ਨਵੀਂ ਦਿੱਲੀ: ਕੋਵੈਕਸੀਨ ਤੇ ਕੋਵੀਸ਼ੀਲਡ ਟੀਕੇ ਦੀਆਂ ਖੁਰਾਕਾਂ ਨੂੰ ਮਿਲਾਉਣ 'ਤੇ ਕੀਤੇ ਗਏ ਅਧਿਐਨ ਨੇ ਬਿਹਤਰ ਨਤੀਜੇ ਦਿਖਾਏ ਹਨ। ਇਹ ਜਾਣਕਾਰੀ ‘ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ’ (ਆਈਸੀਐਮਆਰ-ICMR) ਨੇ ਦਿੱਤੀ ਹੈ। ਅਧਿਐਨ ਵਿਚ ਕਿਹਾ ਗਿਆ ਹੈ ਕਿ ਦੋਵੇਂ ਵੈਕਸੀਨਾਂ ਦੇ ਮਿਸ਼ਰਣ ਨਾ ਸਿਰਫ਼ ਮਨੁੱਖਾਂ ਵਿੱਚ ਰੋਗ ਪ੍ਰਤੀਰੋਧਕ ਸ਼ਕਤੀ (Immunity System) ਨੂੰ ਵਧਾਇਆ, ਸਗੋਂ ਇਹ ਸੁਰੱਖਿਅਤ ਵੀ ਸੀ।
ਪਿਛਲੇ ਮਹੀਨੇ, ਡੀਸੀਜੀਆਈ ਦੇ ਇੱਕ ਮਾਹਿਰ ਪੈਨਲ ਨੇ ਕੋਵੈਕਸੀਨ ਤੇ ਕੋਵੀਸ਼ੀਲਡ ਵੈਕਸੀਨ ਦੀ ਮਿਸ਼ਰਤ ਖੁਰਾਕ (Mixed Dose) ’ਤੇ ਅਧਿਐਨ ਕਰਨ ਦੀ ਸਿਫਾਰਸ਼ ਕੀਤੀ ਸੀ। ਪੈਨਲ ਨੇ ਭਾਰਤ ਬਾਇਓਟੈਕ ਨੂੰ ਇਸਦੇ ਕੋਵੇਕਸੀਨ ਤੇ ਸਿਖਲਾਈ-ਪੱਧਰ ਦੀ ਸੰਭਾਵਤ ਐਡੀਨੋਵਾਇਰਲ ਇੰਟ੍ਰਾਨੈਸਲ ਵੈਕਸੀਨ ਬੀਬੀਵੀ 154 ਆਪਸੀ ਪਰਿਵਰਤਨ 'ਤੇ ਅਧਿਐਨ ਕਰਨ ਦੀ ਸਿਫਾਰਸ਼ ਵੀ ਕੀਤੀ ਸੀ ਪਰ ਹੈਦਰਾਬਾਦ ਸਥਿਤ ਕੰਪਨੀ ਨੂੰ ਆਪਣੇ ਅਧਿਐਨ ਤੋਂ 'ਆਪਸੀ ਪਰਿਵਰਤਨ' ਸ਼ਬਦ ਨੂੰ ਹਟਾਉਣ ਤੇ ਸੋਧੇ ਹੋਏ ਪ੍ਰੋਟੋਕੋਲ ਦੇਣ ਲਈ ਕਿਹਾ ਹੈ।
ਵਿਸ਼ਾ ਮਾਹਿਰ ਕਮੇਟੀ (ਐਸਈਸੀ) ਨੇ ਵਿਸਤ੍ਰਿਤ ਵਿਚਾਰ-ਵਟਾਂਦਰੇ ਤੋਂ ਬਾਅਦ, ਵੇਲੋਰ ਦੇ ਸੀਐਮਸੀ ਨੂੰ ਕੋਵਿਡ -19 ਟੀਕੇ, ਕੋਵੈਕਸਿਨ ਅਤੇ ਕੋਵੀਸ਼ੀਲਡ ਦੇ ਸੁਮੇਲ ਦਾ ਅਧਿਐਨ ਕਰਨ ਲਈ 300 ਸਿਹਤਮੰਦ ਵਾਲੰਟੀਅਰਾਂ ਨੂੰ ਸ਼ਾਮਲ ਕਰਦੇ ਹੋਏ ਪੜਾਅ IV ਦੇ ਕਲੀਨੀਕਲ ਅਜ਼ਮਾਇਸ਼ਾਂ ਦੀ ਆਗਿਆ ਦੇਣ ਦੀ ਸਿਫਾਰਸ਼ ਕੀਤੀ ਜਾਵੇਗੀ।
ਇਸ ਅਧਿਐਨ ਦਾ ਉਦੇਸ਼ ਇਹ ਪਤਾ ਲਗਾਉਣਾ ਹੈ ਕਿ ਕੀ ਕਿਸੇ ਵਿਅਕਤੀ ਦੇ ਸੰਪੂਰਨ ਟੀਕਾਕਰਣ ਲਈ ਟੀਕੇ ਦੀਆਂ ਦੋ ਵੱਖਰੀਆਂ ਖੁਰਾਕਾਂ ਦਿੱਤੀਆਂ ਜਾ ਸਕਦੀਆਂ ਹਨ ਜਾਂ ਇੱਕੋ ਟੀਕਾ ਕੋਵਾਸੀਨ ਦਾ ਲਾ ਦਿੱਤਾ ਜਾਵੇ ਤੇ ਦੂਜਾ ਟੀਕਾ ਕੋਵੀਸ਼ੀਲਡ ਦਾ ਲਾਇਆ ਜਾਵੇ।
ਜੇ ਇਹ ਪ੍ਰੀਖਣ ਪੁਰੀ ਤਰ੍ਹਾਂ ਸਫ਼ਲ ਰਹਿੰਦਾ ਹੈ, ਤਾਂ ਕੋਰੋਨਾਵਾਇਰਸ ਦੀ ਮਹਾਮਾਰੀ ਨੂੰ ਨੱਥ ਪਾਉਣ ’ਚ ਹੋਰ ਵੀ ਆਸਾਨੀ ਰਹੇਗੀ। ਇਸ ਵੇਲੇ ਇਸ ਮਹਾਮਾਰੀ ਤੋਂ ਪੂਰੀ ਦੁਨੀਆ ਪਰੇਸ਼ਾਨ ਹੈ। ਵੱਡੇ-ਵੱਡੇ ਦੇਸ਼ਾਂ ਦੀਆਂ ਅਰਥਵਿਵਸਥਾਵਾਂ ਤੱਕ ਢਹਿ-ਢੇਰੀ ਹੋ ਰਹੀਆਂ ਹਨ।