ਵੱਡਾ ਪ੍ਰਸ਼ਾਸਨਿਕ ਫੇਰਬਦਲ, 55 PCS ਅਧਿਕਾਰੀਆਂ ਦੇ ਤਬਾਦਲੇ, ਕਈ ਜ਼ਿਲ੍ਹਿਆਂ ਦੇ SDM ਵੀ ਬਦਲੇ
Transfers News: ਉੱਤਰ ਪ੍ਰਦੇਸ਼ ਵਿੱਚ ਵੱਡਾ ਫੇਰਬਦਲ ਕਰਦਿਆਂ ਹੋਇਆਂ ਸਰਕਾਰ ਨੇ ਐਤਵਾਰ ਦੇਰ ਰਾਤ 55 PCS ਅਧਿਕਾਰੀਆਂ ਦੇ ਤਬਾਦਲੇ ਕਰ ਦਿੱਤੇ ਹਨ।

Transfers News: ਉੱਤਰ ਪ੍ਰਦੇਸ਼ ਵਿੱਚ ਵੱਡਾ ਫੇਰਬਦਲ ਕਰਦਿਆਂ ਹੋਇਆਂ ਸਰਕਾਰ ਨੇ ਐਤਵਾਰ ਦੇਰ ਰਾਤ 55 PCS ਅਧਿਕਾਰੀਆਂ ਦੇ ਤਬਾਦਲੇ ਕਰ ਦਿੱਤੇ ਹਨ। ਇਸ ਫੇਰਬਦਲ ਤਹਿਤ ਪੱਛਮੀ ਉੱਤਰ ਪ੍ਰਦੇਸ਼ ਦੇ ਕਈ ਜ਼ਿਲ੍ਹਿਆਂ ਦੇ ਉਪ ਜ਼ਿਲ੍ਹਾ ਮੈਜਿਸਟਰੇਟਾਂ (SDM) ਸਮੇਤ ਵਿਕਾਸ ਅਥਾਰਟੀਆਂ, ਨਗਰ ਨਿਗਮਾਂ ਅਤੇ ਵੱਖ-ਵੱਖ ਸਰਕਾਰੀ ਵਿਭਾਗਾਂ ਵਿੱਚ ਤਾਇਨਾਤ ਅਧਿਕਾਰੀਆਂ ਦੇ ਕਾਰਜ ਖੇਤਰ ਬਦਲੇ ਗਏ ਹਨ।
ਜਾਰੀ ਕੀਤੀ ਗਈ ਤਬਾਦਲਾ ਲਿਸਟ ਅਨੁਸਾਰ ਨੋਇਡਾ, ਗ੍ਰੇਟਰ ਨੋਇਡਾ, ਗਾਜ਼ੀਆਬਾਦ, ਮੇਰਠ, ਸਹਾਰਨਪੁਰ, ਮੁਰਾਦਾਬਾਦ, ਅਲੀਗੜ੍ਹ ਅਤੇ ਵਾਰਾਣਸੀ ਸਮੇਤ ਕਈ ਮਹੱਤਵਪੂਰਨ ਸਥਾਨਾਂ 'ਤੇ ਤਾਇਨਾਤ ਅਧਿਕਾਰੀਆਂ ਨੂੰ ਨਵੀਆਂ ਜ਼ਿੰਮੇਵਾਰੀਆਂ ਸੌਂਪੀਆਂ ਗਈਆਂ ਹਨ।
ਮੇਰਠ ਵਿਕਾਸ ਅਥਾਰਟੀ ਦੇ ਸਕੱਤਰ ਬ੍ਰਿਜੇਸ਼ ਕੁਮਾਰ ਸਿੰਘ ਨੂੰ ਨੋਇਡਾ ਵਿੱਚ ਵਿਸ਼ੇਸ਼ ਕਾਰਜ-ਅਧਿਕਾਰੀ ਬਣਾਇਆ ਗਿਆ ਹੈ। ਨੋਇਡਾ ਦੇ OSD ਕ੍ਰਾਂਤੀ ਸ਼ੇਖਰ ਸਿੰਘ ਨੂੰ ਦਾਦਰੀ-ਨੋਇਡਾ-ਗਾਜ਼ੀਆਬਾਦ ਨਿਵੇਸ਼ ਖੇਤਰ (Noida) ਅਤੇ ਬੁਲੰਦਸ਼ਹਿਰ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਹੈ।
ਗ੍ਰੇਟਰ ਨੋਇਡਾ ਦੇ OSD ਅਜੇ ਕੁਮਾਰ ਸ਼ਰਮਾ ਨੂੰ ਅਲੀਗੜ੍ਹ ਦਾ SDM ਨਿਯੁਕਤ ਕੀਤਾ ਗਿਆ ਹੈ। ਪ੍ਰਯਾਗਰਾਜ ਵਿਕਾਸ ਅਥਾਰਟੀ ਦੇ ਸਕੱਤਰ ਵਜੋਂ ਵਿਵੇਕ ਕੁਮਾਰ ਮਿਸ਼ਰਾ ਨੂੰ ਤਾਇਨਾਤ ਕੀਤਾ ਗਿਆ ਹੈ। ਲਖਨਊ ਵਿਕਾਸ ਅਥਾਰਟੀ ਦੇ ਸਕੱਤਰ ਸੁਸ਼ੀਲ ਪ੍ਰਤਾਪ ਸਿੰਘ ਨੂੰ ਗਾਜ਼ੀਆਬਾਦ ਵਿਕਾਸ ਅਥਾਰਟੀ ਵਿੱਚ ਸਕੱਤਰ ਲਗਾਇਆ ਗਿਆ ਹੈ।
ਜ਼ਿਲ੍ਹਿਆਂ ਦੇ SDM ਅਤੇ ਹੋਰ ਅਹੁਦੇਦਾਰ
ਮੁਰਾਦਾਬਾਦ ਨਗਰ ਨਿਗਮ ਤੋਂ ਰਾਮਵੀਰ ਸਿੰਘ ਅਤੇ ਗ੍ਰੇਟਰ ਨੋਇਡਾ ਤੋਂ ਅਜੇ ਕੁਮਾਰ ਸ਼ਰਮਾ ਨੂੰ ਅਲੀਗੜ੍ਹ ਦਾ SDM ਬਣਾਇਆ ਗਿਆ ਹੈ। ਵਾਰਾਣਸੀ ਨਗਰ ਨਿਗਮ ਤੋਂ ਅਨਿਲ ਕੁਮਾਰ ਯਾਦਵ ਨੂੰ ਮੁਜ਼ੱਫਰਨਗਰ ਦਾ SDM ਲਗਾਇਆ ਗਿਆ ਹੈ।
ਡਾ. ਗਜੇਂਦਰ ਪਾਲ ਸਿੰਘ ਨੂੰ ਅਲੀਗੜ੍ਹ ਤੋਂ ਬਲਰਾਮਪੁਰ ਦਾ SDM ਅਤੇ ਮਾਧਵ ਉਪਾਧਿਆਏ ਨੂੰ ਮੁਰਾਦਾਬਾਦ ਤੋਂ ਹਰਦੋਈ ਦਾ SDM ਬਣਾਇਆ ਗਿਆ ਹੈ। ਜੋਤਸਨਾ ਨੂੰ ਜੌਨਪੁਰ ਤੋਂ ਹਾਪੁੜ ਅਤੇ ਰਮੇਸ਼ ਚੰਦਰ ਪਾਂਡੇ ਨੂੰ ਹਾਪੁੜ ਤੋਂ ਜੌਨਪੁਰ ਭੇਜਿਆ ਗਿਆ ਹੈ।
ਆਕਾਸ਼ ਕੁਮਾਰ ਨੂੰ ਲਖਨਊ ਤੋਂ ਬਹਿਰਾਇਚ, ਸੰਦੀਪ ਕੁਮਾਰ ਤਿਵਾੜੀ ਨੂੰ ਪ੍ਰਯਾਗਰਾਜ ਤੋਂ ਮੁਰਾਦਾਬਾਦ ਅਤੇ ਰਿਸ਼ੀਕਾਂਤ ਰਾਜਵੰਸ਼ੀ ਨੂੰ ਬਲੀਆ ਤੋਂ ਬਾਂਦਾ ਵਿੱਚ ਵਧੀਕ ਜ਼ਿਲ੍ਹਾ ਮਜਿਸਟਰੇਟ (ਨਿਆਇਕ) ਬਣਾਇਆ ਗਿਆ ਹੈ। ਅਪੂਰਵਾ ਯਾਦਵ ਨੂੰ ਮੁਜ਼ੱਫਰਨਗਰ ਤੋਂ ਦਿਵਿਆਂਗਜਨ ਸ਼ਕਤੀਕਰਨ ਡਾਇਰੈਕਟੋਰੇਟ ਵਿੱਚ ਡਿਪਟੀ ਡਾਇਰੈਕਟਰ ਲਗਾਇਆ ਗਿਆ ਹੈ।
ਅਯੁੱਧਿਆ ਤੀਰਥ ਵਿਕਾਸ ਪ੍ਰੀਸ਼ਦ ਵਿੱਚ ਗਿਆਨ ਚੰਦਰ ਗੁਪਤਾ ਨੂੰ ਸੰਯੁਕਤ ਮੁੱਖ ਕਾਰਜਕਾਰੀ ਅਧਿਕਾਰੀ (Joint CEO) ਅਤੇ ਆਲੋਕ ਕੁਮਾਰ ਵਰਮਾ ਨੂੰ ਅਯੋਧਿਆ ਵਿਕਾਸ ਅਥਾਰਟੀ ਦਾ ਸਕੱਤਰ ਨਿਯੁਕਤ ਕੀਤਾ ਗਿਆ ਹੈ। ਵਾਰਾਣਸੀ ਮੰਡਲ ਵਿੱਚ ਸੁਨੰਦੂ ਸੁਧਾਕਰਨ ਨੂੰ ਬਸਤੀ ਦਾ ਵਧੀਕ ਜ਼ਿਲ੍ਹਾ ਮੈਜਿਸਟਰੇਟ (ਵਿੱਤ ਅਤੇ ਮਾਲ) ਅਤੇ ਅਮੇਠੀ ਦੀ ਜਯੋਤੀ ਸਿੰਘ ਨੂੰ ਵਾਰਾਣਸੀ ਮੰਡਲ ਵਿੱਚ ਵਧੀਕ ਕਮਿਸ਼ਨਰ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ ਖੇਡ ਡਾਇਰੈਕਟੋਰੇਟ, ਘੱਟ ਗਿਣਤੀ ਭਲਾਈ ਵਿਭਾਗ, ਸਹਿਕਾਰੀ ਖੰਡ ਮਿੱਲ ਸੰਘ ਅਤੇ ਚੋਣ ਦਫ਼ਤਰ ਵਿੱਚ ਵੀ ਕਈ ਅਧਿਕਾਰੀਆਂ ਦੀਆਂ ਨਵੀਆਂ ਨਿਯੁਕਤੀਆਂ ਕੀਤੀਆਂ ਗਈਆਂ ਹਨ।
ਟ੍ਰੈਂਡਿੰਗ ਟੌਪਿਕ


















