਤੀ ਥੋੜ੍ਹੀ ਗੰਭੀਰ ਹੋ ਜਾਂਦੀ ਹੈ। ਹਾਲਾਂਕਿ ਅਜਿਹਾ ਬਿਲਕੁਲ ਵੀ ਨਹੀਂ ਹੈ ਕਿ ਜੇ ਕਿਸੇ ਨੂੰ ਚੌਥੀ ਸਟੇਜ ਦਾ ਕੈਂਸਰ ਹੈ ਤਾਂ ਉਸ ਦਾ ਬਚਣਾ ਮੁਸ਼ਕਿਲ ਜਾਂ ਅਸੰਭਵ ਹੈ। ਕਈ ਵਾਰ ਜਦੋਂ ਕੈਂਸਰ ਸੈੱਲ ਇੱਕ ਅੰਗ ਤੋਂ ਦੂਜੇ ਅੰਗ ਵਿੱਚ ਤਬਦੀਲ ਹੋ ਜਾਂਦੇ ਹਨ, ਤਾਂ ਇਸ ਨੂੰ ਚੌਥੀ ਸਟੇਜ ਦਾ ਕੈਂਸਰ ਵੀ ਕਿਹਾ ਜਾਂਦਾ ਹੈ। ਹਾਲਾਂਕਿ ਅਜਿਹਾ ਬਿਲਕੁਲ ਵੀ ਨਹੀਂ ਹੈ ਕਿ ਹਰ ਚੌਥੀ ਸਟੇਜ ਦਾ ਕੈਂਸਰ ਜਾਨਲੇਵਾ ਤੇ ਖ਼ਤਰਨਾਕ ਹੈ ਜਾਂ ਇਸ ਦਾ ਇਲਾਜ ਸੰਭਵ ਨਹੀਂ ਹੈ।
ਠੀਕ ਹੋ ਸਕਦਾ ਫੋਰਥ ਸਟੇਜ ਦਾ ਕੈਂਸਰ
ਅੱਜ ਦੇ ਯੁੱਗ ਵਿੱਚ ਜ਼ਿਆਦਾਤਰ ਬਿਮਾਰੀਆਂ ਦਾ ਆਧੁਨਿਕ ਇਲਾਜ ਹੈ। ਆਧੁਨਿਕ ਇਲਾਜ ਤਰੀਕਿਆਂ ਨੇ ਕਈ ਖਤਰਨਾਕ ਬਿਮਾਰੀਆਂ ਦਾ ਇਲਾਜ ਆਸਾਨ ਤੇ ਸੰਭਵ ਬਣਾ ਦਿੱਤਾ ਹੈ। ਅੰਤੜੀਆਂ ਦਾ ਕੈਂਸਰ, ਗੁਦੇ ਦਾ ਕੈਂਸਰ ਤੇ ਕੋਲਨ ਕੈਂਸਰ ਕੁਝ ਅਜਿਹੇ ਕੈਂਸਰ ਹਨ ਜੋ ਚੌਥੀ ਸਟੇਜ ਵਿੱਚ ਵੀ ਠੀਕ ਹੋ ਸਕਦੇ ਹਨ। ਇੰਨਾ ਹੀ ਨਹੀਂ ਮੂੰਹ, ਜੀਭ ਤੇ ਫੇਫੜਿਆਂ ਦੇ ਕੈਂਸਰ ਦੇ ਕੁਝ ਕੇਸ ਵੀ ਚੌਥੀ ਸਟੇਜ 'ਤੇ ਠੀਕ ਹੋ ਸਕਦੇ ਹਨ। ਇਸ ਕਿਸਮ ਦੇ ਕੈਂਸਰ ਦੇ ਇਲਾਜ ਵਿੱਚ ਕੀਮੋਥੈਰੇਪੀ, ਰੇਡੀਏਸ਼ਨ ਤੇ ਸਰਜਰੀ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਇਸ ਤੋਂ ਇਲਾਵਾ ਸਿਹਤਮੰਦ ਭੋਜਨ ਖਾਣ ਅਤੇ ਸ਼ਰਾਬ ਅਤੇ ਸਿਗਰਟ ਛੱਡ ਕੇ ਵੀ ਕੈਂਸਰ ਨੂੰ ਜਲਦੀ ਹਰਾਇਆ ਜਾ ਸਕਦਾ ਹੈ।