Kejriwal ਨੇ ਕੀਤੀ ਕੇਂਦਰ ਨੂੰ ਅਪੀਲ, ਨੌਜਵਾਨਾਂ ਦਾ Vaccination ਇਸ ਕਰਕੇ ਕੀਤਾ ਬੰਦ

ਦਿੱਲੀ ਵਿਚ 18 ਤੋਂ 44 ਸਾਲਾਂ ਲਈ ਕੋਵੈਕਸੀਨ ਦੀ ਖੁਰਾਕ ਤੋਂ ਬਾਅਦ ਕੋਵੀਸ਼ਿਲਡ ਵੀ ਖਤਮ ਹੋ ਗਈ ਹੈ। 18+ ਲਈ ਟੀਕਾਕਰਨ ਕੇਂਦਰ ਹੁਣ ਸੋਮਵਾਰ ਤੋਂ ਦਿੱਲੀ ਵਿੱਚ ਬੰਦ ਰਹਿਣਗੇ।

kejriwal

ਨਵੀਂ ਦਿੱਲੀ: ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਇੱਕ ਵਾਰ ਫਿਰ ਕੇਂਦਰ ਸਰਕਾਰ ਨੂੰ ਟੀਕਾ ਉਪਲਬਧ ਕਰਾਉਣ ਦੀ ਅਪੀਲ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ, ਟੀਕਾ ਕੋਰੋਨਾ ਖਿਲਾਫ ਸਭ ਤੋਂ ਵੱਡਾ ਹਥਿਆਰ ਹੈ। ਕੇਂਦਰ ਸਰਕਾਰ ਨੂੰ ਅਪੀਲ ਕੀਤੀ ਜਾ ਰਹੀ ਹੈ ਕਿ ਉਹ ਦਿੱਲੀ ਨੂੰ ਟੀਕਾ ਮੁਹੱਈਆ ਕਰਵਾਏ, ਤਾਂ ਜੋ ਟੀਕਾਕਰਣ ਦੁਬਾਰਾ ਸ਼ੁਰੂ ਕੀਤਾ ਜਾ ਸਕੇ। ਨਾਲ ਹੀ, ਦਿੱਲੀ ਵਿਚ ਟੀਕੇ ਦਾ ਕੋਟਾ ਵੀ ਵਧਾਇਆ ਜਾਣਾ ਚਾਹੀਦਾ ਹੈ।

ਮੁੱਖ ਮੰਤਰੀ ਕੇਜਰੀਵਾਲ ਨੇ ਕਿਹਾ, "ਦਿੱਲੀ ਵਿਚ ਹਰ ਮਹੀਨੇ 80 ਲੱਖ ਟੀਕੇ ਦੀ ਖੁਰਾਕ ਦੀ ਜ਼ਰੂਰਤ ਹੁੰਦੀ ਹੈ। ਇਸ ਦੇ ਮੁਕਾਬਲੇ ਮਈ ਵਿਚ ਸਾਨੂੰ ਸਿਰਫ 16 ਲੱਖ ਟੀਕੇ ਪ੍ਰਾਪਤ ਹੋਏ ਅਤੇ ਜੂਨ ਲਈ ਕੇਂਦਰ ਨੇ ਦਿੱਲੀ ਦਾ ਕੋਟਾ ਹੋਰ ਘਟਾ ਦਿੱਤਾ ਹੈ। ਸਾਨੂੰ ਜੂਨ ਵਿੱਚ ਸਿਰਫ 8 ਲੱਖ ਟੀਕੇ ਦਿੱਤੇ ਜਾਣਗੇ। ਜੇ ਹਰ ਮਹੀਨੇ 8 ਲੱਖ ਟੀਕੇ ਲਗਵਾਏ ਜਾਂਦੇ ਹਨ, ਤਾਂ ਦਿੱਲੀ ਦੇ ਬਾਲਗਾਂ ਨੂੰ ਟੀਕਾਕਰਨ ਲਈ 30 ਮਹੀਨੇ ਤੋਂ ਵੱਧ ਦਾ ਸਮਾਂ ਲੱਗੇਗਾ।

ਨੌਜਵਾਨਾਂ ਦਾ ਟੀਕਾਕਰਨ ਰੁਕਿਆ

ਕੇਜਰੀਵਾਲ ਨੇ ਕਿਹਾ, ਅੱਜ ਤੋਂ ਦਿੱਲੀ ਵਿੱਚ ਨੌਜਵਾਨਾਂ ਦਾ ਟੀਕਾਕਰਨ ਰੁੱਕ ਗਿਆ ਹੈ। ਕੇਂਦਰ ਸਰਕਾਰ ਨੇ ਨੌਜਵਾਨਾਂ ਲਈ ਜੋ ਟੀਕੇ ਭੇਜੇ ਉਹ ਖ਼ਤਮ ਹੋ ਗਏ ਹਨ। ਕੁਝ ਟੀਕੇ ਦੀਆਂ ਖੁਰਾਕਾਂ ਬਚੀਆਂ ਹਨ, ਉਹ ਕੁਝ ਕੇਂਦਰਾਂ ਵਿੱਚ ਦਿੱਤੀਆਂ ਜਾ ਰਹੀਆਂ ਹਨ, ਉਹ ਵੀ ਸ਼ਾਮ ਤੱਕ ਖ਼ਤਮ ਹੋ ਜਾਣਗੀਆਂ। ਸਾਰੇ ਯੁਵਾ ਟੀਕਾਕਰਨ ਕੇਂਦਰ ਕੱਲ੍ਹ ਤੋਂ ਬੰਦ ਰਹਿਣਗੇ।

ਇਹ ਵੀ ਪੜ੍ਹੋ: ਮੰਗਾਂ ਨੂੰ ਲੈ ਕੇ ਡੀਪੂ ਹੋਲਡਰਾਂ ਨੇ ਕੀਤੀ ਹੜਤਾਲ, ਕੋਰੋਨਾ ਕਾਲ ਵਿੱਚ ਨਹੀਂ ਵੰਡਣਗੇ ਗਰੀਬਾਂ ਨੂੰ ਆਇਆ ਰਾਸ਼ਨ

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904