Turmeric Farming: ਦੇਸ਼ ਦੇ ਲਗਭਗ ਹਰ ਘਰ ਵਿੱਚ ਹਲਦੀ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਕਿਸਾਨ ਇਸ ਦੀ ਖੇਤੀ ਕਰਕੇ ਚੰਗਾ ਪੈਸਾ ਕਮਾ ਸਕਦੇ ਹਨ। ਜਿਸ ਦੀ ਪੂਰੀ ਜਾਣਕਾਰੀ ਹੇਠਾਂ ਦਿੱਤੀ ਗਈ ਹੈ, ਆਓ ਜਾਣਦੇ ਹਾਂ।
ਦੱਸ ਦੇਈਏ ਕਿ ਹਲਦੀ ਦੀ ਖੇਤੀ ਨੂੰ ਕਮਾਈ ਕਰਨ ਵਾਲੀ ਫਸਲ ਕਿਹਾ ਜਾਂਦਾ ਹੈ। ਕਿਉਂਕਿ ਇਹ ਇੱਕ ਅਜਿਹੀ ਫਸਲ ਹੈ ਜਿਸ ਦੀ ਵਰਤੋਂ ਕਈ ਉਦੇਸ਼ਾਂ ਲਈ ਕੀਤੀ ਜਾਂਦੀ ਹੈ। ਜਿਸ ਦੀ ਮੰਗ ਹਮੇਸ਼ਾ ਬਣੀ ਰਹਿੰਦੀ ਹੈ। ਹਲਦੀ ਦੀ ਵਰਤੋਂ ਮਸਾਲਿਆਂ, ਦਵਾਈਆਂ, ਬਿਊਟੀ ਪ੍ਰੋਡਟਕਟਸ ਅਤੇ ਹੋਰ ਬਹੁਤ ਸਾਰੇ ਉਤਪਾਦਾਂ ਲਈ ਕੀਤੀ ਜਾਂਦੀ ਹੈ।
ਇਸ ਦੇ ਨਾਲ ਹੀ ਹਲਦੀ ਦੀ ਕਾਸ਼ਤ ਦੌਰਾਨ ਜ਼ਿਆਦਾ ਪਾਣੀ ਜਾਂ ਸਿੰਚਾਈ ਦੀ ਲੋੜ ਨਹੀਂ ਹੁੰਦੀ ਹੈ। ਇਹ ਇੱਕ ਅਜਿਹੀ ਫ਼ਸਲ ਹੈ ਜਿਸ ਨੂੰ ਘੱਟ ਖਰਚੇ 'ਤੇ ਉਗਾਇਆ ਜਾ ਸਕਦਾ ਹੈ ਅਤੇ ਇਸ ਤੋਂ ਚੰਗੀ ਆਮਦਨ ਵੀ ਕੀਤੀ ਜਾ ਸਕਦੀ ਹੈ।
ਜੇਕਰ ਤੁਸੀਂ ਇੱਕ ਹੈਕਟੇਅਰ ਖੇਤਰ ਵਿੱਚ ਹਲਦੀ ਦੀ ਕਾਸ਼ਤ ਕਰਨ ਬਾਰੇ ਸੋਚ ਰਹੇ ਹੋ, ਤਾਂ ਤੁਹਾਨੂੰ ਬੀਜ ਲਈ ਲਗਭਗ 10,000 ਰੁਪਏ, ਖਾਦ ਲਈ 10,000 ਰੁਪਏ ਅਤੇ ਉਸ ਸਮੇਂ ਲਾਗੂ ਲੇਬਰ ਦੇ ਖਰਚੇ ਦੇਣੇ ਪੈਣਗੇ। ਹਲਦੀ ਦੀ ਕਾਸ਼ਤ ਤੋਂ ਆਮਦਨ ਮੁੱਖ ਤੌਰ 'ਤੇ ਉਤਪਾਦਨ 'ਤੇ ਨਿਰਭਰ ਕਰਦੀ ਹੈ।
ਇੱਕ ਹੈਕਟੇਅਰ ਵਿੱਚ ਹਲਦੀ ਦੀ ਔਸਤਨ ਪੈਦਾਵਾਰ 20-25 ਕੁਇੰਟਲ ਹੁੰਦੀ ਹੈ। ਜੇਕਰ ਹਲਦੀ ਦੀ ਕੀਮਤ 200 ਰੁਪਏ ਪ੍ਰਤੀ ਕਿਲੋ ਹੈ ਤਾਂ ਇੱਕ ਹੈਕਟੇਅਰ ਵਿੱਚ ਹਲਦੀ ਦੀ ਕਾਸ਼ਤ ਕਰਕੇ ਕਰੀਬ 5 ਲੱਖ ਰੁਪਏ ਦੀ ਕਮਾਈ ਕੀਤੀ ਜਾ ਸਕਦੀ ਹੈ।
ਕਿਹੜੀਆਂ ਗੱਲਾਂ ਦਾ ਰੱਖਣਾ ਚਾਹੀਦਾ ਧਿਆਨ
ਹਲਦੀ ਦੀ ਕਾਸ਼ਤ ਕਰਨ ਲਈ ਚੰਗੀ ਨਿਕਾਸੀ ਵਾਲੀ ਮਿੱਟੀ ਦੀ ਚੋਣ ਕਰੋ। ਇਸ ਦੀ ਕਾਸ਼ਤ ਲਈ ਜੈਵਿਕ ਖਾਦ ਦੀ ਵਰਤੋਂ ਕਰੋ। ਹਲਦੀ ਦੀ ਕਾਸ਼ਤ ਦੌਰਾਨ ਕੀੜਿਆਂ ਅਤੇ ਬਿਮਾਰੀਆਂ ਤੋਂ ਬਚਾਅ ਲਈ ਉਚਿਤ ਉਪਾਅ ਕਰੋ। ਫ਼ਸਲ ਨੂੰ ਸਹੀ ਸਮੇਂ 'ਤੇ ਖੇਤ ਵਿੱਚੋਂ ਕੱਢੋ।
ਹਲਦੀ ਦੀ ਹੈ ਬਹੁਤ ਮੰਗ
ਬਾਜ਼ਾਰ 'ਚ ਹਲਦੀ ਦੀ ਕਾਫੀ ਮੰਗ ਹੈ। ਭਾਰਤ ਵਿੱਚ ਹੀ ਨਹੀਂ ਸਗੋਂ ਵਿਦੇਸ਼ਾਂ ਵਿੱਚ ਵੀ ਹਲਦੀ ਦੀ ਕਾਫੀ ਮੰਗ ਹੈ। ਤੁਸੀਂ ਔਨਲਾਈਨ ਪਲੇਟਫਾਰਮਾਂ ਰਾਹੀਂ ਵੀ ਹਲਦੀ ਨੂੰ ਚੰਗੀ ਕੀਮਤ 'ਚ ਵੇਚ ਸਕਦੇ ਹੋ।
ਇਹ ਵੀ ਪੜ੍ਹੋ: Stubble Burning: ਪਰਾਲੀ ਸਾੜਨ ਦੇ ਟੁੱਟੇ ਰਿਕਾਰਡ, 'ਸੂਬੇ ਦੀ ਆਬੋ-ਹਵਾ ਖਰਾਬ ਕਰਨ 'ਚ ਆਪ ਪੂਰੀ ਤਰ੍ਹਾਂ ਜਿੰਮੇਵਾਰ'