Health: ਸਰਦੀਆਂ ਵਿੱਚ ਸਿਹਤ ਦਾ ਧਿਆਨ ਰੱਖਣਾ ਜ਼ਰੂਰੀ ਹੁੰਦਾ ਹੈ ਕਿਉਂਕਿ ਸਰਦੀਆਂ ਦੀ ਸ਼ੁਰੂਆਤ ਹੁੰਦਿਆਂ ਹੀ ਲੋਕਾਂ ਦੀਆਂ ਖਾਣ-ਪੀਣ ਦੀਆਂ ਆਦਤਾਂ ਵਿੱਚ ਗਿਰਾਵਟ ਆਉਣ ਨਾਲ ਬੀਪੀ-ਸ਼ੂਗਰ ਦੇ ਅਸੰਤੁਲਨ ਹੋਣ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਸਰਦੀਆਂ ਵਿੱਚ ਲੋਕ ਜ਼ਿਆਦਾ ਖਾਂਦੇ ਹਨ ਪਰ ਪਾਣੀ ਪੀਣਾ ਭੁੱਲ ਜਾਂਦੇ ਹਨ। ਤਾਪਮਾਨ ਡਿੱਗਣ ਕਰਕੇ ਉਨ੍ਹਾਂ ਨੂੰ ਪਿਆਸ ਨਹੀਂ ਲੱਗਦੀ, ਨਤੀਜੇ ਵਜੋਂ ਸਰੀਰ ਵਿੱਚ ਪਾਣੀ ਦੀ ਕਮੀ ਹੋ ਜਾਂਦੀ ਹੈ। ਜਿਹੜਾ ਦਿਲ-ਦਿਮਾਗ, ਜਿਗਰ-ਕਿਡਨੀ-ਦਿਲ ਅਤੇ ਇੱਥੋਂ ਤੱਕ ਕਿ ਸਰੀਰ ਦੀਆਂ ਹੱਡੀਆਂ ਨੂੰ ਵੀ ਪ੍ਰਭਾਵਿਤ ਕਰਦਾ ਹੈ।
ਸਰੀਰ ਵਿੱਚ ਪਾਣੀ ਦੀ ਕਮੀ ਹੋਣ ਕਰਕੇ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਲੱਗ ਜਾਂਦੀਆਂ ਹਨ। ਜੋੜਾਂ ਅਤੇ ਮਾਸਪੇਸ਼ੀਆਂ ਦੇ ਦਰਦ ਤੋਂ ਪੀੜਤ ਲੋਕਾਂ ਨੂੰ ਸਭ ਤੋਂ ਵੱਧ ਪਰੇਸ਼ਾਨੀ ਹੁੰਦੀ ਹੈ। ਉਪਰੋਂ ਠੰਡੀ ਹਵਾ ਲੱਗਣ ਕਰਕੇ ਪਾਣੀ ਦੀ ਕਮੀ ਕਾਰਨ ਜੋੜਾਂ ਵਿੱਚ ਤਰਲ ਪਦਾਰਥ ਘੱਟ ਹੋਣ ਲੱਗ ਜਾਂਦਾ ਹੈ ਅਤੇ ਫਿਰ ਜੋੜਾਂ ਦੇ ਇੱਕ ਦੂਜੇ ਨਾਲ ਟਕਰਾਉਣ ਦੀ ਸੰਭਾਵਨਾ ਵੱਧ ਜਾਂਦੀ ਹੈ। ਜ਼ਿਆਦਾ ਪਾਣੀ ਨਾ ਪੀਣ ਕਾਰਨ ਮਾਸਪੇਸ਼ੀਆਂ ਨੂੰ ਇਲੈਕਟ੍ਰੋਲਾਈਟਸ ਨਹੀਂ ਮਿਲਦਾ, ਜਿਸ ਨਾਲ ਦਰਦ ਅਤੇ ਕੜਵੱਲ ਵੱਧ ਜਾਂਦੇ ਹਨ। ਹੱਡੀਆਂ ਦੀ ਘਣਤਾ ਘਟਣ ਲੱਗ ਜਾਂਦੀ ਹੈ ਅਤੇ ਉਹ ਕਮਜ਼ੋਰ ਹੋ ਜਾਂਦੀਆਂ ਹਨ। ਸਰੀਰ ਦੀ ਲਚਕਤਾ ਘਟਣ ਲੱਗਦੀ ਹੈ। ਲੋਕ ਇਸ ਸਮੱਸਿਆ ਨੂੰ ਉਦੋਂ ਤੱਕ ਨਹੀਂ ਸਮਝ ਪਾਉਂਦੇ ਜਦੋਂ ਤੱਕ ਸਥਿਤੀ ਹੋਰ ਵਿਗੜ ਨਹੀਂ ਜਾਂਦੀ।
ਸਰਦੀਆਂ 'ਚ ਘੱਟ ਪਾਣੀ ਪੀਣ ਨਾਲ ਸਰੀਰ 'ਤੇ ਹੁੰਦਾ ਅਸਰ
ਸਿਰ ਦਰਦ
ਦਿਲ ਦੀਆਂ ਸਮੱਸਿਆਵਾਂ
ਬਦਹਜ਼ਮੀ
ਟਾਇਲਟ ਦੀ ਇਨਫੈਕਸ਼ਨ
ਪ੍ਰੋਸਟੇਟ ਸਮੱਸਿਆ
ਪਿੱਤੇ ਦੀ ਪੱਥਰੀ
ਮਾਸਪੇਸ਼ੀਆਂ ਦੇ ਦਰਦ
ਹੱਡੀਆਂ ਵਿੱਚ ਦਰਦ
ਜੋੜਾਂ ਦਾ ਦਰਦ
ਗਠੀਆ
ਮਾਸਪੇਸ਼ੀਆਂ ਵਿੱਚ ਕੜਵੱਲ
ਜੋੜਾਂ ਵਿੱਚ ਅਕੜਨ
ਹੱਥਾਂ ਅਤੇ ਪੈਰਾਂ ਵਿੱਚ ਸੋਜ
ਇਦਾਂ ਰੱਖੋ ਆਪਣਾ ਖਿਆਲ
ਆਪਣਾ ਭਾਰ ਨਾ ਵਧਣ ਦਿਓ, ਆਪਣੇ ਸਰੀਰ ਦੀ ਸਥਿਤੀ ਨੂੰ ਸਹੀ ਰੱਖੋ।
ਪ੍ਰੋਸੈਸਡ ਫੂਡ, ਗਲੁਟਨ ਫੂਡ ਅਤੇ ਜ਼ਿਆਦਾ ਨਮਕ ਅਤੇ ਖੰਡ ਤੋਂ ਪਰਹੇਜ਼ ਕਰੋ।
ਗਰਮ ਕੱਪੜੇ ਪਾਓ, ਜ਼ਿਆਦਾ ਪਾਣੀ ਪੀਓ, ਕਸਰਤ ਕਰੋ ਅਤੇ ਕਿਸੇ ਨਾ ਕਿਸੇ ਰੂਪ ਵਿਚ ਵਿਟਾਮਿਨ ਡੀ ਲੈਣ ਦੀ ਕੋਸ਼ਿਸ਼ ਕਰੋ।
ਘਰੇਲੂ ਉਪਾਅ
ਅਜਵਾਇਣ, ਲਸਣ, ਮੇਥੀ, ਸੁੱਕਾ ਅਦਰਕ, ਹਲਦੀ ਅਤੇ ਨਿਰਗੁੰਡੀ ਵਰਗੀਆਂ ਸਮੱਗਰੀਆਂ ਦੀ ਵਰਤੋਂ ਕਰਕੇ ਘਰ ਵਿੱਚ ਦਰਦ ਤੋਂ ਰਾਹਤ ਪਾਉਣ ਵਾਲਾ ਤੇਲ ਬਣਾਓ। ਹਰ ਚੀਜ਼ ਨੂੰ ਚੰਗੀ ਤਰ੍ਹਾਂ ਮਿਲਾਓ, ਰਸ ਕੱਢੋ ਅਤੇ ਇਸ ਨੂੰ ਸਰ੍ਹੋਂ ਜਾਂ ਤਿਲ ਦੇ ਤੇਲ ਵਿੱਚ ਉਬਾਲੋ। ਸਰੀਰ ਦੇ ਪ੍ਰਭਾਵਿਤ ਹਿੱਸਿਆਂ ਵਿੱਚ ਚੰਗੀ ਤਰ੍ਹਾਂ ਮਾਲਿਸ਼ ਕਰੋ।
Disclaimer: ਖਬਰ 'ਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਆਧਾਰਿਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।