5 ਸਾਲਾਂ 'ਚ ਪਲੇਠੀ ਪ੍ਰੈਸ ਕਾਨਫਰੰਸ 'ਚ ਵੀ ਕਿਉਂ ਚੁੱਪ ਰਹੇ ਮੋਦੀ, ਚਿਦੰਬਰਮ ਨੇ ਦਿੱਤਾ ਜਵਾਬ

ਕਾਂਗਰਸ ਲੀਡਰ ਪੀ ਚਿਦੰਬਰਮ ਨੇ ਪੀਐਮ ਮੋਦੀ 'ਤੇ ਹਮਲਾ ਬੋਲਦਿਆਂ ਕਿਹਾ ਕਿ ਇਸ ਪ੍ਰੈਸ ਕਾਨਫਰੰਸ ਵਿੱਚ ਮੋਦੀ ਇਹ ਸੰਦੇਸ਼ ਦੇਣ ਲਈ ਬੈਠੇ ਸੀ ਕਿ ਜੇ ਨਤੀਜਿਆਂ ਵਿੱਚ ਪਾਰਟੀ ਦੀ ਹਾਰ ਹੋਈ ਤਾਂ ਇਸ ਦੇ ਜ਼ਿੰਮੇਵਾਰ ਅਮਿਤ ਸ਼ਾਹ ਹੋਣਗੇ। ਉਨ੍ਹਾਂ ਤੰਜ ਕੱਸਦਿਆਂ ਕਿਹਾ ਕਿ ਚੁੱਪ ਕਿਵੇਂ ਲਾਜਵਾਬ ਹੋ ਸਕਦੀ ਹੈ ਇਹ ਪੀਐਮ ਮੋਦੀ ਦੀ ਪ੍ਰੈਸ ਕਾਨਫਰੰਸ ਤੋਂ ਪਤਾ ਚੱਲਦਾ ਹੈ।

ਨਵੀਂ ਦਿੱਲੀ: ਕਾਂਗਰਸ ਨੇ ਬੀਤੇ ਦਿਨ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਤੇ ਬੀਜੇਪੀ ਪ੍ਰਧਾਨ ਅਮਿਤ ਸ਼ਾਹ ਦੀ ਪ੍ਰੈਸ ਕਾਨਫਰੰਸ 'ਤੇ ਤਿੱਖਾ ਹਮਲਾ ਕੀਤਾ ਹੈ। ਕਾਂਗਰਸ ਲੀਡਰ ਪੀ ਚਿਦੰਬਰਮ ਨੇ ਪੀਐਮ ਮੋਦੀ 'ਤੇ ਹਮਲਾ ਬੋਲਦਿਆਂ ਕਿਹਾ ਕਿ ਇਸ ਪ੍ਰੈਸ ਕਾਨਫਰੰਸ ਵਿੱਚ ਮੋਦੀ ਇਹ ਸੰਦੇਸ਼ ਦੇਣ ਲਈ ਬੈਠੇ ਸੀ ਕਿ ਜੇ ਨਤੀਜਿਆਂ ਵਿੱਚ ਪਾਰਟੀ ਦੀ ਹਾਰ ਹੋਈ ਤਾਂ ਇਸ ਦੇ ਜ਼ਿੰਮੇਵਾਰ ਅਮਿਤ ਸ਼ਾਹ ਹੋਣਗੇ। ਉਨ੍ਹਾਂ ਤੰਜ ਕੱਸਦਿਆਂ ਕਿਹਾ ਕਿ ਚੁੱਪ ਕਿਵੇਂ ਲਾਜਵਾਬ ਹੋ ਸਕਦੀ ਹੈ ਇਹ ਪੀਐਮ ਮੋਦੀ ਦੀ ਪ੍ਰੈਸ ਕਾਨਫਰੰਸ ਤੋਂ ਪਤਾ ਚੱਲਦਾ ਹੈ।

प्रधानमंत्री ने 'प्रेस कॉन्फ्रेंस' को संबोधित किया। किसी बुद्धिजीवी ने कहा था कि “चुप्पी लाजवाब हो सकती है।” पीएम की प्रेस कॉन्फ्रेंस उस बयान का सबूत थी।

— P. Chidambaram (@PChidambaram_IN) May 18, 2019

ਕਾਂਗਰਸ ਦੇ ਸੀਨੀਅਰ ਲੀਡਰ ਨੇ ਕਿਹਾ ਕਿ ਕਿਸੇ ਬੁੱਧੀਜੀਵੀ ਨੇ ਕਿਹਾ ਸੀ ਕਿ ਚੁੱਪ ਵੀ ਲਾਜਵਾਬ ਹੋ ਸਕਦੀ ਹੈ, ਪੀਐਮ ਮੋਦੀ ਦੀ ਪਹਿਲੀ ਪ੍ਰੈਸ ਕਾਨਫਰੰਸ ਇਸ ਬਿਆਨ ਦਾ ਸਬੂਤ ਸੀ। ਉਨ੍ਹਾਂ ਕਿਹਾ, 'ਮੈਨੂੰ ਲੱਗਦਾ ਹੈ ਕਿ ਪੀਐਮ ਪ੍ਰੈਸ ਕਾਨਫਰੰਸ ਵਿੱਚ ਇਹ ਸੰਦੇਸ਼ ਦੇਣ ਲਈ ਮੌਜੂਦ ਸਨ ਕਿ ਜੇ ਚੋਣ ਨਤੀਜੇ ਬੀਜੇਪੀ ਦੇ ਪੱਖ ਵਿੱਚ ਨਹੀਂ ਆਏ ਤਾਂ ਇਸ ਦੇ ਦੋਸ਼ੀ ਅਮਿਤ ਸ਼ਾਹ ਹੋਣਗੇ।' ਇਸ ਤੋਂ ਪਹਿਲਾਂ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਵੀ ਪੀਐਮ ਮੋਦੀ ਤੇ ਬੀਜੇਪੀ ਪ੍ਰਧਾਨ ਅਮਿਤ ਸ਼ਾਹ ਦੀ ਪ੍ਰੈਸ ਕਾਨਫਰੰਸ 'ਤੇ ਕਰਾਰਾ ਹਮਲਾ ਬੋਲਿਆ ਸੀ। ਰਾਹੁਲ ਨੇ ਕਿਹਾ ਸੀ, 'ਵਧਾਈ ਮੋਦੀ ਜੀ, ਸ਼ਾਨਦਾਰ ਪ੍ਰੈਸ ਕਾਨਫਰੰਸ, ਅਗਲੀ ਵਾਰ ਅਮਿਤ ਸ਼ਾਹ ਸ਼ਾਇਦ ਤੁਹਾਨੂੰ ਕੁਝ ਸਵਾਲਾਂ ਦੇ ਜਵਾਬ ਦੇਣ ਦਈ ਮਨਜ਼ੂਰੀ ਦੇ ਦੇਣ, ਬਹੁਤ ਵਧੀਆ।'