ਆਪ’ ਨੇ ਗੌਤਮ ‘ਤੇ ਲਾਏ ‘ਗੰਭੀਰ’ ਇਲਜ਼ਾਮ, ਪਹਿਲਾਂ ਵੀ ਵਿਵਾਦਾਂ 'ਚ ਘਿਰੇ

ਪੂਰਬੀ ਦਿੱਲੀ ਤੋਂ ਲੋਕ ਸਭਾ ਸੀਟ ‘ਤੇ ਬੀਜੇਪੀ ਉਮੀਦਵਾਰ ਗੌਤਮ ਗੰਭੀਰ ਦੀ ਨਾਮਜ਼ਗਦੀ ‘ਤੇ ਵਿਵਾਦ ਰੁਕਣ ਦਾ ਨਾਂ ਨਹੀਂ ਲੈ ਰਹੇ। ਇਸ ਸੀਟ ‘ਤੇ ‘ਆਪ’ ਦੀ ਉਮੀਦਵਾਰ ਆਤਿਸ਼ੀ ਮਰਲੇਨਾ ਨੇ ਹੁਣ ਗੰਭੀਰ ‘ਤੇ ਇਲਜ਼ਾਮ ਲਾਇਆ ਹੈ ਕਿ ਗੌਤਮ ਕੋਲ ਦੋ ਵੋਟਰ ਆਈ-ਡੀ ਹਨ।

ਨਵੀਂ ਦਿੱਲੀ: ਪੂਰਬੀ ਦਿੱਲੀ ਤੋਂ ਲੋਕ ਸਭਾ ਸੀਟ ‘ਤੇ ਬੀਜੇਪੀ ਉਮੀਦਵਾਰ ਗੌਤਮ ਗੰਭੀਰ ਦੀ ਨਾਮਜ਼ਗਦੀ ‘ਤੇ ਵਿਵਾਦ ਰੁਕਣ ਦਾ ਨਾਂ ਨਹੀਂ ਲੈ ਰਹੇ। ਇਸ ਸੀਟ ‘ਤੇ ‘ਆਪ’ ਦੀ ਉਮੀਦਵਾਰ ਆਤਿਸ਼ੀ ਮਰਲੇਨਾ ਨੇ ਹੁਣ ਗੰਭੀਰ ‘ਤੇ ਇਲਜ਼ਾਮ ਲਾਇਆ ਹੈ ਕਿ ਗੌਤਮ ਕੋਲ ਦੋ ਵੋਟਰ ਆਈ-ਡੀ ਹਨ, ਜੋ ਫੌਜਦਾਰੀ ਅਪਰਾਧ ਹੈ। 'ਆਪ' ਨੇ ਇਹ ਮਾਮਲਾ ਤੀਸ ਹਜ਼ਾਰੀ ਕੋਰਟ ਸਾਹਮਣੇ ਰੱਖਿਆ ਹੈ।

My appeal to the citizens of East Delhi Lok Sabha - pls don’t waste your vote by voting for @GautamGambhir; he is going to get disqualified sooner or later for having two Voter ID cards! अपना वोट व्यर्थ ना करें! #GambhirApradh pic.twitter.com/6bxGnT4n93

— Atishi (@AtishiAAP) April 26, 2019

ਆਤਿਸ਼ੀ ਮੁਤਾਬਕ ਗੌਤਮ ਗੰਭੀਰ ਕੋਲ ਇੱਕ ਵੋਟਰ ਕਾਰਡ ਰਾਜੇਂਦਰ ਨਗਰ ਤੇ ਦੂਜਾ ਕਰੋਲ ਬਾਗ ਦਾ ਹੈ। ਇਸ ਦੇ ਚੱਲਦਿਆਂ ਜੇਕਰ ਕਿਸੇ ਵਿਅਕਤੀ ਕੋਲ ਦੋ ਵੋਟਰ ਕਾਰਡ ਹੋਣ ਤਾਂ ਉਸ ਨੂੰ ਚੋਣ ਵਿਭਾਗ ਵੱਲੋਂ ਨੋਟਿਸ ਭੇਜਿਆ ਜਾਂਦਾ ਹੈ। ਚੋਣ ਕਮਿਸ਼ਨ ਇੱਕ ਸਮੇਂ ‘ਚ ਤੁਹਾਨੂੰ ਇੱਕ ਥਾਂ ਤੋਂ ਆਪਣਾ ਨਾਂ ਹਟਾਉਣ ਨੂੰ ਕਹਿੰਦਾ ਹੈ। ਜੇਕਰ ਤੁਸੀਂ ਅਜਿਹਾ ਨਹੀਂ ਕਰਦੇ ਤਾਂ ਤੁਹਾਡੇ ਖਿਲਾਫ ਪੁਲਿਸ ਕਾਰਵਾਈ ਕੀਤੀ ਜਾਂਦੀ ਹੈ।

In his affidavit to the Returning Officer while filing his nomination, Gambhir concealed the information that he is also registered to vote in Karol Bagh, which is punishable under Sec 125A of the Representation of the People Act with up to 6 months jail time. #GambhirApradh pic.twitter.com/saKE1X4NKh

— Atishi (@AtishiAAP) April 26, 2019

ਇਸ ਤੋਂ ਪਹਿਲਾਂ ਆਤਿਸ਼ੀ ਨੇ ਗੌਤਮ ਗੰਭੀਰ ਦੇ ਨਾਮਜ਼ਦਗੀ ਪੱਤਰ ਨਾਲ ਦਿੱਤੇ ਐਫੀਡੇਵਿਟ ‘ਤੇ ਸਵਾਲ ਚੁੱਕੇ ਸੀ। ਇਸ ‘ਤੇ ਰਿਟਰਨਿੰਗ ਅਫਸਰ ਨੇ ਗੰਭੀਰ ਨੂੰ ਨੋਟਿਸ ਭੇਜ ਜਵਾਬ ਮੰਗਿਆ ਸੀ। ਇਸ ‘ਤੇ ਗੰਭੀਰ ਦੇ ਵਕੀਲ ਦਾ ਕਹਿਣਾ ਸੀ ਕਿ ਜਿਸ ਨੂੰ ਆਮ ਆਦਮੀ ਪਾਰਟੀ ਬੈਕ ਡੇਟ ਦੀ ਨੋਟਰੀ ਕਹਿ ਰਹੀ ਹੈ, ਉਹ ਨੋਟਰੀ ਰਜਿਸਟਰ ਦਾ ਸੀਰੀਅਲ ਨੰਬਰ ਹੈ।