ਚੀਨ 'ਚ ਲੁਕਿਆ ਹੈ Gangster Parsad Pujari, ਭਾਰਤ ਵਾਪਸ ਲਿਆਉਣਾ ਏਜੰਸੀਆਂ ਲਈ ਹੁਣ ਆਸਾਨ ਨਹੀਂ- ਸੂਤਰ

Gangster Prasad Pujari: ਸ਼ਿਵ ਸੈਨਾ ਆਗੂ ਚੰਦਰਸ਼ੇਖਰ ਜਾਧਵ (Chander Shekhar Jadhav) 'ਤੇ ਹਮਲਾ ਕਰਨ ਵਾਲੇ ਗੈਂਗਸਟਰ ਪ੍ਰਸਾਦ ਪੁਜਾਰੀ ਨੂੰ ਭਾਰਤ ਲਿਆਉਣਾ ਏਜੰਸੀਆਂ ਲਈ ਹੋਰ ਵੀ ਮੁਸ਼ਕਲ ਹੋ ਸਕਦਾ ਹੈ।

ਗ੍ਰਿਫਤਾਰੀ

Gangster Prasad Pujari: ਸ਼ਿਵ ਸੈਨਾ ਆਗੂ ਚੰਦਰਸ਼ੇਖਰ ਜਾਧਵ (Chander Shekhar Jadhav) 'ਤੇ ਹਮਲਾ ਕਰਨ ਵਾਲੇ ਗੈਂਗਸਟਰ ਪ੍ਰਸਾਦ ਪੁਜਾਰੀ ਨੂੰ ਭਾਰਤ ਲਿਆਉਣਾ ਏਜੰਸੀਆਂ ਲਈ ਹੋਰ ਵੀ ਮੁਸ਼ਕਲ ਹੋ ਸਕਦਾ ਹੈ। ਏਜੰਸੀਆਂ ਨੂੰ ਪਹਿਲਾਂ ਹੀ ਸੂਚਨਾ ਮਿਲੀ ਸੀ ਕਿ ਪ੍ਰਸਾਦ ਪੁਜਾਰੀ ਚੀਨ ਵਿੱਚ ਲੁਕਿਆ ਹੋਇਆ ਹੈ।

ਏਜੰਸੀਆਂ ਨੂੰ ਪੁਜਾਰੀ ਬਾਰੇ ਇਹ ਵੀ ਪਤਾ ਲੱਗਿਆ ਹੈ ਕਿ ਉਸ ਨੇ ਆਪਣੇ ਆਪ ਨੂੰ ਹੋਰ ਸੁਰੱਖਿਅਤ ਰੱਖਣ ਲਈ ਚੀਨੀ ਔਰਤ ਨਾਲ ਵਿਆਹ ਵੀ ਕਰ ਲਿਆ ਹੈ। ਪੁਜਾਰੀ ਨੂੰ ਚੀਨੀ ਔਰਤ ਤੋਂ ਇੱਕ ਬੱਚਾ ਵੀ ਹੈ ਜਿਸ ਦੀ ਉਮਰ ਕਰੀਬ 4 ਸਾਲ ਹੈ।

ਦੱਸ ਦਈਏ ਕਿ ਮੁੰਬਈ ਕ੍ਰਾਈਮ ਬ੍ਰਾਂਚ ਨੇ ਪੁਜਾਰੀ ਦੀ ਮਾਂ ਨੂੰ ਸਾਲ 2020 'ਚ ਗ੍ਰਿਫਤਾਰ ਕੀਤਾ ਸੀ। ਉਸ ਸਮੇਂ ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਪੁਜਾਰੀ ਦੇ ਵਿਜ਼ੀਟਰ ਵੀਜ਼ੇ ਦੀ ਮਿਆਦ ਖਤਮ ਹੋ ਗਈ ਹੈ ਤੇ ਉਮੀਦ ਕੀਤੀ ਜਾ ਰਹੀ ਸੀ ਕਿ ਉਸ ਨੂੰ ਭਾਰਤ ਲਿਆਂਦਾ ਜਾ ਸਕਦਾ ਹੈ। ਹੁਣ ਪੁਜਾਰੀ ਦੇ ਵਿਆਹ ਦੀ ਖ਼ਬਰ ਨਾਲ ਏਜੰਸੀਆਂ ਨੇ ਉਸ ਨੂੰ ਭਾਰਤ ਲਿਆਉਣ ਦੀ ਆਸ ਵੀ ਲਗਪਗ ਛੱਡ ਦਿੱਤੀ ਹੈ।

ਆਖਰ ਕੌਣ ਹੈ ਪ੍ਰਸਾਦ ਪੁਜਾਰੀ-
ਮੁੰਬਈ ਦੇ ਵਿਖਰੋਲੀ ਇਲਾਕੇ 'ਚ ਰਹਿਣ ਵਾਲੇ ਸ਼ਿਵ ਸੈਨਾ ਵਰਕਰ ਚੰਦਰਕਾਂਤ ਜਾਧਵ 'ਤੇ ਹੋਈ ਫਾਇਰਿੰਗ ਮਾਮਲੇ 'ਚ ਪ੍ਰਸਾਦ ਪੁਜਾਰੀ ਦਾ ਨਾਂ ਸਾਹਮਣੇ ਆਇਆ ਸੀ। ਇਹ ਫਾਇਰਿੰਗ 19 ਦਸੰਬਰ 2019 ਨੂੰ ਕੀਤੀ ਗਈ ਸੀ। ਉਸ Firing 'ਚ ਗੋਲੀ ਜਾਧਵ ਨੂੰ ਛੂਹ ਕੇ ਨਿਕਲੀ ਸੀ, ਜਿਸ ਕਾਰਨ ਉਹ ਬਚ ਗਏ ਸੀ।

ਇਹ ਵੀ ਪੜ੍ਹੋ: ਬਜਟ ਸੈਸ਼ਨ ਤੋਂ ਪਹਿਲਾਂ Corona ਦੀ ਮਾਰ, ਸੰਸਦ ਭਵਨ ਦੇ 875 ਕਰਮਚਾਰੀ Covid-19 ਪਾਜ਼ੀਟਿਵ

ਮੁੰਬਈ ਪੁਲਿਸ ਦੇ ਸੂਤਰਾਂ ਨੇ ਦੱਸਿਆ ਕਿ ਮਾਰਚ 2008 ਵਿੱਚ ਪ੍ਰਸਾਦ ਪੁਜਾਰੀ ਨੂੰ ਚੀਨ ਵਿੱਚ Temporary Residence ਵੀਜ਼ਾ ਮਿਲਿਆ ਸੀ ਜਿਸ ਦੀ ਮਿਆਦ ਮਾਰਚ 2012 ਵਿੱਚ ਖਤਮ ਹੋ ਗਈ ਸੀ। ਪੁਜਾਰੀ ਉੱਥੇ ਵਿਜ਼ੀਟਰ ਵੀਜ਼ੇ 'ਤੇ ਗਿਆ ਸੀ ਜਿਸ ਦੀ ਮਿਆਦ ਮਈ 2008 'ਚ ਖਤਮ ਹੋ ਗਈ ਸੀ। ਜਾਣਕਾਰੀ ਮੁਤਾਬਕ ਪਾਦਰੀ ਚੀਨ ਦੇ ਲੁਓਹੂ ਜ਼ਿਲੇ 'ਚ ਰਹਿੰਦਾ ਹੈ।

ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:

https://play.google.com/store/apps/details?id=com.winit.starnews.hin

https://apps.apple.com/in/app/abp-live-news/id811114904