ਸਿਰਫ 36 ਪੈਸੇ ਦੇ ਸ਼ੇਅਰ ਨੇ ਜ਼ਬਰਦਸਤ ਰਿਟਰਨ ਦਿੱਤਾ ਹੈ। ਇਸ ਸਟਾਕ ਨੇ ਡੇਢ ਸਾਲ 'ਚ 1 ਲੱਖ ਤੋਂ 2 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਕਮਾਈ ਕਰ ਲਈ ਹੈ। ਇਹ ਸ਼ੇਅਰ ਪ੍ਰੋਸੀਡ ਇੰਡੀਆ ਦਾ ਹੈ। ਕੰਪਨੀ ਦੇ ਸਟਾਕ ਨੇ ਪਿਛਲੇ ਡੇਢ ਸਾਲ 'ਚ ਕਰੀਬ 25,000 ਫੀਸਦੀ ਦਾ ਰਿਟਰਨ ਦਿੱਤਾ ਹੈ। ਪ੍ਰੋਸੀਡ ਇੰਡੀਆ ਦੇ ਸ਼ੇਅਰਾਂ ਨੇ ਪਿਛਲੇ 6 ਮਹੀਨਿਆਂ ਵਿੱਚ ਨਿਵੇਸ਼ਕਾਂ ਨੂੰ 5,400 ਪ੍ਰਤੀਸ਼ਤ ਤੋਂ ਵੱਧ ਦਾ ਰਿਟਰਨ ਦਿੱਤਾ ਹੈ।
10 ਹਜ਼ਾਰ ਰੁਪਏ 24 ਲੱਖ ਰੁਪਏ ਤੋਂ ਵੱਧ ਹੋ ਗਏ
19 ਮਈ 2020 ਨੂੰ ਬੰਬਈ ਸਟਾਕ ਐਕਸਚੇਂਜ (ਬੀਐਸਈ) 'ਤੇ ਪ੍ਰੋਸੀਡ ਇੰਡੀਆ ਦੇ ਸ਼ੇਅਰ 0.36 ਰੁਪਏ (36 ਪੈਸੇ) ਦੇ ਪੱਧਰ 'ਤੇ ਸਨ। 22 ਨਵੰਬਰ 2021 ਨੂੰ ਕੰਪਨੀ ਦੇ ਸ਼ੇਅਰ ਬੰਬਈ ਸਟਾਕ ਐਕਸਚੇਂਜ 'ਤੇ 89.70 ਰੁਪਏ ਦੇ ਪੱਧਰ 'ਤੇ ਵਪਾਰ ਕਰ ਰਹੇ ਸਨ। ਭਾਵ ਜੇਕਰ ਕਿਸੇ ਨਿਵੇਸ਼ਕ ਨੇ 19 ਮਈ 2020 ਨੂੰ ਕੰਪਨੀ ਦੇ ਸ਼ੇਅਰਾਂ ਵਿੱਚ 10,000 ਰੁਪਏ ਦਾ ਨਿਵੇਸ਼ ਕੀਤਾ ਸੀ, ਤਾਂ ਮਿਤੀ ਤਕ, ਇਹ ਰਕਮ 24.91 ਲੱਖ ਰੁਪਏ ਹੋਣੀ ਸੀ। ਪ੍ਰੋਸੀਡ ਇੰਡੀਆ ਦੇ ਸ਼ੇਅਰਾਂ ਨੇ ਪਿਛਲੇ ਇਕ ਸਾਲ ਵਿੱਚ ਨਿਵੇਸ਼ਕਾਂ ਨੂੰ 28,835 ਫੀਸਦੀ ਦਾ ਰਿਟਰਨ ਦਿੱਤਾ ਹੈ।
1 ਲੱਖ ਰੁਪਏ 2.4 ਕਰੋੜ ਰੁਪਏ ਤੋਂ ਵੱਧ ਹੋ ਗਏ
ਜੇਕਰ ਕਿਸੇ ਨਿਵੇਸ਼ਕ ਨੇ ਡੇਢ ਸਾਲ ਪਹਿਲਾਂ ਪ੍ਰੋਸੀਡ ਇੰਡੀਆ ਦੇ ਸ਼ੇਅਰਾਂ ਵਿੱਚ 1 ਲੱਖ ਰੁਪਏ ਦਾ ਨਿਵੇਸ਼ ਕੀਤਾ ਹੁੰਦਾ ਤਾਂ ਮੌਜੂਦਾ ਸਮੇਂ ਵਿੱਚ ਇਹ ਰਕਮ 2.49 ਕਰੋੜ ਰੁਪਏ ਹੋਣੀ ਸੀ। ਕੰਪਨੀ ਦੇ ਸ਼ੇਅਰਾਂ ਨੇ ਇਸ ਸਾਲ ਹੁਣ ਤੱਕ 23,500 ਫੀਸਦੀ ਤੋਂ ਵੱਧ ਦਾ ਰਿਟਰਨ ਦਿੱਤਾ ਹੈ। ਹਾਲਾਂਕਿ, ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਪ੍ਰੋਸੀਡ ਇੰਡੀਆ ਇੱਕ ਪੈਨੀ ਸਟਾਕ ਹੈ। ਅਜਿਹੇ ਸ਼ੇਅਰਾਂ ਵਿੱਚ ਨਿਵੇਸ਼ ਕਰਨਾ ਜੋਖਮ ਭਰਿਆ ਹੁੰਦਾ ਹੈ। ਪ੍ਰੋਸੀਡ ਇੰਡੀਆ ਦੀ ਮਾਰਕੀਟ ਕੈਪ 867.55 ਕਰੋੜ ਰੁਪਏ ਹੈ। ਇਸ ਸਟਾਕ ਦਾ 52 ਹਫਤੇ ਦਾ ਉੱਚ ਪੱਧਰ 194.50 ਰੁਪਏ ਹੈ। ਇਸ ਦੇ ਨਾਲ ਹੀ 52 ਹਫਤੇ ਦਾ ਨੀਵਾਂ ਪੱਧਰ 0.31 ਰੁਪਏ ਹੈ।
ਇਹ ਵੀ ਪੜ੍ਹੋ:ਦੀਪ ਸਹਿਗਲ ਪੰਜਾਬੀ ਫਿਲਮ ਇੰਡਸਟਰੀ ਦਾ ਇਕ ਉੱਭਰਦਾ ਸਿਤਾਰਾ, ਤਸਵੀਰਾਂ 'ਚ ਦੇਖੋ ਦਿਲ ਖਿੱਚਵਾਂ ਅੰਦਾਜ਼
ਪੰਜਾਬੀ ‘ਚ ਤਾਜ਼ਾ ਖ਼ਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/
https://apps.apple.com/in/app/811114904