ਵਿੱਤ ਮੰਤਰੀ ਅਰੁਣ ਜੇਤਲੀ ਨੂੰ ਕੈਂਸਰ, ਨਹੀਂ ਪੇਸ਼ ਕਰ ਪਾਉਣਗੇ ਆਖਰੀ ਬਜਟ

ਨਵੀਂ ਦਿੱਲੀ: ਕੇਂਦਰੀ ਵਿੱਤ ਮੰਤਰੀ ਅਰੁਣ ਜੇਤਲੀ ਨੂੰ ਸਾਫਟ ਟਿਸ਼ੂ ਸਰਕੋਮਾ ਨਾਂ ਦਾ ਅਜੀਬ ਕਿਸਮ ਦਾ ਕੈਂਸਰ ਹੈ। ਇਸ ਦੇ ਇਲਾਜ ਲਈ ਉਹ ਅਮਰੀਕਾ ਗਏ ਹਨ। ਜੇਤਲੀ ਨੂੰ ਅਜਿਹੇ ਸਮੇਂ ਇਸ ਦਾ ਇਲਾਜ ਕਰਵਾਉਣਾ ਪੈ ਰਿਹਾ ਹੈ, ਜਦੋਂ ਵਿੱਤ ਮੰਤਰਾਲੇ ‘ਚ ਆਖਰੀ ਬਜਟ ਪੇਸ਼ ਕਰਨ ਦੀਆਂ ਤਿਆਰੀਆਂ ਜ਼ੋਰਾਂ ‘ਤੇ ਚੱਲ ਰਹੀਆਂ ਹਨ। ਇਹ ਬਜਟ ਮੋਦੀ ਸਰਕਾਰ ਦੇ ਕਰਜਕਾਲ ਦਾ ਆਖਰੀ ਬਜਟ ਹੈ। ਸੁਤਰਾਂ ਮੁਤਾਬਕ ਜੇਤਲੀ ਇੱਕ ਫਰਵਰੀ ਨੂੰ ਆਉਣ ਵਾਲੇ ਬਜਟ ਨੂੰ ਪੇਸ਼ ਨਹੀਂ ਕਰ ਪਾਉਣਗੇ। 66 ਸਾਲਾ ਜੇਟਲੀ ਪਿਛਲੇ ਸਾਲ 14 ਮਈ ਨੂੰ ਏਮਜ਼ ‘ਚ ਗੁਰਦਾ ਟ੍ਰਾਂਸਪਲਾਂਟ ਲਈ ਦਾਖਲ ਹੋਏ ਸੀ। ਹੁਣ ਉਹ ਅਮਰੀਕਾ ਵਿੱਚ ਕੈਂਸਰ ਦੇ ਇਲਾਜ ਲਈ ਗਏ ਹਨ ਜਿੱਥੋਂ ਉਨ੍ਹਾਂ ਦੀ ਵਾਪਸੀ ਦੀ ਤਾਰੀਖ ਤੈਅ ਨਹੀਂ। ਸਤੰਬਰ 2014 ‘ਚ ਜੇਟਲੀ ਦੀ ਬੈਰੀਓਟ੍ਰਿਕ ਸਰਜ਼ਰੀ ਹੋਈ ਸੀ।

I'm upset to hear Arun Jaitley Ji is not well. We fight him on a daily basis for his ideas. However, I and the Congress party send him our love and best wishes for a speedy recovery. We are with you and your family 100% during this difficult period Mr Jaitley.

— Rahul Gandhi (@RahulGandhi) January 16, 2019

ਉਧਰ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਤੇ ਹੋਰ ਕਈ ਨੇਤਾਵਾਂ ਨੇ ਜੇਤਲੀ ਦੇ ਠੀਕ ਹੋ ਕੇ ਵਾਪਸ ਆਉਣ ਦੀ ਕਾਮਨਾ ਕੀਤੀ ਹੈ। ਜੇਕਰ ਬਜਟ ਦੀ ਗੱਲ ਕਰੀਏ ਤਾਂ ਆਖਰੀ  ਬਜਟ ‘ਚ ਸਰਕਾਰ ਕਰਜ਼ਇਆਂ ਤੇ ਕਿਸਾਨਾਂ ਨੂੰ ਖੁਸ਼ ਕਰਨ ਲਈ ਕੋਈ ਵੱਡਾ ਕਦਮ ਚੁੱਕ ਸਕਦੀ ਹੈ।