Farmer Protest: ਵਾਸ਼ਿੰਗ ਮਸ਼ੀਨਾਂ-ਰੋਟੀ ਮੇਕਰ ਤੋਂ ਬਾਅਦ ਹੁਣ ਸਿੰਘੂ ਬਾਰਡਰ 'ਤੇ ਕਿਸਾਨਾਂ ਲਈ ਹੋਰ ਵੱਡੀ ਸੁਵਿਧਾ
ਕਿਸਾਨ ਅੰਦੋਲਨ ਨਾਲ ਜੁੜੀ ਹੁਣ ਤਕ ਦੀ ਸਭ ਤੋਂ ਕੀਮਤੀ ਤੇ ਦਿਲਚਸਪ ਤਸਵੀਰ ਇੱਥੇ ਲੱਗਾ ਫੁੱਟ ਮਸਾਜਰ ਪੰਡਾਲ ਹੈ। ਜੋ ਅੰਦੋਲਨ ਨਾਲ ਜੁੜੇ ਲੋਕਾਂ ਲਈ ਵੀ ਆਕਰਸ਼ਨ ਦਾ ਮੁੱਖ ਕੇਂਦਰ ਹੈ।
ਨਵੀਂ ਦਿੱਲੀ: ਖੇਤੀ ਕਾਨੂੰਨਾਂ ਦੇ ਖਿਲਾਫ ਕਿਸਾਨ ਅੰਦੋਲਨ ਪਿਛਲੇ 17 ਦਿਨ ਤੋਂ ਜਾਰੀ ਹੈ ਤੇ ਇਹ ਹੋਰ ਲੰਬਾ ਚੱਲਣ ਦੀ ਉਮੀਦ ਹੈ। ਸਿੰਘੂ ਬਾਰਡਰ 'ਤੇ ਹੌਲੀ-ਹੌਲੀ ਕਿਸਾਨਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ। ਕਿਸਾਨਾਂ ਲਈ ਸੜਕ 'ਤੇ ਹੀ ਦੋ ਵਾਸ਼ਿੰਗ ਮਸ਼ੀਨਾਂ ਜ਼ਰੀਏ ਕੱਪੜੇ ਧੋਣ ਦੀ ਸੁਵਿਧਾ ਦੇ ਨਾਲ-ਨਾਲ ਰੋਟੀ ਬਣਾਉਣ ਦੀਆਂ ਮਸ਼ੀਨਾਂ, ਸਟੀਮ ਬੌਇਲਰ ਜ਼ਰੀਏ ਹਜ਼ਾਰਾਂ ਲੋਕਾਂ ਲਈ ਖਾਣਾ ਬਣਾਉਣਾ, ਜਿਮ ਵਗੈਰਾ ਦੀ ਸੁਵਿਧਾ ਦੇਖੀ ਜਾ ਸਕਦੀ ਹੈ।
ਮੁਫ਼ਤ ਸੇਵਾ ਦਾ ਲਾਹਾ ਲੈ ਸਕਦੇ ਹਨ ਅੰਦੋਲਨਕਾਰੀ
ਕਿਸਾਨ ਅੰਦੋਲਨ ਨਾਲ ਜੁੜੀ ਹੁਣ ਤਕ ਦੀ ਸਭ ਤੋਂ ਕੀਮਤੀ ਤੇ ਦਿਲਚਸਪ ਤਸਵੀਰ ਇੱਥੇ ਲੱਗਾ ਫੁਟ ਮਸਾਜਰ ਪੰਡਾਲ ਹੈ। ਜੋ ਅੰਦੋਲਨ ਨਾਲ ਜੁੜੇ ਲੋਕਾਂ ਲਈ ਵੀ ਆਕਰਸ਼ਨ ਦਾ ਮੁੱਖ ਕੇਂਦਰ ਹੈ। ਅੰਦੋਲਨਕਾਰੀਆਂ ਦੀ ਥਕਾਵਟ ਮਿਟਾਉਣ ਲਈ ਤੇ ਉਨ੍ਹਾਂ ਨੂੰ ਆਰਾਮ ਪਹੁੰਚਾਉਣ ਲਈ ਖਾਲਸਾ ਏਡ ਵੱਲੋਂ ਪੱਚੀ ਫੁੱਟ ਮਸਾਜਰ ਸੜਕ 'ਤੇ ਇਕ ਟੈਂਟ ਲਾਕੇ ਰੱਖ ਦਿੱਤੇ ਗਏ ਹਨ। ਜਿੱਥੇ ਕੋਈ ਵੀ ਕਿਸਾਨ, ਅੰਦੋਲਨਕਾਰੀ ਮੁਫ਼ਤ ਸੇਵਾ ਦਾ ਲਾਭ ਉਠਾ ਸਕਦੇ ਹਨ।
ਸਿੰਘੂ ਬਾਰਡਰ 'ਤੇ ਹੌਲੀ-ਹੌਲੀ ਨਵੇਂ ਸ਼ਹਿਰ ਦਾ ਨਿਰਮਾਣ ਹੋ ਰਿਹਾ ਹੈ। ਜਿਵੇਂ-ਜਿਵੇਂ ਕਿਸਾਨਾਂ ਦੀ ਸੰਖਿਆਂ ਵਧਦੀ ਜਾ ਰਹੀ ਹੈ, ਲੋੜ ਦੀ ਹਰ ਚੀਜ਼ ਉਪਲਬਧ ਹੋ ਰਹੀ ਹੈ। ਖਾਲਸਾ ਏਡ ਦੀ ਮੈਂਬਰ ਨੇ ਏਬੀਪੀ ਨਿਊਜ਼ ਨਾਲ ਗੱਲ ਕਰਦਿਆਂ ਦੱਸਿਆ ਕਿ ਫੁਟ ਮਸਾਜਰ ਦਾ ਇਸਤੇਮਾਲ ਕੋਈ ਵੀ ਅੰਦੋਲਨਕਾਰੀ ਕਰ ਸਕਦਾ ਹੈ। ਅਸੀਂ ਇੱਥੇ ਆਕੇ ਦੇਖਿਆ ਕਿ ਬਜ਼ੁਰਗ ਕਿਸਾਨਾਂ ਨੂੰ ਕਈ ਕਿਲੋਮੀਟਰ ਚੱਲਣ ਤੋਂ ਬਾਅਦ ਪੈਰਾਂ 'ਚ ਦਰਦ ਹੋ ਰਿਹਾ ਸੀ ਇਸ ਲਈ ਸਾਨੂੰ ਉਨ੍ਹਾਂ ਦੀ ਮਦਦ ਕਰਨੀ ਚਾਹੀਦੀ ਹੈ।
ਕਈ ਲੋਕਾਂ ਨੇ ਪਹਿਲੀ ਵਾਰ ਕੀਤਾ ਫੁਟ ਮਸਾਜਰ ਦਾ ਇਸਤੇਮਾਲ
ਪਹਿਲੇ ਦਿਨ ਕਰੀਬ 500 ਲੋਕਾਂ ਨੇ ਫੁਟ ਮਸਾਜਰ ਦਾ ਇਸਤੇਮਾਲ ਕੀਤਾ ਤੇ ਇਸ ਦੀ ਵਧਦੀ ਮੰਗ ਨੂੰ ਦੇਖਦਿਆਂ ਇਹ ਅੰਕੜਾ ਕਈ ਹਜ਼ਾਰ ਤਕ ਪਹੁੰਚ ਗਿਆ। ਫੁਟ ਮਸਾਜ ਕਰਾਉਣ ਪਹੁੰਚੇ 65 ਸਾਲਾ ਗੁਰਦੀਪ ਸਿੰਘ ਕਹਿੰਦੇ ਹਨ ਕਿ ਉਨ੍ਹਾਂ ਪਹਿਲੀ ਵਾਰ ਫੁੱਟ ਮਸਾਜਰ ਦਾ ਇਸਤੇਮਾਲ ਕੀਤਾ ਤੇ ਸਿਰਫ਼ 7 ਮਿੰਟ ਵਰਤੋਂ ਕਰਨ ਤੋਂ ਬਾਅਦ ਹੁਣ ਉਹ ਫਿਰ ਤੋਂ ਕਈ ਕਿਲੋਮੀਟਰ ਪੈਦਲ ਚੱਲ ਸਕਦੇ ਹਨ।
ਕਿਸਾਨ ਜਥੇਬੰਦੀਆਂ ਵੱਲੋਂ ਚਿੱਲਾ ਬਾਰਡਰ 'ਤੇ ਧਰਨਾ ਖ਼ਤਮ ਕਰਨ ਦਾ ਫੈਸਲਾ ਕੇਂਦਰੀ ਮੰਤਰੀ ਦਾ ਦਾਅਵਾ: ਮਾਓਵਾਦੀ-ਨਕਸਲ ਦੇ ਹੱਥਾਂ 'ਚ ਚਲਾ ਗਿਆ ਕਿਸਾਨ ਅੰਦੋਲਨ ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
