Garlic Benefits: ਆਮ ਤੌਰ 'ਤੇ ਲਸਣ ਨੂੰ ਸਬਜ਼ੀ ਵਿੱਛ ਸੁਆਦ ਵਧਾਉਣ ਲਈ ਵਰਤਿਆ ਜਾਂਦਾ ਹੈ। ਇਸ ਲਈ ਲਸਣ ਹਰ ਘਰ ਦੀ ਰਸੋਈ ਵਿੱਚ ਮੌਜੂਦ ਹੁੰਦਾ ਹੈ। ਬੇਸ਼ੱਕ ਲਸਣ ਸਬਜ਼ੀ ਨੂੰ ਸਵਾਦਿਸ਼ਟ ਬਣਾਉਂਦਾ ਹੈ ਪਰ ਇਹ ਕਈ ਬਿਮਾਰੀਆਂ ਤੇ ਸਰੀਰਕ ਸਮੱਸਿਆਵਾਂ ਦਾ ਇਲਾਜ ਵੀ ਕਰਦਾ ਹੈ। ਲਸਣ ਨੂੰ ਗਰਮ ਪਾਣੀ ਨਾਲ ਲੈਣ ਦੇ ਕਈ ਫਾਇਦੇ ਹਨ। ਲਸਣ ਦੀਆਂ ਦੋ ਕਲੀਆਂ ਗਰਮ ਪਾਣੀ ਨਾਲ ਖਾਣ ਨਾਲ ਕਈ ਬਿਮਾਰੀਆਂ ਦੂਰ ਨਹੀਂ ਹੁੰਦੀਆਂ। ਆਓ ਜਾਣਦੇ ਹਾਂ ਕਿਵੇਂ...
ਸ਼ੂਗਰ ਦੀ ਰੋਕਥਾਮ 'ਚ ਮਦਦਗਾਰ
ਸ਼ੂਗਰ ਇੱਕ ਜੀਵਨ ਸ਼ੈਲੀ ਦੀ ਬਿਮਾਰੀ ਹੈ। ਕਈ ਵਾਰ ਇਹ ਰੋਗ ਜੈਨੇਟਿਕ ਵੀ ਹੁੰਦਾ ਹੈ। ਲਸਣ ਦੀਆਂ ਦੋ ਕਲੀਆਂ ਗਰਮ ਪਾਣੀ ਨਾਲ ਖਾਣ ਨਾਲ ਇਮਿਊਨ ਸਿਸਟਮ ਮਜ਼ਬੂਤ ਹੁੰਦਾ ਹੈ। ਇਸ ਵਿੱਛ ਮੌਜੂਦ ਐਂਟੀ-ਡਾਇਬੀਟਿਕ ਗੁਣ ਤੁਹਾਡੇ ਸਰੀਰ ਨੂੰ ਸ਼ੂਗਰ ਦੇ ਕਾਰਨ ਹੋਣ ਵਾਲੇ ਜੋਖਮਾਂ ਤੋਂ ਸੁਰੱਖਿਆ ਪ੍ਰਦਾਨ ਕਰਦੇ ਹਨ।
ਦਿਲ ਦੀ ਸੰਭਾਲ ਕਰੇ
ਗਰਮ ਪਾਣੀ ਨਾਲ ਲਸਣ ਖਾਣ ਨਾਲ ਦਿਲ ਦੀ ਸੰਭਲ ਰਹਿੰਦੀ ਹੈ। ਇਸ ਵਿੱਚ ਕਾਰਡੀਓਪ੍ਰੋਟੈਕਟਿਵ ਗਤੀਵਿਧੀ ਵਧਦੀ ਹੈ। ਕੱਚੇ ਲਸਣ ਦਾ ਸੇਵਨ ਕਰਨ ਨਾਲ ਤੁਹਾਨੂੰ ਦਿਲ ਦੀਆਂ ਬਿਮਾਰੀਆਂ ਦਾ ਖਤਰਾ ਨਹੀਂ ਹੋਵੇਗਾ। ਇਹ ਖੂਨ ਦੇ ਗੇੜ ਨੂੰ ਕਾਇਮ ਰੱਖ ਕੇ ਦਿਲ ਦੀਆਂ ਬਿਮਾਰੀਆਂ ਦੇ ਜੋਖਮ ਨੂੰ ਕਈ ਗੁਣਾ ਘਟਾ ਸਕਦਾ ਹੈ।
ਜ਼ੁਕਾਮ ਨੂੰ ਰੋਕਦਾ
ਲਸਣ ਵਿੱਚ ਐਂਟੀਬਾਇਓਟਿਕ, ਐਂਟੀ ਫੰਗਲ ਤੱਤ ਹੁੰਦੇ ਹਨ। ਇਹ ਸਰੀਰ ਨੂੰ ਕਈ ਬੈਕਟੀਰੀਆ ਦੀਆਂ ਲਾਗਾਂ ਤੋਂ ਬਚਾਉਣ ਵਿੱਚ ਮਦਦ ਕਰ ਸਕਦਾ ਹੈ। ਇਹ ਇਮਿਊਨ ਸਿਸਟਮ ਨੂੰ ਮਜਬੂਤ ਕਰਦਾ ਹੈ। ਸਵੇਰੇ ਖਾਲੀ ਪੇਟ ਲਸਣ ਦਾ ਸੇਵਨ ਕਰਨ ਨਾਲ ਜ਼ੁਕਾਮ ਤੇ ਸਰਦੀ ਤੋਂ ਬਚਿਆ ਜਾ ਸਕਦਾ ਹੈ।
ਬਲੱਡ ਪ੍ਰੈਸ਼ਰ ਨੂੰ ਸਹੀ ਬਣਾਈ ਰੱਖੇ
ਲਸਣ 'ਚ ਮੌਜੂਦ ਤੱਤ ਕੁਦਰਤੀ ਤੌਰ 'ਤੇ ਖੂਨ ਨੂੰ ਪਤਲਾ ਕਰਦੇ ਹਨ। ਸਵੇਰੇ ਖਾਲੀ ਪੇਟ ਕੋਸੇ ਪਾਣੀ ਨਾਲ ਕੱਚਾ ਲਸਣ ਖਾਣ ਨਾਲ ਬਲੱਡ ਪ੍ਰੈਸ਼ਰ ਕੰਟਰੋਲ 'ਚ ਰਹਿੰਦਾ ਹੈ।
ਕੋਲੇਸਟ੍ਰੋਲ ਨੂੰ ਘੱਟ ਕਰੇ
ਸਰੀਰ ਵਿੱਚ ਚਰਬੀ ਬਾਹਰੋਂ ਦਿਖਾਈ ਦਿੰਦੀ ਹੈ। ਇੱਕ ਚਰਬੀ ਖੂਨ ਦੀਆਂ ਨਾੜੀਆਂ ਵਿੱਚ ਹੁੰਦੀ ਹੈ। ਇਸ ਨੂੰ ਕੋਲੈਸਟ੍ਰੋਲ ਕਿਹਾ ਜਾਂਦਾ ਹੈ। ਜਦੋਂ ਕੋਲੈਸਟ੍ਰੋਲ ਵਧਦਾ ਹੈ, ਤਾਂ ਨਾੜੀਆਂ ਵਿੱਚ ਖੂਨ ਦੀ ਰੁਕਾਵਟ ਦਾ ਖ਼ਤਰਾ ਹੁੰਦਾ ਹੈ। ਲਸਣ ਕੋਲੈਸਟ੍ਰੋਲ ਦੇ ਵਾਧੇ ਨੂੰ ਕੰਟਰੋਲ ਕਰਦਾ ਹੈ। ਇਹ ਕੋਲੈਸਟ੍ਰਾਲ ਨੂੰ ਘੱਟ ਕਰਕੇ ਦਿਲ ਨੂੰ ਵੀ ਸੁਰੱਖਿਅਤ ਰੱਖਦਾ ਹੈ।
ਪਾਚਨ ਕਿਰਿਆ ਠੀਕ ਕਰੇ
ਰੋਜ਼ਾਨਾ ਗਰਮ ਪਾਣੀ ਨਾਲ ਲਸਣ ਦੀਆਂ ਦੋ ਕਲੀਆਂ ਖਾਣ ਨਾਲ ਪਾਚਨ ਕਿਰਿਆ ਠੀਕ ਰਹਿੰਦੀ ਹੈ। ਸਰੀਰ ਵਿੱਚ ਚੰਗੇ ਬੈਕਟੀਰੀਆ ਦਾ ਪੱਧਰ ਬਰਕਰਾਰ ਰਹਿੰਦਾ ਹੈ। ਤੁਸੀਂ ਜੋ ਵੀ ਖਾਂਦੇ ਹੋ, ਉਹ ਚੰਗੀ ਤਰ੍ਹਾਂ ਪਚ ਜਾਂਦਾ ਹੈ। ਬਾਊਲ ਮੂਵਮੈਂਟ ਸਹੀ ਹੁੰਦਾ ਹੈ। ਇਹ ਪੇਟ ਨਾਲ ਸਬੰਧਤ ਬਿਮਾਰੀਆਂ ਜਿਵੇਂ ਦਸਤ, ਪੇਟ ਵਿੱਚ ਕੜਵੱਲ, ਦਰਦ, ਫੁੱਲਣਾ ਆਦਿ ਵਿੱਚ ਰਾਹਤ ਪ੍ਰਦਾਨ ਕਰਦਾ ਹੈ।
Virility ਨੂੰ ਵਧਾਉਣ 'ਚ ਲਾਭਕਾਰੀ
ਗਰਮ ਪਾਣੀ ਦੇ ਨਾਲ ਲਸਣ ਦਾ ਸੇਵਨ ਕਰਨ ਨਾਲ ਸਰੀਰ ਡਿਟੌਕਸ ਹੋ ਜਾਂਦਾ ਹੈ। ਇਸ ਨਾਲ ਟੈਸਟੋਸਟੀਰੋਨ ਹਾਰਮੋਨ ਵਧਦਾ ਹੈ। ਇਹ ਹਾਰਮੋਨ ਮਰਦ ਸ਼ਕਤੀ ਲਈ ਕੰਮ ਕਰਦੇ ਹਨ।