ਪੜਚੋਲ ਕਰੋ
Advertisement
ਪੰਚਕੁਲਾ ਹਿੰਸਾ ਨੂੰ ਹੋਇਆ ਸਾਲ, ਜਾਣੋ ਕੀ ਹੈ ਰਾਮ ਰਹੀਮ ਦਾ ਜੇਲ੍ਹ ’ਚ ਮੌਜੂਦਾ ਹਾਲ
ਚੰਡੀਗੜ੍ਹ: ਅੱਜ ਯਾਨੀ 25 ਅਗਸਤ ਵਾਲੇ ਪੰਚਕੁਲਾ ਵਿੱਚ ਹਿੰਸਾ ਦੀ ਘਟਨਾ ਵਾਪਰੀ ਸੀ। ਇਸ ਹਿੰਸਾ ਦੌਰਾਨ ਹਾਲਾਤ ਕਾਬੂ ਕਰਨ ਲਈ ਸੁਰੱਖਿਆ ਬਲਾਂ ਦੀ ਗੋਲ਼ੀ ਨਾਲ ਕੁੱਲ 36 ਲੋਕਾਂ ਦੀ ਮੌਤ ਹੋ ਗਈ ਸੀ। ਪਿਛਲੇ ਸਾਲ ਅੱਜ ਦੇ ਦਿਨ ਡੇਰਾ ਸਿਰਸਾ ਮੁਖੀ ਬਾਬਾ ਗੁਰਮੀਤ ਰਾਮ ਰਹੀਮ ਅਦਾਲਤ ਵੱਲੋਂ ਦੋਸ਼ੀ ਕਰਾਰ ਦੇਣ ਤੋਂ ਬਾਅਦ ਜੇਲ੍ਹ ਗਿਆ ਸੀ, ਜਿਸ ਦੇ ਬਾਅਦ ਬਾਬੇ ਦੇ ਪੈਰੋਕਾਰਾਂ ਨੇ ਪੰਚਕੁਲਾ ਵਿੱਚ ਕਈ ਵਾਹਨਾਂ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ ਸੀ। ਇਸ ਘਟਨਾ ਨੂੰ ਅੱਜ ਇੱਕ ਸਾਲ ਬੀਤ ਗਿਆ ਹੈ, ਪਰ ਹੁਣ ਰਾਮ ਰਹੀਮ ਦਾ ਹਾਲ ਕਾਫੀ ਬੁਰਾ ਹੋ ਚੁੱਕਾ ਹੈ।
ਇੱਕ ਸਾਲ ਬੀਤਣ ਬਾਅਦ ਜੇਲ੍ਹ ਵਿੱਚ ਸਾਧਵੀ ਨਾਲ ਬਲਾਤਕਾਰ ਦੀ ਸਜ਼ਾ ਕੱਟ ਰਹੇ ਬਾਬਾ ਰਾਮ ਰਹੀਮ ਦੀ ਹਾਲਤ ਖਸਤਾ ਦੱਸੀ ਜਾ ਰਹੀ ਹੈ। ਬਾਬੇ ਨੂੰ ਰੋਹਤਕ ਜੇਲ੍ਹ ਵਿੱਚ 28 ਅਗਸਤ ਨੂੰ 20 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ। ਜਾਣਕਾਰੀ ਮੁਤਾਬਕ ਕੈਦੀ ਨੰਬਰ 8647 ਬਾਬ ਰਾਮ ਰਹੀਮ ਨੂੰ 10 ਫੁੱਟ ਦੀ ਬੈਰਕ ਵਿੱਚ ਰੱਖਿਆ ਗਿਆ ਹੈ। ਉਸ ਨਾਲ 5 ਕੈਦ ਹੋਰ ਵੀ ਰਹਿੰਦੇ ਹਨ। ਖਾਣਾ-ਪੀਣਾ, ਨਹਾਉਣਾ ਤੇ ਪਖ਼ਾਨਾ ਸਭ ਇਸੇ ਬੈਰਕ ਵਿੱਚ ਹੀ ਹੁੰਦਾ ਹੈ।
ਬਲਾਤਕਾਰੀ ਬਾਬੇ ਦੀ ਦਿਹਾੜੀਦੱਸਿਆ ਜਾ ਰਿਹਾ ਹੈ ਕਿ ਬਾਬਾ ਰਾਮ ਰਹੀਮ ਜੇਲ੍ਹ ਵਿੱਚ ਰੋਜ਼ਾਨਾ ਦੋ ਘੰਟੇ ਕੰਮ ਵੀ ਕਰਦਾ ਹੈ ਜਿਸ ਲਈ ਉਸ ਨੂੰ ਰੋਜ਼ਾਨਾ 40 ਰੁਪਏ ਦਿਹਾੜੀ ਮਿਲਦੀ ਹੈ। ਅਦਾਲਤ ਦੇ ਫੈਸਲੇ ਮੁਤਾਬਕ ਬਾਬੇ ਦੇ ਸਾਰੇ ਬੈਂਕ ਖ਼ਾਤੇ ਸੀਲ ਕੀਤੇ ਗਏ ਹਨ ਜਦੋਂ ਸੀਲ ਹਟੇਗੀ ਤਾਂ ਜੇਲ੍ਹ ਦੀ ਸਾਰੀ ਕਮਾਈ ਬਾਬੇ ਦੇ ਖਾਤੇ ਵਿੱਚ ਪਾਈ ਜਾਏਗੀ। ਟਾਈਮ ਪਾਸ ਕਰਨ ਲਈ ਬਾਬਾ ਲਾਇਬ੍ਰੇਰੀ ਵਿੱਚੋਂ ਕਿਤਾਬਾਂ ਵੀ ਪੜ੍ਹਦਾ ਹੈ ਤੇ ਰਾਤ ਨੂੰ ਅੱਧਾ ਘੰਟਾ ਟੀਵੀ ’ਤੇ ਖਬਰਾਂ ਸੁਣਦਾ ਹੈ।
ਬਦਲ ਗਈ ਬਾਬੇ ਦੀ ਸ਼ਕਲ-ਸੂਰਤਬਾਬਾ ਰਾਮ ਰਹੀਮ ਦੀ ਅੱਧੀ ਤੋਂ ਵੱਧ ਦਾੜ੍ਹੀ ਚਿੱਟੀ ਹੋ ਚੁੱਕੀ ਹੈ। ਬਾਬਾ ਹੁਣ ਆਪਣੀ ਦਾੜ੍ਹੀ ਨੂੰ ਕਲਫ਼ ਵੀ ਨਹੀਂ ਕਰਦਾ।
ਬਾਬੇ ਦਾ 14 ਕਿੱਲੋ ਵਜ਼ਨ ਘਟਿਆਅੱਜ ਤੋਂ ਇੱਕ ਸਾਲ ਪਹਿਲਾਂ ਜਦੋਂ ਰਾਮ ਰਹੀਮ ਰੋਹਤਕ ਦੀ ਸੁਨਾਰੀਆ ਜੇਲ੍ਹ ਪੁੱਜਾ ਸੀ ਤਾਂ ਉਸ ਦਾ ਵਜ਼ਨ 106 ਕਿੱਲੋ ਸੀ, ਜੋ ਹੁਣ ਘਟ ਕੇ 92 ਕਿੱਲੋ ਰਹਿ ਗਿਆ ਹੈ। ਯਾਨੀ ਬਾਬੇ ਦੇ ਵਜ਼ਨ ਵਿੱਚ 14 ਕਿੱਲੋ ਦੀ ਕਮੀ ਆਈ ਹੈ।
ਸਿਹਤ 'ਚ ਸੁਧਾਰਵਜ਼ਨ ਘਟਣ ਕਰਕੇ ਬਾਬਾ ਪਹਿਲਾਂ ਨਾਲੋਂ ਜ਼ਿਆਦਾ ਫਿੱਟ ਨਜ਼ਰ ਆਉਂਦਾ ਹੈ। ਉਸ ਦੇ ਹਾਈ ਬਲੱਡ ਪਰੈਸ਼ਰ ਤੇ ਸ਼ੂਗਰ ਦੇ ਰੋਗਾਂ ਵਿੱਚ ਵੀ ਕਾਫੀ ਸੁਧਾਰ ਆਇਆ ਹੈ। ਦਵਾਈ ਦੀ ਡੋਜ਼ ਵੀ ਪਹਿਲਾਂ ਨਾਲੋਂ ਅੱਧੀ ਤੋਂ ਵੀ ਘੱਟ ਹੋ ਗਈ ਹੈ। ਬਾਬਾ ਯੋਗਾ ਵੀ ਕਰਾਦ ਹੈ।
ਹਨੀਪ੍ਰੀਤ ਨਾਲ ਮੁਲਾਕਾਤ ਨੂੰ ਤਰਸਿਆ ਬਾਬਾਬਾਬਾ ਹਰ ਸੋਮਵਾਰ ਆਪਣੇ ਕਰੀਬੀਆਂ ਨਾਲ ਮੁਲਾਕਾਤ ਕਰਦਾ ਹੈ। ਕਰੀਬੀਆਂ ਲਈ 10 ਨਾਵਾਂ ਦੀ ਸੂਚੀ ਰੱਖੀ ਗਈ ਹੈ ਜਿਸ ਵਿੱਚ ਉਸ ਦੀ ਮੂੰਹ ਬੋਲੀ ਧੀ ਹਨੀਪ੍ਰੀਤ ਦਾ ਨਾਂ ਵੀ ਸ਼ਾਮਲ ਹੈ। ਹਾਲਾਂਕਿ, ਹਾਲੇ ਤਕ ਹਨੀਪ੍ਰੀਤ ਨਾਲ ਉਸ ਦੀ ਮੁਲਾਕਾਤ ਨਹੀਂ ਕਰਵਾਈ ਗਈ ਹੈ। ਸੁਰੱਖਿਆ ਦੇ ਮੱਦੇਨਜ਼ਰ ਬਾਬੇ ਨੂੰ ਜੇਲ੍ਹ ਵਿੱਚੋਂ ਬਾਹਰ ਨਹੀਂ ਕੱਢਿਆ ਜਾਂਦਾ। ਵੀਡੀਓ ਕਾਨਫਰੰਸਿਗ ਰਾਹੀਂ ਉਸ ਦੀ ਪੇਸ਼ੀ ਹੁੰਦੀ ਹੈ।
ਕੀ ਖਾਂਦਾ ਰਾਮ ਰਹੀਮਰਾਮ ਰਹੀਮ ਨੂੰ ਜੇਲ੍ਹ ਵਿੱਚ ਕੋਈ ਲੰਚ ਨਹੀਂ ਦਿੱਤਾ ਜਾਂਦਾ। ਸਵੇਰੇ ਨਾਸ਼ਤੇ ਵਿੱਚ 5 ਰੋਟੀਆਂ ਤੇ ਦਾਲ ਮਿਲਦੀ ਹੈ ਤੇ ਰਾਤ ਦੇ ਖਾਣੇ ਲਈ ਵੀ ਪੰਜ ਰੋਟੀਆਂ ਨਾਲ ਮੌਸਮੀ ਸਬਜ਼ੀ ਮਿਲਦੀ ਹੈ। ਜੇਲ੍ਹ ਵਿੱਚ ਬਾਬੇ ਦੇ ਖਾਣ-ਪੀਣ ਤੇ ਰਸੋਈ ਵਿੱਚ ਵੀ CCTV ਰਾਹੀਂ ਨਜ਼ਰ ਰੱਖੀ ਜਾਂਦੀ ਹੈ।
Follow Breaking News on abp LIVE for more latest stories and trending topics. Watch breaking news and top headlines online on abp sanjha LIVE TV
ਹੋਰ ਵੇਖੋ
Advertisement
Advertisement
Advertisement
ਟਾਪ ਹੈਡਲਾਈਨ
ਕਾਰੋਬਾਰ
ਦੇਸ਼
ਲੁਧਿਆਣਾ
ਸਿਹਤ
Advertisement