ਜੰਮੂ-ਕਸ਼ਮੀਰ 'ਚ ਝੰਡੇ ਲਈ ਜੰਗ, ਬੀਜੇਪੀ ਵਾਲਿਆਂ ਪੀਡੀਪੀ ਦਫਤਰ 'ਤੇ ਲਹਿਰਾਇਆ ਤਿਰੰਗਾ

ਜੰਮੂ-ਕਸ਼ਮੀਰ 26 ਅਕਤੂਬਰ, 1947 ਨੂੰ ਪੂਰੀ ਤਰ੍ਹਾਂ ਨਾਲ ਭਾਰਤ ਦਾ ਅਨਿੱਖੜਵਾਂ ਅੰਗ ਹੋ ਗਿਆ ਸੀ ਤੇ ਇਹ ਦਿਨ ਜੰਮੂ ਕਸ਼ਮੀਰ ਵਿੱਚ ਵਿਲੇ ਦਿਵਸ ਵਜੋਂ ਵੀ ਮਨਾਇਆ ਜਾਂਦਾ ਹੈ। ਇਸ ਵਾਰ ਇਹ ਦਿਨ ਇਸ ਲਈ ਵੀ ਵਿਸ਼ੇਸ਼ ਹੈ ਕਿਉਂਕਿ ਹਾਲ ਹੀ ਵਿੱਚ ਮਹਿਬੂਬਾ ਮੁਫਤੀ ਨੇ ਭਾਰਤ ਦੇ ਰਾਸ਼ਟਰੀ ਝੰਡੇ ਵਿਰੁੱਧ ਇਤਰਾਜ਼ਯੋਗ ਬਿਆਨ ਦਿੱਤੇ ਸਨ।

ਜੰਮੂ: ਜੰਮੂ-ਕਸ਼ਮੀਰ 26 ਅਕਤੂਬਰ, 1947 ਨੂੰ ਪੂਰੀ ਤਰ੍ਹਾਂ ਨਾਲ ਭਾਰਤ ਦਾ ਅਨਿੱਖੜਵਾਂ ਅੰਗ ਹੋ ਗਿਆ ਸੀ ਤੇ ਇਹ ਦਿਨ ਜੰਮੂ ਕਸ਼ਮੀਰ ਵਿੱਚ ਵਿਲੇ ਦਿਵਸ ਵਜੋਂ ਵੀ ਮਨਾਇਆ ਜਾਂਦਾ ਹੈ। ਇਸ ਵਾਰ ਇਹ ਦਿਨ ਇਸ ਲਈ ਵੀ ਵਿਸ਼ੇਸ਼ ਹੈ ਕਿਉਂਕਿ ਹਾਲ ਹੀ ਵਿੱਚ ਮਹਿਬੂਬਾ ਮੁਫਤੀ ਨੇ ਭਾਰਤ ਦੇ ਰਾਸ਼ਟਰੀ ਝੰਡੇ ਵਿਰੁੱਧ ਇਤਰਾਜ਼ਯੋਗ ਬਿਆਨ ਦਿੱਤੇ ਸਨ। ਇਸ ਦੇ ਵਿਰੋਧ ਵਿੱਚ ਅੱਜ ਜੰਮੂ ਵਿੱਚ ਭਾਜਪਾ ਵਰਕਰਾਂ ਨੇ ਰਾਜ ਦੇ ਝੰਡੇ ਤੇ ਰਾਜ ਦੇ ਸੰਵਿਧਾਨ ਨੂੰ ਸਾੜਿਆ। ਜੰਮੂ ਦੇ ਪੀਡੀਪੀ ਦਫਤਰ ਵਿਖੇ ਵੀ ਭਾਜਪਾ ਵਰਕਰਾਂ ਨੇ ਤਿਰੰਗਾ ਲਹਿਰਾਇਆ।

ਭਾਜਪਾ ਵਰਕਰਾਂ ਨੇ ਵਿਲੇ ਦਿਵਸ ਨੂੰ ਮਨਾਉਣ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਸਨ। ਭਾਜਪਾ ਵਰਕਰਾਂ ਨੇ ਸੋਮਵਾਰ ਸਵੇਰੇ ਜੰਮੂ ਦੇ ਤਵੀ ਪੁਲ 'ਤੇ ਵਿਲੇ ਦਿਵਸ ਮਨਾਉਣ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਸਨ। ਇਸ ਦੌਰਾਨ ਕੁਝ ਭਾਜਪਾ ਵਰਕਰ ਤਵੀ ਬ੍ਰਿਜ ਉੱਤੇ ਜੰਮੂ ਕਸ਼ਮੀਰ ਦਾ ਰਾਜ ਝੰਡਾ ਤੇ ਸੰਵਿਧਾਨ ਲੈ ਕੇ ਆਏ ਤੇ ਇਸ ਦੀ ਅਰਥੀ ਕੱਢੀ। ਇਸ ਤੋਂ ਥੋੜ੍ਹੀ ਦੇਰ ਬਾਅਦ ਹੀ, ਭਾਜਪਾ ਵਰਕਰਾਂ ਨੇ ਤਵੀ ਪੁਲ ਨਾਲ ਲੱਗਦੇ ਮਹਾਰਾਜਾ ਹਰੀ ਸਿੰਘ ਦੇ ਬੁੱਤ ਦੀਆਂ ਜੁੱਤੀਆਂ ਨੂੰ ਇਸ ਝੰਡੇ ਨਾਲ ਸਾਫ਼ ਕੀਤਾ ਤੇ ਭਾਰਤ ਮਾਤਾ ਦੀ ਜੈ ਦੇ ਨਾਅਰੇ ਲਗਾਏ।

ਮਹਿਬੂਬਾ ਦੇ ਤਿਰੰਗੇ ਬਾਰੇ ਇਤਰਾਜ਼ਯੋਗ ਬਿਆਨ ਤੇ ਭਾਜਪਾ ਵਰਕਰਾਂ ਦੀ ਤਿੱਖੀ ਪ੍ਰਤੀਕਿਰਿਆ

ਭਾਜਪਾ ਵਰਕਰਾਂ ਨੇ ਮਹਿਬੂਬਾ ਦੇ ਉਸ ਬਿਆਨ 'ਤੇ ਤਿੱਖਾ ਇਤਰਾਜ਼ ਕੀਤਾ ਜਿਸ ਵਿੱਚ ਮਹਿਬੂਬਾ ਨੇ ਤਿਰੰਗੇ ਝੰਡੇ ਬਾਰੇ ਇਤਰਾਜ਼ਯੋਗ ਬਿਆਨ ਦਿੱਤੇ ਸਨ। ਭਾਜਪਾ ਵਰਕਰਾਂ ਨੇ ਦਾਅਵਾ ਕੀਤਾ ਕਿ ਰਾਜ ਵਿੱਚ ਹੁਣ ਸਿਰਫ ਇਕ ਝੰਡਾ ਹੈ ਤੇ ਇਹ ਤਿਰੰਗਾ ਝੰਡਾ ਹੈ। ਇਸ ਤੋਂ ਇਲਾਵਾ ਇੱਥੇ ਹੋਰ ਕੋਈ ਝੰਡਾ ਨਹੀਂ ਚੱਲਣ ਦਿੱਤਾ ਜਾਵੇਗਾ। ਇਸ ਤੋਂ ਬਾਅਦ ਭਾਜਪਾ ਵਰਕਰਾਂ ਨੇ ਰਾਜ ਦਾ ਝੰਡਾ ਫੂਕਿਆ। ਭਾਜਪਾ ਵਰਕਰਾਂ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਹ ਜੰਮੂ ਵਿੱਚ ਗੁਪਤਕਾਰ ਘੋਸ਼ਣਾ ਵਿੱਚ ਕਿਸੇ ਵੀ ਆਗੂ ਨੂੰ ਸ਼ਾਮਲ ਹੋਣ ਦੀ ਇਜਾਜ਼ਤ ਨਹੀਂ ਦੇਣਗੇ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ