Delhi Weather Today : ਰਾਜਧਾਨੀ ਦਿੱਲੀ ਵਿੱਚ ਸ਼ਨੀਵਾਰ ਸਵੇਰੇ ਮੌਸਮ ਬਿਲਕੁਲ ਆਮ ਵਾਂਗ ਰਿਹਾ। ਆਮ ਤੌਰ 'ਤੇ ਮਈ ਦੇ ਮਹੀਨੇ ਭਿਆਨਕ ਗਰਮ ਹਵਾਵਾਂ ਦੀ ਲਪੇਟ 'ਚ ਰਹਿਣ ਵਾਲੀ ਦਿੱਲੀ ਦੀ ਸਵੇਰ  ਬਹੁਤ ਹੀ ਮਿੱਠੀ ਕੰਬਣੀ ਵਿੱਚ ਲਿਪਟੀ ਹੋਈ ਨਜ਼ਰ ਆਈ। ਹਾਲਾਂਕਿ ਸਵੇਰੇ ਕਈ ਥਾਵਾਂ 'ਤੇ ਧੁੰਦ ਦੇਖਣ ਨੂੰ ਮਿਲੀ , ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਦਿੱਲੀ 'ਚ ਅਜੇ ਵੀ ਪ੍ਰਦੂਸ਼ਣ ਖ਼ਤਮ ਨਹੀਂ ਹੋਇਆ ਹੈ।

 


 

ਸਭ ਤੋਂ ਗਰਮ ਹੋਵੇਗਾ ਮਈ ਦਾ ਮਹੀਨਾ ?

ਮਈ ਦਾ ਮਹੀਨਾ ਆਮ ਤੌਰ 'ਤੇ ਦਿੱਲੀ ਅਤੇ ਆਸ-ਪਾਸ ਦੇ ਖੇਤਰਾਂ ਵਿੱਚ ਸਾਲ ਦਾ ਸਭ ਤੋਂ ਗਰਮ ਹੁੰਦਾ ਹੈ। ਮਈ ਵਿੱਚ ਔਸਤ ਵੱਧ ਤੋਂ ਵੱਧ ਤਾਪਮਾਨ 39.5 ਡਿਗਰੀ ਸੈਲਸੀਅਸ ਹੁੰਦਾ ਹੈ ਪਰ ਮੌਸਮ ਵਿਭਾਗ ਅਨੁਸਾਰ ਸ਼ਨੀਵਾਰ ਯਾਨੀ 6 ਮਈ ਨੂੰ ਘੱਟੋ-ਘੱਟ ਤਾਪਮਾਨ 20 ਡਿਗਰੀ ਸੈਲਸੀਅਸ ਅਤੇ ਵੱਧ ਤੋਂ ਵੱਧ ਤਾਪਮਾਨ 36 ਡਿਗਰੀ ਸੈਲਸੀਅਸ ਰਿਕਾਰਡ ਕੀਤਾ ਜਾ ਸਕਦਾ ਹੈ। ਦਿੱਲੀ ਦੇ ਰਿਜ ਏਰੀਏ ਦੀ ਗੱਲ ਕਰੀਏ ਤਾਂ ਮੌਸਮ ਵਿਭਾਗ ਮੁਤਾਬਕ ਇੱਥੇ ਘੱਟੋ-ਘੱਟ ਤਾਪਮਾਨ 17.1 ਡਿਗਰੀ ਅਤੇ ਵੱਧ ਤੋਂ ਵੱਧ 34.2 ਡਿਗਰੀ ਰਹਿਣ ਦੀ ਸੰਭਾਵਨਾ ਹੈ, ਜੋ ਕਿ ਪੂਰੀ ਦਿੱਲੀ ਦੇ ਮੌਸਮ ਵਿਭਾਗ ਦੇ ਸਾਰੇ ਸਟੇਸ਼ਨਾਂ ਦੇ ਮੁਕਾਬਲੇ ਸਭ ਤੋਂ ਘੱਟ ਹੈ।


 



 ਵਾਪਸ ਆ ਸਕਦੇ ਹਨ ਗਰਮੀ ਦੇ ਦਿਨ 

ਜੇਕਰ ਸ਼ਨੀਵਾਰ ਦੇ ਤਾਪਮਾਨ ਦੀ ਪਿਛਲੇ ਦਿਨਾਂ ਨਾਲ ਤੁਲਨਾ ਕੀਤੀ ਜਾਵੇ ਤਾਂ ਇਕ ਵਾਰ ਫਿਰ ਤਾਪਮਾਨ 'ਚ ਵਾਧਾ ਦਰਜ ਕੀਤਾ ਗਿਆ ਹੈ। ਅਪ੍ਰੈਲ 2023 ਦੇ ਅੰਤ 'ਚ ਗਰਮੀ ਅਤੇ ਲੂ ਨੇ ਲੋਕਾਂ ਨੂੰ ਸੰਕੇਤ ਦਿੱਤੇ ਸਨ ਕਿ ਇਸ ਸਾਲ ਗਰਮੀ ਦਾ ਪ੍ਰਕੋਪ ਵਧ ਸਕਦਾ ਹੈ ਪਰ ਮਈ 2023 ਦੇ ਸ਼ੁਰੂ 'ਚ ਮੀਂਹ ਅਤੇ ਮਾਨਸੂਨ ਦੇਖ ਕੇ ਲੋਕ ਖੁਸ਼ ਨਜ਼ਰ ਆਏ ਪਰ ਮੌਸਮ ਵਿਭਾਗ ਮੁਤਾਬਕ ਇੱਕ ਵਾਰ ਫਿਰ ਗਰਮੀ ਅਤੇ ਲੂ ਦੇ ਦਿਨ ਮੁੜ ਆ ਸਕਦੇ ਹਨ। 8 ਮਈ ਤੋਂ ਬਾਅਦ ਤਾਪਮਾਨ ਦਾ ਪਾਰਾ ਚੜ੍ਹ ਸਕਦਾ ਹੈ। ਮਤਲਬ ਹੁਣ ਇਹ ਕਿਹਾ ਜਾ ਸਕਦਾ ਹੈ ਕਿ ਸੁਹਾਵਣੇ ਮੌਸਮ ਦਾ ਦੌਰ ਖਤਮ ਹੋ ਜਾਵੇਗਾ ਅਤੇ ਮਈ ਦੀ ਗਰਮੀ ਆਪਣਾ ਅਸਲੀ ਰੂਪ ਦਿਖਾਉਣ ਜਾ ਰਹੀ ਹੈ।