Court News: 'ਪਤੀ ਨੂੰ ਕਾਲਾ ਕਹਿਣਾ...', ਕਰਨਾਟਕ ਹਾਈ ਕੋਰਟ ਨੇ ਤਲਾਕ ਦੀ ਪਟੀਸ਼ਨ ਨੂੰ ਮਨਜ਼ੂਰ ਕਰਦਿਆਂ ਦਿੱਤੇ ਇਹ ਹੁਕਮ
Karnataka High Court: ਕਰਨਾਟਕ ਹਾਈ ਕੋਰਟ ਨੇ ਕਿਹਾ ਕਿ ਪਤਨੀ ਨੂੰ ਬਿਨਾਂ ਕਾਰਨ ਦੱਸੇ ਪਤੀ ਤੋਂ ਦੂਰ ਜਾਣਾ ਅਤੇ ਨਾਜਾਇਜ਼ ਸਬੰਧਾਂ ਦੇ ਝੂਠੇ ਦੋਸ਼ ਲਗਾਉਣਾ ਵੀ ਬੇਰਹਿਮੀ ਦੇ ਬਰਾਬਰ ਹੋਵੇਗਾ।
Karnataka High Court News: ਕਰਨਾਟਕ ਹਾਈ ਕੋਰਟ ਨੇ ਇਕ ਮਾਮਲੇ 'ਚ ਫੈਸਲਾ ਸੁਣਾਉਂਦੇ ਹੋਏ ਕਿਹਾ ਕਿ ਜੇਕਰ ਕੋਈ ਪਤਨੀ ਆਪਣੇ ਪਤੀ ਨੂੰ ਕਾਲਾ ਕਹਿ ਕੇ ਉਸ ਦਾ ਅਪਮਾਨ ਕਰਦੀ ਹੈ ਤਾਂ ਇਹ ਬੇਰਹਿਮੀ ਦੇ ਬਰਾਬਰ ਹੋਵੇਗਾ। ਇਸ ਨੂੰ ਤਲਾਕ ਦਾ ਮਜ਼ਬੂਤ ਕਾਰਨ ਮੰਨਦੇ ਹੋਏ ਅਦਾਲਤ ਨੇ ਇਸੇ ਤਰ੍ਹਾਂ ਦੇ ਇਕ ਮਾਮਲੇ 'ਚ ਇਕ ਜੋੜੇ ਦੀ ਤਲਾਕ ਦੀ ਪਟੀਸ਼ਨ ਨੂੰ ਮਨਜ਼ੂਰ ਕਰ ਲਿਆ ਹੈ।
ਹਾਈ ਕੋਰਟ ਨੇ ਇਹ ਟਿੱਪਣੀ 44 ਸਾਲਾ ਵਿਅਕਤੀ ਅਤੇ ਉਸ ਦੀ 41 ਸਾਲਾ ਪਤਨੀ ਦੇ ਤਲਾਕ ਨੂੰ ਮਨਜ਼ੂਰੀ ਦਿੰਦੇ ਹੋਏ ਹਾਲ ਹੀ ਵਿੱਚ ਲਏ ਫੈਸਲੇ ‘ਤੇ ਕੀਤੀ ਹੈ। ਅਦਾਲਤ ਨੇ ਕਿਹਾ ਕਿ ਪਤਨੀ ਇਸ ਆਧਾਰ 'ਤੇ ਪਤੀ ਨੂੰ ਬੇਇੱਜ਼ਤ ਕਰਦੀ ਸੀ ਕਿ ਉਹ ਕਾਲਾ ਹੈ ਅਤੇ ਇਸ ਕਾਰਨ ਉਹ ਬਿਨਾਂ ਕਿਸੇ ਕਾਰਨ ਪਤੀ ਤੋਂ ਦੂਰ ਚਲੀ ਗਈ।
ਇਹ ਵੀ ਪੜ੍ਹੋ: Surface water project - ਜਿੰਪਾ ਵੱਲੋਂ ਨਹਿਰੀ ਪਾਣੀ ਪ੍ਰੋਜੈਕਟਾਂ ਨੂੰ ਜਲਦ ਪੂਰਾ ਕਰਨ ਦੇ ਨਿਰਦੇਸ਼
ਕਰਨਾਟਕ ਹਾਈਕੋਰਟ ਨੇ ਕੀ ਕਿਹਾ?
ਅਦਾਲਤ ਨੇ ਕਿਹਾ, "ਰਿਕਾਰਡ 'ਤੇ ਮੌਜੂਦ ਸਬੂਤਾਂ ਦੀ ਡੂੰਘਾਈ ਨਾਲ ਜਾਂਚ ਕਰਨ ਤੋਂ ਇਹ ਵੀ ਸਿੱਟਾ ਨਿਕਲਦਾ ਹੈ ਕਿ ਪਤਨੀ ਆਪਣੇ ਪਤੀ ਨੂੰ ਕਾਲੇ ਹੋਣ ਦੇ ਆਧਾਰ 'ਤੇ ਜ਼ਲੀਲ ਕਰਦੀ ਸੀ। ਇਸੇ ਕਾਰਨ ਉਹ ਪਤੀ ਨੂੰ ਬਿਨਾਂ ਦੱਸੇ ਉਸ ਤੋਂ ਦੂਰ ਚਲੀ ਗਈ। ਇਸ ਗੱਲ ਨੂੰ ਲੁਕਾਉਂਦਿਆਂ ਹੋਇਆਂ ਉਸ ਨੇ ਪਤੀ ਦੇ ਵਿਰੁੱਧ ਨਾਜਾਇਜ਼ ਸਬੰਧਾਂ ਦੇ ਝੂਠੇ ਦੋਸ਼ ਲਾਏ ਹਨ।“ ਜਸਟਿਸ ਆਲੋਕ ਆਰਾਧੇ ਅਤੇ ਜਸਟਿਸ ਅਨੰਤ ਰਾਮਨਾਥ ਹੇਗੜੇ ਦੇ ਬੈਂਚ ਨੇ ਤਲਾਕ ਲਈ ਪਤੀ ਦੀ ਪਟੀਸ਼ਨ ਨੂੰ ਸਵੀਕਾਰ ਕਰਦੇ ਹੋਏ ਇਹ ਟਿੱਪਣੀ ਕੀਤੀ।
ਪਤੀ ਨੇ ਸਾਲ 2022 ਵਿੱਚ ਤਲਾਕ ਲਈ ਦਿੱਤੀ ਸੀ ਅਰਜ਼ੀ
ਅਦਾਲਤ ਹਿੰਦੂ ਮੈਰਿਜ ਐਕਟ, 1955 ਦੀ ਧਾਰਾ 13 (i) (ਏ) ਦੇ ਤਹਿਤ ਵਿਆਹ ਭੰਗ ਕਰਨ ਦੀ ਉਸ ਦੀ ਪਟੀਸ਼ਨ ਨੂੰ ਖਾਰਜ ਕਰਨ ਲਈ ਬੈਂਗਲੁਰੂ ਦੀ ਇੱਕ ਫੈਮਿਲੀ ਕੋਰਟ ਦੇ ਫੈਸਲੇ ਨੂੰ ਚੁਣੌਤੀ ਦੇਣ ਵਾਲੇ ਪਤੀ ਵਲੋਂ ਦਰਜ ਕੀਤੀ ਗਈ ਅਪੀਲ ਦੀ ਸੁਣਵਾਈ ਕਰ ਰਹੀ ਸੀ। ਪਤੀ ਨੇ 2022 ਵਿੱਚ ਤਲਾਕ ਲਈ ਅਰਜ਼ੀ ਦਿੱਤੀ ਸੀ। ਪਟੀਸ਼ਨ 'ਚ ਉਸ ਨੇ ਦਾਅਵਾ ਕੀਤਾ ਕਿ ਪਤਨੀ ਉਸ ਦੀ ਚਮੜੀ ਦੇ ਰੰਗ ਦੇ ਆਧਾਰ 'ਤੇ ਉਸ ਨੂੰ ਜ਼ਲੀਲ ਕਰਦੀ ਰਹੀ।
ਇਹ ਵੀ ਪੜ੍ਹੋ: PRTC ਦਾ ਡਰਾਈਵਰ ਬੱਸ ਵਿਚੋਂ 450 ਰੁਪਏ ਦੀ ਆਹ ਚੀਜ਼ ਚੋਰੀ ਕਰਦਾ ਫੜਿਆ ਗਿਆ, 2 ਕੰਡਕਟਰ ਵੀ ਚੜ੍ਹੇ ਅੜਿੱਕੇ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
