ਪੋਸਟ ਆਫਿਸ ਦੀ ਸਕੀਮ ਰਾਹੀਂ ਆਪਣਾ ਪੈਸਾ ਕਰੋ ਦੁੱਗਣਾ, ਜਾਣੋ ਫਾਰਮੂਲਾ

ਲੋਕ ਡਾਕਘਰ ਵਿੱਚ ਨਿਵੇਸ਼ ਨੂੰ ਇੱਕ ਚੰਗਾ ਵਿਕਲਪ ਮੰਨਦੇ ਹਨ। ਇਸ ਦਾ ਕਾਰਨ ਨਿਵੇਸ਼ ਸੁਰੱਖਿਅਤ ਹੋਣ ਦੇ ਨਾਲ ਨਾਲ ਗਾਰੰਟੀਸ਼ੁਦਾ ਰਿਟਰਨ ਵੀ ਦਿੰਦਾ ਹੈ।

money

ਨਵੀਂ ਦਿੱਲੀ: ਲੋਕ ਡਾਕਘਰ ਵਿੱਚ ਨਿਵੇਸ਼ ਨੂੰ ਇੱਕ ਚੰਗਾ ਵਿਕਲਪ ਮੰਨਦੇ ਹਨ। ਇਸ ਦਾ ਕਾਰਨ ਨਿਵੇਸ਼ ਸੁਰੱਖਿਅਤ ਹੋਣ ਦੇ ਨਾਲ ਨਾਲ ਗਾਰੰਟੀਸ਼ੁਦਾ ਰਿਟਰਨ ਵੀ ਦਿੰਦਾ ਹੈ। ਜੇ ਤੁਸੀਂ ਪੋਸਟ ਸਕੀਮਾਂ ਵਿੱਚ ਨਿਵੇਸ਼ ਕਰਨਾ ਚਾਹੁੰਦੇ ਹੋ ਜਾਂ ਫੇਰ ਕੀਤਾ ਹੈ ਤੇ ਤੁਸੀਂ ਜਾਣਨਾ ਚਾਹੁੰਦੇ ਹੋ ਕਿ ਤੁਹਾਡੇ ਪੈਸੇ ਕਿੰਨੇ ਸਮੇਂ ਵਿੱਚ ਦੁਗਣੇ ਹੋਣਗੇ, ਇਸ ਦਾ ਇੱਕ ਫਾਰਮੂਲਾ ਹੈ। ਇਸ ਫਾਰਮੂਲੇ ਤਹਿਤ, ਵਿਆਜ ਦਰ ਨੂੰ 72 ਨਾਲ ਵੰਡਿਆ ਜਾਂਦਾ ਹੈ ਤੇ ਪੈਸੇ ਦੇ ਦੁਗਣੇ ਹੋਣ ਦਾ ਸਮਾਂ ਜਾਣਿਆ ਜਾਂਦਾ ਹੈ। ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਵੱਡੀਆਂ ਯੋਜਨਾਵਾਂ ਵਿੱਚ ਪੈਸੇ ਨੂੰ ਦੁਗਣਾ ਕਰਨ ਵਿੱਚ ਕਿੰਨਾ ਸਮਾਂ ਲੱਗਦਾ ਹੈ।

 

ਪੋਸਟ ਆਫਿਸ ਟਾਈਮ ਡਿਪਾਜ਼ਿਟ
ਇਸ ਸਕੀਮ ਵਿੱਚ ਨਿਵੇਸ਼ ਦੀ ਮਿਆਦ 1 ਤੋਂ 3 ਸਾਲ ਹੈ। ਇਸ ਵਿੱਚ 5.5% ਵਿਆਜ ਦਰ ਦਿੱਤੀ ਜਾ ਰਹੀ ਹੈ। ਇਸ ਵਿੱਚ ਨਿਵੇਸ਼ ਕਰਨ ਨਾਲ ਪੈਸੇ 13 ਸਾਲਾਂ ਬਾਅਦ ਦੁੱਗਣੇ ਹੋ ਜਾਣਗੇ। ਇਸ ਵਿੱਚ 5 ਸਾਲਾਂ ਲਈ ਵੀ ਨਿਵੇਸ਼ ਕੀਤਾ ਜਾ ਸਕਦਾ ਹੈ, ਜਿਸ ਵਿੱਚ 6.7% ਵਿਆਜ ਦਰ ਦਿੱਤੀ ਜਾਏਗੀ ਤੇ 10 ਸਾਲਾਂ 9 ਮਹੀਨਿਆਂ ਵਿੱਚ ਤੁਹਾਡਾ ਪੈਸਾ ਦੁੱਗਣਾ ਹੋ ਜਾਵੇਗਾ।


ਡਾਕਘਰ ਬੱਚਤ ਸਕੀਮ
ਪੋਸਟ ਆਫਿਸ ਸੇਵਿੰਗ ਸਕੀਮ ਇੱਕ ਚੰਗੀ ਸਕੀਮ ਹੈ ਤੇ ਇਸ ਵਿੱਚ 4.4% ਵਿਆਜ ਦਰ ਮਿਲੇਗੀ। ਇਸ ਯੋਜਨਾ ਵਿੱਚ ਨਿਵੇਸ਼ ਕਰਨ ਨਾਲ, 18 ਸਾਲਾਂ ਵਿੱਚ ਤੁਹਾਡਾ ਪੈਸਾ ਦੁੱਗਣਾ ਹੋ ਜਾਵੇਗਾ।

ਪੋਸਟ ਆਰਡੀ
ਬਹੁਤ ਸਾਰੇ ਲੋਕ ਆਰਡੀ ਸਕੀਮ ਵਿੱਚ ਨਿਵੇਸ਼ ਕਰਦੇ ਹਨ। ਇਸ ਵੇਲੇ ਇਸ ਵਿਚ 5.8% ਵਿਆਜ ਦਰ ਦਿੱਤੀ ਜਾ ਰਹੀ ਹੈ। ਸਕੀਮ ਵਿੱਚ ਨਿਵੇਸ਼ ਕਰਨ ਨਾਲ, ਤੁਹਾਡਾ ਪੈਸਾ 12 ਸਾਲਾਂ 5 ਮਹੀਨਿਆਂ ਵਿੱਚ ਦੁੱਗਣਾ ਹੋ ਜਾਵੇਗਾ।

ਡਾਕਘਰ ਮਹੀਨਾਵਾਰ ਆਮਦਨੀ ਯੋਜਨਾ
ਇਸ ਸਮੇਂ ਇਸ ਯੋਜਨਾ ਵਿੱਚ ਨਿਵੇਸ਼ ਕਰਨ 'ਤੇ 6.6% ਦੀ ਵਿਆਜ ਦਰ ਦਿੱਤੀ ਜਾ ਰਹੀ ਹੈ, ਜੇ ਤੁਸੀਂ ਇਸ ਯੋਜਨਾ ਵਿੱਚ ਨਿਵੇਸ਼ ਕਰਦੇ ਹੋ ਤਾਂ 10 ਸਾਲਾਂ 9 ਮਹੀਨਿਆਂ ਵਿੱਚ ਤੁਹਾਡਾ ਪੈਸਾ ਦੁੱਗਣਾ ਹੋ ਜਾਵੇਗਾ।


ਪੋਸਟ ਆਫਿਸ ਸੀਨੀਅਰ ਸਿਟੀਜ਼ਨ ਸਕੀਮ
ਇਹ ਯੋਜਨਾ ਬਜ਼ੁਰਗ ਨਾਗਰਿਕਾਂ ਲਈ ਹੈ। ਇਸ ਵਿੱਚ 7.4% ਵਿਆਜ ਦਰ ਮਿਲ ਰਹੀ ਹੈ। ਇਸ ਵਿੱਚ ਨਿਵੇਸ਼ ਕਰਨ 'ਤੇ, ਸੀਨੀਅਰ ਸਿਟੀਜ਼ਨ ਦਾ ਪੈਸਾ 9 ਸਾਲਾਂ 7 ਮਹੀਨਿਆਂ ਵਿਚ ਦੁੱਗਣਾ ਹੋ ਜਾਵੇਗਾ।


ਡਾਕਘਰ ਪੀਪੀਐਫ
ਇਹ ਇਕ ਲੰਮੀ ਮਿਆਦ ਦੀ ਨਿਵੇਸ਼ ਸਕੀਮ ਹੈ। ਇਸ ਸਮੇਂ ਇਸ ਵਿੱਚ 7.1% ਵਿਆਜ ਮਿਲ ਰਿਹਾ ਹੈ। ਇਸ ਵਿੱਚ ਨਿਵੇਸ਼ ਕਰਨ 'ਤੇ, ਪੈਸੇ 10 ਸਾਲਾਂ ਅਤੇ 1 ਮਹੀਨੇ ਵਿਚ ਦੁੱਗਣੇ ਹੋ ਜਾਣਗੇ।


ਸੁਕਨੀਆ ਸਮ੍ਰਿਧੀ ਸਕੀਮ
ਬਹੁਤ ਸਾਰੇ ਲੋਕ ਇਸ ਯੋਜਨਾ ਵਿੱਚ ਨਿਵੇਸ਼ ਕਰ ਰਹੇ ਹਨ। ਇਸ ਵੇਲੇ ਇਸ ਵਿਚ 7.6% ਵਿਆਜ ਦਰ ਦਿੱਤੀ ਜਾ ਰਹੀ ਹੈ। ਇਸ ਵਿੱਚ ਨਿਵੇਸ਼ ਕਰਨ ਨਾਲ, ਤੁਹਾਡਾ ਪੈਸਾ 9 ਸਾਲਾਂ 6 ਮਹੀਨਿਆਂ ਵਿੱਚ ਦੁੱਗਣਾ ਹੋ ਜਾਵੇਗਾ।