ਖੁਸ਼ਖਬਰੀ! ਕੋਰੋਨਾ ਦੀ ਪੁੱਠੀ ਗਿਣਤੀ ਸ਼ੁਰੂ, ਪੰਜ ਮਰੀਜ਼ ਹੋਏ ਠੀਕ

ਮਹਾਰਾਸ਼ਟਰ ‘ਚ ਕੋਰੋਨਾ ਇਨਫੈਕਸ਼ਨ ਬਾਰੇ ਇੱਕ ਚੰਗੀ ਖ਼ਬਰ ਸਾਹਮਣੇ ਆਈ ਹੈ। ਪੁਣੇ ਦੇ ਪੰਜ ਕੋਰੋਨਾ ਸੰਕਰਮਣ ਤੋਂ ਠੀਕ ਹੋ ਗਏ ਹਨ।

ਮੁੰਬਈ: ਮਹਾਰਾਸ਼ਟਰ 'ਚ ਕੋਰੋਨਾ ਪੀੜਤਾਂ ਦੀ ਗਿਣਤੀ ਵਧ ਕੇ 128 ਹੋ ਗਈ ਹੈ। ਅੱਜ ਮੁੰਬਈ ਤੇ ਠਾਣੇ ‘ਚ ਕੋਰੋਨਾ ਦੇ ਇੱਕ-ਇੱਕ ਤਾਜ਼ਾ ਮਾਮਲੇ ਸਾਹਮਣੇ ਆਏ। ਇਸ ਦੌਰਾਨ ਮਹਾਰਾਸ਼ਟਰ ਤੋਂ ਵੀ ਖੁਸ਼ਖਬਰੀ ਆਈ ਹੈ। ਪੁਣੇ ਦੇ 5 ਕੋਰੋਨਾ ਸੰਕਰਮਣ ਵਾਲੇ ਮਰੀਜ਼ ਠੀਕ ਹੋ ਗਏ ਹਨ। ਇਨ੍ਹਾਂ 'ਚੋਂ ਹੁਣ ਤੱਕ 2 ਮਰੀਜ਼ਾਂ ਦੀ ਰਿਕਵਰੀ ਤੋਂ ਬਾਅਦ ਛੁੱਟੀ ਦੇ ਦਿੱਤੀ ਗਈ ਹੈ। ਬਾਕੀ 3 ਮਰੀਜ਼ਾਂ ਨੂੰ ਵੀ ਅੱਜ ਛੁੱਟੀ ਦਿੱਤੀ ਜਾਵੇਗੀ।

ਪੁਣੇ ਮਿਊਂਸਪਲ ਕਾਰਪੋਰੇਸ਼ਨ ਦੇ ਕਮਿਸ਼ਨਰ ਸ਼ੇਖਰ ਗਾਇਕਵਾੜ ਨੇ ਨੋਟਿਸ ਜਾਰੀ ਕੀਤਾ ਕਿ ਇਹ ਮਹਾਰਾਸ਼ਟਰ ਦਾ ਪਹਿਲਾ ਕੋਰੋਨਾ ਮਰੀਜ਼ ਹੈ ਜੋ ਦੁਬਈ ਤੋਂ ਪੁਣੇ ਆਇਆ ਸੀ। ਇਹ ਪਤੀ-ਪਤਨੀ ਤੇ ਉਨ੍ਹਾਂ ਦੇ ਬੱਚੇ ਦੁਬਈ ਤੋਂ ਵਾਪਸ ਆਏ ਸੀ। ਉਸ ਨੇ ਇੱਕ ਪ੍ਰਾਈਵੇਟ ਕਾਰ ਵੀ ਬੁੱਕ ਕੀਤੀ ਸੀ। ਇਸ ਤੋਂ ਬਾਅਦ ਪਤੀ-ਪਤਨੀ, ਉਨ੍ਹਾਂ ਦਾ ਬੱਚਾ, ਕੈਬ ਡਰਾਈਵਰ ਤੇ ਉਨ੍ਹਾਂ ਦੇ ਨਾਲ ਦੁਬਈ ਜਾ ਰਹੇ ਇੱਕ ਹੋਰ ਵਿਅਕਤੀ ਸੰਕਰਮਿਤ ਹੋ ਗਿਆ ਸੀ। ਸੂਬੇ ਵਿੱਚ ਕੁੱਲ ਪੰਜ ਅਜਿਹੇ ਵਿਅਕਤੀ ਪਹਿਲੀ ਵਾਰ ਕੋਰੋਨਾ ਪੌਜ਼ੇਟਿਵ ਪਾਏ ਗਏ।

ਜਿਸ ਚੋਂ ਪਤੀ ਤੇ ਪਤਨੀ ਦੇ ਇਲਾਜ ਤੋਂ ਬਾਅਦ ਉਸ ਦੀ ਕੋਰੋਨਾ ਰਿਪੋਰਟ ਨਕਾਰਾਤਮਕ ਆਈ ਅਤੇ ਉਸ ਨੂੰ ਛੁੱਟੀ ਦੇ ਦਿੱਤੀ ਗਈ। ਬਾਕੀ ਬੱਚੇ, ਕੈਬ ਡਰਾਈਵਰ ਤੇ ਯਾਤਰਾ ਕਰਨ ਵਾਲੇ ਆਦਮੀ ਦਾ ਇਲਾਜ ਕੀਤਾ ਗਿਆ ਹੈ। ਹੁਣ ਇਹ ਰਿਪੋਰਟ ਵੀ ਨਕਾਰਾਤਮਕ ਆ ਗਈ ਹੈ। ਅੱਜ ਤਿੰਨਾਂ ਨੂੰ ਛੁੱਟੀ ਵੀ ਦਿੱਤੀ ਜਾਵੇਗੀ।