COVID-19: ਰਾਹੁਲ ਗਾਂਧੀ ਨੇ ਖੋਲ੍ਹੀ ਮੋਦੀ ਦੇ ਦਾਅਵਿਆਂ ਦੀ ਪੋਲ, ਆਖਰ ਦੀ ਹੈ ਸੱਚ?

ਕੋਰੋਨਾਵਾਇਰਸ ਬਾਰੇ ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਰਤ ਨੇ ਟੈਸਟਿੰਗ ਕਿੱਟ ਖਰੀਦਣ ‘ਚ ਦੇਰੀ ਕੀਤੀ ਤੇ ਹੁਣ ਇਸ ਵਿੱਚ ਗੰਭੀਰ ਕਮੀ ਹੈ। ਉਨ੍ਹਾਂ ਇਸ ਬਾਰੇ ਟਵੀਟ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਟੈਸਟਾਂ ਦੇ ਮਾਮਲੇ ‘ਚ ਬਹੁਤ ਪਛੜ ਗਿਆ ਹੈ।

ਨਵੀਂ ਦਿੱਲੀ: ਕੋਰੋਨਾਵਾਇਰਸ ਬਾਰੇ ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਕਿਹਾ ਕਿ ਭਾਰਤ ਨੇ ਟੈਸਟਿੰਗ ਕਿੱਟ ਖਰੀਦਣ ‘ਚ ਦੇਰੀ ਕੀਤੀ ਤੇ ਹੁਣ ਇਸ ਵਿੱਚ ਗੰਭੀਰ ਕਮੀ ਹੈ। ਉਨ੍ਹਾਂ ਇਸ ਬਾਰੇ ਟਵੀਟ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਭਾਰਤ ਟੈਸਟਾਂ ਦੇ ਮਾਮਲੇ ‘ਚ ਬਹੁਤ ਪਛੜ ਗਿਆ ਹੈ। ਰਾਹੁਲ ਗਾਂਧੀ ਨੇ ਕਿਹਾ, “ਭਾਰਤ ਨੇ ਟੈਸਟਿੰਗ ਕਿੱਟਾਂ ਦੀ ਖਰੀਦ ‘ਚ ਦੇਰੀ ਕੀਤੀ ਤੇ ਹੁਣ ਇਹ ਗੰਭੀਰ ਤੌਰ ਵਿੱਚ ਘੱਟ ਹਨ। ਪ੍ਰਤੀ ਮਿਲੀਅਨ ਭਾਰਤੀਆਂ ‘ਚ ਸਿਰਫ 149 ਟੈਸਟਾਂ ਦੇ ਨਾਲ, ਅਸੀਂ ਹੁਣ ਲਾਓਸ (157), ਨਾਈਜਰ (182) ਤੇ ਹਾਂਡੂਰਸ (162) ਦੀ ਟੀਮ ‘ਚ ਹਾਂ। ਮਾਸ ਟੈਸਟਿੰਗ ਕੋਰੋਨਾਵਾਇਰਸ ਨਾਲ ਲੜਨ ਦੀ ਕੁੰਜੀ ਹੈ। ਇਸ ਸਮੇਂ ਅਸੀਂ ਕਿਤੇ ਵੀ ਨਹੀਂ ਹਾਂ।” ਰਾਹੁਲ ਗਾਂਧੀ ਜਿੱਥੇ ਇੱਕ ਪਾਸੇ ਟੈਸਟਿੰਗ ਕਿੱਟਾਂ ਦੀ ਗਿਣਤੀ ‘ਤੇ ਸਵਾਲ ਖੜ੍ਹੇ ਕੀਤੇ ਹਨ, ਉੱਥੇ ਹੀ ਇੰਡੀਅਨ ਕੌਂਸਲ ਆਫ਼ ਮੈਡੀਕਲ ਰਿਸਰਚ ਦੇ ਅਧਿਕਾਰੀਆਂ ਨੇ ਸੋਮਵਾਰ ਨੂੰ ਕਿਹਾ ਸੀ ਕਿ ਦੇਸ਼ ‘ਚ ਇੰਨਾ ਜ਼ਿਆਦਾ ਭੰਡਾਰ ਹੈ ਕਿ ਅਸੀਂ ਅਗਲੇ ਛੇ ਹਫ਼ਤਿਆਂ ਲਈ ਟੈਸਟ ਕਰ ਸਕਦੇ ਹਾਂ।"

ਉਨ੍ਹਾਂ ਨੇ ਕਿਹਾ, “ਚਿੰਤਾ ਕਰਨ ਦੀ ਕੋਈ ਜ਼ਰੂਰਤ ਨਹੀਂ। ਜਿਸ ਸਪੀਡ ਨਾਲ ਅਸੀਂ ਅੱਜ ਟੈਸਟ ਕਰ ਰਹੇ ਹਾਂ, ਸਾਡੇ ਕੋਲ ਵੱਡਾ ਸਟਾਕ ਹੈ ਜਿਸ ਨਾਲ ਅਸੀਂ ਅਗਲੇ ਛੇ ਹਫ਼ਤਿਆਂ ਲਈ ਅਸਾਨੀ ਨਾਲ ਟੈਸਟ ਕਰ ਸਕਦੇ ਹਾਂ।" ਦੂਜੇ ਪਾਸੇ, ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਯੰਕਾ ਗਾਂਧੀ ਨੇ ਕਿਹਾ ਕਿ ਵੱਧ ਤੋਂ ਵੱਧ ਟੈਸਟ ਸਹੀ ਤਸਵੀਰ ਦੇ ਸਕਦੇ ਹਨ। ਇਸ ਸਬੰਧ ਵਿੱਚ ਉਨ੍ਹਾਂ ਨੇ ਯੂਪੀ ਦੇ ਸੀਐਮ ਯੋਗੀ ਆਦਿੱਤਿਆਨਾਥ ਨੂੰ ਇੱਕ ਚਿੱਠੀ ਲਿਖੀ ਹੈ। ਇਸ ਵਿੱਚ ਉਨ੍ਹਾਂ ਨੇ ਮੁੱਖ ਮੰਤਰੀ ਨੂੰ ਅਪੀਲ ਕੀਤੀ ਕਿ ਟੈਸਟਿੰਗ ਵਿੱਚ ਵਾਧਾ ਕੀਤਾ ਜਾਵੇ।