Fatty liver: ਕਈ ਵਾਰ ਅਸੀਂ ਸਰੀਰ ਦੇ ਛੋਟੇ-ਛੋਟੇ ਲੱਛਣਾਂ ਨੂੰ ਨਜ਼ਰਅੰਦਾਜ਼ ਕਰ ਦਿੰਦੇ ਹਾਂ। ਅਜਿਹੀ ਸਥਿਤੀ ਵਿੱਚ ਇਹ ਮਹੱਤਵਪੂਰਨ ਹੈ ਕਿ ਇਨ੍ਹਾਂ ਇਗਨੋਰ ਨਾ ਕਰੋ ਅਤੇ ਇੱਕ ਵਾਰ ਡਾਕਟਰ ਨੂੰ ਜ਼ਰੂਰ ਦਿਖਾਓ। ਇਹ ਆਮ ਤੌਰ 'ਤੇ ਸੋਜ ਨੂੰ ਲੈ ਕੇ ਹੁੰਦਾ ਹੈ। ਅਕਸਰ ਅਸੀਂ ਸੋਜ ਨੂੰ ਹਲਕੇ ਵਿੱਚ ਲੈ ਕੇ ਕੋਈ ਨਾ ਕੋਈ ਕਾਰਨ ਸਮਝ ਕੇ ਇਗਨੋਰ ਕਰ ਦਿੰਦੇ ਹਾਂ। ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਹਰ ਸੋਜ ਮਾਮੂਲੀ ਨਹੀਂ ਹੁੰਦੀ? ਜੇਕਰ ਤੁਸੀਂ ਅਕਸਰ ਸਰੀਰ ਵਿੱਚ ਕੁਝ ਥਾਵਾਂ 'ਤੇ ਸੋਜ ਦੇਖ ਰਹੇ ਹੋ, ਤਾਂ ਤੁਹਾਨੂੰ ਥੋੜ੍ਹਾ ਸਾਵਧਾਨ ਰਹਿਣ ਦੀ ਲੋੜ ਹੈ ਕਿਉਂਕਿ ਇਹ ਤੁਹਾਡੇ ਲੀਵਰ ਦੀ ਬਿਮਾਰੀ ਨਾਲ ਸਬੰਧਤ ਹੋ ਸਕਦਾ ਹੈ।
ਲੀਵਰ ਦਾ ਸਭ ਤੋਂ ਜ਼ਰੂਰੀ ਕੰਮ ਹੁੰਦਾ ਸਰੀਰ ਤੋਂ ਟਾਕਸਿਨਸ ਜਾਂ ਗੰਦਗੀ ਨੂੰ ਬਾਹਰ ਕੱਢਣਾ। ਲੀਵਰ ਸਾਡੇ ਸਰੀਰ ਦਾ ਬਹੁਤ ਜ਼ਰੂਰੀ ਹਿੱਸਾ ਹੁੰਦਾ ਹੈ। ਇਹ ਪੌਸ਼ਟਿਕ ਤੱਤਾਂ ਨੂੰ ਮੈਟਾਬੋਲਾਈਜ਼ ਕਰਨ ਤੋਂ ਲੈ ਕੇ ਪਾਚਨ ਲਈ ਪਿੱਤ ਬਣਾਉਣ ਤੱਕ ਕੰਮ ਕਰਦਾ ਹੈ। ਲੀਵਰ ਸਾਡੇ ਸਰੀਰ ਦਾ ਸਭ ਤੋਂ ਮਹੱਤਵਪੂਰਨ ਹਿੱਸਾ ਹੈ। ਇਕ ਵਾਰ ਲੀਵਰ ਖਰਾਬ ਹੋਣ ਤੋਂ ਬਾਅਦ, ਸਰੀਰ ਹੌਲੀ ਹੌਲੀ ਕੰਮ ਕਰਨਾ ਬੰਦ ਕਰ ਦਿੰਦਾ ਹੈ।
ਫੈਟੀ ਲੀਵਰ ਦੇ ਲੱਛਣ
ਪੈਰਾਂ ਵਿੱਚ ਸੋਜ ਜਾਂ ਥਕਾਵਟ
ਪੇਟ ਹਮੇਸ਼ਾ ਭਰਿਆ ਹੋਇਆ ਮਹਿਸੂਸ ਹੋਣਾ
ਪੂਰੇ ਸਰੀਰ ਵਿੱਚ ਸੋਜ
ਖੂਨ ਦੀ ਕਮੀ
ਇਹ ਵੀ ਪੜ੍ਹੋ: Health: ਜੇਕਰ ਜੋੜਾਂ ਦੇ ਦਰਦ ਤੋਂ ਪਾਉਣਾ ਚਾਹੁੰਦੇ ਰਾਹਤ, ਤਾਂ ਅਪਣਾਓ ਇਹ ਤਰੀਕਾ, ਕੁਝ ਹੀ ਮਿੰਟਾ 'ਚ ਮਿਲੇਗਾ ਆਰਾਮ
ਲੀਵਰ ਦੀ ਬਿਮਾਰੀ ਹੋਣ ‘ਤੇ ਸਰੀਰ ਵਿੱਚ ਹੁੰਦੇ ਇਹ ਬਦਲਾਅ
ਸ਼ੁਰੂਆਤ ਵਿੱਚ ਲੀਵਰ ਦੀ ਬਿਮਾਰੀ ਕੋਈ ਨੁਕਸਾਨ ਨਹੀਂ ਪਹੁੰਚਾਉਂਦੀ ਅਤੇ ਬਿਨਾਂ ਲੱਛਣਾਂ ਤੋਂ ਹੁੰਦੀ ਹੈ। ਹਾਲਾਂਕਿ, ਜਦੋਂ ਇਹ ਬਿਮਾਰੀ ਵੱਧ ਜਾਂਦੀ ਹੈ ਤਾਂ ਇਹ ਖਤਰਨਾਕ ਹੋ ਜਾਂਦੀ ਹੈ। ਉੱਥੇ ਹੀ ਜੇਕਰ ਲੀਵਰ ਦੀ ਬਿਮਾਰੀ ਆਖਰੀ ਪੜਾਅ 'ਤੇ ਪਹੁੰਚ ਜਾਵੇ ਤਾਂ ਇਸ ਨੂੰ ਸਿਰੋਸਿਸ ਕਿਹਾ ਜਾਂਦਾ ਹੈ। ਜੇ ਸਿਰੋਸਿਸ ਕਾਰਨ ਲੀਵਰ ਖਰਾਬ ਹੋ ਜਾਂਦਾ ਹੈ, ਤਾਂ ਇਸਦਾ ਇਲਾਜ ਨਹੀਂ ਕੀਤਾ ਜਾ ਸਕਦਾ ਹੈ।
ਇਸ ਦੌਰਾਨ ਲੱਤਾਂ, ਗੋਡਿਆਂ, ਪੈਰਾਂ ਅਤੇ ਪੇਟ 'ਚ ਸੋਜ ਆ ਜਾਂਦੀ ਹੈ। ਬੋਸਟਨ ਚਿਲਡਰਨਸ ਹਸਪਤਾਲ ਦੇ ਅਨੁਸਾਰ, ਦਿਲ, ਲੀਵਰ ਅਤੇ ਗੁਰਦੇ ਦੀਆਂ ਬਿਮਾਰੀਆਂ ਸਰੀਰ ਦੇ ਕਈ ਹਿੱਸਿਆਂ ਵਿੱਚ ਸੋਜ ਦਾ ਕਾਰਨ ਬਣ ਸਕਦੀਆਂ ਹਨ। ਸੋਜ ਦੇ ਨਾਲ-ਨਾਲ ਤੁਹਾਨੂੰ ਇਹ ਸਾਰੀਆਂ ਸਮੱਸਿਆਵਾਂ ਵੀ ਹੋ ਸਕਦੀਆਂ ਹਨ ਜਿਵੇਂ ਕਿ ਸਰੀਰ ਦਾ ਭਾਰ ਵਧਣਾ, ਰਾਤ ਭਰ ਖੰਘਣਾ, ਥਕਾਵਟ ਹੋਣਾ, ਸਾਹ ਲੈਣ ਵਿੱਚ ਮੁਸ਼ਕਿਲ ਆਉਣਾ, ਜੋ ਕੁਝ ਸਮੇਂ ਬਾਅਦ ਬਦਤਰ ਹੋ ਸਕਦੀ ਹੈ।
Disclaimer: ਇਸ ਆਰਟਿਕਲ ਵਿੱਚ ਦੱਸੇ ਗਏ ਵਿਧੀ, ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਕਿਸੇ ਡਾਕਟਰ ਜਾਂ ਸੰਬੰਧਿਤ ਮਾਹਰ ਨਾਲ ਸਲਾਹ ਕਰੋ।