Egg is sold for 100 rupees: ਪੇਂਡੂ ਖੇਤਰਾਂ 'ਚ ਪੋਲਟਰੀ ਫਾਰਮਿੰਗ ਬਹੁਤ ਮਸ਼ਹੂਰ ਹੋ ਗਈ ਹੈ। ਇਸ ਦਾ ਫਾਇਦਾ ਇਹ ਹੋਇਆ ਕਿ ਅੰਡੇ ਤੇ ਮੀਟ ਦਾ ਉਤਪਾਦਨ ਵੀ ਵਧਿਆ ਹੈ। ਇਸ ਦੌਰਾਨ ਸਰਕਾਰ ਕਿਸਾਨਾਂ ਨੂੰ ਪੋਲਟਰੀ ਫਾਰਮਿੰਗ ਦਾ ਧੰਦਾ ਅਪਣਾਉਣ ਲਈ ਉਤਸ਼ਾਹਿਤ ਕਰ ਰਹੀ ਹੈ। ਕਿਸਾਨਾਂ ਨੂੰ ਪੋਲਟਰੀ ਫਾਰਮਿੰਗ ਸ਼ੁਰੂ ਕਰਨ ਲਈ ਬੰਪਰ ਸਬਸਿਡੀ ਦਿੱਤੀ ਜਾ ਰਹੀ ਹੈ।
100 ਰੁਪਏ 'ਚ ਵਿਕਦਾ ਅਸੀਲ ਮੁਰਗੀ ਦਾ ਇੱਕ ਆਂਡਾ
ਮੀਟ ਉਤਪਾਦਨ ਲਈ ਅਸੀਲ ਮੁਰਗੇ ਤੇ ਮੁਰਗੀਆਂ ਪਾਲੇ ਜਾਂਦੇ ਹਨ। ਅੰਡੇ ਉਤਪਾਦਨ ਦੇ ਮਾਮਲੇ 'ਚ ਇਹ ਮੁਰਗੀਆਂ ਕਮਜ਼ੋਰ ਮੰਨੀਆਂ ਜਾਂਦੀਆਂ ਹਨ। ਇਹ ਮੁਰਗੀ ਸਾਲਾਨਾ ਸਿਰਫ਼ 60 ਤੋਂ 70 ਅੰਡੇ ਦੇਣ ਦੀ ਸਮਰੱਥਾ ਰੱਖਦੀਆਂ ਹਨ, ਪਰ ਇਸ ਦੇ ਇਕ ਅੰਡੇ ਦੀ ਕੀਮਤ ਬਹੁਤ ਜ਼ਿਆਦਾ ਹੈ। ਅਸੀਲ ਮੁਰਗੀ ਦਾ ਇੱਕ ਆਂਡਾ 100 ਰੁਪਏ 'ਚ ਖਰੀਦਿਆ ਜਾਂਦਾ ਹੈ। ਇਸ ਦੇ ਅੰਡੇ ਦਾ ਸੇਵਨ ਅੱਖਾਂ ਲਈ ਵੀ ਫ਼ਾਇਦੇਮੰਦ ਹੁੰਦਾ ਹੈ।
ਕਿਵੇਂ ਹੁੰਦਾ ਆਕਾਰ?
ਅਸੀਲ ਮੁਰਗੀ ਦਾ ਮੂੰਹ ਲੰਬਾ ਤੇ ਬੇਲਨਾਕਾਰ ਹੁੰਦਾ ਹੈ, ਜੋ ਖੰਭਾਂ, ਸੰਘਣੀ ਅੱਖਾਂ, ਲੰਬੀ ਗਰਦਨ ਦੇ ਨਾਲ ਹੁੰਦਾ ਹੈ। ਇਨ੍ਹਾਂ ਦੀਆਂ ਮਜ਼ਬੂਤ ਅਤੇ ਸਿੱਧੀਆਂ ਲੱਤਾਂ ਹੁੰਦੀਆਂ ਹਨ। ਇਸ ਨਸਲ ਦੀ ਮੁਰਗੀ ਦਾ ਭਾਰ 4-5 ਕਿਲੋ ਅਤੇ ਮੁਰਗੀ ਦਾ ਭਾਰ 3-4 ਕਿਲੋ ਹੁੰਦਾ ਹੈ। ਇਸ ਮੁਰਗੀ ਦਾ ਔਸਤ ਭਾਰ 3.5-4.5 ਕਿਲੋਗ੍ਰਾਮ ਅਤੇ ਪੁਲੈਟਸ (ਜਵਾਨ ਮੁਰਗੀ) ਦਾ ਔਸਤ ਭਾਰ 2.5-3.5 ਕਿਲੋਗ੍ਰਾਮ ਹੁੰਦਾ ਹੈ। ਦੱਸ ਦੇਈਏ ਕਿ ਦੇਸ਼ 'ਚ ਕਈ ਥਾਵਾਂ 'ਤੇ ਮੁਰਗੇ ਜਾਂ ਮੁਰਗੀਆਂ ਦੀ ਲੜਾਈ ਦਾ ਰੁਝਾਨ ਚੱਲ ਰਿਹਾ ਹੈ। ਅਜਿਹੀ ਸਥਿਤੀ 'ਚ ਅਸੀਲ ਨਸਲ ਦੀਆਂ ਮੁਰਗੇ ਤੇ ਮੁਰਗੀਆਂ ਨੂੰ ਲੜਾਈ ਲਈ ਵਰਤਿਆ ਜਾਂਦਾ ਹੈ।
ਇਨ੍ਹਾਂ ਸੂਬਿਆਂ 'ਚ ਪਾਈਆਂ ਜਾਂਦੀਆਂ ਅਸੀਲ ਮੁਰਗੀਆਂ
ਦੱਸ ਦੇਈਏ ਕਿ ਅਸੀਲ ਮੁਰਗੀ ਦੀ ਨਸਲ ਦੱਖਣੀ ਪੰਜਾਬ, ਉੱਤਰ ਪ੍ਰਦੇਸ਼, ਰਾਜਸਥਾਨ ਅਤੇ ਆਂਧਰਾ ਪ੍ਰਦੇਸ਼ 'ਚ ਪਾਈ ਜਾਂਦੀ ਹੈ। ਇਸ ਦੀਆਂ ਸਾਰੀਆਂ ਨਸਲਾਂ 'ਚ ਰੇਜ਼ਾ (ਹਲਕਾ ਲਾਲ), ਟੀਕਰ (ਭੂਰਾ), ਚਿੱਤਾ (ਕਾਲਾ ਅਤੇ ਸਫੈਦ ਚਾਂਦੀ), ਕਾਗਰ (ਕਾਲਾ), Nurie 89 (ਸਫੈਦ), ਯਾਰਕਿਨ (ਕਾਲਾ ਤੇ ਲਾਲ) ਅਤੇ ਪੀਲਾ (ਸੁਨਹਿਰੀ ਲਾਲ) ਨਸਲਾਂ ਬਹੁਤ ਮਸ਼ਹੂਰ ਹਨ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।