ਕਲੈਕਟਰ ਬਣਿਆ ਪ੍ਰੋਫੈਸਰ! ਗੱਲਾਂ-ਗੱਲਾਂ 'ਚ ਵਿਦਿਆਰਥੀ ਲੀਡਰ ਨੂੰ ਭੇਜਿਆ ਜੇਲ੍ਹ
ਗਵਾਲੀਅਰ ਦੇ ਕਲੈਕਟਰ ਕੌਸ਼ਲੇਂਦਰ ਵਿਕਰਮ ਸਿੰਘ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ।
ਨਵੀਂ ਦਿੱਲੀ: ਗਵਾਲੀਅਰ ਦੇ ਕਲੈਕਟਰ ਕੌਸ਼ਲੇਂਦਰ ਵਿਕਰਮ ਸਿੰਘ ਦਾ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਐਨਐਸਯੂਆਈ ਨੇ ਹਾਲ ਹੀ ਵਿੱਚ ਗਵਾਲੀਅਰ ਦੀ ਜੀਵਾਜੀ ਯੂਨੀਵਰਸਿਟੀ 'ਚ ਪ੍ਰੀਖਿਆਵਾਂ ਨੂੰ ਅੱਗੇ ਵਧਾਉਣ ਦੀ ਮੰਗ ਨੂੰ ਲੈ ਕੇ ਹੰਗਾਮਾ ਕੀਤਾ ਸੀ।
NSUI ਨੇ ਪ੍ਰਸ਼ਾਸਨਿਕ ਗੇਟ ਦਾ ਤਾਲਾ ਤੋੜਿਆ। ਇਸ ਦੀ ਸੂਚਨਾ ਮਿਲਦੇ ਹੀ ਕੁਲੈਕਟਰ ਮੌਕੇ 'ਤੇ ਪਹੁੰਚ ਗਏ। ਉਸ ਨੇ ਪਹਿਲਾਂ ਵਿਦਿਆਰਥੀ ਸੰਗਠਨ ਦੇ ਆਗੂਆਂ ਸਮੇਤ ਹੰਗਾਮਾ ਕਰ ਰਹੇ ਵਿਦਿਆਰਥੀਆਂ ਦੀ ਕਲਾਸ ਲਈ, ਫਿਰ ਪ੍ਰੀਖਿਆ ਦੀਆਂ ਤਰੀਕਾਂ ਅੱਗੇ ਵਧਾ ਦਿੱਤੀਆਂ।
ਕਲੈਕਟਰ ਬਣਿਆ ਪ੍ਰੋਫੈਸਰ! ਗੱਲਾਂ-ਗੱਲਾਂ 'ਚ ਵਿਦਿਆਰਥੀ ਲੀਡਰ ਨੂੰ ਭੇਜਿਆ ਜੇਲ੍ਹ pic.twitter.com/9GolxCUQK0
— ABP Sanjha (@abpsanjha) January 29, 2022
ਜ਼ਿਕਰਯੋਗ ਹੈ ਕਿ ਵਿਦਿਆਰਥੀ ਪਿਛਲੇ ਇੱਕ ਹਫ਼ਤੇ ਤੋਂ ਜੀਵਾਜੀ ਯੂਨੀਵਰਸਿਟੀ ਦੀਆਂ ਪ੍ਰੀਖਿਆਵਾਂ ਦੀ ਮਿਆਦ ਵਧਾਉਣ ਲਈ ਅੰਦੋਲਨ ਕਰ ਰਹੇ ਸਨ। ਅੰਦੋਲਨ ਦੀ ਅਗਵਾਈ ਐਨਐਸਯੂਆਈ ਦੇ ਸੂਬਾ ਮੀਤ ਪ੍ਰਧਾਨ ਸ਼ਿਵਰਾਜ ਯਾਦਵ ਨੇ ਕੀਤੀ। ਵਿਦਿਆਰਥੀਆਂ ਦਾ ਹੰਗਾਮਾ ਇੰਨਾ ਵੱਧ ਗਿਆ ਕਿ ਉਨ੍ਹਾਂ ਨੇ ਯੂਨੀਵਰਸਿਟੀ ਦੇ ਮੁੱਖ ਗੇਟ ਦਾ ਤਾਲਾ ਤੋੜ ਦਿੱਤਾ। ਇਸ ਦੌਰਾਨ ਯੂਨੀਵਰਸਿਟੀ ਪ੍ਰਸ਼ਾਸਨ ਨੇ ਵਿਦਿਆਰਥੀਆਂ ਨੂੰ ਮਨਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਬਾਅਦ ਵਿੱਚ ਬੇਵੱਸ ਹੋ ਗਈ।
ਹੰਗਾਮਾ ਵਧ ਗਿਆ ਤਾਂ ਕਲੈਕਟਰ ਕੌਸ਼ਲੇਂਦਰ ਵਿਕਰਮ ਸਿੰਘ ਜੀਵਾਜੀ ਯੂਨੀਵਰਸਿਟੀ ਪੁੱਜੇ। ਇੱਥੇ ਕੁਲੈਕਟਰ ਨੇ ਵਿਦਿਆਰਥੀਆਂ ਨੂੰ ਸਮਝਾਇਆ। ਪਰ, ਐਨਐਸਯੂਆਈ ਦੇ ਸੂਬਾ ਮੀਤ ਪ੍ਰਧਾਨ ਸ਼ਿਵਰਾਜ ਯਾਦਵ ਨੇ ਕੁਲੈਕਟਰ ਕੌਸ਼ਲੇਂਦਰ ਵਿਕਰਮ ਸਿੰਘ ਨਾਲ ਬਹਿਸ ਸ਼ੁਰੂ ਕਰ ਦਿੱਤੀ। ਇਸ 'ਤੇ ਕਲੈਕਟਰ ਨੇ ਸ਼ਿਵਰਾਜ ਯਾਦਵ ਨੂੰ ਪੁੱਛਿਆ ਕਿ ਤੁਸੀਂ ਯੂਨੀਵਰਸਿਟੀ 'ਚ ਕਿਹੜੀ ਜਮਾਤ 'ਚ ਪੜ੍ਹਦੇ ਹੋ? ਸ਼ਿਵਰਾਜ ਨੇ ਦੱਸਿਆ ਕਿ ਉਹ ਵਿਦਿਆਰਥੀ ਨਹੀਂ ਸਗੋਂ ਅਧਿਕਾਰੀ ਹੈ ਤਾਂ ਕਲੈਕਟਰ ਨੇ ਹੋਰ ਵਿਦਿਆਰਥੀਆਂ ਨੂੰ ਉਨ੍ਹਾਂ ਦੀ ਪੜ੍ਹਾਈ ਬਾਰੇ ਪੁੱਛਿਆ।
ਕਲੈਕਟਰ ਨੇ NSUI ਅਧਿਕਾਰੀ ਨੂੰ ਜੇਲ੍ਹ ਭੇਜਣ ਲਈ ਕਿਹਾ
ਕਲੈਕਟਰ ਨੇ ਹੰਗਾਮਾ ਕਰ ਰਹੇ ਵਿਦਿਆਰਥੀਆਂ ਨੂੰ ਕਿਹਾ ਕਿ ਜੇਕਰ ਤੁਸੀਂ ਪੜ੍ਹਾਈ ਕਰਨ ਆਉਂਦੇ ਹੋ ਤਾਂ ਨੇਤਾਗਿਰੀ ਨਾ ਕਰੋ। ਫਿਰ ਵਿਦਿਆਰਥੀਆਂ ਨੇ ਕਿਹਾ ਕਿ ਉਹ ਪੜ੍ਹਦੇ ਹਨ। ਪਰ, ਇਸ ਵਾਰ ਉਨ੍ਹਾਂ ਨੂੰ ਤਿਆਰੀ ਲਈ ਸਮਾਂ ਨਹੀਂ ਮਿਲਿਆ, ਇਸ ਲਈ ਉਹ ਪ੍ਰੀਖਿਆ ਵਧਾਉਣ ਦੀ ਮੰਗ ਕਰ ਰਹੇ ਹਨ। ਫਿਰ ਕੁਲੈਕਟਰ ਨੇ ਉਸ ਦੀ ਪੜ੍ਹਾਈ ਬਾਰੇ ਪੁੱਛਿਆ ਤਾਂ ਕਿਸੇ ਨੇ ਐਲਐਲਐਮ ਬਾਰੇ ਕਿਹਾ, ਕਿਸੇ ਨੇ ਐਮਐਸਸੀ, ਕਿਸੇ ਨੇ ਹੋਰ ਵਿਸ਼ਿਆਂ ਬਾਰੇ ਦੱਸਿਆ। ਇਸ 'ਤੇ ਕੁਲੈਕਟਰ ਨੇ ਕਿਹਾ ਕਿ ਸਾਲ ਭਰ ਪੜ੍ਹਾਈ ਕਰਨ ਦੀ ਬਜਾਏ ਨੇਤਾਗਿਰੀ ਕਰੋਗੇ ਤਾਂ ਸਮਾਂ ਕਿੱਥੋਂ ਮਿਲੇਗਾ। ਕੁਲੈਕਟਰ ਨੇ ਕਿਹਾ ਕਿ ਉਹ ਖੁਦ ਇਲਾਹਾਬਾਦ ਯੂਨੀਵਰਸਿਟੀ ਦਾ ਵਿਦਿਆਰਥੀ ਰਿਹਾ ਹੈ। ਇਸ ਦੌਰਾਨ ਐਨਐਸਯੂਆਈ ਦੇ ਸੂਬਾ ਮੀਤ ਪ੍ਰਧਾਨ ਸ਼ਿਵਰਾਜ ਯਾਦਵ ਨਾਲ ਬਹਿਸ ਕਰਨ ਲੱਗੇ। ਕਲੈਕਟਰ ਨੇ ਪੁਲਿਸ ਰਾਹੀਂ ਸ਼ਿਵਰਾਜ ਯਾਦਵ ਨੂੰ ਹਿਰਾਸਤ ਵਿੱਚ ਲੈ ਕੇ ਥਾਣੇ ਭੇਜ ਦਿੱਤਾ। ਇਸ ਤੋਂ ਬਾਅਦ ਉਨ੍ਹਾਂ ਯੂਨੀਵਰਸਿਟੀ ਪ੍ਰਸ਼ਾਸਨ ਨਾਲ ਗੱਲ ਕਰਕੇ ਵਿਦਿਆਰਥੀਆਂ ਦੇ ਇਮਤਿਹਾਨ 10 ਦਿਨ ਅੱਗੇ ਲੈ ਲਏ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
