ਏਅਰ ਇੰਡੀਆ ਦੇ ਖਾਣੇ ‘ਚ ਮਿਲਿਆ ਕੋਕਰੋਚ, ਕੰਪਨੀ ਨੇ ਮੰਗੀ ਮੁਆਫੀ

ਨਵੀਂ ਦਿੱਲੀ: ਭੋਪਾਲ ਤੋਂ ਮੁੰਬਈ ਜਾ ਰਹੀ ਏਅਰ ਇੰਡੀਆ ਦੀ ਇੱਕ ਉਡਾਨ ‘ਚ ਯਾਤਰੀ ਨੁੰ ਖਾਣੇ ‘ਚ ਕੋਕਰੋਚ ਮਿਲਣ ਦੀ ਘਟਨਾ ਤੋਂ ਦੋ ਦਿਨ ਬਾਅਦ ਸਰਕਾਰੀ ਏਅਰ ਲਾਈਨ ਨੇ ਇਸ ਦੇ ਲਈ ਮੁਆਫੀ ਮੰਗੀ ਹੈ। ਏਅਰ ਇੰਡੀਆ ਨੇ ਕਿਹਾ ਹੈ ਕਿ ਉਸ ਨੇ ਇਸ ਮਾਮਲੇ ‘ਚ ਅੰਦਰੂਨੀ ਸੁਧਾਰ ਲਈ ਕਾਰਵਾਈ ਸ਼ੂਰੂ ਕਰ ਦਿੱਤੀ ਹੈ। ਏਅਰਲਾਈਨ ਨੇ ਇੱਕ ਟਵੀਟ ‘ਚ ਕਿਹਾ, “ਅਸੀਂ ਇਸ ਘਟਨਾ ਦੇ ਲਈ ਆਪਣੇ ਯਾਤਰੀ ਤੋਂ ਮੁਆਫੀ ਮੰਗਦੇ ਹਾਂ ਕਿਉਂਕਿ ਉਨ੍ਹਾਂ ਨੂੰ ਭੋਪਾਲ-ਮੁੰਬਈ ਉਡਾਨ ਦੌਰਾਨ ਖਾਣੇ ਦਾ ਖ਼ਰਾਬ ਤਜ਼ਰਬੇ ਦਾ ਸਾਹਮਣਾ ਕਰਨਾ ਪਿਆ”।

Cockroach In Food Served At Air India #Bhopal #Mumbai flight @airindiain @News18India @News18lokmat @CNNnews18 pic.twitter.com/Po6n6wUxo1

— Manoj Khandekar (@manojkhandekar) February 2, 2019

ਭੋਪਾਲ ਤੋਂ ਮੁੰਬਈ ਦੀ ਯਾਤਰਾ ਕਰ ਰਹੇ ਰੋਹਿਤ ਰਾਜ ਸਿੰਘ ਚੌਹਾਨ ਨਾਂਅ ਦੇ ਇੱਕ ਯਾਰਤੀ ਨੇ ਸ਼ਨੀਵਾਰ ਨੂੰ ਟਵੀਟ ‘ਤੇ ਕਿਹਾ ਸੀ ਕਿ ਉਨ੍ਹਾਂ ਨੂੰ ਖਾਣੇ ‘ਚ ਏਅਰਲਾਈਨ ਨੇ ਜੋ ਇਡਲੀ-ਸਾਂਬਰ ਦਿੱਤਾ ਗਿਆ, ਜਿਸ ‘ਚ ਕੋਕਰੋਚ ਸੀ। ਉਨ੍ਹਾਂ ਇਸ ਦੀ ਇੱਕ ਫੋਟੋ ਵੀ ਪੋਸਟ ਕੀਤੀ ਸੀ, ਜਿਸ ਚ’ ਕੋਕਰੋਚ ਨਜ਼ਰ ਆ ਰਿਹਾ ਹੈ।