'ਬਟਨ ਕੋਈ ਵੀ ਦੱਬੋ, ਵੋਟ ਬੀਜੇਪੀ ਨੂੰ', ਚੋਣ ਕਮਿਸ਼ਨ ਨੇ ਵਿੱਢੀ ਜਾਂਚ!

ਆਮ ਆਦਮੀ ਪਾਰਟੀ ਨੇ ਤੀਜੇ ਗੇੜ ਦੀਆਂ ਵੋਟਾਂ 'ਚ ਵੱਡੀ ਗੜਬੜੀ ਹੋਣ ਦਾ ਇਲਜ਼ਾਮ ਲਾਇਆ ਹੈ। 'ਆਪ' ਦੇ ਗੋਆ ਕਨਵੀਨਰ ਐਲਵਿਸ ਗੋਮਸ ਦਾ ਕਹਿਣਾ ਹੈ ਕਿ ਹੋਰ ਪਾਰਟੀਆਂ ਦੇ ਵੋਟ ਵੀ ਬੀਜੇਪੀ ਨੂੰ ਟ੍ਰਾਂਸਫਰ ਕੀਤੇ ਜਾ ਰਹੇ ਹਨ।

ਨਵੀਂ ਦਿੱਲੀ: ਆਮ ਆਦਮੀ ਪਾਰਟੀ ਨੇ ਤੀਜੇ ਗੇੜ ਦੀਆਂ ਵੋਟਾਂ 'ਚ ਵੱਡੀ ਗੜਬੜੀ ਹੋਣ ਦਾ ਇਲਜ਼ਾਮ ਲਾਇਆ ਹੈ। 'ਆਪ' ਦੇ ਗੋਆ ਕਨਵੀਨਰ ਐਲਵਿਸ ਗੋਮਸ ਦਾ ਕਹਿਣਾ ਹੈ ਕਿ ਹੋਰ ਪਾਰਟੀਆਂ ਦੇ ਵੋਟ ਵੀ ਬੀਜੇਪੀ ਨੂੰ ਟ੍ਰਾਂਸਫਰ ਕੀਤੇ ਜਾ ਰਹੇ ਹਨ। ਐਲਵਿਸ ਦਾ ਕਹਿਣਾ ਹੈ, “ਗੋਆ ‘ਚ 34 ਏਸੀ ‘ਚ ਬੂਥ ਨੰਬਰ 31 ‘ਤੇ 6 ਉਮੀਦਵਾਰਾਂ ‘ਚ ਸਾਰਿਆਂ ਨੂੰ 9 ਵੋਟ ਮਿਲੇ, ਜਦਕਿ ਬੀਜੇਪੀ ਦੇ ਖਾਤੇ ‘ਚ 17 ਵੋਟ ਪਏ, ਕਾਂਗਰਸ 9, 'ਆਪ' ਨੂੰ ਅੱਠ ਤੇ ਆਜ਼ਾਦ ਉਮੀਦਵਾਰ ਨੂੰ ਇੱਕ ਵੋਟ ਮਿਲਿਆ ਹੈ। ਇਹ ਲੁੱਟ ਹੈ। ਗੋਆ ਚੋਣ ਵਿਭਾਗ ਦੇ ਦਾਅਵੇ ਖੋਖਲੇ ਹਨ।”

“Faulty” EVM in Goa also transfers others votes to BJP. Are these really faulty or programmed in this fashion? https://t.co/zI9e6IVFUV

— Arvind Kejriwal (@ArvindKejriwal) April 23, 2019

ਐਲਵਿਮ ਗੋਮਸ ਦੇ ਇਲਜ਼ਾਮਾਂ ਦੀ ਹਮਾਇਤ ਕਰਦੇ ਹੋਏ ਆਮ ਆਦਮੀ ਪਾਰਟੀ ਦੇ ਸੁਪਰੀਮੋ ਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਟਵੀਟ ਕੀਤਾ ਹੈ। ਉਧਰ, ਇਸ ਬਾਰੇ ਗੋਆ ਚੋਣ ਵਿਭਾਗ ਦੇ ਅਧਿਕਾਰੀ ਦਾ ਕਹਿਣਾ ਹੈ ਕਿ ਉਹ ਇਸ ਮਾਮਲੇ ਦੀ ਜਾਂਚ ਕਰ ਰਹੇ ਹਨ। ਮਾਮਲੇ ‘ਤੇ ਅਪਡੇਟ ਜਲਦੀ ਹੀ ਜਾਰੀ ਕੀਤਾ ਜਾਵੇਗਾ।