ਦਿੱਲੀ ਹਾਈ ਕੋਰਟ ਨੇ ਕੁਨਾਲ ਕਾਮਰਾ 'ਤੇ ਪਾਬੰਦੀ ਲਈ ਡੀਜੀਸੀਏ ਨੂੰ ਪਾਈ ਝਾੜ

ਇੰਡੀਗੋ ਅਤੇ ਏਅਰ ਇੰਡੀਆ ਸਣੇ ਚਾਰ ਏਅਰਲਾਈਨਾਂ ਨੇ ਕਾਮਰਾ ਦੀ ਹਵਾਈ ਯਾਤਰਾ 'ਤੇ ਪਾਬੰਦੀ ਲਗਾਈ ਹੈ। ਕਾਮਰਾ ਦਾ ਦਾਅਵਾ ਹੈ ਕਿ ਸਾਰੀਆਂ ਏਅਰਲਾਇੰਸਜ਼ ਨੇ ਸੀਏਆਰ ਤਹਿਤ ਲੋੜੀਂਦੀ ਸ਼ਿਕਾਇਤ ਤੋਂ ਬਗੈਰ ਉਨ੍ਹਾਂ 'ਤੇ ਉਡਾਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ।

ਨਵੀਂ ਦਿੱਲੀ: ਕਾਮੇਡੀਅਨ ਕੁਨਾਲ ਕਾਮਰਾ 'ਤੇ ਪਾਬੰਦੀ ਨੂੰ ਲੈ ਕੇ ਦਿੱਲੀ ਹਾਈ ਕੋਰਟ ਨੇ ਹਵਾਬਾਜ਼ੀ ਰੈਗੂਲੇਟਰ ਨੂੰ ਝਾੜਿਆ। ਅਦਾਲਤ ਨੇ ਡੀਜੀਸੀਏ ਨੂੰ ਵੀਰਵਾਰ ਤੱਕ ਸਪਸ਼ਟ ਕਰਨ ਲਈ ਕਿਹਾ ਕਿ ਉਸਨੇ ਅਧਿਕਾਰੀਆਂ ਵੱਲੋਂ ਬਗੈਰ ਕਿਸੇ ਜਾਂਚ ਦੇ ਕਾਮਰਾ ਨੂੰ ਸਜ਼ਾ ਦੇਣ ਲਈ ਏਅਰਲਾਈਨਾਂ ਦੀ ਕਾਰਵਾਈ ਨੂੰ ‘ਪ੍ਰਮਾਣਿਤ’ ਕਿਉਂ ਕੀਤਾ? ਸਟੈਂਡਅਪ ਕਾਮੇਡੀਅਨ ਕੁਨਾਲ ਕਾਮਰਾ ਨੂੰ ਇੰਡੀਗੋ ਏਅਰ ਲਾਈਨ ਨੇ ਛੇ ਮਹੀਨਿਆਂ ਲਈ ਬੈਨ ਕੀਤਾ ਹੋਇਆ ਹੈ। ਕਾਮਰਾ ਦੀ ਪਟੀਸ਼ਨ 'ਤੇ ਰੋਕ ਲਗਾਉਣ ਦੇ ਫੈਸਲੇ ਨੂੰ ਚੁਣੌਤੀ ਦਿੰਦਿਆਂ ਜਸਟਿਸ ਨਵੀਨ ਚਾਵਲਾ ਨੇ ਕਿਹਾ, "ਤੁਸੀਂ (ਡੀਜੀਸੀਏ) ਨੇ ਟਵਿੱਟਰ 'ਤੇ ਪ੍ਰਮਾਣ-ਪੱਤਰ ਕਿਉਂ ਦਿੱਤੇ? ਆਪਣੇ ਟਵੀਟ ਦੇਖੋ। ਤੁਸੀਂ ਕਿਹਾ ਸੀ ਕਿ ਦੂਸਰੀਆਂ ਏਅਰਲਾਈਨਾਂ ਦੁਆਰਾ ਕਾਰਵਾਈ ਸਿਵਲ ਹਵਾਬਾਜ਼ੀ ਜ਼ਰੂਰਤਾਂ (ਸੀਏਆਰ) ਦੀ ਪਾਲਣਾ ਕੀਤੀ ਗਈ ਸੀ। ਸਿਰਫ ਇੰਡੀਗੋ ਹੀ ਨਹੀਂ, ਤੁਸੀਂ ਦੂਜਿਆਂ ਨੂੰ ਪ੍ਰਮਾਣ ਪੱਤਰ ਵੀ ਦਿੱਤਾ। ਤੁਹਾਨੂੰ ਆਪਣਾ ਟਵੀਟ ਵਾਪਸ ਲੈਣਾ ਚਾਹੀਦਾ ਹੈ।" ਕਾਮਰਾ ਨੇ ਆਪਣੇ ਵਕੀਲਾ ਪ੍ਰਸ਼ਾਂਤ ਸ਼ਿਵਰਾਜਨ, ਵਿਵੇਕ ਤੰਖਾ ਅਤੇ ਗੋਪਾਲ ਸ਼ੰਕਰਨਾਰਾਇਣਨ ਦੇ ਜ਼ਰੀਏ ਦਾਅਵਾ ਕੀਤਾ ਕਿ ਸਾਰੀਆਂ ਏਅਰਲਾਇੰਸਜ਼ ਨੇ ਸੀਏਆਰ ਤਹਿਤ ਲੋੜੀਂਦੀ ਸ਼ਿਕਾਇਤ ਕੀਤੇ ਬਿਨਾਂ ਉਨ੍ਹਾਂ 'ਤੇ ਉਡਾਣ 'ਤੇ ਪਾਬੰਦੀ ਲਗਾਈ ਹੈ। ਕਾਮਰਾ ਨੇ ਆਪਣੀ ਪਟੀਸ਼ਨ 'ਚ ਕਿਹਾ ਹੈ ਕਿ ਸੀਏਆਰ ਮੁਤਾਬਕ ਸ਼ਿਕਾਇਤ ਫਲਾਈਟ ਪਾਇਲਟ ਵੱਲੋਂ ਕੀਤੀ ਜਾਣੀ ਚਾਹੀਦੀ ਸੀ, ਪਰ ਇਸ ਮਾਮਲੇ ਵਿਚ ਅਜਿਹਾ ਨਹੀਂ ਕੀਤਾ ਗਿਆ ਸੀ।