ਸਵਾਲ ਕਰਨ 'ਤੇ ਭੜਕੇ ਗੋਪਾਲ ਕਾਂਡਾ, ਕੈਮਰਾ ਢੱਕ ਇੰਟਰਵਿਊ 'ਚੋਂ ਭੱਜੇ

ਰਿਆਣਾ ‘ਚ ਬੀਜੇਪੀ ਨੂੰ ਸਰਕਾਰ ਬਣਾਉਣ ਲਈ ਛੇ ਵਿਧਾਇਕਾਂ ਦੀ ਲੋੜ ਹੈ। ਅਜਿਹੇ ‘ਚ ਸਿਰਸਾ ਤੋਂ ਵਿਧਾਇਕ ਚੁਣੇ ਗਏ ਗੋਪਾਲ ਕਾਂਡਾ ਨੇ ਬੀਜੇਪੀ ਨੂੰ ਸਮਰੱਥਨ ਦਾ ਐਲਾਨ ਕਰ ਦਿੱਤਾ ਹੈ। ਹਰਿਆਣਾ ‘ਚ ਸੱਤ ਆਜ਼ਾਦ ਉਮੀਦਵਾਰਾਂ ਨੇ ਜਿੱਤ ਹਾਸਲ ਕੀਤੀ ਹੈ।

ਨਵੀਂ ਦਿੱਲੀ: ਹਰਿਆਣਾ ‘ਚ ਬੀਜੇਪੀ ਨੂੰ ਸਰਕਾਰ ਬਣਾਉਣ ਲਈ ਛੇ ਵਿਧਾਇਕਾਂ ਦੀ ਲੋੜ ਹੈ। ਅਜਿਹੇ ‘ਚ ਸਿਰਸਾ ਤੋਂ ਵਿਧਾਇਕ ਚੁਣੇ ਗਏ ਗੋਪਾਲ ਕਾਂਡਾ ਨੇ ਬੀਜੇਪੀ ਨੂੰ ਸਮਰੱਥਨ ਦਾ ਐਲਾਨ ਕਰ ਦਿੱਤਾ ਹੈ। ਹਰਿਆਣਾ ‘ਚ ਸੱਤ ਆਜ਼ਾਦ ਉਮੀਦਵਾਰਾਂ ਨੇ ਜਿੱਤ ਹਾਸਲ ਕੀਤੀ ਹੈ। ਬੀਜੇਪੀ ਨੂੰ ਸਮਰਥਨ ਦੇਣ ਦੇ ਮਾਮਲੇ ‘ਤੇ ਕਾਂਡਾ ਨੇ ਬੀਜੇਪੀ ਕਾਰਜਕਾਰੀ ਪ੍ਰਧਾਨ ਜੇਪੀ ਨੱਡਾ ਨਾਲ ਦਿੱਲੀ ‘ਚ ਮੁਲਾਕਾਤ ਕੀਤੀ ਸੀ। ਹੁਣ ਇਸ ‘ਤੇ ਵਿਰੋਧੀ ਧਿਰ ਸਵਾਲ ਖੜ੍ਹੇ ਕਰ ਰਹੀ ਹੈ ਕਿ ਗੋਪਾਲ ਕਾਂਡਾ ਖਿਲਾਫ ਖੁਦਕੁਸ਼ੀ ਲਈ ਉਕਸਾਉਣ ਸਣੇ ਹੋਰ ਕਈ ਅਪਰਾਧਿਕ ਮਾਮਲੇ ਦਰਜ ਹਨ ਤਾਂ ਅਜਿਹੇ ‘ਚ ਬੀਜੇਪੀ ਉਸ ਤੋਂ ਸਮਰੱਥਨ ਕਿਵੇਂ ਲੈ ਸਕਦੀ ਹੈ? ਜਦੋਂ ਇਸ ਸਬੰਧੀ ਸਵਾਲ ਗੋਪਾਲ ਕਾਂਡਾ ਨੂੰ ਕੀਤਾ ਗਿਆ ਤਾਂ ਉਹ ਗੁੱਸੇ ਨਾਲ ਭਰ ਗਏ। ਜਵਾਬ ਦੇਣ ਦੀ ਥਾਂ ਉਹ ਇੰਟਰਵਿਊ ਵਿਚਾਲੇ ਛੱਡ ਗਏ ਤੇ ਏਬੀਪੀ ਨਿਊਜ਼ ਦੇ ਕੈਮਰੇ ਨੂੰ ਵੀ ਢੱਕ ਦਿੱਤਾ। ਦੱਸ ਦਈਏ ਕਿ ਕਾਂਡਾ ਨੇ ਸਿਰਸਾ ਸੀਟ ਤੋਂ ਨਾਮਜ਼ਦਗੀ ਭਰਦੇ ਸਮੇਂ ਹਲਫਨਾਮੇ ‘ਚ ਲਿਖਿਆ ਸੀ ਜਿਸ ਮੁਤਾਬਕ ਉਸ ਖਿਲਾਫ ਚੈੱਕ ਬਾਉਂਸ, ਟੈਕਸ ਚੋਰੀ, ਚੀਟਿੰਗ ਤੇ ਸਾਜਿਸ਼ (420) ਦਾ ਕੇਸ ਦਰਜ ਹੈ।

गोपाल कांडा जिसके कारण गीतिका शर्मा और उनकी माँ ने आत्महत्या की गीतिका के बलात्कार का आरोपी है जिसके ख़िलाफ़ भाजपा सांसदों ने प्रदर्शन किया था आज वो भाजपा का पालनहार बना हुआ है आख़िर भक्तों को शर्म क्यों नही आती? pic.twitter.com/DzQTVB1bJL

— Sanjay Singh AAP (@SanjayAzadSln) October 25, 2019

ਇਸ ਦੇ ਨਾਲ ਹੀ 2012 ‘ਚ ਕਾਂਡਾ ਦੀ ਬੰਦ ਹੋ ਚੁੱਕੀ ਏਅਰਲਾਈਨ ਦੀ ਏਅਰਹੋਸਟੈਸ ਗੀਤਿਕਾ ਸ਼ਰਮਾ ਨੂੰ ਮਰਨ ਲਈ ਮਜਬੂਰ ਕਰਨ ਦੇ ਇਲਜ਼ਾਮ ਵੀ ਹਨ। ਪੁਲਿਸ ਨੇ ਇਸ ਮਾਮਲੇ ‘ਚ ਗੋਪਾਲ ਖਿਲਾਫ 6 ਅਕਤੂਬਰ 2012 ‘ਚ ਚਾਰਜਸ਼ੀਟ ਦਾਇਰ ਕੀਤੀ ਸੀ। ਉਸ ਖਿਲਾਫ ਆਤਮਹੱਤਿਆ ਲਈ ਉਕਸਾਉਣ, ਅਪਰਾਧਿਕ ਸਾਜਿਸ਼ ਤੇ ਸਬੂਤਾਂ ਨਾਲ ਛੇੜਛਾੜ ਸਬੰਧੀ ਐਫਆਈਆਰ ਹੈ।