India Ranking in Different Index 2022  : ਗਲੋਬਲ ਹੰਗਰ ਇੰਡੈਕਸ 2022 ਦੇ ਸਬੰਧ ਵਿੱਚ 121 ਦੇਸ਼ਾਂ ਦੀ ਰੈਂਕਿੰਗ ਦੀ ਸੂਚੀ ਜਾਰੀ ਕੀਤੀ ਗਈ ਹੈ। ਇਸ ਵਿੱਚ ਭਾਰਤ ਦਾ ਨੰਬਰ 107ਵਾਂ ਹੈ। ਦੱਖਣੀ ਏਸ਼ੀਆ ਵਿਚ ਭਾਰਤ ਅਫਗਾਨਿਸਤਾਨ ਨੂੰ ਛੱਡ ਕੇ ਲਗਭਗ ਸਾਰੇ ਦੇਸ਼ਾਂ ਤੋਂ ਪਿੱਛੇ ਹੈ। ਗਲੋਬਲ ਹੰਗਰ ਇੰਡੈਕਸ ਵਿੱਚ ਭਾਰਤ ਦੇ ਗੁਆਂਢੀ ਦੇਸ਼ - ਸ਼੍ਰੀਲੰਕਾ 64ਵੇਂ, ਨੇਪਾਲ 81ਵੇਂ, ਪਾਕਿਸਤਾਨ 99ਵੇਂ, ਅਫਗਾਨਿਸਤਾਨ 109ਵੇਂ ਅਤੇ ਚੀਨ 1 ਤੋਂ 17ਵੇਂ ਸਥਾਨ 'ਤੇ ਹਨ। ਸੂਚਕਾਂਕ ਦੀ ਗਣਨਾ ਜ਼ੀਰੋ ਤੋਂ 100 ਅੰਕਾਂ ਦੇ ਪੈਮਾਨੇ 'ਤੇ ਕੀਤੀ ਜਾਂਦੀ ਹੈ, ਜਿੱਥੇ ਜ਼ੀਰੋ ਸਭ ਤੋਂ ਵਧੀਆ ਸਕੋਰ ਹੁੰਦਾ ਹੈ। ਭਾਰਤ ਦਾ ਸਕੋਰ 29.1 ਦੱਸਿਆ ਗਿਆ ਹੈ।

2021 ਦੇ ਗਲੋਬਲ ਹੰਗਰ ਇੰਡੈਕਸ ਵਿੱਚ ਇਹ ਸੀ ਭਾਰਤ ਦੀ ਰੈਂਕਿੰਗ 

2021 ਦੇ ਗਲੋਬਲ ਹੰਗਰ ਇੰਡੈਕਸ ਵਿੱਚ ਭਾਰਤ 101ਵੇਂ ਸਥਾਨ 'ਤੇ ਸੀ। ਹਾਲਾਂਕਿ, ਉਦੋਂ 116 ਦੇਸ਼ਾਂ ਨੂੰ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਸੀ। ਗੁਆਂਢੀ ਦੇਸ਼- ਪਾਕਿਸਤਾਨ, ਬੰਗਲਾਦੇਸ਼ ਅਤੇ ਨੇਪਾਲ 2021 ਦੀ ਸੂਚੀ ਵਿੱਚ ਭਾਰਤ ਤੋਂ ਅੱਗੇ ਸਨ। ਇਸ ਤੋਂ ਪਹਿਲਾਂ 2020 ਦੀ ਸੂਚੀ 'ਚ ਭਾਰਤ 107 ਦੇਸ਼ਾਂ 'ਚੋਂ 94ਵੇਂ ਨੰਬਰ 'ਤੇ ਸੀ।

 

ਇਹ ਵੀ ਪੜ੍ਹੋ : Ram Rahim Parole : ਰਾਮ ਰਹੀਮ 40 ਦਿਨਾਂ ਦੀ ਪੈਰੋਲ 'ਤੇ ਸੁਨਾਰੀਆ ਜੇਲ੍ਹ 'ਚੋਂ ਆਇਆ ਬਾਹਰ , ਬਾਗਪਤ ਆਸ਼ਰਮ ਲਈ ਰਵਾਨਾ

ਮਾਨਵ ਵਿਕਾਸ ਸੂਚਕਾਂਕ ਭਾਰਤ ਦੀ ਰੈਂਕਿੰਗ

ਇਸ ਸਾਲ ਸਤੰਬਰ ਦੇ ਦੂਜੇ ਹਫ਼ਤੇ ਸੰਯੁਕਤ ਰਾਸ਼ਟਰ ਵਿਕਾਸ ਕੌਂਸਲ ਨੇ ਮਨੁੱਖੀ ਵਿਕਾਸ ਸੂਚਕ ਅੰਕ 2021 ਦੀ ਰਿਪੋਰਟ ਜਾਰੀ ਕੀਤੀ। ਇਸ ਵਿੱਚ ਵੀ ਭਾਰਤ ਦਾ ਦਰਜਾ ਚੰਗਾ ਨਹੀਂ ਰਿਹਾ। ਮਨੁੱਖੀ ਵਿਕਾਸ ਸੂਚਕਾਂਕ ਨੂੰ ਲੈ ਕੇ 191 ਦੇਸ਼ਾਂ ਦੀ ਸੂਚੀ ਜਾਰੀ ਕੀਤੀ ਗਈ, ਜਿਸ ਵਿੱਚ ਭਾਰਤ 132ਵੇਂ ਸਥਾਨ 'ਤੇ ਆਇਆ। 2020 ਦੀ ਸੂਚੀ ਵਿੱਚ ਭਾਰਤ ਇੱਕ ਸਥਾਨ ਉੱਪਰ ਯਾਨੀ 131ਵੇਂ ਸਥਾਨ 'ਤੇ ਸੀ। 2020 ਵਿੱਚ 189 ਦੇਸ਼ਾਂ ਦੀ ਸੂਚੀ ਜਾਰੀ ਕੀਤੀ ਗਈ ਸੀ।

ਮਾਨਵ ਵਿਕਾਸ ਸੂਚਕਾਂਕ ਦੀ ਸੂਚੀ ਵਿੱਚ ਭਾਰਤ ਨੇਪਾਲ ਅਤੇ ਪਾਕਿਸਤਾਨ ਨੂੰ ਛੱਡ ਕੇ ਬਾਕੀ ਗੁਆਂਢੀ ਦੇਸ਼ਾਂ ਤੋਂ ਪਿੱਛੇ ਸੀ। ਸੂਚੀ ਵਿੱਚ ਸ੍ਰੀਲੰਕਾ 73ਵੇਂ, ਚੀਨ 79ਵੇਂ, ਭੂਟਾਨ 127ਵੇਂ, ਬੰਗਲਾਦੇਸ਼ 129ਵੇਂ, ਨੇਪਾਲ 143ਵੇਂ ਅਤੇ ਪਾਕਿਸਤਾਨ 161ਵੇਂ ਸਥਾਨ ’ਤੇ ਹੈ।

ਵਿਸ਼ਵ ਪ੍ਰੈਸ ਫਰੀਡਮ ਇੰਡੈਕਸ ਵਿੱਚ ਭਾਰਤ

ਇਸ ਸਾਲ ਮਈ 'ਚ ਵਰਲਡ ਪ੍ਰੈੱਸ ਫਰੀਡਮ ਇੰਡੈਕਸ ਰਿਪੋਰਟ ਆਈ ਸੀ, ਜਿਸ 'ਚ ਭਾਰਤ 142ਵੇਂ ਸਥਾਨ ਤੋਂ 150ਵੇਂ ਸਥਾਨ 'ਤੇ ਖਿਸਕ ਗਿਆ ਸੀ। ਹਾਲਾਂਕਿ, ਨੇਪਾਲ ਨੂੰ ਛੱਡ ਕੇ ਭਾਰਤ ਦੇ ਬਾਕੀ ਗੁਆਂਢੀ ਦੇਸ਼ਾਂ ਦੀ ਰੈਂਕਿੰਗ ਵਿੱਚ ਵੀ ਗਿਰਾਵਟ ਆਈ ਹੈ। 180 ਦੇਸ਼ਾਂ ਦੀ ਸੂਚੀ ਵਿੱਚ ਨੇਪਾਲ 76ਵੇਂ, ਸ਼੍ਰੀਲੰਕਾ 146, ਪਾਕਿਸਤਾਨ 157, ਬੰਗਲਾਦੇਸ਼ 162 ਅਤੇ ਮਿਆਂਮਾਰ 176ਵੇਂ ਸਥਾਨ 'ਤੇ ਸੀ। ਜ਼ਿਕਰਯੋਗ ਹੈ ਕਿ ਇਹ ਰਿਪੋਰਟ ਵਿਦਾਊਟ ਬਾਰਡਰਜ਼ ਨਾਂ ਦੀ ਸੰਸਥਾ ਵੱਲੋਂ ਜਾਰੀ ਕੀਤੀ ਗਈ ਹੈ।

ਲੋਕਤੰਤਰ ਸੂਚਕਾਂਕ ਵਿੱਚ ਭਾਰਤ ਲਈ ਕੁਝ ਰਾਹਤ

ਬ੍ਰਿਟੇਨ ਦੀ ਇਕਨਾਮਿਸਟ ਇੰਟੈਲੀਜੈਂਸ ਯੂਨਿਟ ਦੁਆਰਾ ਜਾਰੀ ਡੈਮੋਕਰੇਸੀ ਇੰਡੈਕਸ ਦੀ 2021 ਦੀ ਰਿਪੋਰਟ ਵਿੱਚ ਭਾਰਤ 46ਵੇਂ ਸਥਾਨ 'ਤੇ ਸੀ। ਇਸ ਦੇ ਨਾਲ ਹੀ 2020 ਵਿੱਚ ਭਾਰਤ 167 ਦੇਸ਼ਾਂ ਦੀ ਲੋਕਤੰਤਰ ਸੂਚਕਾਂਕ ਰਿਪੋਰਟ ਵਿੱਚ 53ਵੇਂ ਸਥਾਨ 'ਤੇ ਸੀ। 2019 ਦੀ ਰਿਪੋਰਟ 'ਚ ਭਾਰਤ 51ਵੇਂ ਸਥਾਨ 'ਤੇ ਸੀ। ਇਸ ਸੂਚੀ ਵਿੱਚ ਭਾਰਤ ਨੂੰ ਆਪਣੇ ਜ਼ਿਆਦਾਤਰ ਗੁਆਂਢੀ ਦੇਸ਼ਾਂ ਨਾਲੋਂ ਉੱਚਾ ਦਰਜਾ ਦਿੱਤਾ ਗਿਆ ਸੀ। ਇਸ ਸੂਚੀ ਵਿੱਚ ਸ਼੍ਰੀਲੰਕਾ 68ਵੇਂ, ਬੰਗਲਾਦੇਸ਼ 76ਵੇਂ, ਭੂਟਾਨ 84ਵੇਂ ਅਤੇ ਪਾਕਿਸਤਾਨ 105ਵੇਂ ਨੰਬਰ 'ਤੇ ਹੈ।

 

ਨੋਟ : ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।