Independence Day 2021 Live: ਪੀਐਮ ਮੋਦੀ ਨੇ ਲਾਲਕਿਲ੍ਹਾ 'ਤੇ ਫਹਿਰਾਇਆ ਤਿਰੰਗਾ, ਦੇਸ਼ ਨੂੰ ਕਰ ਰਹੇ ਸੰਬੋਧਨ

ਪੀਐਮ ਮੋਦੀ ਨੇ ਲਾਲਕਿਲ੍ਹਾ 'ਤੇ ਤਿਰੰਗਾ ਫਹਿਰਾਇਆ। ਉਨ੍ਹਾਂ ਕਿਹਾ ਸਾਡਾ ਦੇਸ਼ ਨਹਿਰੂ-ਪਟੇਲ ਜਿਹੇ ਪੁਰਖਿਆਂ ਦਾ ਕਰਜ਼ਦਾਰ ਰਹੇਗਾ।

ਪਿਛੋਕੜ

ਲਾਲ ਕਿਲ੍ਹਾ ਪਹੁੰਚੇ ਪੀਐਮ ਮੋਦੀਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਲਾਲ ਕਿਲ੍ਹਾ ਪਹੁੰਚ ਗਏ ਹਨ। ਇੱਥੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ, ਅਜੇ ਭੱਟ, ਚੀਫ਼ ਆਫ ਡਿਫੈਂਸ ਸਟਾਫ ਜਨਰਲ ਬਿਪਿਨ ਰਾਵਤ, ਰੱਖਿਆ ਸਕੱਤਰ ਤੇ ਫੌਜ ਦੇ ਤਿੰਨਾਂ ਅੰਗਾਂ ਦੇ ਮੁਖੀਆਂ ਨੇ ਉਨ੍ਹਾਂ ਦੀ ਆਗਵਾਨੀ ਕੀਤੀ। ਲਾਲ ਕਿਲ੍ਹੇ 'ਤੇ 75ਵੇਂ ਆਜ਼ਾਦੀ ਦਿਹਾੜੇ ਦੇ ਸਮਾਗਮ ਦੀ ਜ਼ਿੰਮੇਵਾਰੀ ਜਲਸੈਨਾ ਦੇ ਹਵਾਲੇ ਹੈ।ਪੀਐਮ ਨੇ ਮਹਾਤਮਾ ਗਾਂਧੀ ਨੂੰ ਦਿੱਤੀ ਸ਼ਰਧਾਂਜਲੀ ਪੀਐਮ ਮੋਦੀ ਨੇ ਰਾਜਘਾਟ ਜਾਕੇ ਮਹਾਤਮਾ ਗਾਂਧੀ ਨੂੰ ਸ਼ਰਧਾਂਜਲੀ ਦਿੱਤੀ।ਦੇਸ਼ ਭਰ 'ਚ ਅੱਜ 75ਵਾਂ ਆਜ਼ਾਦੀ ਦਿਹਾੜਾ ਮਨਾਇਆ ਜਾ ਰਿਹਾ ਹੈ। ਲਾਲ ਕਿਲ੍ਹੇ ਤੋਂ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਅੱਜ ਜਿੱਥੇ ਦੇਸ਼ਵਾਸੀਆਂ ਸੰਬੋਧਨ ਕਰਨਗੇ। ਉੱਥੇ ਹੀ ਤਿਰੰਗਾ ਫਹਿਰਾਉਣਗੇ 

15/08/2021 09:54:37

ਭਾਰਤ ਦੇ ਸੁਫ਼ਨਿਆਂ ਨੂੰ ਪੂਰਾ ਕਰਨ ਤੋਂ ਕੋਈ ਵੀ ਅੜਚਨ ਰੋਕ ਨਹੀਂ ਸਕਦੀ-ਮੋਦੀ

ਪੀਐਮ ਮੋਦੀ ਨੇ ਕਿਹਾ-21ਵੀਂ ਸਦੀ 'ਚ ਭਾਰਤ ਦੇ ਸੁਫ਼ਨਿਆਂ ਤੇ ਇੱਛਾਵਾਂ ਨੂੰ ਪੂਰਾ ਕਰਨ ਤੋਂ ਕੋਈ ਵੀ ਅੜਚਨ ਰੋਕ ਨਹੀਂ ਸਕਦੀ। ਸਾਡੀ ਤਕਾਤ ਸਾਡੀ ਇਕਜੁੱਟਤਾ ਹੈ। ਸਾਡੀ ਸ਼ਕਤੀ, ਰਾਸ਼ਟਰ ਪਹਿਲ, ਸਦਾ ਪਹਿਲ ਦੀ ਭਾਵਨਾ ਹੈ। ਇਹੀ ਸਮਾ ਹੈ, ਸਹੀ ਸਮਾਂ ਹੈ, ਭਾਰਤ ਦਾ ਅਨਮੋਲ ਸਮਾਂ ਹੈ। ਕੁਝ ਅਜਿਹਾ ਨਹੀਂ ਜੋ ਕਰ ਨਾ ਸਕੋ, ਕੁਝ ਅਜਿਹਾ ਨਹੀਂ ਜੋ ਪਾ ਨਾ ਸਕੋ, ਤੁਸੀਂ ਉੱਠ ਜਾਓ, ਜੁੱਟ ਜਾਓ, ਸਮਰੱਥਾ ਪਛਾਣੋ, ਫਰਜ਼ ਨੂੰ ਜਾਣੋ, ਭਾਰਤ ਦਾ ਇਹ ਅਨਮੋਲ ਸਮਾਂ ਹੈ, ਇਹੀ ਸਮਾ ਹੈ, ਸਹੀ ਸਮਾਂ ਹੈ।

15/08/2021 09:50:40

Reforms ਨੂੰ ਲਾਗੂ ਕਰਨ ਲਈ Good ਤੇ Smart Governance ਚਾਹੀਦੀ- ਮੋਦੀ

ਮੋਦੀ ਨੇ ਕਿਹਾ-Reforms ਨੂੰ ਲਾਗੂ ਕਰਨ ਲਈ Good ਤੇ Smart Governance ਚਾਹੀਦੀ ਹੈ। ਅੱਜ ਦੁਨੀਆਂ ਇਸ ਗੱਲ ਦੀ ਵੀ ਗਵਾਹ ਹੈ ਕਿ ਕਿਵੇਂ ਭਾਰਤ ਆਪਣੇ ਇੱਥੇ ਗਵਰਨੈਂਸ ਦਾ ਨਵਾਂ ਪੰਨਾ ਲਿਖ ਰਿਹਾ ਹੈ। ਮੈਂ ਅੱਜ ਅਪੀਲ ਕਰ ਰਿਹਾ ਹਾਂ ਕੇਂਦਰ ਹੋਵੇ ਜਾਂ ਸੂਬਾ ਸਾਰਿਆਂ ਨੂੰ ਵਿਭਾਗਾਂ ਤੋਂ ਸਾਰੇ ਸਰਕਾਰੀ ਦਫ਼ਤਰਾਂ ਤੋਂ, ਆਪਣੇ ਇੱਥੇ ਨਿਯਮਾਂ-ਪ੍ਰਕਿਰਿਆਵਾਂ ਦੀ ਸਮੀਖਿਆ ਦਾ ਅਭਿਆਨ ਚਲਾਓ। ਹਰ ਉਹ ਨਿਯਮ, ਹਰ ਉਹ ਪ੍ਰਕਿਰਿਆ ਜੋ ਦੇਸ਼ ਨੂੰ ਲੋਕਾਂ ਸਾਹਮਮੇ ਅੜਿੱਕਾ ਬਣਕੇ, ਬੋਝ ਬਣਕੇ, ਖੜੀ ਹੋਈ ਹੈ ਉਸ ਨੂੰ ਦੂਰ ਕਰਨਾ ਹੀ ਹੋਵੇਗਾ। 

15/08/2021 09:18:40

ਦੇਸ਼ ਦੇ ਸਾਰੇ ਸੈਨਿਕ ਸਕੂਲਾਂ 'ਚ ਹੁਣ ਬੇਟੀਆਂ ਵੀ ਪੜ੍ਹਨਗੀਆਂ- ਮੋਦੀ

ਪੀਐਮ ਮੋਦੀ ਨੇ ਦੱਸਿਆ ਕਿ ਅੱਜ ਮੈਂ ਇਕ ਖੁਸ਼ੀ ਦੇਸ਼ਵਾਸੀਆਂ ਨਾਲ ਸਾਂਝੀ ਕਰ ਰਿਹਾ ਹਾਂ। ਮੈਨੂੰ ਲੱਖਾਂ ਬੇਟੀਆਂ ਦੇ ਸੰਦੇਸ਼ ਮਿਲਦੇ ਸਨ ਕਿ ਉਹ ਵੀ ਸੈਨਿਕ ਸਕੂਲ 'ਚ ਪੜ੍ਹਨਾ ਚਾਹੁੰਦੀਆਂ ਹਨ। ਉਨ੍ਹਾਂ ਲਈ ਵੀ ਸੈਨਿਕ ਸਕੂਲਾਂ ਦੇ ਦਰਵਾਜ਼ੇ ਖੋਲ੍ਹੇ ਜਾਣ। ਦੋ-ਢਾਈ ਸਾਲ ਪਹਿਲਾਂ ਮਿਜ਼ੋਰਮ ਦੇ ਸੈਨਿਕ ਸਕੂਲ 'ਚ ਪਹਿਲੀ ਵਾਰ ਬੇਟੀਆਂ ਨੂੰ ਦਾਖਲਾ ਦੇਣ ਦਾ ਪ੍ਰਯੋਗ ਕੀਤਾ ਗਿਆ ਸੀ। ਹੁਣ ਸਰਕਾਰ ਨੇ ਤੈਅ ਕੀਤਾ ਹੈ ਕਿ ਦੇਸ਼ ਦੇ ਸਾਰੇ ਸੈਨਿਕ ਸਕੂਲਾਂ ਨੂੰ ਦੇਸ਼ ਦੀਆਂ ਬੇਟੀਆਂ ਲਈ ਵੀ ਖੋਲ੍ਹ ਦਿੱਤਾ ਜਾਵੇਗਾ।

15/08/2021 09:15:49

ਮੈਂ ਕੰਮ ਦੇ ਨਤੀਜੇ 'ਤੇ ਵਿਸ਼ਵਾਸ ਰੱਖਦਾ ਹਾਂ- ਮੋਦੀ

ਮੋਦੀ ਨੇ ਕਿਹਾ ਜਿਹੜੇ ਸੰਕਲਪਾਂ ਦਾ ਬੀੜਾ ਅੱਜ ਦੇਸ਼ ਨੇ ਚੁੱਕਿਆ ਹੈ, ਉਨ੍ਹਾਂ ਨੂੰ ਪੂਰਾ ਕਰਨ ਲਈ ਦੇਸ਼ ਦੇ ਹਰ ਜਨ ਨੂੰ ਉਨ੍ਹਾਂ ਨਾਲ ਜੁੜਨਾ ਹੋਵੇਗਾ। ਹਰ ਦੇਸ਼ਵਾਸੀ ਨੂੰ ਇਸ ਨੂੰ ਅਪਣਾਉਮਾ ਹੋਵੇਗਾ। ਦੇਸ਼ ਦੇ ਜਲ ਰੱਖਿਆ ਦਾ ਅਭਿਆਨ ਸ਼ੁਰੂ ਕੀਤਾ ਹੈ ਤਾਂ ਸਾਡਾ ਫਰਜ਼ ਬਣਦਾ ਹੈ ਪਾਣੀ ਬਚਾਉਣ ਨੂੰ ਆਪਣੀ ਆਦਤ ਬਣਾਉਣਾ। 

15/08/2021 09:12:54

ਪੀਐਮ ਮੋਦੀ ਨੇ ਕੀਤੀ National Hydrogen Mission ਦਾ ਐਲਾਨ

ਮੋਦੀ ਨੇ ਕਿਹਾ ਭਾਰਤ ਅੱਜ ਜੋ ਵੀ ਕੰਮ ਕਰ ਰਿਹਾ ਹੈ ਉਸ 'ਚ ਸਭ ਤੋਂ ਵੱਡਾ ਟੀਚਾ ਹੈ ਜੋ ਭਾਰਤ ਨੂੰ ਕੁਆਂਟਮ ਜੰਮ ਦੇਣ ਵਾਲਾ ਹੈ-ਉਹ ਹੈ ਗ੍ਰੀਨ ਹਾਈਡ੍ਰੋਜਨ ਦਾ ਖੇਤਰ। ਮੈਂ ਅੱਜ ਤਿਰੰਗੇ ਦੀ ਹਾਜ਼ਰੀ 'ਚ National Hydrogen Mission ਦਾ ਐਲਾਨ ਕਰ ਰਿਹਾ ਹਾਂ। ਭਾਰਤ ਦੀ ਤਰੱਕੀ ਲਈ ਆਤਮ-ਨਿਰਭਰ ਭਾਰਤ ਬਣਾਉਣ ਲਈ ਭਾਰਤ ਦਾ Energy Independent ਹੋਣਾ ਜ਼ਰੂਰੀ ਹੈ। ਇਸ ਲਈ ਅੱਜ ਭਾਰਤ ਨੂੰ ਇਹ ਸੰਕਲਪ ਲੈਣਾ ਹੋਵੇਗਾ ਕਿ ਅਸੀਂ ਆਜ਼ਾਦੀ ਦੇ 100 ਸਾਲ ਹੋਣ ਤੋਂ ਪਹਿਲਾਂ ਭਾਰਤ ਨੂੰ Energy Independent ਬਣਾਵਾਂਗੇ।

15/08/2021 08:53:53

ਜੰਮੂ ਹੋਵੇ ਜਾਂ ਕਸ਼ਮੀਰ, ਵਿਕਾਸ ਦਾ ਸੰਤੁਲਨ ਹੁਣ ਜ਼ਮੀਨ 'ਤੇ ਦਿਖ ਰਿਹਾ ਹੈ-ਮੋਦੀ

ਸਾਰਿਆਂ ਨੂੰ ਉੱਚਿਤ ਮੌਕੇ ਦੇਣਾ, ਇਹੀ ਲੋਕਤੰਤਰਿਕ ਦੀ ਅਸਲੀ ਭਾਵਨਾ ਹੈ। ਜੰਮੂ ਹੋਵੇ ਜਾਂ ਕਸ਼ਮੀਰ ਵਿਕਾਸ ਦਾ ਸੰਤੁਲਨਹੁਣ ਜ਼ਮੀਨ 'ਤੇ ਦਿਖ ਰਿਹਾ ਹੈ। ਜੰਮੂ-ਕਸ਼ਮੀਰ 'ਚ ਡੀ-ਲਿਮਿਟੇਸ਼ਨ ਕਮਿਸ਼ਨ ਦਾ ਗਠਨ ਹੋ ਚੁੱਕਾ ਹੈ ਤੇ ਭਵਿੱਖ 'ਚ ਵਿਧਾਨ ਸਭਾ ਚੋਣਾਂ ਲਈ ਵੀ ਤਿਆਰੀ ਚੱਲ ਰਹੀ ਹੈ। ਲੱਦਾਖ ਵੀ ਵਿਕਾਸ ਦੀਆਂ ਆਪਣੀਆਂ ਅਸੀਮ ਸੰਭਾਵਨਾਵਾਂ ਵੱਲ ਅੱਗੇ ਵਧ ਰਿਹਾ ਹੈ। ਇਕ ਪਾਸੇ ਲੱਦਾਖ, ਆਧੁਨਿਕ ਇੰਫ੍ਰਾਸਟ੍ਰਕਚਰ ਦਾ ਨਿਰਮਾਣ ਹੁੰਦਿਆਂ ਦੇਖ ਰਿਹਾ ਹੈ ਤੇ ਦੂਜੇ ਪਾਸੇ ਸਿੰਧੂ ਸੈਂਟਰਲ ਯੂਨੀਵਰਸਿਟੀ ਲੱਦਾਖ ਨੂੰ ਉੱਚ ਸਿੱਖਿਆ ਦਾ ਕੇਂਦਰ ਵੀ ਬਣਾਉਣ ਜਾ ਰਹੀ ਹੈ।

15/08/2021 08:49:55

ਨੌਰਥ-ਈਸਟ 'ਚ ਕਨੈਕਟੀਵਿਟੀ ਦਾ ਨਵਾਂ ਇਤਿਹਾਸ ਲਿਖਿਆ ਜਾ ਰਿਹਾ- ਮੋਦੀ

ਪੀਐਮ ਮੋਦੀ ਨੇ ਕਿਹਾ ਅੱਜ ਨੌਰਥ ਈਸਟ 'ਚ ਕਨੈਕਟੀਵਿਟੀ ਦਾ ਨਵਾਂ ਇਤਿਹਾਸ ਲਿਖਿਆ ਜਾ ਰਿਹਾ ਹੈ। ਇਹ ਕਨੈਕਟੀਵਿਟੀ ਦਿਲਾਂ ਦੀ ਵੀ ਹੈ ਤੇ ਇੰਫ੍ਰਾਸਟ੍ਰਕਚਰ ਵੀ ਹੈ। ਬਹੁਤ ਜਲਦ ਨੌਰਥ ਈਸਟ ਦੇ ਸਾਰੇ ਸੂਬਿਆਂ ਦੀਆਂ ਰਾਜਧਾਨੀਆਂ ਨੂੰ ਰੇਲ ਸੇਵਾ ਨਾਲ ਜੋੜਨ ਦਾ ਕੰਮ ਪੂਰਾ ਹੋਣ ਵਾਲਾ ਹੈ। ਸਾਡਾ ਪੂਰਬੀ ਭਾਰਤ, ਨੌਰਥ ਈਸਟ, ਜੰਮੂ-ਕਸ਼ਮੀਰ, ਲੱਦਾਖ ਸਮੇਤ ਪੂਰਾ ਹਿਮਾਲਿਆਂ ਦਾ ਖੇਤਰ ਹੈ ਜੋ ਸਾਡੀ ਕੋਸਟਲ ਬੈਲਟ ਜਾਂ ਫਿਰ ਆਦਿਵਾਸੀ ਇਹ ਭਵਿੱਥ 'ਚ ਭਾਰਤ ਦੇ ਵਿਕਾਸ ਦਾ ਵੱਡਾ ਆਧਾਰ ਹੋਣਗੇ।

15/08/2021 08:44:07

2024 ਤਕ ਹਰ ਯੋਜਨਾ ਦੇ ਮਾਧਿਅਮ ਨਾਲ ਮਿਲਣ ਵਾਲਾ ਚੌਲ ਫੋਰਟੀਫਾਈ ਕਰ ਦਿੱਤਾ ਜਾਵੇਗਾ- ਮੋਦੀ

ਪੀਐਮ ਮੋਦੀ ਨੇ ਕਿਹਾ- ਸਰਕਾਰ ਆਪਣੀਆਂ ਵੱਖ-ਵੱਖ ਯੋਜਨਾਵਾਂ ਦੇ ਤਹਿਤ ਜੋ ਚਾਵਲ ਗਰੀਬਾਂ ਨੂੰ ਦਿੰਦੀ ਹੈ ਉਸ ਨੂੰ ਪੋਸ਼ਣ ਭਰਪੂਰ ਕਰੇਗੀ। ਗਰੀਬਾਂ ਨੂੰ ਪੋਸ਼ਣ ਭਰਪੂਰ ਚੌਲ ਦਿੱਤੇ ਜਾਣਗੇ। ਰਾਸ਼ਨ ਦੀ ਦੁਕਾਨ 'ਤੇ ਮਿਲਣ ਵਾਲੇ ਚੌਲ ਹੋਣ, ਮਿਡ ਡੇਅ ਮੀਲ 'ਚ ਮਿਲਣ ਵਾਲੇ ਚੌਲ ਹੋਣ, ਸਾਲ 2024 ਤਕ ਹਰ ਯੋਜਨਾ ਦੇ ਮਾਧਿਅਮ ਰਾਹੀਂ ਮਿਲਣ ਵਾਲੇ ਚੌਲ ਫੋਰਟੀਫਾਈ ਕਰ ਦਿੱਤੇ ਜਾਣਗੇ। 21ਵੀਂ ਸਦੀ 'ਚ ਭਾਰਤ ਨੂੰ ਨਵੀਆਂ ਉਚਾਈਆਂ 'ਤੇ ਪਹੁੰਚਾਉਣ ਲਈ ਭਾਰਤ ਦੀ ਸਮਰੱਥਾ ਦਾ ਸਹੀ ਇਸਤੇਮਾਲ, ਪੂਰਾ ਇਸਤੇਮਾਲ ਜ਼ਰੂਰੀ ਹੈ। ਇਸ ਲਈ ਜੋ ਵਰਗ ਪਿੱਛੇ ਹੈ, ਜੋ ਖੇਤਰ ਪਿੱਛੇ ਹੈ, ਸਾਨੂੰ ਉਨ੍ਹਾਂ ਦੀ ਹੈਂਡ-ਹੈਂਡਲਿੰਗ ਕਰਨੀ ਹੀ ਹੋਵੇਗੀ।

15/08/2021 08:33:07

ਦੇਸ਼ ਦੇ ਹਰ ਗਰੀਬ ਤਕ ਪੋਸ਼ਣ ਪਹੁੰਚਾਉਣਾ ਵੀ ਸਰਕਾਰ ਦੀ ਪਹਿਲ-ਮੋਦੀ

ਪੀਐਮ ਮੋਦੀ ਨੇ ਕਿਹਾ ਕਿ ਜਦੋਂ ਸਰਕਾਰ ਇਹ ਟੀਚਾ ਬਣਾ ਕੇ ਚੱਲਦੀ ਹੈ ਕਿ ਅਸੀਂ ਸਮਾਜ ਦੀ ਆਖਰੀ ਲਾਈਨ 'ਚ ਜੋ ਵਿਅਕਤੀ ਖੜਾ ਹੈ ਉਸ ਤ ਪਹੁੰਚਣਾ ਹੈ ਤਾਂ ਨਾ ਕੋਈ ਭੇਦਭਾਵ ਹੋ ਪਾਉਂਦਾ ਹੈ ਨਾ ਹੀ ਭ੍ਰਿਸ਼ਟਾਚਾਰ ਦੀ ਗੁੰਜਾਇਸ਼ ਰਹਿੰਦੀ ਹੈ। ਦੇਸ਼ ਦੇ ਹਰ ਗਰੀਬ ਵਿਅਕਤੀ ਤਕ ਪੋਸ਼ਣ ਪਹੁੰਚਣਾ ਵੀ ਸਰਕਾਰ ਦੀ ਪਹਿਲ ਹੈ।

15/08/2021 08:29:41

ਪਹਿਲਾਂ ਦੇ ਮੁਕਾਬਲੇ ਅਸੀਂ ਤੇਜ਼ੀ ਨਾਲ ਅੱਗੇ ਵਧੇ- ਮੋਦੀ

ਪੀਐਮ ਮੋਦੀ ਨੇ ਕਿਹਾ ਕਿ ਅੱਜ ਸਰਕਾਰੀ ਯੋਜਨਾਵਾਂ ਦੀ ਗਤੀ ਵਧੀ ਹੈ ਤੇ ਨਿਰਧਾਰਤ ਟੀਚਿਆਂ ਨੂੰ ਪ੍ਰਾਪਤ ਕਰ ਰਹੀ ਹੈ। ਪਹਿਲਾਂ ਦੇ ਮੁਕਾਬਲੇ ਅਸੀਂ ਤੇਜ਼ੀ ਨਾਲ ਅੱਗੇ ਵਧੇ ਪਰ ਸਿਰਫ਼ ਇੱਥੇ ਗੱਲ ਪੂਰੀ ਨਹੀਂ ਹੁੰਦੀ। ਹੁਣ ਅਸੀਂ ਪੂਰਨਤਾ ਤਕ ਜਾਣਾ ਹੈ। ਸਾਡੇ ਵਿਗਿਆਨੀਆਂ ਤੇ ਉੱਦਮੀਆਂ ਦੀ ਤਾਕਤ ਜਾ ਹੀ ਨਤੀਜਾ ਹੈ ਕਿ ਅੱਜ ਭਾਰਤ ਨੂੰ ਕਿਸੇ ਹੋਰ ਦੇਸ਼ 'ਤੇ ਨਿਰਭਰ ਨਹੀਂ ਹੋਣਾ ਪਿਆ। ਅੱਜ ਅਸੀਂ ਮਾਣ ਨਾਲ ਕਹਿ ਸਕਦੇ ਹਾਂ ਕਿ ਦੁਨੀਆਂ ਦਾ ਸਭ ਤੋਂ ਵੱਡਾ ਵੈਕਸੀਨੇਸ਼ਨ ਪ੍ਰੋਗਰਾਮ ਭਾਰਤ ਚਲਾ ਰਿਹਾ ਹੈ। ਅਸੀਂ 54 ਕਰੋੜ ਤੋਂ ਜ਼ਿਆਦਾ ਲੋਕਾਂ ਨੂੰ ਵੈਕਸੀਨ ਲਾ ਚੁੱਕੇ ਹਾਂ।

15/08/2021 08:09:37

ਸਾਡੇ ਕੋਲ ਗਵਾਉਣ ਲਈ ਇਕ ਪਲ ਵੀ ਨਹੀਂ ਹੈ- ਮੋਦੀ

ਪੀਐਮ ਮੋਦੀ ਨੇ ਕਿਹਾ ਕਿ ਅੰਮ੍ਰਿਤਕਾਲ ਦਾ ਟੀਚਾ ਹੈ ਭਾਰਤ ਤੇ ਭਾਰਤ ਦੇ ਨਾਗਰਿਕਾਂ ਲਈ ਤਰੱਕੀ ਦੇ ਨਵੇਂ ਸਿਖਰਾਂ ਨੂੰ ਛੂਹਣਾ। ਇਕ ਅਜਿਹੇ ਭਾਰਤ ਦਾ ਨਿਰਮਾਣ ਜਿੱਥੇ ਸੁਵਿਧਾਵਾਂ ਦਾ ਪੱਧਰ ਪਿੰਡ ਤੇ ਸ਼ਹਿਰ ਨੂੰ ਵੰਡਣ ਵਾਲਾ ਨਾ ਹੋਵੇ। ਇਕ ਅਜਿਹੇ ਭਾਰਤ ਦਾ ਨਿਰਮਾਣ ਜਿੱਥੇ ਨਾਗਰਿਕਾਂ ਦੀ ਜ਼ਿੰਦਗੀ 'ਚ ਸਰਕਾਰ ਬੇਵਜ੍ਹਾ ਦਖਲ ਨਾ ਦੇਵੇ। ਅਸੀਂ ਹੁਣੇ ਤੋਂ ਜੁੱਟ ਜਾਣਾ ਹੈ। ਸਾਡੇ ਕੋਲ ਗਵਾਉਣ ਲਈ ਇਕ ਪਲ ਵੀ ਨਹੀਂ ਹੈ। ਇਹੀ ਸਮਾ ਹੈ, ਸਹੀ ਸਮਾਂ ਹੈ। ਬਦਲਦੇ ਹੋਏ ਯੁੱਗ ਦੇ ਅਨੁਕੂਲ ਅਸੀਂ ਵੀ ਆਪਣੇ ਆਪ ਨੂੰ ਢਾਲਣਾ ਹੋਵੇਗਾ। ਸਭ ਦਾ ਸਾਥ, ਸਭ ਦਾ ਵਿਕਾਸ ਤੇ ਸਭ ਦਾ ਵਿਸ਼ਵਾਸ ਇਸ ਸ਼ਰਧਾ ਦੇ ਨਾਲ ਅਸੀਂ ਜੁੱਟ ਚੁੱਕੇ ਹਾਂ।

15/08/2021 08:06:05

ਅਸੀਂ ਹੁਣ ਸੈਚੂਰੇਸ਼ਨ ਵੱਲ ਜਾਣਾ ਹੈ -ਮੋਦੀ

ਮੋਦੀ ਨੇ ਕਿਹਾ ਹੁਣ ਅਸੀਂ ਸੈਚੂਰੇਸ਼ਨ ਵੱਲ ਜਾਣਾ ਹੈ। ਸ਼ਤ ਪ੍ਰਤੀਸ਼ਤ ਪਿੰਡਾਂ 'ਚ ਸੜਕਾਂ ਹੋਣ, ਪਰਿਵਾਰਾਂ ਕੋਲ ਬੈਂਕ ਅਕਾਊਂਟ ਹੋਣ, ਲਾਭਪਾਤਰੀਆਂ ਕੋਲ ਆਯੁਸ਼ਮਾਨ ਭਾਰਤ ਦਾ ਕਾਰਡ ਹੋਵੇ, ਸ਼ਤ ਪ੍ਰਤੀਸ਼ਤ ਲੋਕਾਂ ਕੋਲ ਉੱਜਵਲਾ ਯੋਜਨਾ ਦਾ ਗੈਸ ਕੁਨੈਕਸ਼ਨ ਹੋਵੇ।

15/08/2021 08:03:22

ਦੇਸ਼ ਨਹਿਰੂ ਜੀ ਤੇ ਪਟੇਲ ਜੀ ਦਾ ਕਰਜ਼ਦਾਰ- ਮੋਦੀ

ਭਾਰਤ ਦੇ ਪਹਿਲੇ ਪ੍ਰਧਾਨ ਮੰਤਰੀ ਜਵਾਹਰ ਲਾਲ ਨਹਿਰੂ ਜੀ ਹੋਣ, ਦੇਸ਼ ਨੂੰ ਇਕਜੁੱਟ ਰਾਸ਼ਟਰ 'ਚ ਬਦਲਣ ਵਾਲੇ ਸਰਦਾਰ ਪਟੇਲ ਹੋਣ ਜਾਂ ਭਾਰਤ ਨੂੰ ਭਵਿੱਖ ਦਾ ਰਾਹ ਦਿਖਾਉਣ ਵਾਲੇ ਬਾਬਾ ਸਾਹਬ ਅੰਬੇਦਕਰ, ਦੇਸ਼ ਅਜਿਹੇ ਹਰ ਵਿਅਕਤੀ ਨੂੰ ਯਾਦ ਕਰ ਰਿਹਾ ਹੈ, ਦੇਸ਼ ਇਨਾਂ ਸਭ ਦਾ ਕਰਜ਼ਦਾਰ ਹੈ।

15/08/2021 07:58:51

ਲਾਲ ਕਿਲ੍ਹਾ 'ਤੇ ਝੰਡਾ ਲਹਿਰਾਏ ਜਾਣ ਦੀ ਤਸਵੀਰ

15/08/2021 07:55:32

ਕੋਰੋਨਾ ਦਾ ਇਹ ਕਾਲਖੰਡ ਵੱਡੀ ਚੁਣੌਤੀ ਦੇ ਰੂਪ 'ਚ ਆਇਆ- ਮੋਦੀ

ਪੀਐਮ ਨੇ ਕਿਹਾ ਕੋਰੋਨਾ ਦਾ ਇਹ ਕਾਲਖੰਡ ਵੱਡੀ ਚੁਣੌਤੀ ਦੇ ਰੂਪ 'ਚ ਆਇਆ। ਉਨ੍ਹਾਂ ਕਿਹਾ ਕਿ ਪ੍ਰਗਤੀ ਦੇ ਰਾਹ 'ਤੇ ਵਧ ਰਹੇ ਸਾਡੇ ਦੇਸ਼ ਦੇ ਸਾਹਮਣੇ ਪੂਰੀ ਮਨੁੱਖ ਜਾਤੀ ਦੇ ਸਾਹਮਣੇ ਕੋਰੋਨਾ ਦਾ ਇਹ ਕਾਲਖੰਡ ਵੱਡੀ ਚੁਣੌਤੀ ਦੇ ਰੂਪ 'ਚ ਆਇਆ ਹੈ। ਭਾਰਤ ਵਾਸੀਆਂ ਨੇ ਸੰਯਮ ਤੇ ਧੀਰਜ ਨਾਲ ਇਸ ਲੜਾਈ ਨੂੰ ਲੜਿਆ ਹੈ। ਕੋਰੋਨਾ ਕੌਮੀਂਤਰੀ ਮਹਾਂਮਾਰੀ 'ਚ ਸਾਡੇ ਡਾਕਟਰ, ਸਾਡੀਆਂ ਨਰਸਾਂ, ਸਾਡੇ ਪੈਰਾਮੈਡੀਕਲ ਸਟਾਫ, ਸਫਾਈਕਰਮੀ, ਵੈਕਸੀਨ ਬਣਾਉਣ 'ਚ ਜੁੱਟੇ ਵਿਗਿਆਨੀ ਹੋਣ, ਸੇਵਾ 'ਚ ਜੁੱਟੇ ਨਾਗਰਿਕ ਹੋਣ, ਉਹ ਸਭ ਮਾਣ ਦੇ ਅਧਿਕਾਰੀ ਹਨ।

15/08/2021 07:51:32

ਬਟਵਾਰੇ ਦਾ ਦਰਦ ਅੱਜ ਵੀ ਹਿੰਦੁਸਤਾਨ ਦੇ ਸੀਨੇ ਨੂੰ ਛਲਣੀ ਕਰਦਾ ਹੈ- ਮੋਦੀ

ਪੀਐਮ ਮੋਦੀ ਨੇ ਕਿਹਾ ਕਿ ਅਸੀਂ ਆਜ਼ਾਦੀ ਦਾ ਜਸ਼ਨ ਮਨਾਉਂਦੇ ਹਾਂ। ਪਰ ਬਟਵਾਰੇ ਦਾ ਦਰਦ ਅੱਜ ਵੀ ਹਿੰਦੁਸਤਾਨ ਦੇ ਸੀਨੇ ਨੂੰ ਛਲਨੀ ਕਰਦਾ ਹੈ। ਅਹ ਪਿਛਲੀ ਸ਼ਤਾਬਦੀ ਦੀਆਂ ਸਭ ਤੋਂ ਵੱਡੀਆਂ ਤ੍ਰਸਦੀਆਂ 'ਚੋਂ ਇਕ ਹੈ। ਕੱਲ੍ਹ ਹੀ ਦੇਸ਼ ਨੇ ਭਾਵੁਕ ਫੈਸਲਾ ਲਿਆ ਹੈ। ਹੁਣ ਤੋਂ 14 ਅਗਸਤ ਨੂੰ 'ਵੰਡ ਦਾ ਦੁਖਾਂਤ ਦਿਵਸ' ਵਜੋਂ ਯਾਦ ਕੀਤਾ ਜਾਵੇਗਾ।

15/08/2021 07:48:58

ਪੀਐਮ ਮੋਦੀ ਨੇ ਦਿੱਤੀ ਆਜ਼ਾਦੀ ਦਿਹਾੜੇ ਦੀ ਵਧਾਈ

Independence Day 2021: ਆਜ਼ਾਦੀ ਦੇ 75ਵੇਂ ਵਰ੍ਹੇ 'ਤੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਸਾਰੇ ਦੇਸ਼ਵਾਸੀਆਂ ਨੂੰ ਵਧਾਈ ਦਿੱਤੀ ਹੈ। ਮੋਦੀ ਨੇ ਅੱਜ ਇਸ ਮੌਕੇ ਟਵੀਟ ਕਰਦਿਆਂ ਲਿਖਿਆ, 'ਤਹਾਨੂੰ ਸਭ ਨੰ 75ਵੇਂ ਆਜ਼ਾਦੀ ਦਿਹਾੜੇ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ। ਆਜ਼ਾਦੀ ਦੇ ਅੰਮ੍ਰਿਤ ਮਹਾਂਉਤਸਵ ਦਾ ਇਹ ਸਾਲ ਦੇਸ਼ਵਾਸੀਆਂ 'ਚ ਨਵੀਂ ਊਰਜਾ ਤੇ ਨਵੀਂ ਚੇਤਨਾ ਦਾ ਸੰਚਾਰ ਕਰੇ। ਜਯ ਹਿੰਦ। ਪ੍ਰਧਾਨ ਮੰਤਰੀ ਹੁਣ ਤੋਂ ਕੁਝ ਦੇਰ ਬਾਅਦ ਦੇਸ਼ ਦੇ ਲਾਲ ਕਿਲ੍ਹੇ ਦੀ ਪ੍ਰਾਚੀਰ ਤੋਂ ਦੇਸ਼ ਵਾਸੀਆਂ ਨੂੰ ਸੰਬੋਧਨ ਕਰਨਗੇ।

15/08/2021 07:44:55

ਪੀਐਮ ਮੋਦੀ ਨੇ ਲਾਲਕਿਲ੍ਹਾ 'ਤੇ ਫਹਿਰਾਇਆ ਤਿਰੰਗਾ

ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਨੇ ਲਾਲ ਕਿਲ੍ਹੇ ਤੇ ਆਜ਼ਾਦੀ ਦੇ 75ਵੇਂ ਦਿਹਾੜੇ 'ਤੇ ਤਿਰੰਗਾ ਫਹਿਰਾਇਆ। ਇਸ ਮੌਕੇ ਉਨ੍ਹਾਂ ਕਿਹਾ ਸਾਡਾ ਦੇਸ਼ ਨਹਿਰੂ-ਪਟੇਲ ਵਰਗੇ ਪੁਰਖਿਆਂ ਦਾ ਕਰਜ਼ਦਾਰ ਰਹੇਗਾ।

15/08/2021 07:29:42

ਲਾਲ ਕਿਲ੍ਹਾ ਪਹੁੰਚੇ ਪੀਐਮ ਮੋਦੀ

ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਲਾਲ ਕਿਲ੍ਹਾ ਪਹੁੰਚ ਗਏ ਹਨ। ਇੱਥੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ, ਅਜੇ ਭੱਟ, ਚੀਫ਼ ਆਫ ਡਿਫੈਂਸ ਸਟਾਫ ਜਨਰਲ ਬਿਪਿਨ ਰਾਵਤ, ਰੱਖਿਆ ਸਕੱਤਰ ਤੇ ਫੌਜ ਦੇ ਤਿੰਨਾਂ ਅੰਗਾਂ ਦੇ ਮੁਖੀਆਂ ਨੇ ਉਨ੍ਹਾਂ ਦੀ ਆਗਵਾਨੀ ਕੀਤੀ। ਲਾਲ ਕਿਲ੍ਹੇ 'ਤੇ 75ਵੇਂ ਆਜ਼ਾਦੀ ਦਿਹਾੜੇ ਦੇ ਸਮਾਗਮ ਦੀ ਜ਼ਿੰਮੇਵਾਰੀ ਜਲਸੈਨਾ ਦੇ ਹਵਾਲੇ ਹੈ।