ਪੜਚੋਲ ਕਰੋ
Advertisement
![ABP Premium](https://cdn.abplive.com/imagebank/Premium-ad-Icon.png)
ਨੋਟਬੰਦੀ ਤੋਂ ਪਰੇਸ਼ਾਨ ਕਿਸਾਨ ਨੇ ਵਾਹ ਦਿੱਤਾ ਖੜ੍ਹੇ ਫੁੱਲਾਂ ਦਾ ਖੇਤ...
![ਨੋਟਬੰਦੀ ਤੋਂ ਪਰੇਸ਼ਾਨ ਕਿਸਾਨ ਨੇ ਵਾਹ ਦਿੱਤਾ ਖੜ੍ਹੇ ਫੁੱਲਾਂ ਦਾ ਖੇਤ... Note Bandi Effect Farmer ਨੋਟਬੰਦੀ ਤੋਂ ਪਰੇਸ਼ਾਨ ਕਿਸਾਨ ਨੇ ਵਾਹ ਦਿੱਤਾ ਖੜ੍ਹੇ ਫੁੱਲਾਂ ਦਾ ਖੇਤ...](https://static.abplive.com/wp-content/uploads/sites/5/2016/12/06113328/download1.jpg?impolicy=abp_cdn&imwidth=1200&height=675)
ਚੰਡੀਗੜ੍ਹ : ਫ਼ਤਿਹਗੜ੍ਹ ਸਾਹਿਬ ਦੇ ਕਿਸਾਨ ਨੇ ਨੋਟ ਬੰਦੀ ਤੋਂ ਨਿਰਾਸ਼ ਹੋਕੇ ਅਗਾਂਹਵਧੂ ਕਿਸਾਨ ਅਮਰੀਕ ਸਿੰਘ ਨੇ ਆਪਣੇ ਖੜ੍ਹੇ ਫੁੱਲਾਂ ਦੇ ਖੇਤ ਨੂੰ ਵਾਹ ਦਿੱਤਾ। ਮੰਡੀ ਵਿੱਚ ਫੁੱਲਾਂ ਦਾ ਖ਼ਰੀਦਦਾਰ ਨਾ ਹੋਣ ਕਾਰਨ ਉਸ ਨੂੰ ਮਜਬੂਰੀ ਚ ਖੜ੍ਹੇ ਫੁੱਲਾਂ ਦੇ ਖੇਤ ਵਾਹੁਣੇ ਪਏ। ਨੇੜੇ ਜੈਨ ਮੰਦਿਰ ਦਾ ਵਾਸੀ ਅਮਰੀਕ ਸਿੰਘ ਪਿਛਲੇ 15 ਸਾਲ ਤੋਂ ਫੁੱਲਾਂ ਦੀ ਖੇਤੀ ਕਰ ਰਿਹਾ ਸੀ ਪਰ ਇਹ ਪਹਿਲੀ ਬਾਰ ਹੋਇਆ ਹੈ ਕਿ ਉਸ ਦੇ ਫੁੱਲਾਂ ਨੂੰ ਖ਼ਰੀਦਣ ਲਈ ਕੋਈ ਗਾਹਕ ਨਹੀਂ ਹੈ।
ਅਮਰੀਕ ਸਿੰਘ ਦਾ ਕਹਿਣਾ ਹੈ ਕਿ ਨੋਟ ਬੰਦੀ ਕਾਰਨ ਵਿਆਹ ਦਾ ਸੀਜ਼ਨ ਮੰਦਾ ਰਿਹਾ ਹੈ । ਪੈਸਾ ਨਾ ਹੋਣ ਕਾਰਨ ਲੋਕਾਂ ਨੇ ਆਪਣੇ ਵਿਆਹ ਅੱਗੇ ਪਾ ਦਿੱਤੇ ਜਾਂ ਨਾਂ-ਮਾਤਰ ਖ਼ਰਚੇ ਨਾਲ ਵਿਆਹ ਕਰ ਰਹੇ ਹਨ। ਜਿਸ ਕਾਰਨ ਫੁੱਲਾਂ ਦੀ ਮਾਰਕੀਟ ਨੂੰ ਝਟਕਾ ਲੱਗਾ ਹੈ। ਵਿਆਹ ਨਾ ਹੋਣ ਕਾਰਨ ਫੁੱਲਾਂ ਦਾ ਕੋਈ ਗਾਹਕ ਨਹੀਂ ਹੈ ਤੇ ਉਲਟਾ ਫੁੱਲਾ ਦੇ ਰੱਖ-ਰਖਾਅ ਦਾ ਉਸ ਨੂੰ ਪੱਲੋਂ ਖਰਚਾ ਕਰਨਾ ਪੈ ਰਿਹਾ ਹੈ। ਇਸ ਹਾਲਤ ਤੋਂ ਨਿਰਾਸ਼ ਹੋਕੇ ਉਸ ਨੂੰ ਖੜ੍ਹੇ ਫੁੱਲਾਂ ਤੇ ਟਰੈਕਟਰ ਚਲਾਇਆ।
ਉਸ ਨੇ ਕਿਹਾ ਕਿ ਫ਼ਸਲ ਪ੍ਰਤੀ ਏਕੜ ਕਰੀਬ ਇੱਕ ਲੱਖ ਦਾ ਘਾਟਾ ਪਿਆ ਹੈ। ਇਨ੍ਹਾਂ ਹੀ ਨਹੀਂ ਹਰ ਸਾਲ ਉਸ ਦੇ ਖੇਤਾਂ ਵਿੱਚ ਕੰਮ ਕਰਨ ਵਾਲੇ ਮਜ਼ਦੂਰ ਵੀ ਇਸ ਬਾਰ ਵਿਹਲੇ ਹੋ ਗਏ। ਉਸਨੇ ਕਿਹਾ ਕਿ ਉਹ ਚੰਡੀਗੜ੍ਹ, ਬੱਸੀ ਪਠਾਣਾ ਤੇ ਸਰਹਿੰਦ ਫ਼ਸਲ ਵੇਚਦੇ ਹਨ ਪਰ ਇਸ ਬਾਰ ਕੋਈ ਲੈਣ ਨੂੰ ਤਿਆਰ ਨਹੀਂ ਹੈ।
ਇਸ ਅਗਾਂਹਵਧੂ ਕਿਸਾਨ ਨੇ ਕਿਹਾ ਕਿ ਇੱਕ ਪਾਸੇ ਤਾਂ ਸਰਕਾਰ ਖੇਤੀ ਵਿਭਿੰਨਤਾ ਦਾ ਨਾਅਰਾ ਦਿੰਦੀ ਹੈ ਪਰ ਦੂਜੇ ਪਾਸੇ ਜੇਕਰ ਕੋਈ ਕਿਸਾਨ ਖੇਤੀ ਵਿਭਿੰਨਤਾ ਵੱਲ ਜਾਂਦੇ ਹਨ ਤਾਂ ਨੁਕਸਾਨ ਸਮੇਂ ਉਸ ਦੀ ਸਾਰ ਵੀ ਨਹੀਂ ਲੈਂਦੇ। ਉਸ ਨੇ ਕਿਹਾ ਕਿ ਜ਼ਿਲ੍ਹੇ ਦਾ ਕੋਈ ਵੀ ਪ੍ਰਸ਼ਾਸਨਿਕ ਅਧਿਕਾਰੀ ਵੀ ਉਸ ਦੀ ਸਾਰ ਨਹੀਂ ਲੈ ਰਿਹਾ। ਉਸ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਘਾਟੇ ਨੂੰ ਪੂਰਾ ਕਰਨ ਲਈ ਮੁਆਵਜ਼ਾ ਦਿੱਤਾ ਜਾਵੇ।
Follow Breaking News on abp LIVE for more latest stories and trending topics. Watch breaking news and top headlines online on abp sanjha LIVE TV Khelo khul ke, sab bhool ke - only on Games Live
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਜਨਰਲ ਨੌਲਜ
ਲੁਧਿਆਣਾ
ਕ੍ਰਿਕਟ
ਦੇਸ਼
Advertisement
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)