Lok Sabha Election: ਭਾਰਤ ਦੀਆਂ ਚੋਣਾਂ 'ਚ ਕੁੱਦਿਆ 'ਪਾਕਿਸਤਾਨ' ! ਰਾਹੁਲ ਗਾਂਧੀ ਦੀ ਕੀਤੀ ਤਾਰੀਫ਼ ਤੇ ਕਿਹਾ- ਮੋਦੀ ਨੂੰ ਰੋਕਣਾ ਜ਼ਰੂਰੀ

ਪਾਕਿਸਤਾਨ ਦੇ ਸਾਬਕਾ ਕੇਂਦਰੀ ਮੰਤਰੀ ਫਵਾਦ ਚੌਧਰੀ ਨੇ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਦੀ ਤਾਰੀਫ ਕੀਤੀ ਹੈ। ਰਾਹੁਲ ਗਾਂਧੀ ਦਾ ਵੀਡੀਓ ਸ਼ੇਅਰ ਕਰਕੇ ਫਵਾਦ ਚੌਧਰੀ ਅਚਾਨਕ ਸੁਰਖੀਆਂ 'ਚ ਆ ਗਏ ਹਨ। ਵੀਡੀਓ ਨੂੰ ਦੁਬਾਰਾ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ- ਰਾਹੁਲ ਆਨ ਫਾਇਰ। 

ਲੋਕ ਸਭਾ ਚੋਣਾਂ

Lok Sabha Election: ਭਾਰਤ ਵਿੱਚ ਲੋਕ ਸਭਾ ਚੋਣਾਂ ਨੂੰ ਲੈ ਕੇ ਮਾਹੌਲ ਗਰਮਾਇਆ ਹੋਇਆ ਹੈ। ਚੋਣਾਂ ਦੇ ਦੋ ਪੜਾਅ ਹੋ ਚੁੱਕੇ ਹਨ, ਤੀਜੇ ਪੜਾਅ ਲਈ ਵੋਟਿੰਗ ਹੋਣੀ ਹੈ। ਭਾਰਤੀ ਲੀਡਰਾਂ ਵੱਲੋਂ ਪਾਕਿਸਤਾਨ ਉੱਤੇ ਦਿੱਤੇ ਗਏ ਬਿਆਨਾਂ ਤੋਂ ਬਾਅਦ ਹੁਣ ਇਸ ਵਿੱਚ ਪਾਕਿਸਤਾਨ ਵੀ ਚੋਣ ਮੈਦਾਨ 'ਚ ਉਤਰ ਗਿਆ ਹੈ। ਪਾਕਿਸਤਾਨ ਵਾਲੇ ਪਾਸੇ ਤੋਂ ਚੋਣਾਂ ਨੂੰ ਲੈ ਕੇ ਬਿਆਨਬਾਜ਼ੀ ਸ਼ੁਰੂ ਹੋ ਗਈ ਹੈ। 

ਪਾਕਿਸਤਾਨ ਦੇ ਸਾਬਕਾ ਕੇਂਦਰੀ ਮੰਤਰੀ ਫਵਾਦ ਚੌਧਰੀ ਨੇ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਦੀ ਤਾਰੀਫ ਕੀਤੀ ਹੈ। ਰਾਹੁਲ ਗਾਂਧੀ ਦਾ ਵੀਡੀਓ ਸ਼ੇਅਰ ਕਰਕੇ ਫਵਾਦ ਚੌਧਰੀ ਅਚਾਨਕ ਸੁਰਖੀਆਂ 'ਚ ਆ ਗਏ ਹਨ। ਵੀਡੀਓ ਨੂੰ ਦੁਬਾਰਾ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ- ਰਾਹੁਲ ਆਨ ਫਾਇਰ। 

Rahul on fire …. https://t.co/6pi1mL0bQN

— Ch Fawad Hussain (@fawadchaudhry) May 1, 2024

ਫਵਾਦ ਚੌਧਰੀ ਨੇ ਟੀਵੀ 9 ਭਾਰਤਵਰਸ਼ ਨਿਊਜ਼ ਚੈਨਲ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ, ਪੀਐਮ ਮੋਦੀ ਨੂੰ ਰੋਕਣਾ ਜ਼ਰੂਰੀ ਹੈ। ਚੋਣਾਂ ਦੌਰਾਨ ਰਾਹੁਲ ਗਾਂਧੀ ਦਾ ਵੀਡੀਓ ਸ਼ੇਅਰ ਕਰਨ ਦਾ ਕਾਰਨ ਦੱਸਦੇ ਹੋਏ ਚੌਧਰੀ ਨੇ ਕਿਹਾ, "ਜੋ ਵੀ ਕੱਟੜਪੰਥੀਆਂ ਦੇ ਖ਼ਿਲਾਫ਼ ਬੋਲਦਾ ਹੈ, ਉਸ ਨੂੰ ਮੇਰਾ ਸਮਰਥਨ ਹੈ। ਮੈਨੂੰ ਲੱਗਦਾ ਹੈ ਕਿ ਰਾਹੁਲ ਗਾਂਧੀ ਨੇ ਭਾਰਤ ਦੀ ਮੌਜੂਦਾ ਸਥਿਤੀ ਨੂੰ ਸਹੀ ਤਰੀਕੇ ਨਾਲ ਪੇਸ਼ ਕੀਤਾ ਹੈ।"

 ਚੌਧਰੀ ਨੇ ਅੱਗੇ ਕਿਹਾ, "ਅਧਿਕਾਰਾਂ ਦਾ ਮੁੱਦਾ ਵਿਸ਼ਵਵਿਆਪੀ ਹੈ। ਚਾਹੇ ਕੋਈ ਭਾਰਤ ਵਿੱਚ ਕਰੇ ਜਾਂ ਹੋਰ ਕਿਤੇ ਵੀ, ਇਸ ਨੂੰ ਸਹੀ ਕਿਹਾ ਜਾਣਾ ਚਾਹੀਦਾ ਹੈ, ਰਾਹੁਲ ਗਾਂਧੀ ਦੀ ਤਾਰੀਫ਼ ਕਰਦੇ ਹੋਏ, ਪਾਕਿਸਤਾਨੀ ਨੇਤਾ ਨੇ ਕਿਹਾ ਕਿ ਰਾਹੁਲ ਨੇ ਦਿਖਾਇਆ ਹੈ ਕਿ ਅਮੀਰ ਅਤੇ ਗ਼ਰੀਬ ਵਿੱਚ ਅੰਤਰ ਹੈ।" ਭਾਰਤ ਕਿਵੇਂ ਵਧ ਰਿਹਾ ਹੈ, ਕਿਵੇਂ ਗਰੀਬ ਆਦਮੀ ਨੂੰ ਮੌਜੂਦਾ ਭਾਰਤ ਤੋਂ ਬਾਹਰ ਕੱਢ ਦਿੱਤਾ ਗਿਆ ਹੈ 

ਰਾਹੁਲ ਗਾਂਧੀ ਨੂੰ ਪ੍ਰਮੋਟ ਕਰਨ ਦੇ ਸਵਾਲ 'ਤੇ ਫਵਾਦ ਚੌਧਰੀ ਨੇ ਕਿਹਾ, "ਜੋ ਵੀ ਸਹੀ ਗੱਲ ਕਹੇਗਾ, ਉਹ ਉਸ ਨੂੰ ਪ੍ਰਮੋਟ ਕਰੇਗਾ, ਚਾਹੇ ਉਹ ਰਾਹੁਲ ਗਾਂਧੀ ਹੋਵੇ ਜਾਂ ਕੋਈ ਹੋਰ। ਭਾਰਤ ਵਿੱਚ ਬਹੁਤ ਸਾਰੇ ਪੱਤਰਕਾਰ ਸਹੀ ਗੱਲ ਬੋਲਦੇ ਹਨ, ਮੈਂ ਵੀ ਉਨ੍ਹਾਂ ਦਾ ਸਮਰਥਨ ਕਰਦਾ ਹਾਂ।"ਭਾਰਤ ਦੀਆਂ ਚੋਣਾਂ 'ਚ ਦਖਲ ਦੇਣ ਦੇ ਸਵਾਲ 'ਤੇ ਉਨ੍ਹਾਂ ਫਿਰ ਦੁਹਰਾਇਆ ਕਿ ਉਹ ਦਖਲ ਦੇਣ ਦੀ ਸਥਿਤੀ 'ਚ ਨਹੀਂ ਹਨ। ਉਨ੍ਹਾਂ ਸਪੱਸ਼ਟ ਕਿਹਾ ਕਿ ਇਸ ਸਮੇਂ ਮੋਦੀ ਨੂੰ ਰੋਕਣਾ ਜ਼ਰੂਰੀ ਹੈ, ਭਾਵੇਂ ਕੋਈ ਵੀ ਆਵੇ।