ਇਸਰੋ ਦਾ 2.1 ਕਿਮੀ ਪਹਿਲਾਂ ਲੈਂਡਰ ਤੋਂ ਟੁੱਟਿਆ ਸੰਪਰਕ, ਡਾਟਾ ‘ਤੇ ਅਧਿਐਨ ਜਾਰੀ

ਚੰਦਰਯਾਨ-2 ਦੇ ਲੈਂਡਰ ‘ਵਿਕਰਮ’ ਦਾ ਚੰਨ ‘ਤੇ ਉੱਤਰਦੇ ਸਮੇਂ ਇਸਰੋ ਨਾਲ ਸੰਪਰਕ ਟੁੱਟ ਗਿਆ। ਸੰਪਰਕ ਉਦੋਂ ਟੁੱਟਿਆ ਜਦੋਂ ਲੈਂਡਰ ਚੰਨ ਦੀ ਸਤ੍ਹ ਤੋਂ 2.1 ਕਿਮੀ ਦੀ ਉੱਚਾਈ ‘ਤੇ ਸੀ। ਚੰਦਰਯਾਨ-2 ਬਾਰੇ ਜਾਣਕਾਰੀ ਦਾ ਇੰਤਜ਼ਾਰ ਹੈ।

ਬੈਂਗਲੁਰੂ: ਚੰਦਰਯਾਨ-2 ਦੇ ਲੈਂਡਰ ‘ਵਿਕਰਮ’ ਦਾ ਚੰਨ ‘ਤੇ ਉੱਤਰਦੇ ਸਮੇਂ ਇਸਰੋ ਨਾਲ ਸੰਪਰਕ ਟੁੱਟ ਗਿਆ। ਸੰਪਰਕ ਉਦੋਂ ਟੁੱਟਿਆ ਜਦੋਂ ਲੈਂਡਰ ਚੰਨ ਦੀ ਸਤ੍ਹ ਤੋਂ 2.1 ਕਿਮੀ ਦੀ ਉੱਚਾਈ ‘ਤੇ ਸੀ। ਚੰਦਰਯਾਨ-2 ਬਾਰੇ ਜਾਣਕਾਰੀ ਦਾ ਇੰਤਜ਼ਾਰ ਹੈ। ਇਸਰੋ ਦੇ ਕੰਟ੍ਰੋਲ ਰੂਮ ‘ਚ ਵਿਗਿਆਨਿਕ ਅੰਕੜੇ ਦਾ ਇੰਤਜ਼ਾਰ ਕਰ ਰਹੇ ਹਨ। ਡਾਟਾ ਦਾ ਅਧਿਐਨ ਅਜੇ ਜਾਰੀ ਹੈ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਇਸਰੋ ਦੇ ਚੇਅਰਮੈਨ ਕੇ.ਸਿਵਨ ਨੇ ਕਿਹਾ, “ਲੈਂਡਰ ਵਿਕਰਮ ਨੂੰ ਚੰਨ ਦੀ ਸਤ੍ਹ ‘ਤੇ ਲਿਆਉਣ ਦੀ ਪ੍ਰਕਿਰੀਆ ਆਮ ਵੇਖੀ ਗਈ। ਪਰ ਬਾਅਦ ‘ਚ ਲੈਂਡਰ ਨਾਲ ਸੰਪਰਕ ਜ਼ਮੀਨੀ ਸੰਪਰਕ ਟੁੱਟ ਗਿਆ। 2.1 ਕਿਮੀ ਦੀ ਦੂਰੀ ‘ਤੇ ਸਭ ਕੁਝ ਨਾਰਮਲ ਸੀ। ਅੰਕੜਿਆਂ ਦਾ ਵਿਸ਼ਲੇਸ਼ਨ ਕੀਤਾ ਜਾ ਰਿਹਾ ਹੈ”। ਇਸਰੋ ਵੱਲੋਂ ਮੀਡੀਆ ਸੈਂਟਰ ਨੂੰ ਵੀ ਜਾਣਕਾਰੀ ਦਿੱਤੀ ਗਈ ਕਿ ਜੋ ਪ੍ਰੈਸ ਕਾਨਫਰੰਸ ਹੋਣੀ ਸੀ ਉਹ ਰੱਦ ਕਰ ਦਿੱਤੀ ਗਈ ਹੈ”।

India is proud of our scientists! They’ve given their best and have always made India proud. These are moments to be courageous, and courageous we will be! Chairman @isro gave updates on Chandrayaan-2. We remain hopeful and will continue working hard on our space programme.

— Narendra Modi (@narendramodi) September 6, 2019

ਇਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਵਿਗਿਆਨਿਕਾਂ ਨੂੰ ਹਿਮੰਤ ਰੱਖਣ ਲਈ ਕਿਹਾ। ਪੀਐਮ ਨੇ ਇਸਰੋ ਦੇ ਚੇਅਰਮੇਨ ਦੀ ਪਿੱਠ ਥਾਪੜੀ। ਉਨ੍ਹਾਂ ਕਿਹਾ, “ ਜੋ ਕੀਤਾ ਉਹ ਵੀ ਛੋਟਾ ਨਹੀ ਸੀ। ਆਪਣੇ ਦੇਸ਼, ਵਿਗਿਆਨ ਅਤੇ ਮੱਨੁਖਤਾ ਦੀ ਸਭ ਤੋਂ ਵੱਡੀ ਸੇਵਾ ਕੀਤੀ ਹੈ। ਮੈਂ ਪੂਰੀ ਤਰ੍ਹਾਂ ਤੁਹਾਡੇ ਨਾਲ ਹਾਂ”। ਉਨ੍ਹਾਂ ਨੇ ਵਿਗਿਆਨੀਆਂ ਨੂੰ ਕਿਹਾ ਕਿ ਜ਼ਿੰਦਗੀ ‘ਚ ਉਤਾਰ ਚੜਾਅ ਆਉਂਦੇ ਰਹਿੰਦੇ ਹਨ। ਉਮੀਦ ਦੀ ਕਿਰਨ ਅਜੇ ਬਾਕਿ ਹੈ। ਹਰ ਪੜਾਅ ‘ਤੇ ਅਸੀਂ ਕੁਝ ਨਵਾਂ ਸਿਖਦੇ ਰਹਿੰਦੇ ਹਾਂ। ਦੇਸ਼ ਦੀ ਸੇਵਾ ਕਰਨ ਲਈ ਤੁਹਾਨੂੰ ਸਭ ਨੂੰ ਵਧਾਈ। ਮੈਂ ਤੁਹਾਡੇ ਨਾਲ ਹਾਂ”।

This is Mission Control Centre. #VikramLander descent was as planned and normal performance was observed up to an altitude of 2.1 km. Subsequently, communication from Lander to the ground stations was lost. Data is being analyzed.#ISRO

— ISRO (@isro) September 6, 2019

ਦੱਸ ਦਈਏ ਕਿ ਲੈਂਡਰ ਨੂੰ ਰਾਤ ਕਰੀਬ 1:38 ਵਜੇ ਚੰਨ ਦੀ ਸਤ੍ਹ ‘ਤੇ ਲਿਆਉਣ ਦੀ ਪ੍ਰਕਿਰੀਆ ਸ਼ੁਰੂ ਕੀਤੀ ਗਈ। ਪਰ ਚੰਨ ‘ਤੇ ਹੇਠ ਵੱਲ ਆਉਂਦੇ ਸਮੇਂ 2.1 ਕਿਮੀ ਦੀ ਉਚਾਈ ‘ਤੇ ਜ਼ਮੀਨੀ ਸਟੇਸ਼ਨ ਨਾਲ ਇਸ ਦਾ ਸੰਪਰਕ ਟੁੱਟ ਗਿਆ। ਵਿਕਰਮ ਨੇ ਰਫ ਬ੍ਰੇਕਿੰਗ ਅਤੇ ਫਾਈਨ ਬ੍ਰੇਕਿੰਗ ਫੇਜ ਨੂੰ ਕਾਮਯਾਬੀਪੂਰਨ ਪੂਰਾ ਕਰ ਲਿਆ, ਪਰ ਸਾਫਟ ਲੈਂਡਿੰਗ ਤੋਂ ਪਹਿਲਾਂ ਸੰਪਰਕ ਟੁੱਟ ਗਿਆ। ਇਸ ਦੇ ਨਾਲ ਹੀ ਦੇਸ਼ ਅਤੇ ਵਿਗਿਆਨੀਕਾਂ ਦੇ ਚਿਹਰੇ ‘ਤੇ ਉਦਾਸੀ ਛਾ ਗਈ।