Eid Al Adha 2026 : ਬਕਰੀਦ ਮੌਕੇ ਮੁਸਲਿਮ ਪਰਿਵਾਰ ਨੇ ਕੱਟਿਆ ਬੱਕਰੇ ਦੀ ਤਸਵੀਰ ਵਾਲਾ ਕੇਕ, ਦਿੱਤਾ ਖਾਸ ਮੈਸੇਜ
Eid Al Adha 2026 : ਬਕਰੀਦ ਮੌਕੇ ਆਗਰਾ ਦੇ ਇੱਕ ਮੁਸਲਿਮ ਪਰਿਵਾਰ ਨੇ ਬੱਕਰੇ ਦੀ ਕੁਰਬਾਨੀ ਦੇਣ ਦੀ ਬਜਾਏ ਬੱਕਰੇ ਦੀ ਤਸਵੀਰ ਵਾਲਾ ਕੇਕ ਕੱਟ ਕੇ ਨਵਾਂ ਮੈਸੇਜ ਦਿੱਤਾ ਹੈ। ਇਹ ਅਨੋਖੀ ਪਹਿਲ ਹੁਣ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਹੀ
Eid Al Adha 2026 : ਬਕਰੀਦ ਮੌਕੇ ਆਗਰਾ ਦੇ ਇੱਕ ਮੁਸਲਿਮ ਪਰਿਵਾਰ ਨੇ ਬੱਕਰੇ ਦੀ ਕੁਰਬਾਨੀ ਦੇਣ ਦੀ ਬਜਾਏ ਬੱਕਰੇ ਦੀ ਤਸਵੀਰ ਵਾਲਾ ਕੇਕ ਕੱਟ ਕੇ ਨਵਾਂ ਮੈਸੇਜ ਦਿੱਤਾ ਹੈ। ਇਹ ਅਨੋਖੀ ਪਹਿਲ ਹੁਣ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ ਅਤੇ ਲੋਕ ਇਸ ਨੂੰ ਬਕਰੀਦ ਦਾ ਵੱਖਰਾ ਤੇ ਸਕਾਰਾਤਮਕ ਮੈਸੇਜ ਦੱਸ ਰਹੇ ਹਨ।
ਇਹ ਮਾਮਲਾ ਆਗਰਾ ਦੇ ਸ਼ਾਹਗੰਜ ਇਲਾਕੇ ਦਾ ਹੈ, ਜਿੱਥੇ ਤਿਰੰਗਾ ਮੰਜਿਲ ਸ਼ੇਰਵਾਨੀ ਮਾਰਗ ‘ਤੇ ਰਹਿੰਦੇ ਐਡਵੋਕੇਟ ਗੁਲ ਚਮਨ ਸ਼ੇਰਵਾਨੀ ਅਤੇ ਉਨ੍ਹਾਂ ਦੇ ਪਰਿਵਾਰ ਵੱਲੋਂ ਘਰ ਵਿੱਚ ਖਾਸ ਪ੍ਰੋਗਰਾਮ ਰੱਖਿਆ ਗਿਆ। ਇਸ ਦੌਰਾਨ ਬਕਰੇ ਦੀ ਆਕ੍ਰਿਤੀ ਵਾਲਾ ਕੇਕ ਲਿਆਂਦਾ ਗਿਆ ਅਤੇ ਪੂਰੇ ਪਰਿਵਾਰ ਨੇ ਇਕੱਠੇ ਹੋ ਕੇ ਉਸ ਨੂੰ ਕੱਟਿਆ।
ਐਡਵੋਕੇਟ ਗੁਲ ਚਮਨ ਸ਼ੇਰਵਾਨੀ ਨੇ ਕਿਹਾ ਕਿ ਅੱਲਾਹ ਨੂੰ ਦਿਖਾਵਾ ਨਹੀਂ, ਸਗੋਂ ਇਨਸਾਨ ਦੀ ਨੀਅਤ ਪਸੰਦ ਹੈ। ਉਨ੍ਹਾਂ ਕਿਹਾ ਕਿ ਅਸਲੀ ਕੁਰਬਾਨੀ ਆਪਣੇ ਅੰਦਰ ਦੀਆਂ ਬੁਰਾਈਆਂ, ਲਾਲਚ, ਨਫ਼ਰਤ ਅਤੇ ਅਹੰਕਾਰ ਨੂੰ ਛੱਡਣ ਵਿੱਚ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਅੱਜ ਕਈ ਲੋਕ ਕੁਰਬਾਨੀ ਦੇ ਨਾਮ ‘ਤੇ ਦੌਲਤ ਦਾ ਦਿਖਾਵਾ ਕਰਦੇ ਹਨ, ਜਦਕਿ ਸੱਚੀ ਨੀਅਤ ਵਾਲਾ ਗਰੀਬ ਇਨਸਾਨ ਵੀ ਅਸਲੀ ਕੁਰਬਾਨੀ ਦੇ ਸਕਦਾ ਹੈ।
ਜਿਵੇਂ ਹੀ ਲੋਕਾਂ ਨੂੰ ਪਤਾ ਲੱਗਿਆ ਕਿ ਇੱਥੇ “ਬਕਰਾ ਕੇਕ” ਕੱਟਿਆ ਜਾ ਰਿਹਾ ਹੈ ਤਾਂ ਹਿੰਦੂ ਅਤੇ ਮੁਸਲਿਮ ਦੋਵੇਂ ਭਾਈਚਾਰਿਆਂ ਦੇ ਲੋਕ ਇਸ ਪਹਿਲ ਨੂੰ ਦੇਖਣ ਲਈ ਪਹੁੰਚੇ। ਕਈ ਲੋਕਾਂ ਨੇ ਪਰਿਵਾਰ ਦੀ ਤਾਰੀਫ਼ ਕਰਦਿਆਂ ਕਿਹਾ ਕਿ ਤਿਉਹਾਰਾਂ ਦਾ ਅਸਲੀ ਮਕਸਦ ਪਿਆਰ ਅਤੇ ਭਾਈਚਾਰਾ ਵਧਾਉਣਾ ਹੁੰਦਾ ਹੈ।
ਪਰਿਵਾਰ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਸਮਾਜ ਵਿੱਚ ਨਫ਼ਰਤ ਦੀ ਬਜਾਏ ਇਨਸਾਨੀਅਤ ਅਤੇ ਮੁਹੱਬਤ ਦਾ ਮਾਹੌਲ ਬਣਾਇਆ ਜਾਵੇ। ਹੁਣ ਇਸ ਪ੍ਰੋਗਰਾਮ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ। ਕਈ ਯੂਜ਼ਰ ਇਸ ਨੂੰ ਬਕਰੀਦ ਦਾ ਨਵਾਂ ਸੰਦੇਸ਼ ਕਰਾਰ ਦੇ ਰਹੇ ਹਨ। ਕੁੱਲ ਮਿਲਾ ਕੇ ਆਗਰਾ ਦੇ ਇਸ ਪਰਿਵਾਰ ਨੇ ਇਹ ਸੰਦੇਸ਼ ਦਿੱਤਾ ਕਿ ਕੁਰਬਾਨੀ ਸਿਰਫ਼ ਜਾਨਵਰ ਦੀ ਨਹੀਂ, ਸਗੋਂ ਇਨਸਾਨ ਦੇ ਅੰਦਰ ਦੀਆਂ ਬੁਰਾਈਆਂ ਦੀ ਵੀ ਹੋਣੀ ਚਾਹੀਦੀ ਹੈ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
