ਡਬਲੂਐਚਓ ਦੇ ਮੁੱਖ ਟੇਡ੍ਰੋਸ ਐਡਮਨੋਮ ਗੈਬਰੀਏਸਿਸ ਨੇ ਕਿਹਾ ਕਿ ਇਹ ਸਭ ਤੋਂ ਵੱਡੀ ਚਿੰਤਾ ਹੈ ਕਿ ਵਾਇਰਸ ਖਰਾਬ ਸਿਹਤ ਸੁਵਿਧਾਵਾਂ ਵਾਲੇ ਦੇਸ਼ 'ਚ ਨਾ ਫੈਲੇ। ਉਧਰ, ਚੀਨ ਦਾ ਕਹਿਣਾ ਹੈ ਕਿ ਉਹ ਵਾਇਰਸਾਂ ਨਾਲ ਲੜਣ 'ਚ ਪੂਰੀ ਤਰ੍ਹਾਂ ਸਮਰੱਥ ਹੈ। ਭਾਰਤ ਸਣੇ 20 ਦੇਸ਼ਾਂ 'ਚ ਇਸ ਵਾਇਰਸ ਦੇ ਸੰਕੇਤ ਮਿਲੇ ਹਨ।
ਬੀਜਿੰਗ 'ਚ ਭਾਰਤੀ ਦੂਤਾਵਾਸ ਨੇ ਕਿਹਾ ਕਿ ਸ਼ੁੱਕਰਵਾਰ ਸ਼ਾਮ ਨੂੰ ਕੱਢੇ ਜਾਣ ਦੀ ਮੁਹਿਮ ਸ਼ੁਰੂ ਹੋ ਸਕਦੀ ਹੈ। ਪਹਿਲੀ ਉਡਾਣ ਉਨ੍ਹਾਂ ਭਾਰਤੀਆਂ ਨੂੰ ਲਿਆਏਗੀ ਜੋ ਵੁਹਾਨ ਦੇ ਆਸ ਪਾਸ ਰਹਿੰਦੇ ਹਨ ਅਤੇ ਵਾਪਸ ਆਉਣਾ ਚਾਹੁੰਦੇ ਹਨ। ਇਸ ਤੋਂ ਬਾਅਦ ਦੂਸਰੀ ਫਲਾਈਟ ਭੇਜੀ ਜਾਵੇਗੀ।
ਭਾਰਤ 'ਚ ਕੋਰੋਨਾਵਾਇਰਸ ਦਾ ਪਹਿਲਾ ਕੇਸ ਕੇਰਲ 'ਚ ਪਾਇਆ ਗਿਆ। ਸਿਹਤ ਮੰਤਰਾਲੇ ਨੇ ਵੀਰਵਾਰ ਨੂੰ ਕਿਹਾ ਕਿ ਕੇਰਲ ਦਾ ਇੱਕ ਵਿਦਿਆਰਥੀ ਵੁਹਾਨ ਯੂਨੀਵਰਸਿਟੀ ਤੋਂ ਪੜ੍ਹਾਈ ਕਰਕੇ ਵਾਪਸ ਦੇਸ਼ ਪਰਤਿਆ ਸੀ। ਇਸ ਦੇ ਨਾਲ ਹੀ ਭੋਪਾਲ ਏਮਜ਼ 'ਚ ਵੀ ਇੱਕ ਸ਼ੱਕੀ ਮਾਮਲਾ ਸਾਹਮਣੇ ਆਇਆ ਹੈ। ਉਸ ਨੂੰ ਇਲਾਜ ਲਈ ਏਮਜ਼ ਦੇ ਮੈਡੀਸਨ ਵਿਭਾਗ 'ਚ ਰੱਖੀਆ ਗਿਆ ਹੈ। ਵੀਰਵਾਰ ਨੂੰ ਮਲੇਸ਼ੀਆ 'ਚ ਤ੍ਰਿਪੁਰਾ ਤੋਂ ਆਏ ਇੱਕ ਵਿਅਕਤੀ ਦੀ ਕੋਰਨਾਵਾਇਰਸ ਤੋਂ ਮੌਤ ਹੋ ਗਈ।
ਗਲੋਬਲ ਐਮਰਜੈਂਸੀ ਕੀ ਹੈ?
ਗਲੋਬਲ ਐਮਰਜੈਂਸੀ ਐਲਾਨ ਹੋਣ ਤੋਂ ਬਾਅਦ ਵਾਇਰਸ ਨਾਲ ਲੜਨ ਲਈ ਅੰਤਰਰਾਸ਼ਟਰੀ ਪੱਧਰ 'ਤੇ ਕੋਸ਼ਿਸ਼ਾਂ ਤੇਜ਼ ਕਰ ਦਿੱਤੀਆਂ ਜਾਣਗੀਆਂ। ਵਿਸ਼ਾਣੂ ਹੋਰ ਦੇਸ਼ਾਂ 'ਚ ਨਾ ਫੈਲੇ ਇਸ ਲਈ ਡਬਲੂਐਚਓ ਸਾਰੀਆਂ ਰਣਨੀਤੀਆਂ ਦੇ ਤਾਲਮੇਲ 'ਚ ਸਾਰੇ ਦੇਸ਼ਾਂ ਨਾਲ ਕੰਮ ਕਰੇਗਾ। ਡਬਲੂਐਚਓ ਨੇ ਹੁਣ ਤੱਕ 6 ਵਾਰ ਗਲੋਬਲ ਐਮਰਜੈਂਸੀ ਦਾ ਐਲਾਨ ਕੀਤਾ ਹੈ।