ਭੈਣ ਦੀ ਡੋਲੀ ਤੋਂ ਪਹਿਲਾਂ ਉਠੀ ਭਰਾ ਦੀ ਅਰਥੀ , ਵਿਆਹ ਦੀਆਂ ਖੁਸ਼ੀਆਂ 'ਚ ਛਾਇਆ ਮਾਤਮ

Bihar News : ਆਰਾ ਜ਼ਿਲ੍ਹੇ ਵਿੱਚ ਇੱਕ ਵਿਆਹ ਸਮਾਗਮ ਦੌਰਾਨ ਭੈਣ ਦੀ ਡੋਲੀ ਉਠਾਉਣ ਤੋਂ ਪਹਿਲਾਂ ਉਸ ਦੇ ਭਰਾ ਦੀ ਅਰਥੀ ਚੁੱਕਣੀ ਪਈ। ਜਿਸ ਘਰ ਵਿਚ ਕੁਝ ਪਲ ਪਹਿਲਾਂ ਸ਼ਹਿਨਾਈਆਂ ਗੂੰਜ ਰਹੀਆਂ ਸਨ, ਅਚਾਨਕ ਕੁਝ ਪਲਾਂ ਬਾਅਦ ਉਥੇ ਸੋਗ ਦਾ ਮਾਤਮ

Brother Shot dead

Bihar News : ਆਰਾ ਜ਼ਿਲ੍ਹੇ ਵਿੱਚ ਇੱਕ ਵਿਆਹ ਸਮਾਗਮ ਦੌਰਾਨ ਭੈਣ ਦੀ ਡੋਲੀ ਉਠਾਉਣ ਤੋਂ ਪਹਿਲਾਂ ਉਸ ਦੇ ਭਰਾ ਦੀ ਅਰਥੀ ਚੁੱਕਣੀ ਪਈ। ਜਿਸ ਘਰ ਵਿਚ ਕੁਝ ਪਲ ਪਹਿਲਾਂ ਸ਼ਹਿਨਾਈਆਂ ਗੂੰਜ ਰਹੀਆਂ ਸਨ, ਅਚਾਨਕ ਕੁਝ ਪਲਾਂ ਬਾਅਦ ਉਥੇ ਸੋਗ ਦਾ ਮਾਤਮ ਛਾ ਗਿਆ ਅਤੇ ਚਾਰੇ ਪਾਸੇ ਚੀਕਾਂ ਸੁਣਾਈ ਦੇਣ ਲੱਗੀਆਂ।

 

ਇਹ ਸਾਰਾ ਮਾਮਲਾ ਐਤਵਾਰ ਦੇਰ ਰਾਤ ਜ਼ਿਲ੍ਹੇ ਦੇ ਮੁਫਸਿਲ ਥਾਣਾ ਖੇਤਰ ਦੇ ਸੈਦਪੁਰ ਪਿੰਡ ਦਾ ਹੈ। ਜਿੱਥੇ ਵਿਆਹ ਸਮਾਗਮ ਦੌਰਾਨ ਬਰਾਤੀਆਂ ਨੂੰ ਨਾਸ਼ਤਾ ਪਹੁੰਚਾ ਕੇ ਘਰ ਪਰਤ ਰਹੇ ਲਾੜੀ ਦੇ ਚਚੇਰੇ ਭਰਾ ਦੀ ਅਣਪਛਾਤੇ ਹਥਿਆਰਬੰਦ ਬਦਮਾਸ਼ਾਂ ਨੇ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ।

ਨੌਜਵਾਨ ਨੂੰ ਗੋਲੀ ਕਿਸ ਨੇ ਅਤੇ ਕਿਉਂ ਮਾਰੀ? ਇਹ ਅਜੇ ਸਪੱਸ਼ਟ ਨਹੀਂ ਹੈ। 

 

ਦੂਜੇ ਪਾਸੇ ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਮ੍ਰਿਤਕ ਦੀ ਲਾਸ਼ ਨੂੰ ਆਪਣੇ ਕਬਜ਼ੇ 'ਚ ਲੈ ਕੇ ਆਰਾ ਸਦਰ ਹਸਪਤਾਲ 'ਚ ਪੋਸਟਮਾਰਟਮ ਕਰਵਾ ਕੇ ਪੂਰੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਮ੍ਰਿਤਕ ਨੌਜਵਾਨ ਰੋਹਿਤ ਕੁਮਾਰ ਸਿੰਘ (20 ਸਾਲ) ਪੁੱਤਰ ਧਰਮਿੰਦਰ ਸਿੰਘ ਵਾਸੀ ਪਿੰਡ ਸੈਦਪੁਰ ਹੈ। ਰੋਹਿਤ ਬੀਏ ਦਾ ਵਿਦਿਆਰਥੀ ਸੀ ਅਤੇ ਇਸ ਸਮੇਂ ਘਰ ਵਿੱਚ ਪੜ੍ਹਦਾ ਸੀ।

ਰਸਤੇ ਵਿੱਚ ਮਾਰੀ ਗੋਲੀ 

ਜਾਣਕਾਰੀ ਅਨੁਸਾਰ ਪਿੰਡ ਸੈਦਪੁਰ ਦੇ ਰਹਿਣ ਵਾਲੇ ਧਰਮਿੰਦਰ ਸਿੰਘ ਦੇ ਵੱਡੇ ਭਰਾ ਮਰਹੂਮ ਵਰਿੰਦਰ ਸਿੰਘ ਦੀ ਬੇਟੀ ਦੇ ਵਿਆਹ ਦੀ ਬਾਰਾਤ ਐਤਵਾਰ ਨੂੰ ਆਈ ਸੀ। ਸਭਕੁੱਝ ਖੁਸ਼ੀ ਦੇ ਮਾਹੌਲ ਵਿਚ ਹੋ ਰਿਹਾ ਸੀ। ਇਸ ਦੌਰਾਨ ਧਰਮਿੰਦਰ ਸਿੰਘ ਪੁੱਤਰ ਰੋਹਿਤ ਕੁਮਾਰ ਸਿੰਘ ਬਾਰਾਤੀਆਂ ਨੂੰ ਨਾਸ਼ਤਾ ਦੇਣ ਲਈ ਸ਼ਾਮਿਆਣਾ ਗਿਆ ਸੀ ਅਤੇ ਜਦੋਂ ਉਹ ਘਰ ਪਰਤ ਰਿਹਾ ਸੀ। ਜਿਸ ਕਾਰਨ ਅਣਪਛਾਤੇ ਹਥਿਆਰਬੰਦ ਬਦਮਾਸ਼ਾਂ ਨੇ ਰਸਤੇ 'ਚ ਹੀ ਉਸ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ।

 

ਬਰਾਤੀਆਂ ਨੂੰ ਨਾਸ਼ਤਾ ਦੇਣ ਗਿਆ ਸੀ ਰੋਹਿਤ 

ਜਿਵੇਂ ਹੀ ਮ੍ਰਿਤਕ ਦੇ ਪਰਿਵਾਰਕ ਮੈਂਬਰਾਂ ਨੂੰ ਇਸ ਕਤਲ ਦੀ ਘਟਨਾ ਦਾ ਪਤਾ ਲੱਗਾ ਤਾਂ ਉਨ੍ਹਾਂ 'ਚ ਕੋਹਰਾਮ ਮਚ ਗਿਆ ਅਤੇ ਲਾੜੀ ਦੇ ਘਰ ਤੋਂ ਲੈ ਕੇ ਵਿਆਹ ਹਾਲ ਤੱਕ ਸੋਗ ਦਾ ਮਾਹੌਲ ਬਣ ਗਿਆ। ਮ੍ਰਿਤਕ ਦੇ ਪਰਿਵਾਰਕ ਮੈਂਬਰਾਂ ਦੀ ਮੰਨੀਏ ਤਾਂ ਰੋਹਿਤ ਬਰਾਤੀਆਂ ਨੂੰ ਨਾਸ਼ਤਾ ਦੇਣ ਲਈ ਸ਼ਾਮਿਆਨੇ ਗਿਆ ਸੀ ਅਤੇ ਇਸੇ ਦੌਰਾਨ ਗੋਲੀ ਮਾਰ ਕੇ ਹੱਤਿਆ ਕਰਨ ਦੀ ਖਬਰ ਆਈ।

ਇਸ ਘਟਨਾ ਦੀ ਸੂਚਨਾ ਮਿਲਦੇ ਹੀ ਥਾਣਾ ਮੁਫਸਲ ਦੀ ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਘਟਨਾ ਦੀ ਜਾਂਚ ਕਰ ਰਹੇ ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਨੌਜਵਾਨ ਨੂੰ ਵਿਆਹ ਸਮਾਗਮ ਦੌਰਾਨ ਗੋਲੀ ਲੱਗੀ ਹੈ। ਗੋਲੀ ਕਿਸਨੇ ਅਤੇ ਕਿਉਂ ਚਲਾਈ? ਫਿਲਹਾਲ ਇਹ ਸਪੱਸ਼ਟ ਨਹੀਂ ਹੈ। ਪੁਲਸ ਪੂਰੇ ਮਾਮਲੇ ਦੀ ਜਾਂਚ 'ਚ ਲੱਗੀ ਹੋਈ ਹੈ।