90 ਸਾਲਾ ਔਰਤ ਨਾਲ ਕੁਕਰਮ ਦੀ ਕੋਸ਼ਿਸ਼, ਮਰਿਆ ਸਮਝ ਕੇ ਖੇਤਾਂ 'ਚ ਸੁੱਟਿਆ 

ਰੱਖੜੀ ਦੇ ਦਿਨ, ਧੀਰਾ ਸਬ-ਡਵੀਜ਼ਨ ਅਧੀਨ ਪੈਂਦੇ ਪਿੰਡ ਉਸਚਾਰ ਵਿੱਚ ਇੱਕ ਘਿਣਾਉਣੀ ਘਟਨਾ ਵਾਪਰੀ। ਇੱਕ 90 ਸਾਲਾ ਔਰਤ ਨੂੰ ਇੱਕ ਵਿਅਕਤੀ ਨੇ ਆਪਣੀ ਹਵਸ ਦਾ ਸ਼ਿਕਾਰ ਬਣਾਉਣ ਦੀ ਕੋਸ਼ਿਸ਼ ਕੀਤੀ।

rape

ਪਾਲਮਪੁਰ: ਰੱਖੜੀ ਦੇ ਦਿਨ, ਧੀਰਾ ਸਬ-ਡਵੀਜ਼ਨ ਅਧੀਨ ਪੈਂਦੇ ਪਿੰਡ ਉਸਚਾਰ ਵਿੱਚ ਇੱਕ ਘਿਣਾਉਣੀ ਘਟਨਾ ਵਾਪਰੀ। ਇੱਕ 90 ਸਾਲਾ ਔਰਤ ਨੂੰ ਇੱਕ ਵਿਅਕਤੀ ਨੇ ਆਪਣੀ ਹਵਸ ਦਾ ਸ਼ਿਕਾਰ ਬਣਾਉਣ ਦੀ ਕੋਸ਼ਿਸ਼ ਕੀਤੀ। ਉਹ ਬਜ਼ੁਰਗ ਔਰਤ ਦੇ ਕਮਰੇ ਵਿੱਚ ਚਲਾ ਗਿਆ। ਪਰ ਉਹ ਬਜ਼ੁਰਗ ਔਰਤ ਦੇ ਹੌਂਸਲੇ ਅੱਗੇ ਹਾਰ ਗਿਆ। ਔਰਤ ਨੇ ਕਿਸੇ ਨਾ ਕਿਸੇ ਤਰ੍ਹਾਂ ਉਸ ਨੂੰ ਰੋਕਿਆ। ਪਰ ਜਦੋਂ ਨੌਜਵਾਨ ਦੀ ਇੱਕ ਨਾ ਚੱਲੀ ਤਾਂ ਉਸ ਨੇ ਔਰਤ ਨੂੰ ਕਮਰੇ ਤੋਂ ਖਿੱਚ ਕੇ ਖੇਤਾਂ ਵਿੱਚ ਸੁੱਟ ਦਿੱਤਾ। 

 

ਉਸ ਨੇ ਔਰਤ ਨੂੰ ਮਾਰਨਾ ਸ਼ੁਰੂ ਕਰ ਦਿੱਤਾ। ਜਦੋਂ ਬਜ਼ੁਰਗ ਔਰਤ ਬੇਹੋਸ਼ ਹੋ ਗਈ, ਤਾਂ ਇਹ ਸੋਚ ਕੇ ਉੱਥੋਂ ਭੱਜ ਗਿਆ ਕਿ ਔਰਤ ਮਰ ਚੁੱਕੀ ਹੈ। ਪਰ ਜਦੋਂ ਔਰਤ ਹੋਸ਼ ਵਿੱਚ ਆਈ ਤਾਂ ਉਹ ਆਪਣੇ ਘਰ ਪਹੁੰਚੀ। ਉਸ ਨੇ ਆਪਣੀ ਨੂੰਹ ਨੂੰ ਸਾਰੀ ਘਟਨਾ ਬਾਰੇ ਦੱਸਿਆ। ਪਰਿਵਾਰ ਔਰਤ ਨੂੰ ਹਸਪਤਾਲ ਲੈ ਗਿਆ ਅਤੇ ਪੁਲਿਸ ਕੋਲ ਮਾਮਲਾ ਦਰਜ ਕਰਵਾਇਆ। 

 

ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਪੁਲਿਸ ਨੇ ਅਜੇ ਤੱਕ ਕੋਈ ਠੋਸ ਕਾਰਵਾਈ ਨਹੀਂ ਕੀਤੀ ਹੈ ਅਤੇ ਦੋਸ਼ੀ ਅਜੇ ਵੀ ਫਰਾਰ ਹੈ। ਦੋਸ਼ੀ ਨੂੰ ਸਜ਼ਾ ਦੇਣ ਲਈ ਪੀੜਤ ਔਰਤ ਦੇ ਪਰਿਵਾਰਕ ਮੈਂਬਰ ਅੱਜ ਡੀਐਸਪੀ ਦੇ ਦਫਤਰ ਪਹੁੰਚੇ ਅਤੇ ਆਪਣੀ ਸ਼ਿਕਾਇਤ ਦਰਜ ਕਰਵਾਈ। ਡੀਐਸਪੀ ਗੁਰਬਚਨ ਸਿੰਘ ਨੇ ਕਿਹਾ ਕਿ ਅੱਜ ਇਹ ਮਾਮਲਾ ਉਨ੍ਹਾਂ ਦੇ ਧਿਆਨ ਵਿੱਚ ਆਇਆ ਹੈ। ਉਨ੍ਹਾਂ ਕਿਹਾ ਕਿ ਦੋਸ਼ੀ ਖ਼ਿਲਾਫ਼ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।