ਰਾਤੋ-ਰਾਤ ਕਰੋੜਪਤੀ ਬਣਿਆ ਕੁੱਤਾ, ਵਸੀਅਤ 'ਚ ਮਾਲਕ ਨੇ ਛੱਡੇ 5 ਮਿਲੀਅਨ ਡਾਲਰ
ਇਨਸਾਨ ਤੇ ਕੁੱਤੇ ਦੇ ਅਨੌਖੇ ਰਿਸ਼ਤੇ ਦੀ ਉਦਾਹਰਣ ਅਮਰੀਕਾ ਦੇ ਨੈਸ਼ਵਿਲ ਤੋਂ ਸਾਹਮਣੇ ਆਈ ਹੈ। ਇੱਥੇ ਰਹਿਣ ਵਾਲਾ ਬਿਲ ਡੌਰਿਸ ਨਾਂ ਦਾ ਵਿਅਕਤੀ ਆਪਣੇ ਕੁੱਤੇ ਲੂਲੂ ਨੂੰ ਇੰਨਾ ਪਿਆਰ ਕਰਦਾ ਸੀ ਕਿ ਉਸ ਨੇ ਆਪਣੀ ਮੌਤ ਤੋਂ ਬਾਅਦ 5 ਮਿਲੀਅਨ ਡਾਲਰ ਯਾਨੀ ਕਰੀਬ 36 ਕਰੋੜ ਰੁਪਏ ਦੀ ਵੱਡੀ ਜਾਇਦਾਦ ਲੂਲੂ ਲਈ ਛੱਡ ਦਿੱਤੀ।
ਵਾਸ਼ਿੰਗਟਨ: ਇਨਸਾਨ ਤੇ ਕੁੱਤੇ ਦੇ ਅਨੌਖੇ ਰਿਸ਼ਤੇ ਦੀ ਉਦਾਹਰਣ ਅਮਰੀਕਾ ਦੇ ਨੈਸ਼ਵਿਲ ਤੋਂ ਸਾਹਮਣੇ ਆਈ ਹੈ। ਇੱਥੇ ਰਹਿਣ ਵਾਲਾ ਬਿਲ ਡੌਰਿਸ ਨਾਂ ਦਾ ਵਿਅਕਤੀ ਆਪਣੇ ਕੁੱਤੇ ਲੂਲੂ ਨੂੰ ਇੰਨਾ ਪਿਆਰ ਕਰਦਾ ਸੀ ਕਿ ਉਸ ਨੇ ਆਪਣੀ ਮੌਤ ਤੋਂ ਬਾਅਦ 5 ਮਿਲੀਅਨ ਡਾਲਰ ਯਾਨੀ ਕਰੀਬ 36 ਕਰੋੜ ਰੁਪਏ ਦੀ ਵੱਡੀ ਜਾਇਦਾਦ ਲੂਲੂ ਲਈ ਛੱਡ ਦਿੱਤੀ। ਕਾਰੋਬਾਰੀ ਬਿੱਲ ਡੌਰਿਸ ਆਪਣੇ ਕੁੱਤੇ ਲੂਲੂ ਨੂੰ ਬਹੁਤ ਪਿਆਰ ਕਰਦਾ ਸੀ, ਪਿਛਲੇ ਸਾਲ ਬਿੱਲ ਦੀ ਮੌਤ ਹੋ ਗਈ। ਉਸ ਦੀ ਮੌਤ ਤੋਂ ਬਾਅਦ, ਲੂਲੂ ਨੂੰ ਕੋਈ ਸਮੱਸਿਆ ਨਾ ਹੋਵੇ, ਇਸ ਲਈ ਉਸ ਨੇ ਆਪਣੀ ਵਸੀਅਤ ਦਾ ਵੱਡਾ ਹਿੱਸਾ ਉਸ ਦੇ ਨਾਂ ਕਰ ਦਿੱਤਾ।
ਬਿਲ ਡੋਰਿਸ ਨੇ ਇਸ ਲਈ ਇਕ ਟਰੱਸਟ ਬਣਾਇਆ ਅਤੇ ਇਸ 'ਚ 5 ਮਿਲੀਅਨ ਡਾਲਰ ਜਮ੍ਹਾ ਕੀਤੇ। ਟਰੱਸਟ ਵਿੱਚ ਜਮ੍ਹਾ ਇਨ੍ਹਾਂ ਫੰਡਾਂ ਦੁਆਰਾ ਲੂਲੂ ਦੀ ਦੇਖਭਾਲ ਕੀਤੀ ਜਾਂਦੀ ਹੈ। ਡੌਰਿਸ ਆਪਣੀ ਦੋਸਤ ਮਾਰਥਾ ਬਰਟਨ ਨੂੰ ਲੂਲੂ ਦੀ ਦੇਖਭਾਲ ਲਈ ਛੱਡ ਗਿਆ। ਡੌਰਿਸ ਦੀ ਵਸੀਅਤ ਅਨੁਸਾਰ ਬਰਟਨ ਨੂੰ ਲੂਲੂ ਦੀ ਦੇਖਭਾਲ ਲਈ ਇਸ ਟਰੱਸਟ ਵਿੱਚ ਜਮ੍ਹਾਂ ਪੈਸੇ ਤੋਂ ਮਹੀਨਾਵਾਰ ਖਰਚਾ ਦਿੱਤਾ ਜਾਂਦਾ ਹੈ। ਹਾਲਾਂਕਿ, ਬਰਟਨ ਇਨ੍ਹਾਂ ਫੰਡਾਂ ਨੂੰ ਆਪਣੀ ਮਰਜ਼ੀ ਨਾਲ ਨਹੀਂ ਵਰਤ ਸਕਦਾ। ਵਸੀਅਤ ਅਨੁਸਾਰ ਬਰਟਨ ਨੂੰ ਟਰੱਸਟ ਤੋਂ ਲੂਲੂ ਦੀ ਨਿਗਰਾਨੀ ਕਰਨ ਲਈ ਸਿਰਫ ਉਚਿਤ ਮਹੀਨਾਵਾਰ ਖਰਚਿਆਂ ਦਾ ਭੁਗਤਾਨ ਕਰਨ ਦੀ ਆਗਿਆ ਹੈ।
ਬਰਟਨ ਨੇ ਕਿਹਾ, "ਮੈਨੂੰ ਸੱਚਮੁੱਚ ਪਤਾ ਨਹੀਂ ਹੈ ਕਿ ਡੌਰਿਸ ਦੀ ਕਿੰਨੀ ਜਾਇਦਾਦ ਹੈ। ਹਾਂ, ਉਸ ਨੇ ਵੱਖ ਵੱਖ ਕੰਪਨੀਆਂ ਵਿੱਚ ਨਿਵੇਸ਼ ਕੀਤਾ ਹੈ।" ਉਸ ਨੇ ਕਿਹਾ, "ਬਿੱਲ ਡੌਰਿਸ ਆਪਣੇ ਕੁੱਤੇ ਲੂਲੂ ਨੂੰ ਬਹੁਤ ਪਿਆਰ ਕਰਦਾ ਸੀ। ਮੈਨੂੰ ਪਤਾ ਹੈ ਕਿ ਇਹ ਬਹੁਤ ਵੱਡੀ ਰਕਮ ਹੈ ਤੇ ਸ਼ਾਇਦ ਹੀ ਇਹ ਰਕਮ ਪੂਰੀ ਲੂਲੂ ਦੀ ਦੇਖਭਾਲ ਕਰਨ 'ਚ ਖਰਚੀ ਜਾ ਸਕੇ। ਲੂਲੂ ਹੁਣ 8 ਸਾਲਾਂ ਦਾ ਹੈ, ਬਰਟਨ ਨੇ ਕਿਹਾ ਕਿ ਉਹ ਇਸ ਗੱਲ ਦਾ ਧਿਆਨ ਰੱਖੇਗੀ ਕਿ ਲੂਲੂ ਹਮੇਸ਼ਾਂ ਖੁਸ਼ ਰਹੇ ਤੇ ਬਿੱਲ ਡੌਰਿਸ ਦੀ ਇੱਛਾ ਅਨੁਸਾਰ ਉਸ ਨੂੰ ਪਿਆਰ ਮਿਲੇ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
