ਖੇਤੀਬਾੜੀ ਮੰਤਰੀ ਦਾ ਯੂ-ਟਰਨ, ਸ਼ਹੀਦ ਕਿਸਾਨਾਂ ਬਾਰੇ ਟਿੱਪਣੀ ਲਈ ਮੰਗੀ ਮਾਫੀ
ਸ਼ਨੀਵਾਰ ਪੱਤਰਕਾਰਾਂ ਨੇ ਜਦੋਂ ਮੰਤਰੀ ਤੋਂ ਦਿੱਲੀ ਦੀਆਂ ਸੀਮਾਵਾਂ ਉੱਤੇ ਅੰਦੋਲਨ ਦੌਰਾਨ ਕਥਿਤ ਤੌਰ ਉੱਤੇ 200 ਕਿਸਾਨਾਂ ਦੀ ਮੌਤ ਬਾਰੇ ਸੁਆਲ ਪੁੱਛਿਆ, ਤਾਂ ਉਨ੍ਹਾਂ ਤੁਰੰਤ ਜਵਾਬ ਦਿੱਤਾ ਕਿ ਜੇ ਉਹ ਆਪਣੇ ਘਰਾਂ ’ਚ ਹੁੰਦੇ, ਤਾਂ ਕੀ ਉਹ ਨਾ ਮਰਦੇ।
ਚੰਡੀਗੜ੍ਹ: ਕਿਸਾਨ ਅੰਦੋਲਨ ਵਿੱਚ 200 ਤੋਂ ਵੱਧ ਮੌਤਾਂ ਬਾਰੇ ਵਿਵਾਦਤ ਬਿਆਨ ਦੇਣ ਮਗਰੋਂ ਹਰਿਆਣਾ ਦੇ ਖੇਤੀਬਾੜੀ ਮੰਤਰੀ ਜੇਪੀ ਦਲਾਲ ਕਸੂਤੇ ਘਿਰ ਗਏ। ਦੇਸ਼ ਭਰ ਵਿੱਚ ਅਲੋਚਨਾ ਮਗਰੋਂ ਉਨ੍ਹਾਂ ਨੇ ਮਾਫੀ ਮੰਗ ਲਈ ਹੈ। ਉਨ੍ਹਾਂ ਨੇ ਆਪਣੇ ਬਿਆਨ ‘ਤੇ ਸਪਸ਼ਟੀਕਰਨ ਦਿੰਦਿਆ ਮਾਫੀ ਮੰਗੀ ਹੈ।
ਜੇਪੀ ਦਲਾਲ ਦਾ ਕਹਿਣਾ ਹੈ ਕਿ ਜੇ ਕਿਸੇ ਨੂੰ ਮੇਰੇ ਬਿਆਨ ਨਾਲ ਠੇਸ ਪਹੁੰਚੀ ਹੈ, ਤਾਂ ਮੈਂ ਮੁਆਫੀ ਮੰਗਦਾ ਹਾਂ, ਮੇਰੇ ਬਿਆਨ ਦਾ ਗਲਤ ਪ੍ਰਚਾਰ ਕੀਤਾ ਗਿਆ ਹੈ। ਦਲਾਲ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਹਮੇਸ਼ਾਂ ਹੀ ਕਿਸਾਨਾਂ ਦੀ ਭਲਾਈ ਚਾਹੁੰਦੀ ਹੈ।
ਦਰਅਸਲ ਸ਼ਨੀਵਾਰ ਪੱਤਰਕਾਰਾਂ ਨੇ ਜਦੋਂ ਮੰਤਰੀ (Haryana Agriculture Minister) ਤੋਂ ਦਿੱਲੀ ਦੀਆਂ ਸੀਮਾਵਾਂ ਉੱਤੇ ਅੰਦੋਲਨ ਦੌਰਾਨ ਕਥਿਤ ਤੌਰ ਉੱਤੇ 200 ਕਿਸਾਨਾਂ ਦੀ ਮੌਤ ਬਾਰੇ ਸੁਆਲ ਪੁੱਛਿਆ, ਤਾਂ ਉਨ੍ਹਾਂ ਤੁਰੰਤ ਜਵਾਬ ਦਿੱਤਾ ਕਿ ਜੇ ਉਹ ਆਪਣੇ ਘਰਾਂ ’ਚ ਹੁੰਦੇ, ਤਾਂ ਕੀ ਉਹ ਨਾ ਮਰਦੇ। ਉਨ੍ਹਾਂ ਕਿਹਾ ਕਿ ਅੰਦੋਲਨ ਦੌਰਾਨ ਸਾਰੇ ਕਿਸਾਨ ਦਿਲ ਦਾ ਦੌਰਾ ਪੈਣ, ਬੁਖ਼ਾਰ ਤੇ ਅਜਿਹੇ ਕੁਝ ਹੋਰ ਕਾਰਨਾਂ ਕਰਕੇ ਮਰੇ ਹਨ। ਖੇਤੀ ਮੰਤਰੀ ਮੁਤਾਬਕ ਦੇਸ਼ ਵਿੱਚ ਜੇ ਔਸਤਨ ਮੌਤਾਂ ਨੂੰ ਅੰਦੋਲਨਕਾਰੀ ਕਿਸਾਨਾਂ ਦੀ ਗਿਣਤੀ ਨਾਲ ਮਿਲਾਇਆ ਜਾਵੇ, ਤਾਂ ਸਾਰੀ ਸੱਚਾਈ ਸਾਹਮਣੇ ਆ ਜਾਵੇਗੀ।
ਇਸ ਮਗਰੋਂਕਾਂਗਰਸ ਦੇ ਸੰਸਦ ਮੈਂਬਰ ਦੀਪੇਂਦਰ ਸਿੰਘ ਹੁੱਡਾ (Deependra Singh Hudda) ਨੇ ਟਵੀਟ ਕਰਕੇ ਮੰਤਰੀ ਦੀ ਵੀਡੀਓ ਸ਼ੇਅਰ ਕੀਤੀ ਹੈ। ਹੁੱਡਾ ਨੇ ਕਿਹਾ ਕਿ ਹਰਿਆਣਾ ਦੇ ਖੇਤਰੀ ਮੰਤਰੀ ਜੇਪੀ ਦਲਾਲ ਸਾਹਿਬ, ਉਹ ਜੋ ਚਲੇ ਗਏ, ਉਹ ਕਿਸਾਨ ਵੀ ਕਿਸੇ ਦੇ ਲਾਲ ਸਨ।
ਜਦੋਂ ਮੰਤਰੀ ਤੋਂ ਪੁੱਛਿਆ ਗਿਆ ਕਿ ਕੀ ਕਿਸਾਨ ਅੰਦੋਲਨ ’ਚ ਮਾਰੇ ਗਏ ਲੋਕਾਂ ਪ੍ਰਤੀ ਉਨ੍ਹਾਂ ਦੀ ਕੋਈ ਸੰਵੇਦਨਾ ਨਹੀਂ, ਤਾਂ ਉਨ੍ਹਾਂ ਕਿਹਾ ਕਿ ਦੇਸ਼ ਸਾਰੇ 135 ਕਰੋੜ ਲੋਕਾਂ ਪ੍ਰਤੀ ਉਨ੍ਹਾਂ ਦੀਆਂ ਸੰਵੇਦਨਾਵਾਂ ਹਨ। ਅਜਿਹੇ ਗੰਭੀਰ ਸੁਆਲਾਂ ਦੌਰਾਨ ਜੇਪੀ ਦਲਾਲ ਮੁਸਕਰਾਉਂਦੇ ਰਹੇ ਤੇ ਉਨ੍ਹਾਂ ਨਾਲ ਬੈਠੇ ਲੋਕ ਉੱਚੀ-ਉੱਚੀ ਹੱਸਦੇ ਵੀ ਰਹੇ। ਮੰਤਰੀ ਨੇ ਇਹ ਵੀ ਕਿਹਾ ਕਿ ਆਮ ਕਿਸਾਨ ਭੋਲਾ-ਭਾਲਾ ਹੈ, ਕੁਝ ਲੋਕਾਂ ਨੂੰ ਉਕਸਾ ਕੇ ਲਿਜਾਂਦਾ ਗਿਆ ਤੇ ਕੁਝ ਨੂੰ ਜ਼ਬਰਦਸਤੀ; ਕੁਝ ਦਿਨਾਂ ’ਚ ਇਹ ਸ਼ਾਂਤ ਹੋ ਜਾਣਗੇ।
ਇਹ ਵੀ ਪੜ੍ਹੋ: Punjab Municipal election 2021: 9,222 ਉਮੀਦਵਾਰ ਦੀ ਕਿਸਮਤ ਦੇ ਫੈਸਲੇ ਲਈ ਵੋਟਿੰਗ, ਕਈ ਥਾਈਂ ਮਸ਼ੀਨਾਂ ਖਰਾਬ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904
Before You Go
CM ਮਾਨ ਦਾ ਤਿੱਖਾ ਵਾਰ! 'ਵਿਰੋਧੀ ਲੋਕਾਂ ਨੂੰ ਭੜਕਾ ਰਹੇ ਹਨ'
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
