Right time to drink tea- ਆਮ ਕਰਕੇ ਅਸੀਂ ਸਵੇਰੇ-ਸਵੇਰੇ ਚਾਹ ਨਾਲ ਹੀ ਦਿਨ ਦੀ ਸ਼ੁਰੂਆਤ ਕਰਦੇ ਹਨ। ਬਹੁਤੇ ਲੋਕ ਚਾਹ ਦਾ ਕੱਪ ਪੀ ਕੇ ਹੀ ਬਿਸਤਰੇ ਤੋਂ ਉਠਦੇ ਹਨ। ਕਈ ਲੋਕ ਖਾਣੇ ਦੇ ਤੁਰਤ ਬਾਅਦ ਜਾਂ ਪਹਿਲਾਂ ਚਾਹ ਪੀਂਦੇ ਹਨ, ਪਰ ਖਾਣਾ ਖਾਣ ਤੋਂ ਪਹਿਲਾਂ ਚਾਹ ਪੀਣਾ ਸਹੀ ਹੈ ਜਾਂ ਨਹੀਂ, ਇਹ ਵੱਡਾ ਸਵਾਲ ਹੈ। ਅਕਸਰ ਦਫਤਰ ਜਾਂ ਕੰਮ ਵਿਚ ਰੁੱਝੇ ਹੋਏ ਲੋਕ ਖਾਣਾ ਛੱਡ ਕੇ ਚਾਹ ਪੀਂਦੇ ਹਨ, ਜੋ ਸਿਹਤ ਲਈ ਇੰਨਾ ਫਾਇਦੇਮੰਦ ਨਹੀਂ ਹੁੰਦਾ।
ਖਾਣੇ ਤੋਂ ਪਹਿਲਾਂ ਚਾਹ ਪੀਣ ਦੇ ਨੁਕਸਾਨ
1. ਪਾਚਨ ਸਬੰਧੀ ਸਮੱਸਿਆਵਾਂ- ਚਾਹ ‘ਚ ਟੈਨਿਨ ਹੁੰਦਾ ਹੈ, ਜੋ ਭੋਜਨ ਦੇ ਪਾਚਨ ‘ਚ ਰੁਕਾਵਟ ਪੈਦਾ ਕਰਦਾ ਹੈ। ਇਸ ਨਾਲ ਪੇਟ ਦਰਦ, ਗੈਸ ਅਤੇ ਦਸਤ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
2. ਆਇਰਨ ਦੀ ਕਮੀ- ਟੈਨਿਨ ਆਇਰਨ ਨੂੰ ਘੱਟ ਕਰਦਾ ਹੈ, ਜਿਸ ਨਾਲ ਸਰੀਰ ‘ਚ ਆਇਰਨ ਦੀ ਕਮੀ ਹੋ ਸਕਦੀ ਹੈ। ਜਦੋਂ ਭੋਜਨ ਖਾਣ ਤੋਂ ਪਹਿਲਾਂ ਚਾਹ ਦਾ ਸੇਵਨ ਕੀਤਾ ਜਾਂਦਾ ਹੈ ਤਾਂ ਅਜਿਹਾ ਹੁੰਦਾ ਹੈ।
3. ਕੈਫੀਨ ਦਾ ਸੇਵਨ- ਚਾਹ ‘ਚ ਕੈਫੀਨ ਹੁੰਦੀ ਹੈ। ਕੈਫੀਨ ਦੀ ਜ਼ਿਆਦਾ ਮਾਤਰਾ ਦਾ ਸੇਵਨ ਇਨਸੌਮਨੀਆ, ਚਿੰਤਾ ਅਤੇ ਦਿਲ ਦੀਆਂ ਸਮੱਸਿਆਵਾਂ ਨੂੰ ਵਧਾ ਸਕਦਾ ਹੈ।
4. ਐਸੀਡਿਟੀ- ਚਾਹ ਵਿੱਚ ਐਸੀਡਿਕ ਗੁਣ ਮੌਜੂਦ ਹੁੰਦੇ ਹਨ, ਜਿਸ ਨਾਲ ਪੇਟ ਵਿੱਚ ਜਲਣ ਅਤੇ ਐਸੀਡਿਟੀ ਦੀ ਸਮੱਸਿਆ ਹੋ ਸਕਦੀ ਹੈ। ਖਾਣਾ ਖਾਣ ਤੋਂ ਪਹਿਲਾਂ ਚਾਹ ਪੀਣਾ, ਚਾਹ ਅਤੇ ਭੋਜਨ ਇਕੱਠੇ ਪਾਚਨ ਕਿਰਿਆ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਕਰਦੇ ਹਨ।
5. ਡਾਇਬਟੀਜ਼- ਚਾਹ ‘ਚ ਮੌਜੂਦ ਕੈਫੀਨ ਅਤੇ ਟੈਨਿਨ ਖੂਨ ‘ਚ ਸ਼ੂਗਰ ਦੀ ਮਾਤਰਾ ਨੂੰ ਤੇਜ਼ੀ ਨਾਲ ਵਧਾ ਸਕਦੇ ਹਨ, ਜਿਸ ਨਾਲ ਡਾਇਬਟੀਜ਼ ਦੇ ਮਰੀਜ਼ਾਂ ਨੂੰ ਪਰੇਸ਼ਾਨੀ ਹੋ ਸਕਦੀ ਹੈ।
ਇਸ ਤੋਂ ਇਲਾਵਾ ਖਾਣਾ ਖਾਣ ਤੋਂ ਪਹਿਲਾਂ ਚਾਹ ਪੀਣ ਨਾਲ ਅਸਥਮਾ ਵਰਗੀਆਂ ਗੰਭੀਰ ਬੀਮਾਰੀਆਂ ਦਾ ਖਤਰਾ ਵੀ ਵਧ ਜਾਂਦਾ ਹੈ। ਦੁਪਹਿਰ ਦੇ ਖਾਣੇ ਤੋਂ ਪਹਿਲਾਂ ਚਾਹ ਪੀਣ ਨਾਲ ਦੰਦਾਂ ਨੂੰ ਵੀ ਨੁਕਸਾਨ ਹੋ ਸਕਦਾ ਹੈ। ਅਜਿਹਾ ਕਰਨ ਨਾਲ ਇਨਸੌਮਨੀਆ ਵਧਦਾ ਹੈ, ਐਨਰਜੀ ਘੱਟ ਜਾਂਦੀ ਹੈ, ਬੀਪੀ ਦੀ ਸਮੱਸਿਆ ਵੀ ਹੋ ਸਕਦੀ ਹੈ ਅਤੇ ਸਰੀਰ ਵਿੱਚ ਪੋਸ਼ਕ ਤੱਤਾਂ ਦੀ ਕਮੀ ਵੀ ਹੋ ਸਕਦੀ ਹੈ।
ਚਾਹ ਪੀਣ ਦਾ ਸਹੀ ਸਮਾਂ ਕੀ ਹੈ?
ਹਾਲਾਂਕਿ, ਖਾਣੇ ਦੇ ਨਾਲ ਚਾਹ ਪੀਣਾ ਕਿਸੇ ਵੀ ਪੱਖੋਂ ਬਹੁਤ ਸਿਹਤਮੰਦ ਨਹੀਂ ਹੈ। ਦੁੱਧ ਵਾਲੀ ਚਾਹ ਦੀ ਬਜਾਏ ਗ੍ਰੀਨ ਟੀ, ਬਲੈਕ ਟੀ, ਕੈਮੋਮਾਈਲ ਟੀ ਜਾਂ ਲੈਮਨ ਟੀ ਵਰਗੀ ਚਾਹ ਪੀਣਾ ਫਾਇਦੇਮੰਦ ਹੁੰਦਾ ਹੈ। ਸਿਹਤ ਮਾਹਿਰਾਂ ਅਨੁਸਾਰ ਚਾਹ ਖਾਣੇ ਤੋਂ 2 ਘੰਟੇ ਪਹਿਲਾਂ ਪੀਣੀ ਚਾਹੀਦੀ ਹੈ। ਇੱਕ ਦਿਨ ਵਿੱਚ 3 ਕੱਪ ਤੋਂ ਵੱਧ ਚਾਹ ਹਾਨੀਕਾਰਕ ਹੈ।
(Disclaimer: ਉੱਪਰ ਦਿੱਤੇ ਤੱਥ-ਜਾਣਕਾਰੀ ਆਮ ਜਾਣਕਾਰੀ ‘ਤੇ ਅਧਾਰਿਤ ਹਨ। ਇਨ੍ਹਾਂ ਨੂੰ ਅਜ਼ਮਾਉਣ ਤੋਂ ਪਹਿਲਾਂ ਸਬੰਧਤ ਮਾਹਿਰਾਂ ਦੀ ਸਲਾਹ ਲਵੋ।)