ਭਾਜਪਾ ਸੰਸਦ ਮੈਂਬਰ ਕੰਗਨਾ ਰਣੌਤ ਖ਼ਿਲਾਫ਼ ਰਾਸ਼ਟਰ ਦ੍ਰੋਹ ਦਾ ਮੁਕਦਮਾ, ਕਿਸਾਨ ਅੰਦੋਲਨ ਨਾਲ ਜੁੜਿਆ, ਸਿਆਸੀ ਗਲਿਆਰਿਆਂ 'ਚ ਹਲਚਲ
ਹਿਮਾਚਲ ਦੇ ਮੰਡੀ ਤੋਂ ਭਾਜਪਾ ਸੰਸਦ ਮੈਂਬਰ ਅਤੇ ਮਸ਼ਹੂਰ ਅਦਾਕਾਰਾ ਕੰਗਨਾ ਰਣੌਤ ਮੁੜ ਤੋਂ ਮੁਸ਼ਕਿਲਾਂ ਦੇ ਵਿੱਚ ਘਿਰਦੀ ਹੋਈ ਨਜ਼ਰ ਆ ਰਹੀ ਹੈ। ਆਗਰਾ ਵਿੱਚ ਵਕੀਲ ਰਮਾਸ਼ੰਕਰ ਸ਼ਰਮਾ ਨੇ ਦਾਅਵਾ ਕੀਤਾ ਸੀ ਕਿ 11 ਸਤੰਬਰ 2024 ਨੂੰ MP MLA ਕੋਰਟ...
ਹਿਮਾਚਲ ਦੇ ਮੰਡੀ ਤੋਂ ਭਾਜਪਾ ਸੰਸਦ ਮੈਂਬਰ ਅਤੇ ਮਸ਼ਹੂਰ ਅਦਾਕਾਰਾ ਕੰਗਨਾ ਰਣੌਤ. ਜੋ ਕਿ ਇੱਕ ਵਾਰ ਫਿਰ ਤੋਂ ਦਿੱਕਤਾਂ ਦੇ ਵਿੱਚ ਫਸਦੀ ਹੋਈ ਨਜ਼ਰ ਆ ਰਹੀ ਹੈ। ਜੀ ਹਾਂ MP ਕੰਗਨਾ ਨਾਲ ਸੰਬੰਧਿਤ ਰਿਵੀਜ਼ਨ ਯਾਚਿਕਾ ਆਗਰਾ ਕੋਰਟ ਵਿੱਚ ਸਵੀਕਾਰ ਕਰ ਲਈ ਗਈ ਹੈ। ਕਿਸਾਨਾਂ ਦੇ ਅਪਮਾਨ ਅਤੇ ਰਾਸ਼ਟਰਦ੍ਰੋਹ ਦੇ ਮਾਮਲੇ ਵਿੱਚ ਦਾਇਰ ਕੀਤੀ ਗਈ ਯਾਚਿਕਾ ਨੂੰ ਰਿਵੀਜ਼ਨ ਲਈ ਮਨਜ਼ੂਰ ਕਰ ਲਿਆ ਗਿਆ ਹੈ। ਹੁਣ ਅਗਲੀ ਸੁਣਵਾਈ 29 ਨਵੰਬਰ ਨੂੰ ਹੋਵੇਗੀ।
ਕਿਸਾਨਾਂ ਅਤੇ ਮਹਾਤਮਾ ਗਾਂਧੀ ਦੇ ਅਪਮਾਨ ਦੇ ਆਰੋਪ
ਆਗਰਾ ਵਿੱਚ ਵਕੀਲ ਰਮਾਸ਼ੰਕਰ ਸ਼ਰਮਾ ਨੇ ਦਾਅਵਾ ਕੀਤਾ ਸੀ ਕਿ 11 ਸਤੰਬਰ 2024 ਨੂੰ MP MLA ਕੋਰਟ ਵਿੱਚ ਕੰਗਨਾ ਰਣੌਤ ਖ਼ਿਲਾਫ਼ ਇੱਕ ਮਾਮਲਾ ਦਰਜ ਕੀਤਾ ਸੀ। ਇਸ ਮਾਮਲੇ ਵਿੱਚ ਕੰਗਨਾ ਰਣੌਤ ਉਤੇ ਕਿਸਾਨਾਂ ਅਤੇ ਮਹਾਤਮਾ ਗਾਂਧੀ ਦੇ ਅਪਮਾਨ ਦੇ ਆਰੋਪ ਲਗਾਏ ਗਏ ਸਨ। 9 ਮਹੀਨੇ ਦੀ ਸੁਣਵਾਈ ਤੋਂ ਬਾਅਦ, ਸਪੈਸ਼ਲ ਕੋਰਟ MP MLA ਨੇ ਅਧੂਰੀ ਵਿਆਖਿਆ ਦੇ ਆਧਾਰ ਤੇ ਮਾਮਲਾ ਖਾਰਜ ਕਰ ਦਿੱਤਾ ਸੀ।
ਵਕੀਲ ਰਮਾਸ਼ੰਕਰ ਸ਼ਰਮਾ ਨੇ ਦੱਸਿਆ ਕਿ ਮੈਂ ਰਿਵੀਜ਼ਨ ਯਾਚਿਕਾ ਦਾਇਰ ਕੀਤੀ ਸੀ। ਸੁਣਵਾਈ ਤੋਂ ਬਾਅਦ ਸਪੈਸ਼ਲ ਜੱਜ MP MLA ਲੋਕੇਸ਼ ਕੁਮਾਰ ਨੇ ਮੇਰੀ ਰਿਵੀਜ਼ਨ ਯਾਚਿਕਾ ਮਨਜ਼ੂਰ ਕਰ ਲਈ ਹੈ। 6 ਮਈ 2025 ਨੂੰ ਲੋਅਰ ਕੋਰਟ ਨੇ ਮੇਰਾ ਦਾਅਵਾ ਖਾਰਜ ਕੀਤਾ ਸੀ, ਪਰ 12 ਨਵੰਬਰ ਨੂੰ ਰਿਵੀਜ਼ਨ ਯਾਚਿਕਾ ਮਨਜ਼ੂਰ ਹੋ ਗਈ ਹੈ। ਹੁਣ ਇਸ ਮਾਮਲੇ ਦੀ ਸੁਣਵਾਈ 29 ਨਵੰਬਰ ਨੂੰ ਹੋਵੇਗੀ।
ਯਾਚਿਕਾ ਦੇ ਅਨੁਸਾਰ ਇਹ ਮਾਮਲਾ ਪਹਿਲੀ ਵਾਰ 11 ਸਤੰਬਰ 2024 ਨੂੰ ਸਾਹਮਣੇ ਆਇਆ ਸੀ। ਕੰਗਨਾ ਦੇ ਬਿਆਨ ਨੇ ਦੇਸ਼ ਭਰ ਦੇ ਕਿਸਾਨਾਂ ਅਤੇ ਨਾਗਰਿਕਾਂ ਦੀਆਂ ਭਾਵਨਾਵਾਂ ਨੂੰ ਠੇਸ ਪਹੁੰਚਾਈ। ਬੁੱਧਵਾਰ ਨੂੰ ਸਪੈਸ਼ਲ ਜੱਜ ਲੋਕੇਸ਼ ਕੁਮਾਰ ਨੇ ਮਾਮਲੇ 'ਤੇ ਦੋਹਾਂ ਪੱਖਾਂ ਦੀਆਂ ਦਲੀਲਾਂ ਸੁਣੀਆਂ ਅਤੇ ਰਿਵੀਜ਼ਨ ਯਾਚਿਕਾ ਮਨਜ਼ੂਰ ਕਰ ਲਈ। ਹੁਣ ਇਹ ਮਾਮਲਾ ਸਪੈਸ਼ਲ MP-MLA ਕੋਰਟ ਵਿੱਚ ਜਾਵੇਗਾ ਅਤੇ ਅਗਲੀ ਸੁਣਵਾਈ 29 ਨਵੰਬਰ 2025 ਨੂੰ ਨਿਰਧਾਰਿਤ ਕੀਤੀ ਗਈ ਹੈ, ਕਿਉਂਕਿ ਅਦਾਲਤ ਨੇ ਕਿਹਾ ਹੈ ਕਿ ਉਸ ਸੁਣਵਾਈ ਦੌਰਾਨ ਕੰਗਨਾ ਨੂੰ ਵਿਅਕਤੀਗਤ ਤੌਰ 'ਤੇ ਪੇਸ਼ ਹੋਣਾ ਪੈ ਸਕਦਾ ਹੈ।
ਧਿਆਨ ਯੋਗ ਹੈ ਕਿ ਛੇ ਸੰਮਨਾਂ ਦੇ ਬਾਵਜੂਦ ਕੰਗਨਾ ਹਾਲੇ ਤੱਕ ਅਦਾਲਤ ਵਿੱਚ ਪੇਸ਼ ਨਹੀਂ ਹੋਈਆਂ। ਇਸ ਤੋਂ ਪਹਿਲਾਂ ਚੰਡੀਗੜ੍ਹ ਏਅਰਪੋਰਟ 'ਤੇ ਕਿਸਾਨ ਅੰਦੋਲਨ ਬਾਰੇ ਦਿੱਤੇ ਬਿਆਨ ਕਾਰਨ ਇੱਕ CISF ਕਾਂਸਟੇਬਲ ਨੇ ਉਨ੍ਹਾਂ ਨੂੰ ਥੱਪੜ ਮਾਰ ਦਿੱਤਾ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
