Fire at Burdwan Medical College:ਪੱਛਮੀ ਬੰਗਾਲ Burdwan Medical College ਦੇ ਕੋਵਿਡ ਵਾਰਡ 'ਚ ਲੱਗੀ ਅੱਗ, 1 ਮਰੀਜ਼ ਦੀ ਮੌਤ

ਪੱਛਮੀ ਬੰਗਾਲ ਵਿੱਚ, ਸਵੇਰੇ ਬਰਦਵਾਨ ਮੈਡੀਕਲ ਕਾਲਜ (Burdwan Medical College) ਦੇ ਕੋਵਿਡ ਵਾਰਡ ਵਿੱਚ ਸਵੇਰੇ ਅੱਗ ਲੱਗਣ ਕਾਰਨ ਕੋਵਿਡ -19 ਨਾਲ ਪੀੜਤ 1 ਮਹਿਲਾ ਮਰੀਜ਼ ਦੀ ਮੌਤ ਹੋ ਗਈ। ਹਾਲਾਂਕਿ ਅੱਗ 'ਤੇ ਕਾਬੂ ਪਾ ਲਿਆ ਗਿਆ ਹੈ

ਬਰਦਵਾਨ ਮੈਡੀਕਲ ਕਾਲਜ

ਪੱਛਮੀ ਬੰਗਾਲ ਵਿੱਚ, ਸਵੇਰੇ ਬਰਦਵਾਨ ਮੈਡੀਕਲ ਕਾਲਜ (Burdwan Medical College) ਦੇ ਕੋਵਿਡ ਵਾਰਡ ਵਿੱਚ ਸਵੇਰੇ ਅੱਗ ਲੱਗਣ ਕਾਰਨ ਕੋਵਿਡ -19 ਨਾਲ ਪੀੜਤ 1 ਮਹਿਲਾ ਮਰੀਜ਼ ਦੀ ਮੌਤ ਹੋ ਗਈ। ਹਾਲਾਂਕਿ ਅੱਗ 'ਤੇ ਕਾਬੂ ਪਾ ਲਿਆ ਗਿਆ ਹੈ ਪਰ ਮਰੀਜ਼ ਦੀ ਮੌਤ ਕਾਰਨ ਹੋਰ ਮਰੀਜ਼ਾਂ ਅਤੇ ਰਿਸ਼ਤੇਦਾਰਾਂ 'ਚ ਸਹਿਮ ਦਾ ਮਾਹੌਲ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਅੱਗ ਦੇ ਕਾਰਨਾਂ ਦਾ ਪਤਾ ਲਗਾਉਣ ਅਤੇ ਮਾਮਲੇ ਦੀ ਜਾਂਚ ਲਈ 5 ਮੈਂਬਰਾਂ ਦਾ ਗਠਨ ਕੀਤਾ ਗਿਆ ਹੈ।

ਫਿਲਹਾਲ Covid ਵਾਰਡ ਨੂੰ ਸੀਲ ਕਰ ਦਿੱਤਾ ਗਿਆ ਹੈ। ਹਸਪਤਾਲ ਦੇ ਸੂਤਰਾਂ ਨੇ ਦੱਸਿਆ ਕਿ ਸ਼ਨੀਵਾਰ ਤੜਕੇ ਹਸਪਤਾਲ ਦੇ ਰਾਧਾਰਾਨੀ ਵਾਰਡ 'ਚ ਅੱਗ ਲੱਗ ਗਈ। ਕੋਰੋਨਾ ਮਹਾਂਮਾਰੀ ਦੇ ਫੈਲਣ ਤੋਂ ਬਾਅਦ, ਇਸ ਵਾਰਡ ਨੂੰ ਕੋਵਿਡ ਦੇ ਇਲਾਜ ਲਈ ਵਿਸ਼ੇਸ਼ ਵਾਰਡ ਵਿੱਚ ਬਦਲ ਦਿੱਤਾ ਗਿਆ ਸੀ। ਉਹਨਾਂ ਨੇ ਦੱਸਿਆ ਕਿ ਪਹਿਲਾਂ ਤਾਂ ਮਰੀਜਾਂ ਦੇ ਰਿਸ਼ਤੇਦਾਰਾਂ ਨੇ ਅੱਗ ਦੇਖ ਕੇ ਬੁਝਾਉਣ ਦੀ ਕੋਸ਼ਿਸ਼ ਕੀਤੀ। ਪਰ ਜਲਦੀ ਹੀ ਫਾਇਰ ਬ੍ਰਿਗੇਡ ਨੂੰ ਬੁਲਾਇਆ ਗਿਆ ਅਤੇ ਪੁਲਿਸ ਵੀ ਮੌਕੇ 'ਤੇ ਪਹੁੰਚ ਗਈ।

 ਇਹ ਵੀ ਪੜ੍ਹੋ: ਅੱਜ ਹੋਵੇਗਾ Beating Retreat Ceremony ਸਮਰੋਹ, ਪਹਿਲੀ ਵਾਰ 1000 ਡ੍ਰੋਨ ਦਾ ਖਾਸ ਸ਼ੋਅ, ਪ੍ਰਾਜੈਕਸ਼ਨ ਮੈਪਿੰਗ ਦੀ ਵੀ ਹੋਵੇਗਾ ਪ੍ਰਦਰਸ਼ਨ

ਇਕ ਘੰਟੇ ਬਾਅਦ ਅੱਗ 'ਤੇ ਪਾਇਆ ਗਿਆ ਕਾਬੂ 
ਇਕ ਘੰਟੇ ਦੀ ਮੁਸ਼ੱਕਤ ਤੋਂ ਬਾਅਦ ਲੋਕਾਂ ਨੇ ਅੱਗ 'ਤੇ ਕਾਬੂ ਪਾਇਆ। ਹਾਲਾਂਕਿ ਹਸਪਤਾਲ ਨੇ ਆਪਣੀ ਕਿਸੇ ਵੀ ਅਸਫਲਤਾ ਨੂੰ ਮੰਨਣ ਤੋਂ ਇਨਕਾਰ ਕਰ ਦਿੱਤਾ, ਪਰ ਕਾਰਨਾਂ ਦਾ ਪਤਾ ਲਗਾਉਣ ਲਈ ਪੰਜ ਮੈਂਬਰੀ ਜਾਂਚ ਟੀਮ ਦਾ ਗਠਨ ਕੀਤਾ ਗਿਆ ਹੈ। ਬਰਦਵਾਨ ਮੈਡੀਕਲ ਕਾਲਜ ਹਸਪਤਾਲ ਦੇ ਪ੍ਰਿੰਸੀਪਲ ਪ੍ਰਬੀਰ ਸੇਨਗੁਪਤਾ ਨੇ ਇੰਡੀਆ ਟੂਡੇ ਨੂੰ ਦੱਸਿਆ ਕਿ ਫੋਰੈਂਸਿਕ ਜਾਂਚ ਵੀ ਕਰਵਾਈ ਜਾਵੇਗੀ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904