ਇਸ ਬਾਰੇ 'ਏਬੀਪੀ ਨਿਊਜ਼' ਨੇ ਦਿੱਲੀ ਦੀ ਆਜ਼ਾਦਪੁਰ ਸਬਜ਼ੀ ਮੰਡੀ ‘ਚ ਆਪਣੀ ਪੜਤਾਲ ਸ਼ੁਰੂ ਕੀਤੀ। ਪੜਤਾਲ ‘ਚ ਸਾਹਮਣੇ ਆਇਆ ਕਿ ਇੱਥੇ ਕੇਲਿਆਂ ‘ਚ ਕੈਮਿਕਲ ਮਿਲਾ ਕੇ ਉਨ੍ਹਾਂ ਨੂੰ ਪਕਾਇਆ ਜਾਂਦਾ ਹੈ। ਜਦਕਿ ਕੁਦਰਤੀ ਤੌਰ ‘ਤੇ ਫਲਾਂ ਨੂੰ ਪੱਕਣ ‘ਚ ਸਮਾਂ ਵੱਧ ਲੱਗਦਾ ਹੈ ਅਤੇ ਉਨ੍ਹਾਂ ਦੇ ਵਜ਼ਨ ‘ਚ ਵੀ ਕਮੀ ਆਉਂਦੀ ਹੈ। ਇਸ ਲਈ ਵੱਡੇ ਮੁਨਾਫੇ ਦੇ ਲਾਲਚ ‘ਚ ਵਪਾਰੀ ਜ਼ਹਿਰੀਲੇ ਰਸਾਇਣਾਂ ‘ਚ ਫਲਾਂ ਅਤੇ ਸਬਜ਼ੀਆਂ ਨੂੰ ਪਕਾਉਂਦੇ ਹਨ।
'ਏਬੀਪੀ ਨਿਊਜ਼' ਨੇ ਕੈਮੀਕਲ ਮਿਲਾਉਣ ਬਾਰੇ ਕੇਲਾ ਵਿਕਰੇਤਾ ਨਾਲ ਗੱਲ ਵੀ ਕੀਤੀ। ਉਸ ਕਿਹਾ ਕਿ ਇਸ ਨਾਲ ਲੋਕਾਂ ਦੀ ਸਿਹਤ ਖਰਾਬ ਹੋ ਰਹੀ ਹੈ ਤਾਂ ਉਸ ਨੇ ਕਿਹਾ ਕਿ ਇਸ ਬਾਰੇ ਸਰਕਾਰ ਨੂੰ ਹੀ ਕੁਝ ਕਰਨਾ ਚਾਹੀਦਾ ਹੈ, ਅਸੀਂ ਤਾਂ ਮਜਬੂਰ ਹਾਂ। ਸਾਰੀਆਂ ਮੰਡੀਆਂ ‘ਚ ਇਸੇ ਤਰ੍ਹਾਂ ਫਲਾਂ ਨੂੰ ਪਕਾਇਆ ਜਾਂਦਾ ਹੈ।
ਇੰਨਾ ਹੀ ਨਹੀਂ ਅੰਬ ਅਤੇ ਪਪੀਤਾ ਪਕਾਉਣ ਲਈ ਕੈਲਸ਼ੀਅਮ ਕਾਰਬਾਈਡ ਦਾ ਇਸਤੇਮਾਲ ਹੁੰਦਾ ਹੈ, ਜਿਸ ਦੀ ਗਰਮੀ ਪਾ ਕੇ ਫਲ ਪੱਕਣ ਲੱਗਦਾ ਹੈ। ਦੱਸ ਦਈਏ ਕਿ ਆਜ਼ਾਦਪੁਰ ਮੰਡੀ ‘ਚ ਅਦਰਕ ਦੀ ਥੋਕ ਵਿੱਚ ਵਿਕਰੀ ਹੁੰਦੀ ਹੈ। ਕਰਨਾਟਕ ਤੋਂ ਅਦਰਕ ਵੱਡੀ ਮਾਤਰਾ ‘ਚ ਇੱਥੇ ਆਉਂਦਾ ਹੈ ਜੋ ਮਸ਼ੀਨਾਂ ਨਾਲ ਧੋ ਕੇ ਆਉਂਦਾ ਹੈ, ਉਸ 'ਤੇ ਵੀ ਕੈਮੀਕਲ ਲਾਇਆ ਜਾਂਦਾ ਹੈ। ਥੋਕ ਵਿਕਰੇਤਾ ਅਸ਼ਵਨੀ ਕੁਮਾਰ ਨੇ ਦੱਸਿਆ ਕਿ ਇਹ ਕੰਮ ਛੋਟੇ ਦੁਕਾਨਦਾਰ ਖ਼ਰਾਬ ਅਦਰਕ ਨੂੰ ਚਮਕਾਉਣ ਲਈ ਕਰਦੇ ਹਨ।
ਇੰਡੀਅਨ ਮੈਡੀਕਲ ਐਸੋਸਿਏਸ਼ਨ ਦੇ ਸਾਬਕਾ ਪ੍ਰਧਾਨ ਡਾਕਟਰ ਕੇ.ਕੇ. ਅਗਰਵਾਲ ਦਾ ਕਹਿਣਾ ਹੈ ਕਿ ਕੈਮੀਕਲ ਨਾਲ ਪੱਕੇ ਫਲਾਂ ਨੂੰ ਖਾਣ ‘ਤੇ ਕੈਂਸਰ ਹੋ ਸਕਦਾ ਹੈ। ਅੰਕੜੇ ਕਹਿੰਦੇ ਹਨ ਕਿ ਭਾਰਤ ‘ਚ ਹਰ ਸਾਲ ਲਗਾਤਾਰ ਕੈਂਸਰ ਦੇ ਮਰੀਜ਼ ਵੱਧ ਰਹੇ ਹਨ।