Winter Health Tips: ਸਰਦੀਆਂ ਵਿੱਚ ਸਿਹਤ (health) ਦਾ ਖਾਸ ਧਿਆਨ ਰੱਖਣਾ ਪੈਂਦਾ ਹੈ, ਇੱਕ ਛੋਟੀ ਜਿਹੀ ਗਲਤੀ ਠੰਡ ਦੇ ਮੌਸਮ ਵਿੱਚ ਭਾਰੀ ਪੈ ਸਕਦੀ ਹੈ। ਜੀ ਹਾਂ ਸਰਦੀ ਦਾ ਮੌਸਮ ਆਪਣੇ ਨਾਲ ਕਈ ਬਿਮਾਰੀਆਂ ਵੀ ਨਾਲ ਲੈ ਕੇ ਆਉਂਦਾ ਹੈ। ਅੱਤ ਦੀ ਠੰਢ ਕਾਰਨ ਸਿਹਤ ਸਬੰਧੀ ਸਮੱਸਿਆਵਾਂ ਤੇਜ਼ੀ ਨਾਲ ਵੱਧ ਜਾਂਦੀਆਂ ਹਨ। ਅਜਿਹੇ 'ਚ ਸਿਹਤ ਮਾਹਿਰ ਹਮੇਸ਼ਾ ਮੋਟੇ ਕੱਪੜੇ ਪਾਉਣ ਦੀ ਸਲਾਹ ਦਿੰਦੇ ਹਨ, ਜਿਸ ਨਾਲ ਸਰੀਰ ਅੰਦਰੋਂ ਗਰਮ ਰਹਿੰਦਾ ਹੈ ਅਤੇ ਬਿਮਾਰੀਆਂ ਤੋਂ ਬਚਿਆ ਜਾ ਸਕਦਾ ਹੈ। ਸਰੀਰ ਨੂੰ ਅੰਦਰੋਂ ਨਿੱਘਾ ਰੱਖਣ ਲਈ ਸਹੀ ਖੁਰਾਕ ਲੈਣ ਦੀ ਵੀ ਸਲਾਹ ਦਿੱਤੀ ਜਾਂਦੀ ਹੈ (healthy diet chart for winter season)। ਇਸ ਦੇ ਲਈ ਤੁਸੀਂ ਦੁੱਧ 'ਚ ਕੋਈ ਖਾਸ ਚੀਜ਼ ਮਿਲਾ ਕੇ ਪੀ ਸਕਦੇ ਹੋ। ਇਸ ਨਾਲ ਸਰੀਰ ਅੰਦਰੋਂ ਗਰਮ ਰਹਿੰਦਾ ਹੈ ਅਤੇ ਬਿਮਾਰੀਆਂ ਇਸ ਨੂੰ ਛੂਹ ਨਹੀਂ ਸਕਦੀਆਂ। ਆਓ ਜਾਣਦੇ ਹਾਂ ਇਸ ਖਾਸ ਚੀਜ਼ ਬਾਰੇ...
ਸਰੀਰ ਨੂੰ ਗਰਮ ਰੱਖਣ ਲਈ ਦੁੱਧ 'ਚ ਕੀ ਮਿਲਾਇਆ ਜਾਵੇ
ਠੰਡ ਦੇ ਮੌਸਮ 'ਚ ਥੋੜਾ ਜਿਹਾ ਅਦਰਕ ਮਿਲਾ ਕੇ ਗਰਮ ਦੁੱਧ ਪੀਣ ਨਾਲ ਸਿਹਤ ਨੂੰ ਕਈ ਫਾਇਦੇ ਹੁੰਦੇ ਹਨ। ਹਰ ਰੋਜ਼ ਸਵੇਰੇ ਗਰਮ ਦੁੱਧ ਨੂੰ ਹਲਕਾ ਮਿੱਠਾ ਕਰਕੇ ਉਸ ਵਿਚ ਥੋੜ੍ਹਾ ਜਿਹਾ ਅਦਰਕ ਮਿਲਾ ਕੇ ਪੀਓ। ਇਸ ਨਾਲ ਸਵਾਦ ਵੀ ਵਧੇਗਾ ਅਤੇ ਸਰੀਰ ਵੀ ਅੰਦਰੋਂ ਗਰਮ ਰਹੇਗਾ। ਬਹੁਤ ਸਾਰੇ ਲੋਕ ਅਦਰਕ ਚਾਹ ਦੇ ਵਿੱਚ ਪਾ ਕੇ ਵੀ ਪੀਂਦੇ ਹਨ। ਅਦਰਕ ਸਿਹਤ ਨੂੰ ਕਈ ਫਾਇਦੇ ਦਿੰਦਾ ਹੈ।
ਜ਼ੁਕਾਮ 'ਚ ਅਦਰਕ ਕਿਉਂ ਫਾਇਦੇਮੰਦ ਹੈ?
ਦਰਅਸਲ, ਅਦਰਕ ਵਿੱਚ ਇੱਕ ਵਿਸ਼ੇਸ਼ ਤੱਤ ਜਿੰਜਰੋਲ ਪਾਇਆ ਜਾਂਦਾ ਹੈ। ਜਿਸ 'ਚ ਕਈ ਅਜਿਹੇ ਤੱਤ ਹੁੰਦੇ ਹਨ, ਜੋ ਸਰੀਰ 'ਚ ਗਰਮੀ ਪੈਦਾ ਕਰਦੇ ਹਨ। ਦੁੱਧ ਨਾਲ ਸਰੀਰ 'ਚ ਪ੍ਰਵੇਸ਼ ਕਰਨ ਨਾਲ ਇਹ ਜ਼ੁਕਾਮ ਤੋਂ ਬਚਾਉਣ 'ਚ ਮਦਦ ਕਰਦਾ ਹੈ। ਮਾਹਿਰਾਂ ਮੁਤਾਬਕ ਅਦਰਕ ਅਤੇ ਦੁੱਧ ਦਾ ਇਹ ਮਿਸ਼ਰਣ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਇਸ ਤੋਂ ਇਲਾਵਾ ਅਦਰਕ ਮਿਲਾ ਕੇ ਦੁੱਧ ਪੀਣ ਨਾਲ ਕਈ ਫਾਇਦੇ ਹੋ ਸਕਦੇ ਹਨ। ਇਸ ਨਾਲ ਇਮਿਊਨ ਸਿਸਟਮ ਮਜ਼ਬੂਤ ਹੁੰਦਾ ਹੈ, ਸੋਜ ਦੂਰ ਹੁੰਦੀ ਹੈ ਅਤੇ ਹੋਰ ਵੀ ਕਈ ਫਾਇਦੇ ਹੁੰਦੇ ਹਨ।ਇਹ ਉਨ੍ਹਾਂ ਲੋਕਾਂ ਲਈ ਇੱਕ ਰਾਮਬਾਣ ਹੈ ਜਿਨ੍ਹਾਂ ਨੂੰ ਸਰਦੀਆਂ ਵਿੱਚ ਜ਼ਿਆਦਾ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਸਰਦੀਆਂ ਵਿੱਚ ਅਦਰਕ ਅਤੇ ਦੁੱਧ ਕਦੋਂ ਪੀਣਾ ਚਾਹੀਦਾ ਹੈ?
ਸਰਦੀਆਂ ਦੇ ਮੌਸਮ ਵਿੱਚ ਸਵੇਰੇ ਖਾਲੀ ਪੇਟ ਦੁੱਧ ਅਤੇ ਅਦਰਕ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਇਸ ਸਮੇਂ ਇਹ ਬਹੁਤ ਫਾਇਦੇਮੰਦ ਹੈ। ਦਿਨ ਵੇਲੇ ਇਸ ਨੂੰ ਪੀਣ ਨਾਲ ਸਰੀਰ ਠੰਡ ਤੋਂ ਬਚਦਾ ਹੈ ਅਤੇ ਦਿਨ ਭਰ ਕਿਰਿਆਸ਼ੀਲ ਰਹਿੰਦਾ ਹੈ। ਇਸ ਲਈ ਜੇਕਰ ਤੁਸੀਂ ਸਰਦੀਆਂ 'ਚ ਬਿਮਾਰੀਆਂ ਤੋਂ ਦੂਰ ਰਹਿਣਾ ਚਾਹੁੰਦੇ ਹੋ ਅਤੇ ਆਪਣੇ ਆਪ ਨੂੰ ਅੰਦਰੋਂ ਗਰਮ ਰੱਖਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਰੋਜ਼ਾਨਾ ਸਵੇਰੇ ਦੁੱਧ ਅਤੇ ਅਦਰਕ ਦਾ ਸੇਵਨ ਕਰਨਾ ਚਾਹੀਦਾ ਹੈ।
Disclaimer: ਇਸ ਲੇਖ ਵਿਚ ਦੱਸੇ ਗਏ ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ,ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।